Instituti i Kosovës për Drejtësi (IKD), sëbashku me Shoqatën e Pensionistëve, kanë organizuar takim diskutues me pensionistë, me ç’rast është publikuar edhe raporti me titull “Shteti neglizhon harmonizimin e pensioneve me koston e jetesës”.

Sipas këtij Raporti se Qeveria duke mos bërë rritje reale të pensioneve, pensionistët do të izolohen, do të jetojnë në kushte të mjerueshme dhe do të ketë ndikim negativ në aspektet sociale dhe psikologjike të jetës së tyre.

Kryetar i Shoqatës së Pensionistëve të Kosovës, Nijazi Gashi, tha se ata kanë bërë llogaritjet se sa duhet të jenë pensionet, por që asnjëherë janë marr parasysh kërkesat e tyre nga Qeveria.

Madje ai me këtë rast ka bërë të ditur se më nuk do të jetë më kryetar i Shoqatës së Pensionistëve.

“Kemi bërë kërkesa që kemi llogaritur koston jetësore, dhe ne bazë të saj kemi llogaritu se sa duhet të jenë pensionet. Ja kemi dërguar dhe nuk janë përgjigjur. Nuk ka kanë rritur pensionet, na kanë privuar nga pensionet për 7 vjet, secila qeveri. Nuk e kanë bërë as një veprim të tillë që është marre, niveli me i ulët për këtë legjislaturë që të mos respektoj një nëne. Po me befason injoranca e pushtetarëve tanë. Prej sot unë nuk jam kryetar i organizatave, unë dorë hiqem”, ka thënë ai.

Ehat Miftaraj, drejtor ekzekutiv në IKD, tha se Qeveria aktuale për katër vjet nuk i ka kushtuar vëmendje pensionistëve. Sipas tij, rritja e pensioneve për 20 për qind nuk është në harmoni dhe parimet që dalin nga Kushtetuta dhe  kostoja e jetesës.

“Ne si IKD konsiderojmë që secila parti në pushte që është duhet ti kushtoj një rëndësi të veçantë pensionistëve. Në Qeverinë e fundit nuk jemi duke parë diçka të tillë. Edhe pse e kemi parë që qeveri ka marr vendim për rritjen e pensioneve, e shohim që ky vendim nuk është marr në harmoni dhe pajtim që dalin nga Kushtetuta dhe ligji”.

“Në planë-programi e partisë në pushtet kemi pasur premtime të ndryshme ku do të ndihmën grupet e ndejshme, duke përfshirë këtu edhe  pensionistet. Fatkeqësisht në katër vite nuk kemi parë që i është kushtuar rëndësisë pensionistëve. Ky 20%, jo që nuk është në pajtim me inflacion por nuk është në pajtim edhe me koston e jetesës në të cilën po jetojmë. Qeveria nuk i ka kushtuar fare dialogut social”.

Naim Jakaj, hulumtues i Lartë në IKD, i cili publikoi të gjeturat e këtij raporti, tha se ngritja e pensioneve nga ana e Qeverisë është një lëvizje politike elektorale, e cila nuk reflekton një politikë sociale të qëndrueshme dhe të drejtë për këtë kategori.

Ai ka thënë se një nga problemet më të mëdha me sistemin e pensioneve në Kosovë ka qenë mungesa e harmonizimit me koston e jetesës dhe inflacionin.

“Ngritja erdhi pas një periudhe të gjatë ku pensionistët gjatë tre viteve të fundit përjetuan rënie të fuqisë blerëse, dhe mund të thuhet që tani ky vendim më shumë është një lëvizje politike elektorale, e cila nuk reflekton një politikë sociale të qëndrueshme dhe të drejtë për këtë kategori. Për mungesën e një politike të mirëfilltë pensionale, tanimë kjo çështje vërtetua nga mbledhja e fundit e Qeverisë, ku premtimi për reformë të thellë në këtë mandat, u tha se do të bëhet në mandatin tjetër”.

“Duke mos bërë rritje reale të pensioneve, pensionistët do të izolohen, do të jetojnë në kushte të mjerueshme dhe kjo jetesë do të ketë ndikim negativ në aspektet sociale dhe psikologjike të jetës së tyre. Ndjenja mos përkrahjes nga shteti, ndjenja e izolimit dhe dëshpërimit ka efekte të mëdha në shëndetin mendor të pensionistëve, andaj duhet intervenim më të shpejtë dhe më të mirë”, ka thënë ai.

Shefi ekzekutiv i Tesla-s, Elon Musk, zbuloi sot një automjet të ri elektrik me vetëdrejtim, të cilin ai e quajti “Cybercab”. Ky moment është historik pas disa vitesh premtimesh për zhvillimin e teknologjisë së vetëdrejtimit.

“Cybercab” është një taksi vetë-drejtuese, i njohur gjithashtu si robotaksi, me dy dyer që hapen lart dhe ka një dizajn që ngjan me një coupé, duke u bazuar në Modelin 3, automjetin më të shitur të Tesla-s. Ky projekt vjen si një hap i rëndësishëm në drejtim të inovacioneve në transportin urban, duke ofruar një zgjidhje të avancuar për lëvizjen e qytetarëve.

Përveç “Cybercab”, Musk prezantoi gjithashtu “Robovan” – një automjet elektrik dhe autonom, afërsisht me madhësinë e një autobusi, i projektuar për të transportuar deri në 20 persona. Ky automjet ka si qëllim të përmirësojë shërbimet e transportit publik dhe të lehtësojë lëvizjen masive në zona të populluara.

Musk tha se Tesla pret të fillojë prodhimin e këtyre automjeteve në vitin 2026, duke shprehur optimizëm për oraret e realizimit të projektit. “Cybercab” do të jetë gjithashtu e disponueshme për t’u blerë dhe do të kushtojë më pak se 30,000 dollarë, duke e bërë atë një mundësi të përballueshme për konsumatorët.

Fillimisht, softueri për ngarje autonome, i cili nuk kërkon veprime nga njerëzit, do të dalë në rrugët në shtetet amerikane të Teksasit dhe Kalifornisë vitin e ardhshëm me automjetet aktuale Model 3 dhe Model Y. Kjo shënon një hap të rëndësishëm në zhvillimin e teknologjisë së transportit dhe pritet të sjellë ndryshime të mëdha në mënyrën si lëvizin njerëzit në qytetet e Amerikës./UBTNews/

Ministria e Jashtme e Koresë së Veriut tha të premten se Koreja e Jugut dërgoi dronë mbi kryeqytetin e saj, Phenian, duke e cilësuar atë si “provokim ushtarak dhe politik”.

Megjithatë, ushtria e Koresë së Jugut e ka mohuar menjëherë këtë.

Dronët fluturuan natën dhe u futën në Phenian dhe shpërndanë “shumë” fletushka kundër Koresë së Veriut në kryeqytet javën e kaluar dhe këtë javë, tha Ministria e Jashtme verikoreane në një komunikatë të publikuar nga agjencia shtetërore e lajmeve, KCNA.

Ajo tha se nevojitet veprim hakmarrës ndaj këtij inkursion me dronë dhe i bëri thirrje Jugut t’i ndalë veprimet e tilla.

“Ky provokim i papërgjegjshëm dhe i rrezikshëm, i cili mund të çojë drejt konfliktit të armatosur dhe madje luftës mes dy palëve, duhet të ndalet menjëherë”, tha Ministria.

Por, ushtria e Koresë së Jugut tha se nuk ka dërguar dronë në Korenë e Veriut, raportoi agjencia e lajmeve Yonhap.

Disa aktivistë në Korenë e Jugut lëshojnë drejt Veriut balona të mbushura me ndihma dhe fletushka kritikuese ndaj liderit Kim Jong Un.

Koreja e Jugut dhe ajo e Veriut janë ende në luftë teknikisht, pasi lufta e viteve 1950/1953 mes tyre përfundoi në armëpushim, jo me marrëveshje paqeje./REL/

Kancelari gjerman Olaf Scholz do të zhvillojë një takim me presidentin turk Recep Tayyip Erdogan në Stamboll më 19 tetor. Takimi ka si qëllim të diskutojë disa çështje të rëndësishme, përfshirë luftën në Ukrainë dhe situatën në Lindjen e Mesme, sipas një zëdhënësi të qeverisë gjermane.

Sipas zëdhënësit, diskutimet do të përfshijnë gjithashtu çështje të tjera si migracioni, si dhe politikat dypalëshe dhe ekonomike midis dy vendeve. “Turqia është një partner shumë i rëndësishëm i Gjermanisë në temat e migracionit dhe luftës në Ukrainë,” theksoi ai gjatë një konference për shtyp, duke sqaruar se këto çështje kanë një rëndësi strategjike për të dy vendet.

Qeveria federale gjermane ka qenë në bisedime të vazhdueshme me Turqinë për çështjet e politikës së migracionit, përfshirë bashkëpunimin në fushën e riatdhesimit. Kjo tregon angazhimin e Gjermanisë për të forcuar marrëdhëniet me Turqinë, veçanërisht në një kohë kur situata globale është e paqëndrueshme dhe kërkon një koordinim më të ngushtë mes vendeve partnere.

Ky takim vjen pas disa zhvillimeve të rëndësishme në politikën ndërkombëtare, duke përfshirë përpjekjet për të përmirësuar situatën humanitare në rajonin e Lindjes së Mesme dhe për të adresuar sfidat që sjell konflikti në Ukrainë. Scholz dhe Erdogan pritet të diskutojnë strategjitë e mundshme për të përballuar këto sfida dhe për të promovuar stabilitetin në rajon.

Ky është një hap i rëndësishëm për forcimin e marrëdhënieve midis Gjermanisë dhe Turqisë, si dy vende me interesa të përbashkëta në një kohë të trazuar globale. /UBTNews/