Lajmet

Ish-gjyqtarja thotë se bastisja në lokalin e Sekiraqës ishte bërë pa urdhër të saj dhe me nguti nga policia

Publikuar

3 vjet më parë

më

Ish-gjyqtarja e procedurës paraprake, Drita Hoxha, ka deklaruar se procesverbali i bastisjes në lokalin Sekiraqa ishte bërë pa urdhër të saj, për shkak se nuk figuron emri i saj në këtë procesverbal.

Këtë deklaratë, Hoxha e ka dhënë në seancën e së mërkurës, në Gjykatën Themelore në Prishtinë, në seancën e rigjykimit ndaj Enver Sekiraqës, i cili po dyshohet për nxitje në vrasjen e ish-policit Trimf Riza, raporton “Betimi për Drejtësi”.

“Sigurisht që jo. Aty ku nuk figuron emri im nuk e kisha lëshu, policia këtu ka hyrë me një nguti, unë kam analizuar këtë çështje policia me nguti ka hyrë në lokalin në fjalë për mos me kuptu kërkush dhe kanë harru me kërku urdhrin verbal për bastisje”, ka thënë dëshmitarja Hoxha.

Dëshmitarja Hoxha, e cila me 30 gusht 2007, kur kishte ndodhur vrasja e të ndjerit Triumf Riza, ka qenë gjyqtare e procedurës paraprake, tash e ushtron profesionin e avokates.

Hoxha ka thënë se për tri bastisje janë në rregull por jo edhe një tjetër pasi askush s’e kishte kontaktuar për të marrë miratimin e saj.

“Mandej çka ka bë zyrtari policor Merovci unë nuk e di, nuk ka kontaktuar me mu lidhur me këtë bastisje. Tri bastisje janë në rregull, emri im figuron, ndërsa ky procesverbal është përpiluar veç hajt ta kemi njëfarë mbulese nëse na vyn”, është përgjigjur dëshmitarja.

Pas këtij deklarimi, prokurori Haki Gecaj e pyeti të njëjtën se a e ka kundërshtuar mënyrën e sigurimit të këtyre provave në rastin konkret.

“Kërkesa nuk ka ardhur tek unë dhe nuk kam pas çka me kundërshtu”, ka thënë ajo.

Prokurori e pyeti se a ka deklaruar në shqyrtimin e kaluar se kjo provë është marrë në mënyrë të papranueshme dhe se policia ka vepruar me nguti.

“Nuk më kujtohet’, ka thënë dëshmitarja.

Duke u përgjigjur në pyetjet e prokurorit special Haki Gecaj, dëshmitarja ka thënë se për rastin e vrasjes së Rizës, ishte njoftuar pas pranimit të lëndës dhe pasi rasti ka qenë mediatik dhe i rëndë.

“Nuk po më kujtohet”, ka deklaruar dëshmitarja Hoxha kur është pyetur se a pasur kërkesë nga policia dhe prokuroria për lëshimin e ndonjë urdhri verbal për bastisje të disa shtëpive dhe lokale.

Ajo ka thënë se nuk i kujtohet përmbajtja e shkresave të lëndës, nëse ka pasur procesverbale për këqyrjen e vendit të ngjarjes, procesverbale për kontrolle dhe bastisje.

Sipas saj, ka pasur raste kur janë lëshuar edhe urdhra verbal për bastisje dhe kontrolla në lokacione të ndryshme.

“Na e kemi pasur telefonin zyrtar dhe çdo stacion policor ka pasur orarin e gjyqtarëve kujdestar dhe ata e kanë thirr gjyqtarin, pas thirrjes kanë shpjeguar rastin që ka ndodhur, pse kërkohet urdhri gojor dhe pse është urgjente me hy menjëherë me bo kontrollin. Unë e kam shënuar emrin e policit, emri i të dyshuarit dhe adresën ku duhet me bo bastisje dhe arsyet pse duhet me urgjencë me hy”, ka thënë dëshmitarja.

Dëshmitarja ka thënë se qëndron prapa deklaratës së dhënë me 17 gusht 2015 në shqyrtimin e kaluar gjyqësor.

Avokatja mbrojtëse e Enver Sekiraqës, Kosovare Kelmendi e ballafaqoi me një procesverbal të bastisjes së lokalit Sekiraqa më 30 gusht 2007, në të cilin nuk figuron emri i gjyqtares dhe e pyeti të njëjtën nëse do të kishte lëshuar urdhërese retroaktive me një procesverbal që nuk figuron emri i gjyqtarit.

“Kurrsesi nuk e kisha lëshuar unë një urdhër me shkrim pa qenë procesverbali i lëshuar sipas ligjit, sepse nuk është shënuar emri i gjyqtarit të procedurës paraprake i cili ka lëshuar urdhrit verbal për bastisje, ky procesverbal është katastrofë”, është përgjigjur ajo.

Avokatja e pyeti dëshmitaren se nëse asaj si gjyqtare e procedurës paraprake do t’i kishte ardhur një procesverbal i një bastisje, në të cilin është i shënuar emri i saj si gjyqtare e procedurës paraprake, në të cilin ishin konfiskuar gjëra por nuk figuron emri i ndonjë zyrtari policor.

“Me siguri nuk e kisha nënshkru sepse këtu është bërë bastisja pa prezencën e dëshmitarëve, policia ka mujt me bo çkado, sepse nuk janë shënuar emrat e dëshmitarëve”, ka thënë ajo.

Avokatja Kelmendi e pyeti në lidhur me katër procesverbale të bastisjes së katër lokacioneve, tre prej tyre mbajnë emrin e saj ndërsa në njërin, në bastisjen në lokalin Sekiraqa, nuk figuron emri i saj si gjyqtare të procedurës paraprake, dhe e pyeti të njëjtën se a do të kishte lëshuar urdhëresë për bastisje për një procesverbal në ë cilin mungon emri i saj.

Kryetari i trupit gjykues, gjykatësi Agim Kuçi e pyeti dëshmitaren se në rast se gjyqtari i procedures paraprake ka dhënë pëlqimin për urdhër verbal, por prokurori nuk e ka përpiluar kërkesën për lëshimin e urdhrit retroaktiv për bastisje, provat e mbledhura gjatë bastisjes dhe kontrollit të shtëpisë a do të konsideroheshin si prova të pranueshme.

“Ato janë prova të papranueshme”, është përgjigjur dëshmitarja Hoxha.

Avokatja Kelmendi përsëri ka kërkuar që ndaj të mbrojturit të tij ti ndërpritet masa e paraburgimit dhe t’i zëvendësohet me masën e arrestit shtëpiak, propozim të cilin e ka kundërshtuar prokurori special Haki Gecaj.

“Nuk e pengoj procedurën, sa herë të më thirrni jam prezent gjithmonë“, ka thënë i akuzuari Sekiraqa.

Trupi gjykues i udhëhequr nga gjykatësi Agim Kuçi, kanë marrë vendim që të mbetet në fuqi aktvendimi i 16 it 2021, më të cilin të akuzuarit Sekiraqa i është vazhduar masa e paraburgimit edhe për 2 muaj.

Seancat e radhës pritet të mbahen me 7 dhe 8 tetor 2021, në ora 09:30, në të cilat pritet të dëgjohen dëshmitaret Adelina, Ema dhe Zanfina Ismaili si dhe dëshmitarja Kaltrina Berisha.

Gjykata Themelore në Prishtinë, për herë të dytë më 16 shtator 2019, e kishte shpallur fajtor Enver Sekiraqën për nxitje në vrasjen e ish-policit Triumf Riza dhe i kishte shqiptuar dënim në kohëzgjatje prej 30 vitesh.

Mirëpo, Gjykata e Apelit më 6 mars 2020, kishte vendosur të aprovojë ankesën e mbrojtjes së Sekiraqës duke e kthyer rastin për të dytën herë në rigjykim, pasi sipas Apelit aktgjykimi i shkallës së parë ishte marrë me shkelje të dispozitave të procedurës penale.

Sekiraqa për të njëjtin rast ishte dënuar edhe më 17 maj 2016, për dy vepra penale për “nxitje në kryerje të vrasjes së rëndë” dhe për veprën “detyrimi” me dënim unik prej 37 viteve burgim, kurse ishte liruar për veprën penale “dhunimi”.

Gjykata e Apelit, më 24 tetor 2017, kishte mbajtur një seancë dëgjimore lidhur me caktimin e masës së sigurisë ndaj Enver Sekiraqës, pasi e njëjta gjykatë më 19 tetor, në orët e mbrëmjes, e kishte liruar nga paraburgimi atë dhe ndaj tij kishte shqiptuar masën e arrestit shtëpiak.

Për ndryshimin e masës së sigurisë ndaj tij, kishin votuar tri gjykatëset e Apelit, dy nga radhët e EULEX-it, Elka Ermenkova dhe Anna Adamska-Gallant, si dhe gjykatësja vendore Mejreme Memaj.

Por, kjo gjykatë, pas vetëm dy ditësh, kishte vendosur që sërish ta rikthejë në paraburgim, Enver Sekiraqën dhe për këtë, shkak ishte bërë një fotografi e publikuar në rrjetin social, nga miqtë që e kishin vizituar atë pas lirimit nga paraburgimi.

Me këtë, gjykata e shkallës së dytë, kishte vlerësuar se Enver Sekiraqa ka shkelur masën e arrestit shtëpiak, që i ishte caktuar.

Ndryshe, në seancën e Gjykatës së Apelit, e cila ishte mbajtur me 6 shtator 2017, ku ishin shqyrtuar pretendimet ankimore të palëve, Enver Sekiraqa, kishte kërkuar që të lirohet nga paraburgimi dhe të mbrohet në liri.

E si garancion për lirimin e tij, Sekiraqa kishte ofruar pasurinë e tij, përfshirë shtëpinë, lokalin dhe një shumë parash, të cilat kishte thënë se do t’i mblidhte me ndihmën e familjes.

Prokurorja ndërkombëtare e Prokurorisë së Apelit, Anca Stan, në seancën e 6 shtatorit të kolegjit të Apelit, kishte deklaruar se përveç pretendimeve në ankesë nuk kishte çfarë të shtonte tjetër, por e njëjta kishte thënë se kërkesa e palës mbrojtëse që të përjashtohen disa nga provat kruciale janë të gabuara.

Në prill të vitit 2014, Prokuroria Speciale e Republikës së Kosovës kishte ngritur aktakuzë ndaj Enver Sekiraqës për tri vepra penale, për nxitje në vrasjen e Triumf Rizës, “detyrim” dhe “dhunim”, ku për këtë të fundit, gjykata e shkallës së parë e kishte shpallur të pafajshëm.

Prokuroria pretendon se incidenti i ndodhur në “Swiss Casino” në mes të Sekiraqës dhe Rizës ishte njëri nga motivet që çuan në vrasjen e Triumf Rizës.

Incidenti në “Swiss Casino”, kishte ndodhur në dhjetorin e vitit 2006, ndërsa në të ishin të përfshirë Enver Sekiraqa dhe disa shoqërues të tij në njërën anë, dhe i ndjeri Triumf Riza e Arben Selmani në anën tjetër. Në këtë incident i plagosur rëndë kishte mbetur Arben Selmani.

Triumf Riza u vra më 30 gusht të vitit 2007, vrasje për të cilën Arben Berisha është dënuar me 35 vjet burg, ndërsa Enver Sekiraqa me 37 vjet.

Etiketa
Vazhdo të lexosh

Kulturë, Lifestyle

Kryeministri i Kosovës: Ne humbëm shkrimtarin më të madh të të gjitha kohërave

Publikuar

5 minuta më parë

më

1 Korrik, 2024

nga

Në një moment të rëndë për letërsinë botërore, Kryeministri i Kosovës ka shprehur ngushëllime për humbjen e Ismail Kadaresë, e cilin e ka cilësuar si shkrimtarin më të madh të të gjitha kohërave.
Ai e përshkruan Kadaresën si një vizionar të paçmueshëm, i cili me krijimtarinë e tij ka pasur një ndikim të jashtëzakonshëm në imagjinatën dhe dijen e lexuesve në mbarë botën. Kryeministri tha se, me largimin e tij, humbet një burim i pamatshëm i inspirimit për brezat e ardhshëm.
“Ne humbëm shkrimtarin më të madh të të gjitha kohërave, bota humbi shkrimtarin e saj më të madh të gjallë. Porsa hymë në gjysmën e dytë të vitit 2024, Kadare mbylli sytë përgjithmonë. Por sytë tanë kanë parë e do të shohin shumë më mirë për shkak të imagjinatës dhe dijes së Ismail Kadaresë. Kur ai mbyllte sytë në të gjallë të tij dhe mendohej për malet e Shqipërisë dhe greminat e historisë, teksa qëndiste mijëra faqe me shqipe të bukur si qiell, ne kolektivisht shikonim më qartë e dukeshim më mirë, mendonim më thellë e mësonim më shumë. Arti dhe kultura jonë i kanë borxh të pamatshëm oqeanit të mendjes së tij. Anija e romaneve të Kadaresë do të lundrojë pafundësisht, për aq sa bota do të ketë lexues dhe shqipja shqiptarë. Ngushëllime të gjithëve.”/UBTNews/

Vazhdo të lexosh

Lajmet

Begaj për Kadarenë: Shqipëria dhe shqiptarët humbën emancipuesin e tyre shpirtëror

Publikuar

21 minuta më parë

më

1 Korrik, 2024

nga

Sot, Shqipëria dhe shqiptarët humbën një gjeni të letrave me largimin e Ismail Kadares, shkroi Presidenti i Republikës Bajram Begaj në rrjetet sociale. Ai e cilësoi Kadares si emancipuesin e tyre shpirtëror, poetin e miteve të Ballkanit, dhe një përfaqësues të shquar të letërsisë moderne në Evropë dhe botë.

“Të qoftë e lehtë lëndina në panteonin e përjetësisë, Kolosi ynë i mendimit dhe i penës!”, shkroi Presidenti Begaj.

Ismail Kadare u nda nga jeta sot në moshën 88-vjeçare, pas një shtrimi në QSUT. Lindur në Gjirokastër më 28 janar 1936, ai u bë një nga figurat më të njohura të letërsisë shqiptare, duke lënë gjurmet e tij të thella edhe përtej kufijve të vendit. Kadare ka qenë kandidat i vazhdueshëm për çmimin Nobel për Letërsinë dhe ka fituar shumë çmime të tjera prestigjioze në karrierën e tij të shkëlqyer./UBTNews/

Vazhdo të lexosh

Lajmet

Stafi i aeroportit të Melburnit akuzohet për kontrabandë droge

Publikuar

37 minuta më parë

më

1 Korrik, 2024

nga

Dhjetra punonjës të aeroportit të Melburnit janë akuzuar se kanë punuar për kriminelët e organizuar që përpiqeshin të kontrabandonin drogë në Australi. Punëtorët e aviacionit ishin subjekt i një hetimi të Forcave Kufitare që synonte kriminelët në zinxhirët e furnizimit të aeroportit.

Hetimi zbuloi se 70 punonjës në aeroportin e Melburnit kishin shkelur kontrollet e sigurisë gjatë 12 muajve të fundit, me disa të dyshuar se punonin brenda krimit të organizuar.

Sipas Forcave Kufitare, ekuipazhi i linjës ajrore u angazhua në përdorimin e paligjshëm të drogës, si dhe në shpërndarjen e drogave të paligjshme në Australi.

Anëtarët e ekuipazhit të linjës ajrore ndërkombëtare u zbuluan gjithashtu se kishin fshehur cigare dhe produkte duhani ilegale në valixhe. Kjo dyshohet se është bërë në përpjekje për të shmangur pagesën e shumave të konsiderueshme të tatimit doganor.

Dy anëtarë të ekuipazhit ndërkombëtar u zbuluan se ishin nën ndikimin e substancave të paligjshme gjatë detyrës./The Guardian

Vazhdo të lexosh

Lajmet

Hungaria nga sot merr kryesimin e BE-së, çfarë pritet nga udhëheqja e saj

Publikuar

44 minuta më parë

më

1 Korrik, 2024

nga

Nga 1 korriku, Hungaria udhëheq presidencën e Bashkimit Evropian. Gjashtë muajt e ardhshëm mund të jenë të vështirë për lidershipin e BE-së, marrë parasysh se kryeministri hungarez, Viktor Orban, ka qëndrime kontradiktore me BE-në: nuk është i kënaqur me sanksionet e saj kundër Rusisë, ka penguar ndihma ushtarake dhe financiare për Ukrainën dhe ka vënë në pikëpyetje aspiratat e Kievit për anëtarësim në BE.

Për më tepër, Hungaria, e vetëquajtur “demokraci joliberale”, është penalizuar nga BE-ja, e cila ia ka ngrirë 6 miliardë euro fonde, të destinuara për të.

Por, pavarësisht marrëdhënieve të tilla, presidenca gjashtëmujore e Hungarisë në gjysmën e dytë të vitit 2024 mund të mos jetë aq dramatike dhe problematike sa disa mund të kenë frikë.

Presidencën e Këshillit të Bashkimit Evropian – një prej organeve kryesore vendimmarrëse të bllokut, që përbëhet prej ministrave të qeverive të shteteve anëtare – e mban me rotacion secili prej vendeve anëtare për një periudhë prej gjashtë muajsh.

Me këtë aranzhim, secili shtet anëtar ka mundësi të formojë agjendën e Këshillit.

Sipas disa burimeve në Bruksel, presidenca hungareze nuk është duke shkaktuar shumë net pa gjumë. Kjo, kryesisht për shkak të dy faktorëve: rolit aktual të presidencës dhe veçorive të kalendarit politik.

Roli i zvogëluar

Presidencat e Këshillit të Bashkimit Evropian nuk janë më ato që kanë qenë.

Ka qenë një kohë kur vendi që ka qenë në krye, ka kontrolluar vërtet agjendën, duke mbajtur samite në kryeqytetin e tij dhe duke udhëhequr politika edhe prapa skenave.

Kjo ka ndryshuar në vitin 2004, kur është vendosur që të gjitha samitet e rëndësishme, të mbahen në kryeqytetin belg, Bruksel.

Ndryshimet janë thelluar pastaj në vitin 2009 me Traktatin e Lisbonës – i projektuar për të përmirësuar efikasitetin dhe legjitimitetin demokratik të BE-së – i cili ka krijuar një sërë funksionesh të reja dhe ka bërë që fuqia të përqendrohet në Bruksel.

Traktati i Lisbonës ka krijuar një president të përhershëm të Këshillit Evropian, i cili u takon kryesisht krerëve të shteteve ose qeverive të vendeve anëtare.

Postin aktualisht e mban politikani belg, Charles Michel – tashmë në largim. Mandati i tij është pesëvjeçar dhe ai i kryeson të gjitha samitet.

Këshilli, gjithashtu, ka një sekretariat shumë të zgjeruar dhe të fuqishëm, të përbërë nga zyrtarë të BE-së me ekspertizë në të gjitha fushat e politikave.

Traktati i Lisbonës ka paraparë edhe një shef të politikës së jashtme të BE-së, në pozitën e të cilit aktualisht është politikani spanjoll, Josep Borrell – edhe ai në largim – si dhe një trup diplomatik, Shërbimin Evropian të Veprimit të Jashtëm, për t’i dhënë peshë pozicionit të politikës së jashtme.

Atëherë, si ndikon e gjithë kjo në presidencën hungareze? E zvogëlon ndikimin e dy anëtarëve më të sulmuar nga Brukseli të Qeverisë nacional-konservatore të Hungarisë: Orbanit dhe ministrit të tij të Jashtëm, Peter Szijjarto.

Por, Budapesti natyrisht se do të mund t’i ndikojë ende diskutimet, siç është parë edhe me zbulimin e sloganit të tij për presidencën – “Ta bëjmë Evropën sërish të madhe” – të frymëzuar nga Donald Trump.

Dy burrat do t’i kryesojnë ende takimet joformale ministrore, e madje edhe një samit në Budapest në nëntor, por roli i tyre do të jetë mjaft sipërfaqësor.

Ata, gjithashtu, do të duhet të përballen me pyetje në konferenca për shtyp dhe nga mediat e huaja, të cilave zakonisht u shmangen.

Atëherë, çfarë konkretisht i mbetet Hungarisë për të bërë?

Ministrat e tjerë të saj, si ata që janë përgjegjës për bujqësinë apo drejtësinë, do t’i kryesojnë mbledhjet e Këshillit në fushat e tyre. Diplomatët hungarezë do ta bëjnë të njëjtën gjë edhe në grupet përgatitore të punës.

Kush është Kaja Kallas, gruaja që mund të zëvendësojë Borrellin?

E gjithë ideja e presidencës me rotacion është që zyrtarët në krye të jenë ndërmjetës të ndershëm dhe të kërkojnë konsensus mes shteteve anëtare.

Në vend se të shkaktojë telashe, Hungaria mund të vendosë të luajë mirë.

Zyrtarë nga shtete të ndryshme anëtare kanë thënë se zyrtarët hungarezë janë sjellë në mënyrë profesionale në prag të presidencës dhe kanë theksuar se gjithçka do ta bëjnë sipas rregullave.

Kalendari politik

Faktori i dytë që mund t’i kufizojë ambiciet hungareze për ta imponuar agjendën e saj, është kalendari politik. Në gjashtë muajt e ardhshëm, pak pritet të ndodhë në Bruksel sa i përket legjislacionit të ri.

Kjo, për shkak se kryeqyteti i BE-së do të jetë i zënë me emërimin e një Komisioni të ri Evropian, që është krahu ekzekutiv i bllokut dhe propozuesi i ligjeve të reja.

Ky proces përfshin seanca dëgjimore në Parlamentin Evropian për miratimin e komisionarëve të rinj – një nga secili shtet anëtar. Procesi pritet të zgjasë pothuajse gjithë vjeshtën dhe Hungaria nuk ka asnjë rol për të luajtur.

Paraprakisht ka pasur edhe një përpjekje të furishme – dhe kryesisht të suksesshme – nga presidenca e deritashme belge për t’i kryer disa punë, përpara se Hungaria ta merrte rolin. Për shembull, një rund i ri sanksionesh kundër Rusisë është miratuar më 24 qershor.

Drita jeshile i është dhënë gjithashtu Ukrainës dhe Moldavisë, më 25 qershor, për të filluar bisedimet e pranimit në BE. Procesi i shqyrtimit të kapitujve të ndryshëm të politikave të anëtarësimit të dy vendeve kandidate pritet të zgjasë më shumë se gjashtë muaj dhe ka të ngjarë që Budapesti nuk do të merret fare me këtë çështje, por se ajo do t’i kalojë Polonisë, si kryesuese e BE-së nga 1 janari i vitit 2025.

Ndërsa Hungaria është shprehur kundër ambicieve të tanishme të Ukrainës për t’u anëtarësuar në BE, një nga prioritetet e saj gjatë presidencës pritet të jetë avancimi i perspektivave të anëtarësimit të Shqipërisë dhe Serbisë, e ndoshta edhe të Bosnje e Hercegovinës dhe Gjeorgjisë.

Përpara presidencës së Hungarisë, BE-ja ka arritur t’i dërgojë edhe ndihma ushtarake Ukrainës, në vlerë prej 1.4 miliard eurosh, për ta mbështetur në mbrojtjen kundër Rusisë. Këto para kanë ardhur nga asetet e ngrira ruse në BE dhe Brukseli ka arritur ta tejkalojë veton e Budapestit për këtë masë.

Por, vetoja hungareze qëndron ende mbi shtatë këste të tjera të ndihmës ushtarake për Ukrainën, me vlerë gati 7 miliardë euro.

Hungaria është mësuar të bëjë pazare me Brukselin. Ajo mund të përpiqet ta lidhë mbështetjen e saj për ndihmën e mëtejshme ushtarake për Ukrainën me 6 miliardë euro fonde të BE-së, që ia ka bllokuar Brukseli.Nëse Budapesti nuk i përmbush kërkesat e BE-së për sundimin e ligjit deri në fund të vitit, ai do t’i humbasë përgjithmonë 1 miliard euro. Kjo është një marrëveshje që hungarezët do të duan ta bëjnë./REL

Vazhdo të lexosh

Të kërkuara