Lajmet

Ish-gazetarja që ka paditur Trumpin: Shumë gra nga brezi im nuk i raportonin përdhunimet

Ish-presidenti Trump ka mohuar të ketë ndodhur përdhunimi.

Published

3 years ago

on

Autorja e artikujve të revistave që thotë se Donald Trumpi e përdhunoi në dhomën e veshjes të një dyqani rrobash dy dekada përpara se ai të bëhej president, pranoi të hënën se nuk pati ndjekur vetë këshillat e saj për lexuesit, ku u sugjeronte atyre që t’i raportonin sulmet seksuale në polici.

E. Jean Carroll i tha jurisë së gjykatës federale në Manhatan se ajo lindi në vitin 1943 dhe ishte “anëtare e një brezi të heshtur”, të cilët i kishin mësuar “ta mbanin kokën lart dhe të mos ankoheshin”. Ajo tha se i kishte telefonuar policisë vetëm një herë në jetën e saj, për mundësinë e dëmtimit të kutisë postare të shtëpisë ku ajo banonte gjatë festës së Hallouinit.

Zonja Carroll foli kështu për perceptimin e saj për t’iu drejtuar policisë, ndërkohë që avokati i zotit Trump, Joe Tacopina, i paraqiti asaj gjatë seancës së pyetjeve rastet kur ajo kishte këshilluar lexuesit e revistës Elle që të kontaktonin policinë apo të merrnin tek numri i telefonit i caktuar për personat që bëhen viktima të sulmeve.

“Fakti që nuk shkova ndonjëherë në polici nuk është befasues për dikë në moshën time”, tha ajo. “Nuk na mësonin që të merrnim në telefon policinë, kurrë”.

Zonja Carroll, e cila po dëshmon për të tretën ditë në gjyqin për padinë civile të paraqitur nga ajo në muajin nëntor, ka thënë se zoti Trump e ka përdhunuar në pranverën e vitit 1996 në një dyqan luksoz në Manhatan, pasi shkuan së bashku tek dhoma e veshjes në formë flirtimi dhe duke qeshur, deri në momentin kur zoti Trump ishte bërë i dhunshëm. Ajo tha se më pas e pati shtyrë me gjunjë dhe ishte larguar.

Ish-presidenti Trump, tashmë në moshën 76-vjeçare, ka mohuar të ketë ndodhur përdhunimi, apo të ketë qenë në dyqan me zonjën Carroll, apo ta ketë njohur atë përtej momenteve kur janë fotografuar si pjesë e një grupi në periudha të tjera. Ai nuk ka marrë pjesë në procesin gjyqësor, që pritet të zgjasë gjatë gjithë kësaj jave.

Dëshmia më e re e zonjës Carroll erdhi menjëherë pasi avokati Tacopina i kërkoi gjyqtarit Lewis A. Kaplan, i cili po mbikëqyr procedurat civile në gjykatën federale, të shpallte ndaljen e procesit gjyqësor për shkak të vendimeve që ai mori që avokati Tacopina tha se favorizonin zonjën Carroll.

Gjykatësi duket se e refuzoi kërkesën përpara se të rifillonte dëshmia të hënën, duke e pyetur avokatin Tacopina nëse mocioni që gjeti në tryezën e tij në mëngjes ishte depozituar.

“Tani është refuzuar. Dakord, sillni jurinë”, tha gjykatësi Kaplan.

Zonja Carroll ngriti një padi kundër zotit Trump sipas një ligji të shtetit të Nju Jorkut që i lejon viktimat e sulmeve seksuale të padisin përkohësisht të tjerët për sulme që kanë ndodhur edhe dekada më parë.

Mes një morie mohimesh dhe fyerjesh publike nga ish-Presidenti Trump që e shtynë zonjën Carroll të shtojë në padi edhe një akuzë për shpifje, zoti Trump ka këmbëngulur se zonja Carroll ishte e motivuar nga arsye politike dhe nga një dëshirë për të shitur kopje të kujtimeve të vitit 2019, ku ajo zbuloi për herë të parë publikisht pretendimet e saj për përdhunim, ndërsa zoti Trump ishte në detyrën e presidentit.

Zonja Carroll ka dëshmuar se do ta kishte mbajtur përgjithmonë të fshehtë akuzën e saj nëse nuk do të kishte lindur lëvizja #MeToo, e cila fitoi rëndësi në vitin 2017.

Gjatë dëshmisë të enjten, zonja Carroll u zemërua ndërsa avokati Tacopina e pyeste për mënyrën se si ajo pretendon se reagoi ndaj sulmit nga klienti i tij.

“Nuk mund të më ndëshkosh sepse nuk bërtita”, i tha zonja Carroll me forcë avokatit Tacopina. Ajo kishte shpjeguar në dëshminë e mëparshme se “nuk ishte një person që bërtet – jam një luftëtare”.

Ajo tha se nëse do të gënjente për sulmin, do t’u kishte thënë njerëzve se kishte bërtitur sepse “më shumë njerëz do të më kishin besuar”.

Por, ajo theksoi se “nuk kam nevojë për një justifikim pse nuk bërtita”.

Në kërkesën e tij të hënën për ndaljen e procesit gjyqësor, avokati Tacopina u ankua se Gjykatësi Kaplan e refuzoi pyetjet drejtuar zonjës Carroll që ajo të shpjegonte pse nuk bërtiti, përse nuk i tregoi policisë, ose përse nuk u përpoq më pas të merrte pamjet nga kamerat në dyert e dyqanit për të provuar se ajo dhe zoti Trump kishin qenë atje së bashku.

Related Topics:
Continue Reading

Lajmet

Fatmir Shehollit i vazhdohet masa e paraburgimit

Published

2 minutes ago

on

November 10, 2025

By

Gjykata Themelore në Prishtinë i ka vazhduar masën e paraburgimit edhe për dy muaj Fatmir Shehollit, i cili akuzohet për spiunazh, raporton KosovaPress.

Këta e ka konfirmuar, zëdhënësja e Gjykatës Themelore në Prishtinë, Mirlinda Gashi e cila deklaroi se vazhdimi i masës së paraburgimit ka qenë kërkesës e Prokurorisë Speciale.

“Ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale ndaj të pandehurit F.SH., gjyqtari i procedurës paraprake pas shqyrtimit të kërkesës, me datë 07 nëntor 2025 përmes Aktvendimit ka aprovuar kërkesën e PSRK-së, ashtu që të njëjtit iu është vazhduar masa e paraburgimit në kohëzgjatje prej 2 (dy) muaj”, ka deklaruar Gashi.

Fatmir Sheholli u arrestua më 9 tetor 2025 nga Policia e Kosovës në bashkëpunim të ngushtë me AKI-në dhe prokurorinë nën dyshimet se ishte i përfshirë në spiunazh. Ndërsa, më 10 tetor Gjykata Themelore në Prishtinë i kishte vendosur masën e paraburgimit me kohëzgjatje prej një muajsh.

Sheholli, zyrtarisht përfaqësues i shoqërisë civile nga Instituti për Avancimin e Marrëdhënieve Ndëretnike, është përfolur në media për lidhje me Serbinë. Sipas Kodit Penal të Kosovës, spiunazhi konsiderohet krim i rëndë dhe dënohet me të paktën pesë vjet burgim, nëse i dyshuari shpallet fajtor./KP

Continue Reading

Lajmet

Ndahet nga jeta ish-trajneri legjendar i NBA-së

Published

1 hour ago

on

November 10, 2025

By

Ka ndërruar jetë ish-trajneri legjendar i NBA-së, Lenny Wilkens në moshën 88-vjeçare dhe për vdekjen e Wilkens njoftoi familja e tij.

Wilkens, kishte qenë edhe lojtar në NBA, ku luajti ndër vite për skuadra si St.Louis Hawks, Seattle Supersonics, Cleveland Cavaliers dhe Portland Trailblazers, ku edhe i kishte menaxhuar si trajner.

Ndërsa suksesin e tij më të madh e kishte pasur si trajner, ku ishte shpallë kampion me Seattle Supersonics në vitin 1979.

Ai më pas menaxhoi edhe skuadrat si Atlanta Hawks, Toronto Raptors, New York Knicks dhe ishte pjesë e “NBA Hall of Fame”, për arritjet e tij historike në këtë ligë./S.K/EO/

Continue Reading

Lajmet

Për 10 muaj, Prokuroria e Pejës ngriti 1840 aktakuza

Published

1 hour ago

on

November 10, 2025

By

Nga janari e deri në tetorin e këtij viti, Prokuroria Themelore e Pejës ka njoftuar se ka ngritur 1 mijë e 840 aktakuza. Sipas komunikatës për media nga kjo Prokurori, rezulton se ka më shumë aktakuza se sa në përudhen e njëjtë kohore të vitit të kaluar, pra 12.67 për qind më shumë se vitin e kaluar.

“Prokuroria Themelore në Pejë, njofton opinionin publik se gjatë periudhës kohore janar- tetor të këtij vitit ka ngritur 1840 aktakuza, ose 12.67 % me shumë krahas vitit të kaluar me të njëjtët periudhë që ishin ngritur 1633 aktakuza. Kjo prokurori gjer në muajin tetor të këtij vitit ka pranuar gjithsej 2612 lëndë, ose 14.2% me shumë në periudhën kohore janar – tetor të vitit 2024, që ishin pranuar 2.288 lëndë. Nga lëndë në punë që ka pasus kjo prokurori brenda 10 muajve të vitit 2025, janë përfunduar gjithsej nga prokuroret e shtetit 2.733 lëndë, ose 16.65% me shumë se 10 muajt e vitit 2024 që ishin përfunduar 2.343 lëndë”, thuhet në komunikatën për media të kësaj Prokurorie.

Më tej nënvizohet se Prokuroria Themelore në Pejë mbetet e përkushtuar për ngritjen e efikasitetit dhe efektivitetit të trajtimit të lëndëve penale, gjithmonë në suaza të profesionalizmit dhe objektiviteti./S.K/EO/

Continue Reading

Lajmet

Çmimet e kriptomonedhave rriten pasi Trump njofton një përfitim prej 2. 000 dollarësh

Published

2 hours ago

on

November 10, 2025

By

Çmimet e kriptomonedhave u rritën pas deklaratës së Presidentit amerikan Donald Trump për një dividend të paktën 2,000 dollarë nga tarifat për shumicën e amerikanëve.

Në Truth Social, Trump tha se SHBA-ja po gjeneron triliona dollarë nga tarifat, që do të përdoren për të ulur borxhin kombëtar dhe për të financuar dividendin.

Bitcoin (BTC) u rrit 1.93 për qind mbi 103,000 dollarë, Ether (ETH) 4.75 për qind mbi 3,500 dollarë, dhe Solana (SOL) 2.49 për qind mbi 160 dollarë, ndërsa indeksi CoinDesk 20 (CD20) u rrit mbi 1.5 për qind. Rritja vjen pas një rënie javore, ku BTC dhe ETH ranë 5.7 për qind dhe 7.5 për qind.

Reagimi sugjeron se tregtarët shohin potencial për rritje të shpenzimeve të konsumatorëve dhe fluksin e kriptove nëse fondet do të shpërndahen.

Megjithatë, pagesa e dividendit nuk mund të ndodhë menjëherë. Vendimet për shpenzimet federale kërkojnë miratim nga Kongresi, dhe shumica e ekspertëve vënë në dukje se të ardhurat nga tarifat nuk mjaftojnë. Erica York nga Tax Foundation thekson se për 150 milionë amerikanë të kualifikuar, shuma e dividendit arrin rreth 300 miliardë dollarë, ndërsa tarifat e reja kanë sjellë vetëm 120 miliardë dollarë; pas llogaritjeve ekonomike, kjo bie në rreth 90 miliardë dollarë.

Kjo tregon një hendek të madh për financimin e dividendit vetëm nga tarifat./S.K/EO/

Continue Reading

Të kërkuara