Zëvendëskryeministri Besnik Bislimi ka mbajtur takim me emisarin gjerman për Ballkanin Perëndimor Manuel Sarrazin. Takimi u mbajt në kuadër të punimeve të Forumit Ekonomik Gjermano-Kosovar të organizuar nga Oda Ekonomike Gjermano-Kosovare në bashkëpunim me Komitetin Lindor të Ekonomisë Gjermane.

Kur u pyet se çfarë kanë biseduar me zyrtarin e lartë gjerman, Bislimi tha se kanë folur për futboll.

Ndërkaq, lidhur me atë se se a ka diçka të re rreth kërkesës së gjermanëve për CEFTA-n, ai tha se nuk ka pasur asgjë konkrete veçse kanë biseduar me Sarrazinin.

Vendi i Sarrazinit, Gjermania i ka kërkuar Kosovës që ta heqë ndalesën ndaj mallrave të prodhuara në Serbi, ndalesë kjo që po konsiderohet si diçka që është kundër parimeve të CEFTA-s.

Forca e Sigurisë së Kosovës (FSK), të mërkurën ka bërë bashkë zyrtarët e lartë të Ministrisë së Mbrojtjes, Forcës së Sigurisë, ambasadorë dhe atashe ushtarak nga vendet mike në Konferencën vjetore “FSK dhe Partnerët 2024”.

Christian Nawrat, drejtori i Ekipit ndërlidhës këshillues të NATO-së tha se Aleanca mbetet e përkushtuar që të luaj rolin e saj në mbështetjen e sigurisë dhe stabiliteti në Kosovës. Ai garantoi se NATO ta na ndihmojë FSK-në në ngritjen e kapaciteteve, duke u shndërruar në nëj forcë shumë etnike.

“NATO mbetet e përkushtuar për të luajtur rolin e saj në mbështetjen e sigurisë dhe stabiliteti në Kosovë e mbarë rajonin. Ne po punojmë, por brenda këtij mandati që ka edhe shumë për të bërë. Duke ofruar këshilla tona si ekip shumë kombesh bazuar në mandati e FSK-së, ne luajmë rol unik në mesin e ndërkombëtarëve që mbështesin FSK. Aleatët tanë mbesin në të njëjtin synim, që të mbështesin FSK-në për të krijuar një forcë të aftë për të i’u ofrua mundësi individëve pa dallime gjinie e përkatësi etnike. NATO mirëpret përparimin e një FSK me gjithëpërfshirëse”, tha ai.

Ambasadori i Italisë në Kosovë, Antonello De Riu, ka përgëzuar FSK-në për profesionalizimin. Madje tha se kjo forcë ka shmangur të gjitha provokimet dhe retorika që kanë mund të qojnë në eskalime të situatës pas sulmit në Banjskë.

“Ka sfida sidomos kjo çështja e fundit e Rusisë dhe ato qëllimet e Serbisë  të këqija në Kosovë dhe kërkojnë një qasje të jashtëzakonshme. Është shumë esenciale që kjo të adresohet dhe ngritja e personelit të KFOR-it në kontrollimin e kufirit ka qenë shumë kruciale. Po ashtu, dëshirojmë të them se sulmi i vitit të kaluar që është kryer nga një grup i paramilitarëve FSK ka treguar profesionalizëm të vërtetë duke shmangur  të gjitha provokacionet dhe retorikat që kanë mund të qojnë në eskalime të ndryshme. Është shumë e rëndësishme që të krijohet një dialog dhe kjo çështje të kryhet përmes dialogut dhe përmes bashkëpunimit me komunitetin ndërkombëtarë dhe të sigurohemi që forca të mos jetë në shprehje dhe të ndajmë prosperitetin dhe në këtë kontekst NATO dhe anëtarët e QUINT-it janë të gatshëm të ofrojnë lehtësimin e dialogut dhe të gjejmë një zgjidhje për çështjet që deri tani janë të pazgjidhura. Unë pres të bëjmë një qasje të bashkëpunimit të të gjitha palët mund t’i kalojnë këto sfida”, tha ai.

Ambasadori i Britanisë së Madhe, Jonathan Hargreaves tha se Mbretëria e Bashkuar është e kënaqur me progresin e FSK-së. Ai ka falënderuar që FSK-në për mbështetjen që ka ofruar për Ukrainë dhe stabilitetin në Evropë, duke shtuar se FSK është në rrugën për integrimi në institucionet e nivelit të lartë të sigurisë.

“Mbretëria e Bashkuar është shumë e lumtura dhe e kënaqur me progresin e FSK-së, për të siguruar që FSK është profesionale, gjithëpërfshirëse dhe llogaridhënëse ne jemi shumë të kënaqur me rolin tonë këtu dhe është shumë e rëndësishme për stabilitetin regjional. Këtë vit kemi me theks të veçantë jemi të lumtur për mbështetjen që FSK-ja ka ofruar për Ukrainë dhe stabilitetin në Evropë. Siç kemi dëgjuar dhe do të dëgjojmë FSK ka shënuar arritje të jashtëzakonshëm për të cilat ne ju urojmë shumë. FSK-ja ende është në një rrugë për krijimin e aftësive dhe forcimin e tyre dhe po ashtu në një rrugë për integrimin euro atlantik për të cilin ne e mbështesim plotësisht”, ka thënë ai.

Në rajon ka pasur narrativa të dëmshme të cilat theksojnë ndasitë, ka thënë shefi i Zyrës së Bashkimit Evropian në Kosovë, Aivo Orav. Ai theksoi se BE është e zotuar që të ndërtojë një peisazh mediatik që është i fortë, i fuqishëm dhe llogaridhënës. Kështu u tha në hapje të konferencës së Bashkimit Evropian e cila po mbahet në Prishtinë për edukimin mediatik “Gazetaria Konstruktive: Fuqizimi i Shoqërive të Informuara dhe Rezistente”.

Shefi i Zyrës së Bashkimit Evropian në Kosovë, Aivo Orav deklaroi se kjo konferencë është një dëshmi e zotimit për ballafaqimin e çështjeve më të rëndësishme për dezinfomimin.

“Kemi parë narrativa të dëmshme të cilat theksojnë ndasitë dhe i japin zjarr këtyre në rajon por edhe më larg. Për këtë arsye, Bashkimi Evropian bashkë me partnerët është e zotuar që të ndërtojë një peisazh mediatik qe është i fortë, i fuqishëm dhe llogaridhënies. Në BE kemi ndërmarrë një qasje gjithëpërfshirëse për të luftuar dezinformimin. Ne jemi sy hapur ndaj fushatave të tilla të dezinformimit dhe të sigurohemi që narrativat e rreme të përballen me fakte. I kemi mbajtur portalet online llogaridhënies në mënyrë qe të krijojmë një hapësirë digjitale të sigurt për të gjithë ne. Mos transparenca në pronësinë e mediave, mediat online të paregjistruara ngrenë shqetësime serioze sa i përket llogaridhënies. Shumë gazetarë të cilët punojnë pa kontrata të mirëfillta që nga ana tjetër i bën ata të ndjeshëm ndaj presioneve dhe kërcënimet e pronarëve të mediave që luhat besimin e mediave”, u shpreh ai.

Ai shtoi se një studim i fundit vë në pah ndjeshmërinë ndaj dezinformatave, duke përfshirë edhe profesionistët në gazetari.

“Kjo vë nevojën për programe të edukimit mediatik dhe sisteme të verifikimit të fakteve. Duhet të fuqizojmë qytetarët përmes edukimit mediatik, në mënyrë qe të ndihmojmë të gjithë që të jenë informatorë të edukuar dhe informuar”, shtoi ai.

E ministrja e Arsimit, Arbërie Nagavci theksoi se edukimi mediatik dhe lufta kundër dezinformstave është dukuri me të cilën po përballet Kosova çdo ditë.

“Edukimi mediatik është i integruar në kurrikulën tonë shkollore, me qëllim të orientimit të drejtë të fëmijëve dhe imunizimit të tyre ndaj manipulimeve potenciale dhe jo etike. Në këtë kuadër edhe digjitalizimi është ndër mënyrat optimale për të adresuar këtë çështje. Andaj përveçse ka adresuar si strategji e arsimit, jemi në finalizim të përmirësimit të shërbimeve të cilësisë në arsim, në përputhje me trendët e arsimit digjital në tërë botën. Aktualisht jemi duke krijuar departamentin e ri për digjitalizim i cili do të punojë drejt përmbushjes së kësaj objektive, ndërkaq në kuadër të infrastrukturës fixike vazhdon shtrirja e rrjetit të shpejt në shkollat e Kosovës”, deklaroi Nagavci.

Nagavci theksoi se po punohet që edukimi mediatik të futet si lëndë në shkollat në Kosovë.

Konferenca e Bashkimit Evropian për edukimin mediatik po vijon me panelin me temën “Gazetaria konstruktive: Formësimi i narrativave të së nesërmes”.

Debati mes dy kandidatëve për zëvendës president të SHBA-ve ka përfunduar, me JD Vance, kandidatin republikan, që ka dalë fitues ndaj Tim Walz, rivalit të tij demokrat. Ky rezultat është pranuar edhe nga CNN, një media e njohur për qëndrimet e saj të favorshme ndaj demokratëve, duke theksuar rëndësinë e këtij debati në kontekstin e zgjedhjeve të ardhshme.

Sipas një sondazhi të menjëhershëm të CNN-it, të kryer midis votuesve të regjistruar që ndoqën debatin, Vance ka fituar me 51% të votave, krahasuar me 49% për Walz. Marzhi i gabimit në këtë sondazh ishte +/- 5.3 pikë, duke e bërë rezultatin mjaft të ngushtë.

Megjithatë, rezultatet nga shikuesit e CNN ishin disi më të favorshme për Walz-in, përkundër kritikave të panelit të drejtuesve të CNN pas debatit. Ata e akuzuan Walz-in për papërgatitje, duke i dhënë avantazhin Vance.

David Chalian, drejtori politik i CNN, sqaroi se sondazhi ishte kryer midis votuesve të regjistruar që ndoqën debatin, dhe se kampioni përfshinte një të tretën demokratë, një të tretën republikanë dhe një të tretën të pavarur. Ai theksoi se kjo ndarje anon rreth 5 pikë përqindje më shumë drejt demokratëve sesa një sondazh më të gjerë.

Para debatit, 45% e të anketuarve mendonin se Vance do të fitonte, ndërsa 54% mendonin se Walz do të ishte fitues. Pas debatit, rezultati u kthye në 51% për Vance dhe 49% për Walz, duke treguar se Vance e tejkaloi pritshmërinë e tij, ndërsa Walz nuk arriti të performonte siç pritej.

Sondazhi zbuloi gjithashtu se vlerësimet e favorizimit për të dy kandidatët kishin shënuar rritje të ndjeshme. Vance kishte përmirësuar vlerësimin e tij nga -22 në -3, ndërsa Walz kishte rritur statusin e tij nga +14 në +37.

Një sondazh flash i CBS News, i kryer në bashkëpunim me YouGov, mbështeti rezultatet e CNN-it, duke treguar se Vance kishte fituar me një diferencë të vogël. Sondazhi tregoi Vance me 42% ndaj Walz me 41%, me një marzh gabimi prej +/- 2.7 pikë. Rreth 17% e të anketuarve menduan se debati ishte barazim.

Për më tepër, një sondazh i CBS/YouGov zbuloi se shumica e amerikanëve mendonin se Kamala Harris e kishte mundur Trumpin në debatin e tyre të vetëm më 10 shtator, duke e theksuar kështu rëndësinë e debatit në formësimin e opinionit publik për kandidaturat e tanishme./UBTNews/