Mobile

iPhone 13 Pro, ekrane 120Hz dhe kamera që shkëlqejnë

Published

3 years ago

September 15, 2021

Betim Gashi

Në një eveniment virtual më 14 shtator Apple zbuloi linjën e re të iPhone. Përveç modeleve standard iPhone 13 dhe 13 mini, kompania zbuloi dy modele Pro me disa funksionalitete premium që nuk i gjeni tek iPhone 13.

Sigurisht janë edhe më të shtrenjtë ku iPhone 13 Pro fillon nga 999 dollarë dhe iPhone 13 Pro Max nga 1,099 dollarë. iPhone 13 Pro ka ekran 6.1-inç ndërsa 13 Pro Max 6.7-inç.

CEO i Apple Tim Cook tha se linja Pro shtyn limitet tona me teknologjitë më të avancuara për përdoruesit që duan më të mirën nga iPhone.

Dizajni është paska ndryshe me gjeneratën e kaluar sepse modelet e reja iPhone 13 Pro kanë korniza prej çeliku me shkëlqim. Gjithashtu rreth sensorëve të kamerave janë tre unaza çrej çeliku gjithashtu. Ndërsa xhami i kapakut të pasmë është mat.

Përveç kamerave wide dhe ultra wide, iPhone 13 Pro ka edhe një sensor të tretë telefoto me zmadhim optik 3x. Por kamerat wide dhe ultra wide nuk janë njëlloj me kamerat e iPhone 13 dhe 13 mini.

Vitin e kaluar vetëm linja iPhone 12 Pro Max kishte stabilizim optik me zhvendosje sensori. Kësaj here mbarë linja iPhone 13 vjen me këtë teknologji.

Kryesisht modeli standard iPhone 13 merr të gjitha funksionet e avancuara të kamerës që ishin të kufizuara vetëm tek modelet Pro. Veçanërisht është një funksionalitet “Cinematic Mode” i cili gjurmon dhe mban në fokus një objekt në lëvizje në kohë reale. iPhone 13 Pro dhe Pro Max njëlloj si iPhone 13 dhe 13 mini realizojnë video ProRes.

Por çfarë kanë të veçantë kamerat e iPhone 13 Pro?

Kamera 77mm telefoto ka zmadhim optik 3x
Kamera ultra-wide me hapje f/1.8 përmirëson performancën në dritë të paktë me 92%
Kamera wide (kryesore) me hapje f/1.5 përmirëson performancën në dritë të paktë me 2.2 herë.

Për herë të parë mund të përdorni Night Mode në të gjitha kamerat.

iPhone 13 Pro dhe Pro Max vinë me ekranin Pro Motion me frekuencë të adaptueshme që sillet mes 10 deri në 120Hz në varësi të asaj çfarë përdoruesi po bën me smartfonin. Për shembull nëse po shikoni një film, iPhone do të përdorë një frekuencë më të ulët për të kursyer jetëgjatësinë e baterisë.

Duke qenë se iPhone 13 Pro Max është smartfoni më i madh i tërë linjës, do të merrni më shumë jetëgjatësi baterie. Apple premton 2.5 orë më shumë në 10 Pro Max dhe 1.5 orë më shumë në iPhone 13 Pro.

Njëlloj si modelet standarde, 13 Pro dhe 13 Pro Max vinë me çipin A15 Bionic. Dizajni i tij prej 5 nanometër përmban 15 miliardë tranzistorë në kombinuar në 2 bërthama të performancës së lartë dhe 4 të performancës së ulët.

Për modelet Pro është ndërtuar një grafikë e re me 5 bërthama. Porositë fillojnë të Premten dhe smartfonët janë në dyqane më 24 Shtator. Shiten 4 modele 128GB, 256GB, 512GB dhe për herë të parë një model 1TB./PCWorld Albanian

Mobile

Çka duhet të dini për iPhone SE që del në treg në fillim të 2025-ës?

Published

2 months ago

November 7, 2024

Albina Zeneli

iPhone SE është një model i Apple që ka tërhequr vëmendjen e përdoruesve për shkak të dizajnit kompakt, çmimit të përballueshëm dhe performancës së lartë. Ky model është opsion i shkëlqyer për ata që duan një iPhone pa paguar për modelet më të shtrenjta. Ka disa versione të iPhone SE që janë lëshuar nga Apple me kalimin e kohës.

Por, çka duhet të dini për iPhone SE që del në treg në fillim të 2025-ës?

Thashethemet vijnë vetëm pak ditë pasi Mark Gurman nga Bloomberg zbuloi kornizën kohore, informacioni i ri shtoi më shumë detaje rreth specifikave dhe veçorive, shkruajnë mediat e huaja dhe sipas burimeve që folën me 9to5Mac, iPhone SE i katërt do të ketë një pamje shumë moderne në pjesën e përparme, të ngjashme me një iPhone 14.

Pjesa e përparme do të ketë një panel OLED 6.1″ me rezolucion 2531 x 1170 px, ndërsa anët do të jenë të sheshta, meqenëse Touch ID po largohet, e vetmja veçori e vërtetimit biometrik do të mbetet Face ID. Sjellja e çipit Apple A18 do të thotë që iPhone SE (2025) duhet të marrë Apple Intelligence.

Apple lansoi iPhone SE (2022) për 429 dollarë, por versioni i vitit 2025 pritet të fillojë nga 459 dollarë ose 499 dollarë. /UBT News/

Lajmet

Franca do të testojë ndalimin e telefonave celularë në shkolla nga shtatori

Published

4 months ago

August 28, 2024

Betim Gashi

Franca do të testojë ndalimin e telefonave celularë në shkolla sapo të fillojë viti i ri shkollor në shtator, tha ministrja e Arsimit e vendit.

“Pauza dixhitale” do të prekë 200 shkolla për momentin, tha Ministrja në largim e Arsimit Nicole Belloubet në një konferencë shtypi të martën.

Ajo shprehu planet për një ndalim në të gjitha shkollat në të gjithë vendin që nga janari 2025.

“Sidoqoftë, dhe unë insistoj në të, nuk do të thotë që unë të refuzoj përdorimin pedagogjik të mjeteve dixhitale”, shtoi ministrja, duke vënë në dukje përfitimet e inteligjencës artificiale si një mjet mësimi.

Ministrja tha se qëllimi i ndalimit është që nxënësit të mos përdorin telefonat e tyre në oborrin e shkollës./AA

Internet

TikTok paralajmëron SHBA-në: Ndalimi i mundshëm i TikTok-ut “shkelje e fjalës së lirë”

Gjatë muajve të fundit zyrtarët amerikanë kanë shprehur alarmin për popullaritetin e TikTok te të rinjtë.

Published

8 months ago

April 21, 2024

Betim Gashi

TikTok thotë se ndalimi i mundshëm i aplikacionit në Shtetet e Bashkuara të Amerikës do të konsiderohet “shkelje e fjalës së lirë” të 170 milionë amerikanëve.

Dhoma e Përfaqësuesve e SHBA-së votoi të shtunën për të ndaluar TikTok-un nëse pronari i aplikacionit nuk i ndërpret lidhjet me Kinën.

Legjislacioni është pjesë e një pakete të politikës së jashtme të SHBA-së, ku mes tjerash përfshihej ndihma për Ukrainën dhe mund të bëhet ligj që në fillim të javës së ardhshme.

Gjatë muajve të fundit zyrtarët amerikanë kanë shprehur alarmin për popullaritetin e TikTok te të rinjtë. Ata pretendojnë se pronari i TikTok, Bytedance, është i nënshtruar ndaj Pekinit – akuza që ai i ka mohuar vazhdimisht./UBTNews/

Mobile

Pas një viti të zymtë Samsung parashikon rritje 900 për qind në fitim

Gjiganti i teknologjisë koreano-jugore vlerëson se fitimi i tij operativ është rritur në 6.6 trilionë won korean (monedha zyrtare e Koresë së Jugut).

Published

9 months ago

April 5, 2024

Betim Gashi

Samsung Electronics ka thënë se pret të raportojë një rritje të madhe të fitimit të saj operativ në tremujorin e parë, duke ofruar shpresa për një rikuperim të fortë pas një viti të zymtë në vitin 2023.

Gjiganti i teknologjisë koreano-jugore vlerëson se fitimi i tij operativ është rritur në 6.6 trilionë won korean (monedha zyrtare e Koresë së Jugut) në tremujorin janar-mars, nga 0.64 trilion won të raportuar një vit më parë, sipas një udhëzimi fitimi të publikuar të premten. Parashikimi është më i lartë se vlerësimet e konsensusit prej 5.4 trilionë fitimesh nga FactSet.

Shitjet pritet të jenë rritur me më shumë se 11% në 71 trilionë won. Kompania pritet të publikojë rezultatet e detajuara të fitimeve më vonë këtë muaj.

Parashikimi optimist vjen pasi Samsung raportoi katër tremujorë radhazi të fitimeve në rënie, por kompania është optimiste për këtë vit dhe tha në janar se pret një ringjallje të kërkesës për pajisjet celulare, veçanërisht me paraqitjen e produkteve të reja si telefonat e zgjuar me inteligjencë artificiale.

Kompania gjithashtu pret që biznesi i saj i çipave të rimëkëmbet këtë vit “përkundër pengesave të ndryshme të mundshme, duke përfshirë politikat e normave të interesit dhe çështjet gjeopolitike”, ka shtuar kompania.