Sport

Inzaghi trajneri më i mirë i muajit në Serie A

Trofeu do të ndahet para fillimit të derbit Inter-Juventus.

Publikuar

Trajneri i Interit, Simone Inzaghi është shpallur më i miri në Itali për muajin janar. Trofeu do të ndahet para fillimit të derbit Inter-Juventus, e planifikuar për të dielën më 4 shkurt 2024 në orën 20:45 në stadiumin ‘Giuseppe Meazza’ në Milano.

Çmimi u caktua nga një juri e përbërë nga drejtorë të gazetave sportive, të cilët vlerësuan trajnerët individualë bazuar në kriteret teknike sportive dhe cilësinë e lojës së shprehur nga ekipet e tyre, si dhe sjelljen/fair-play të mbajtur gjatë ndeshjeve.

Për llogaritjen përfundimtare, u morën parasysh xhiro 19 deri në 22 të Serie A.

“Simone Inzaghi ishte edhe një herë një protagonist i madh në muajin janar, me tri fitore në po aq ndeshje, të shoqëruara nga triumfi në Superkupën e EA SPORTS FC në Riad”, deklaroi CEO i Lega Serie A, Luigi De Siervo.

Trajneri nga Piacenza ka rikthyer “Nerazzurrët” në krye të tabelës, me sulmin dhe mbrojtjen më të mirë në Serie A, duke shprehur një lojë efektive dhe spektakolare, ndër më të vlerësuarat edhe në nivel evropian.

Sport

Real Madrid është klubi më i ‘dëmtuar’ nga VAR, plot 27 gola të hequra

Në Madrid janë ankuar për golin e anuluar të Vazquez në fillimin e ndeshjes.

Publikuar

nga

Përballja mes Real Madrid dhe Sevilla ka ngjallur shumë polemika nga të dyja kampet. Në Madrid janë ankuar për golin e anuluar të Vazquez në fillimin e ndeshjes. Kurse, në krahun tjetër Sevilla janë ankuar për një penallti të padhënë në favor të tyre si dhe për golin e Luka Modriç, ku pretendojnë për një pozicion jashtë loje.

Klubi më i sulmuar këto kohë për favorizim nga gjyqtarët është Real Madrid-i. Por për habi, sipas një analize statistikore e cila ka përcjellur ecurinë e klubeve spanjolle që kur sistemi VAR u bë zyrtarisht pjesë e lojës rezulton të jetë skuadra të cilës i janë anuluar më shumë gola nga përdorimi i teknologjisë.

Me futjen e sistemit VAR, Los Blancos i janë anuluar plot 27 gola ku edhe kryeson listen. Sevilla është klubi i dytë me më shumë gola të anuluar nga VAR, me 16 të tilla. Ndërsa lista vazhdon me Atletico Madrid dhe Valencia ku numërojnë nga 14. Më pas, vie Real Sociedad me 13 gola të anuluar dhe Celta Vigo me 12. Gjithashtu kësaj renditje nuk I mungon Barcelona, ku katalansve u janë anuluar 11./UBTNews/

Vazhdo të lexosh

Sport

Ja kush është Rúben Amorim, objektivi i Liverpoolit

Amorim pjesën më të madhe të karrierës së tij futbollistike e kaloi si lojtar i Benfica-s.

Publikuar

nga

Klubi nga Anfield po punon mirë në planet e tij për të ofruar një trajner të përshtatshëm për të ardhmen pas largimit të Jürgen Kloppit në fund të sezonit.

Sipas raportimeve të fundit thuhet se Xabi Alonso është favorit për të zëvendësuar gjermanin, mirëpo nëse Liverpool nuk mund të emërojë ish-mesfushorin e tyre përsëri në klub, ata do të mund t’i drejtohen trajnerit aktual të Sporting, Rúben Amorim.

Amorim pjesën më të madhe të karrierës së tij futbollistike e kaloi si lojtar i Benfica-s, kurse i njohur u bë te rivalët e Primeira Liga, Braga, ku erdhi nga klubet e para si menaxher i ekipit rezervë dhe më pas u emërua menaxher i ekipit të parë në moshën 34-vjeçare.

Gjatë tre sezoneve të fundit, Amorim ka fituar dy Kupa të Portugalisë, si dhe ka ngritur titullin e parë të ligës pas 19 vitesh marrë me Sportingun. Poashtu, edhe duke fituar çmimin ‘Menaxheri i Vitit’ në Primeira Liga.

Amorim është i gatshëm ta ndryshoj stilin e taktikave të tij për t’iu përshtatur lojtarëve që ka, edhe pse ai duket se preferon një formacion të përbërë nga tre mbrojtës, katër mesfushorë dhe tre sulmues.

Me Amorim në krye, Sporting ishte skuadër që luante më thellë në fushë dhe sulmonte shpejt portën kundërshtare. Megjithatë, në sezonet në vijim, ai përfundoi duke përshtatur stilin e lojës me Sportingun dhe skuadra filloi të luante ndryshe me më shumë posedim të topit dhe duke kaluar më shumë kohë në gjysmën e kundërshtarit.

Që kur u bë trajner i Sportingut në vitin 2020, klubi nga Lisbona ka shpenzuar 183 milionë euro për trasnsferimin e lojtarëve të rinj.

Amorim është trajner që i pëlqen të investojë në lojtarë të rinj, qofshin nga akademia e Sportingut apo jo. Ja edhe disa nga lojtaret e akademisë së Sporting të cilëve Amorim iu besoi: Nuno Mendes, Tiago Tomás, Gonçalo Inácio, Pedro Porro, Matheus Nunes, Pedro Gonçalves./UBTNews/

Vazhdo të lexosh

Sport

Hapet garë e ashpër në Superligë, Drita e Llapi nuk i ndahen Ballkanit në garën për titull

Kampioni dhe lideri aktual, Ballkani barazoi me rezultat 1-1 në Suharekë ndaj Gjilanit.

Publikuar

nga

Në Albi Mall Superligën e Kosovës lufta për titull është rihapur përsëri, me Ballkanin i cili po e gjen veten në një krizë rezultatesh kohëve të fundit dhe formën e mirë të Dritës e Llapit.

Në xhiron e fundit në kuadër të Albi Mall Superligës së Kosovës, kampioni dhe lideri aktual, Ballkani barazoi me rezultat 1-1 në Suharekë ndaj Gjilanit. Kurse Drita mposhti në shtëpi Dukagjinin me rezultat 2-0. E Llapi nuk arriti më shumë se një barazim pa gola ndaj Prishtines në “Zahir Pajaziti”.

Tabela pas xhiros së 22-të duket kështu:

Së fundmi nga mediat është raportuar se pas rezultateve jo të kënaqshme, posti i trajnerit Ilir Daja te suharekasit është në pikëpyetje. Megjithatë nga klubi nuk ka asnjë njoftim zyrtar lidhur me këtë çështje.

Ndërkaq në ndeshjen e radhës therandasit do të jenë mysafir të Dukagjinit në Klinë, ku në dy ndeshjet e fundit të këtij sezoni ndaj Dukagjinit shënuan një fitore dhe një barazim. Në anën tjetër, Drita zhvillon ndeshjen në transfertë ndaj Fushë Kosovës, të cilët po ashtu numërojnë një fitore dhe një barazim në ndeshjet e kaluara ndaj tyre. Kurse Llapi do të jetë mysafir i Feronikelit ’74 ku ne dy ndeshjet e fundit të drejtpërdrejta Llapi ka dy fitore./UBTNews/

Shkroi: Arti Haziraj

Vazhdo të lexosh

Sport

Kosova ende pa hapa konkretë rreth përgatitjeve për Lojërat Mesdhetare

Pjesa dërmuese e këtyre lojërave do të zhvillohen në Prishtinë.

Publikuar

nga

Lojërat Mesdhetare janë një ngjarje multi-sportive që zhvillohen çdo katër vjet. Në vitin 2030, ky organizim do të mbahet në Kosovë. Mirëpo ajo çfarë është raportuar më së shumti nga mediat është mungesa e fillimit të përgatitjeve për organizimin e tyre.

Megjithëse janë edhe gjashtë vjet deri në mbajtjen e këtij aktiviteti madhor, ritmi i punëve dhe investimeve që duhet bërë është mjaft i madh, mirëpo institucionet përkatëse për këtë fushë nuk kanë nisur ndonjë punë konkrete në terren, derisa thonë se janë në përgatitje të infrastrukturës ligjore si dhe masterplanit për Lojërat Mesdhetare.

Pjesa dërmuese e këtyre lojërave do të zhvillohen në Prishtinë, andaj nënkryetari i kësaj komune, Alban Zogaj ka thënë se gjatë katër viteve të ardhshme do të investohen rreth 50 milionë euro në infrastrukturën sportive në kryeqytet, por edhe jashtë tij.

“Presim nisjen e ndërtimit të fshatit olimpik dhe sallave sportive”, tha Zogaj.

Nga ana tjetër, presidenti i Komitetit Olimpik të Kosovës, Ismet Krasniqi pranon se fillimi i përgatitjeve nuk po del të jetë aspak i lehtë, por në bashkëpunim me Ministrinë e Sportit do të bëjnë më të mirën në këtë drejtim.

Më 8 shtator, Asambleja e Përgjithshme e Komitetit Ndërkombëtar të Lojërave Mesdhetare (ICMG), e votoi kandidaturën Prishtina 2030, me 55 vota pro, tetë kundër dhe tri vota të pavlefshme, gjatë një takimi në qytetin grek Heraklion./UBTNews/

Shkroi: Arti Haziraj

Vazhdo të lexosh

Të kërkuara