Lajmet

Ish-ministrja Hoxha për aktakuzën: Tendencë politike, po përhapet mjegull kinse kam lobuar për ndarje

Published

5 years ago

on

Prokuroria Speciale ka ngritur aktakuzë për ish-ministren e Integrimit Evropian, Dhurata Hoxha për veprën penale “keqpërdorim i detyrës zyrtare”.

Por sipas ish-ministres Dhurata Hoxha aktakuza është ngritur nga presioni mediatik, derisa shton se aktakuza nuk ka të bëjë me ndarjen as për korrupsion.

Hoxha në një intervistë për Ekonomia Online thotë, thotë se nga të gjithë zyrtarët që e kanë nënshkruar kontratën përfshirë edhe këtë të fundit, të gjithë janë të pafajshëm.

“Fillimisht e kam lexuar lajmin në medie, lidhur me ngritjen e aktakuzës dhe të nesërmen prokuroria ka kontaktuar avokatin tim për ta marr dosjen, por aktakuzën nuk e kemi pranuar as unë as avokati im dhe aktakuza na është dhënë që të dorëzohet në gjykatë, mirëpo më duhet të sqarojë se sipas shikimit fillestar është aktakuzë që nuk i plotëson as minimalisht kriteret që duhet, kriteri në dyshimin e bazuar, pra as në mënyrë minimale nuk e plotëson kriterin”.

“Është një aktakuzë që është bërë nën presionin mediatik, respektivisht të Jeta Xharrës, kinse kjo është ish-ministre ka lobuar kundër ndarjes që nuk është aspak e vërtetë, kjo aktakuzë nuk është për ndarje, për korrupsion asnjë cent i buxhetit të Kosovës nuk është keqpërdor, nuk është për ndarje sepse nuk a asnjë dëshmi e vetme për ndarje”.

“Nga zyrtari i parë që e ka vënë nënshkrimin, e deri te zyrtari i fundit që jam unë që e kam nënshkruar atë kontratë të gjithë jemi të pafajshëm, kemi kryer një punë të shkëlqyeshme dhe kemi respektuar ligjin në përpikëri”, tha Hoxha.

Madje, Hoxha ngritjen e aktakuzës po quan tendencë politike, për të përhapur mjegull kinse ka lobuar për ndarje të Kosovës.

“Me plot fuqinë e fjalës është një tendencë politike për të më njollosur mua, është tendencë politike për të përhapur mjegull kinse është lobuar për ndarje kur dihet se kush është përmendur në këtë hulumtim është një hulumtim për plotë teori konspirative i bazuar në thashetheme kinse është përmendur aty presidenti Hashim Thaçi, kryetari Kadri Veseli se kinse ne kemi bërë plan për ndarjen e Kosovës, dhe është tmerr që në këtë kohë dy figurat historike të shtetit tonë po ballafaqohen me drejtësinë për ta vërtetuar çiltërsinë e UÇK-së, në këtë kohë po bëhet një aktakuzë kinse për lobim për ndarje”.

E nëse Hoxha do të del e pafajshme ajo tha se do të shteron të gjitha mundësitë ligjore kundër atyre që kanë shpifur për të.

“Patjetër do ti shfrytëzojë të gjitha instrumentet gjyqësore, në kuadër të sistemit të drejtësie jo vetëm për të dëshmuar pafajësinë time dhe të grupit, dhe koha do të tregojë se do t’i ofrojmë dëshmitë, në rrjete sociale po i lexoj disa nga komentet se ata duhet me vra, me gjuajt plumb në ballë për mua dhe po më bëhet linçim publik nga Jeta Xharra”.

“Kjo është tendencë politike e Jeta Xharrës se unë në qershor të vitit të kaluar kam ngrit padi për shpifje për të dhe e tëra është luftë personale”.

Related Topics:
Continue Reading

Lajmet

Pesë të arrestuar në operacionin “White Star”, sekuestrohen armë, drogë dhe pasuri e madhe

Published

43 minutes ago

on

June 9, 2026

By

Pesë persona janë arrestuar gjatë një operacioni të Policisë së Kosovës dhe Prokurorisë Speciale, i zhvilluar në disa qytete të vendit nën emrin “White Star”.

Aksioni është realizuar në Prishtinë, Pejë, Prizren, Viti dhe Drenas, nën mbikëqyrjen e Prokurorisë Speciale dhe në bazë të urdhrit të Gjykatës Themelore.

Të dyshuarit janë ndaluar me vendim të prokurorit special për 48 orë, nën dyshimin për pjesëmarrje ose organizim të grupit kriminal të organizuar, si dhe për blerje, posedim, shpërndarje dhe shitje të paautorizuar të narkotikëve dhe përfshirje në pastrim parash.

Gjatë kontrolleve në lokacione të ndryshme janë sekuestruar:

  • 6 armë zjarri
  • 5 karikatorë dhe 239 fishekë
  • Lëndë narkotike (kokainë dhe fara marihuane)
  • 25 telefona mobilë
  • 7,595 euro para të gatshme
  • 10 automjete dhe 1 motoçikletë
  • 10 kompjuterë
  • 13 USB dhe 1 DVR
  • 16 ora dore

Operacioni është mbështetur nga EUROPOL-i dhe autoritetet e Belgjikës, Francës dhe Holandës, të cilat kanë qenë të pranishme dhe kanë monitoruar zhvillimin e aksionit në terren së bashku me prokurorin e rastit.

Prokuroria Speciale dhe Policia e Kosovës kanë theksuar se ky operacion paraqet goditje të rëndësishme ndaj krimit të organizuar dhe se veprimet hetimore do të vazhdojnë në drejtim të zbardhjes së plotë të rastit dhe identifikimit të të gjithë të përfshirëve. /A.K/

Continue Reading

Lajmet

Shefi i OSBE-së bën thirrje për formimin e shpejtë të institucioneve

Published

1 hour ago

on

June 9, 2026

By

Shefi i Misionit të OSBE në Kosovë, Gerard McGurk, ka përgëzuar Komisioni Qendror i Zgjedhjeve për organizimin e zgjedhjeve, si dhe liderin e Lëvizja Vetëvendosje, Albin Kurti, për rezultatin e arritur në zgjedhje e fundit.

Përmes një reagimi ne rrjetin X, McGurk theksoi se qytetarët tashmë kanë dhënë verdiktin e tyre dhe se përgjegjësia kalon te përfaqësuesit e zgjedhur.

“I përgëzoj KQZ-në për zhvillimin e një tjetër procesi të suksesshëm zgjedhor dhe Albin Kurtin për rezultatin e partisë së tij. Votuesit kanë folur, përgjegjësia tani u takon të zgjedhurve”, deklaroi ai.

Shefi i OSBE-së bëri thirrje për formimin në kohë të institucioneve të reja dhe për zgjedhjen e presidentit përmes dialogut dhe kompromisit politik.

“OSBE-ja nxit formimin në kohë të institucioneve, si dhe zgjedhjen e presidentit përmes dialogut dhe kompromisit”, thuhet në mesazhin e McGurk.

Deklarata vjen në një kohë kur vendi po pret përfundimin e të gjitha procedurave zgjedhore dhe nisjen e procesit për konstituimin e institucioneve të reja. /E.A/

Continue Reading

Lajmet

Dua Lipa rekomandon Prishtinën, zbulon vendet e saj të preferuara në kryeqytet

Published

2 hours ago

on

June 9, 2026

By

Këngëtarja kosovare me famë botërore Dua Lipa ka ndarë listën e vendeve të saj të preferuara në qytete të ndryshme të botës në bashkëpunim me Google Maps dhe Service95, ku pjesë e rekomandimeve është edhe Prishtina.

Mes vendeve që ajo sugjeron të vizitohen në kryeqytet janë Galeria Kombëtare e Kosovës, Tregu i Gjelbër dhe Muzeu Etnologjik i Kosovës, të cilat sipas saj ofrojnë një pasqyrë të kulturës, historisë dhe jetës së përditshme në qytet.

Sa i përket gastronomisë dhe kafeneve, Dua rekomandon vende të njohura si Tiffany, Soma Slow Food, Churchill dhe Basilico, ndërsa në listën e saj nuk mungon as Sunny Hill Festival, festivali muzikor që organizohet nga vetë ajo dhe babai i saj Dukagjin Lipa.

Si adhuruese e librave, artistja rekomandon gjithashtu edhe Librarinë Dukagjini, një nga libraritë më të njohura në Prishtinë për dashamirët e leximit./A.K/

Continue Reading

Lajmet

Peja Outdoor Festival rikthehet me mbi 40 aktivitete në natyrë

Published

2 hours ago

on

June 9, 2026

By

Peja do të jetë qendër e aktiviteteve outdoor nga 11 deri më 14 qershor, me organizimin e edicionit të tretë të “Peja Outdoor Festival”, festivalit të parë në Kosovë të dedikuar turizmit aktiv, rekreacionit dhe mirëqenies në natyrë.

Gjatë katër ditëve të festivalit, në Pejë dhe Rugovë do të zhvillohen mbi 40 aktivitete sportive, rekreative, edukative dhe kulturore, përfshirë ecje malore, çiklizëm, vrapim, ngjitje, paragliding, speleologji, punëtori tradicionale dhe programe për fëmijë e të rinj.

Organizatorët theksojnë se festivali synon promovimin e Pejës dhe Rugovës si destinacione të turizmit aktiv, duke u ofruar vizitorëve mundësinë të përjetojnë natyrën, kulturën lokale dhe aktivitetin fizik në një mënyrë gjithëpërfshirëse.

Një nga risitë kryesore të këtij edicioni është gara “Peja Trail Run”, e cila do të mbahet më 14 qershor dhe pritet të mbledhë rreth 300 garues nga Kosova, rajoni dhe vende të ndryshme të botës në kategoritë 10 dhe 23 kilometra.

Hapja zyrtare e festivalit do të mbahet më 11 qershor, nga ora 20:30, te Mulliri i Haxhi Zekës në Pejë./A.K/

Continue Reading

Të kërkuara