Kronika e zezë

Irani dënon vajzën e ish-presidentit me pesë vjet burg

Kështu njoftoi avokatja e saj të martën.

Published

2 years ago

January 10, 2023

Betim Gashi

Vajza e ish-presidentit iranian, Akbar Hashemi Rafsanjani u dënua me pesë vjet burgim, njoftoi avokatja e saj të martën.

Vendimi kundër Faezeh Hashemi, e cila është një aktiviste e njohur iraniane, “nuk është përfundimtar”, tha avokatja Neda Shams, në një postim në Twitter.

“Klientja është ende në burg dhe ka raste të tjera kundër saj”, shtoi Shams.

Hashemi u padit vitin e kaluar nga prokurori publik i Teheranit nën akuzat për “propagandë kundër sistemit”, njoftoi të martën agjencia shtetërore e lajmeve ISNA. Ajo u arrestua dhe u transferua në burgun Evin gjatë muajit shtator, sipas ISNA.

Irani ka arrestuar një numër aktivistësh të profilit të lartë gjatë muajve të fundit. Në mesin e të arrestuarve janë edhe shkrimtarja dhe poetja Mona Borzouei, këngëtari Shervin Hajipour dhe futbollisti iranian Hossein Mahini.

Gjatë dekadës së fundit, Hashemi është burgosur disa herë për deklarata antiqeveritare dhe pjesëmarrje në protesta./UBTNews/

Related Topics:Akbar Hashemi Rafsanjani denim

Up Next

AAK-ja kërkon që të hiqet kriteri për 15 vjet përvojë pune për kontributdhënësit

Don't Miss

Reforma që rrezikon pushtetin e Macronit, a do të përfshihet Franca nga protestat masive?

Kronika e zezë

Arrestohen tre persona për fajde në Prizren

Published

5 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

5 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

5 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

5 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.