Dje në ambientet e UBT-së u promovuan dy libra nga profesori i Fakultetit të Inxhinierisë së Ndërtimit dhe Infrastrukturës në UBT, Prof. Naser Morina.

I njëjti ishte sot i ftuar në “n’RITËM” me Albina Zeneli ku u diskutuan dy vëllimet “Mekanika I” dhe “Mekanika II”.

Libri i parë fokusohet në parimet themelore të mekanikës së trupave në gjendje të qëndrueshme, duke trajtuar temat si:

Sistemet e forcave konkurrente komplanare, ekuilibri e trupave të ngurtë, analizën e trarëve dhe strukturave të ndryshme, si dhe përcaktimin e sistemit statikisht të përcaktuar.

Kurse, vëllimi i dytë përshkruan konceptet më dinamike të mekanikës dhe lëvizjes së trupave.

Profesori Morina thekson rëndësinë e madhe që librat kanë për studentët duke përmendur faktin që UBT vlerë të madhe u kushton veprave që do të mbetën gjatë në kujtesën e lexuesve e madje apelon të rinjtë që mos ta harrojnë zakonin e leximit.

Linku: https://www.facebook.com/photo/?fbid=1223919273069270&set=pb.100063536255412.-2207520000

N’RITËM – Nga e hëna në të premte nga ora 13:00-15:00. /UBT News/

I ftuari i radhës i n’RITËM të Campus Radio me Albina Zeneli ishte Milaim Berisha, ligjërues në departamentin Shkenca Sportive ku mes tjerash folëm në lidhje me laboratorin për testime të performancës së sportistëve.

“Në vitet e kaluara ne kemi pasur mundësi vetëm t’i dëgjojmë profesorët, por jo ta verifikojmë saktësinë dhe kualitetin e atyre se çka janë ligjëruar, kurse tani përmes punës praktike dhe bashkëpunimit me klube mund ta shohim direkt praktikimin e punës shkencore”, tha mes tjerash Berisha.

Ai më tutje tregoi edhe për organizimin e konferencave që sipas tij i ndihmojnë secilit pjesëmarrës për ta fuqizuar drejtimin që marrin për studime.

E, që padyshim UBT ofron një mundësi ideale që studentët e dalluar të ndjekin praktika në vendet e ndryshme e pastaj nga rezultati i shkëlqyer të pranohen në punë me kontrata të rregullta.

Berisha zbulon se krahas konferencës që organizohet nga viti në vit, risi në 2025 do të jetë edhe konferenca e mjekësisë sportive e madje edhe Kryetari i Shoqatës Ndërkombëtare i Mjekësisë Sportive është i ftuar dhe do të jetë pjesëmarrës.

Kjo ngjarje konsiderohet e jashtëzakonshme sepse do të ndodhë për herë të parë në Kosovë.

Ndryshe, Programi i Shkencave të Sportit është një mundësi e shkëlqyer për ata që dëshirojnë të ndjekin një karrierë profesionale në fushën e sporteve, shëndetit dhe trajnimit.

Ky program ofron qasje të balancuar mes teorisë dhe praktikës, duke përgatitur studentët për nevojat e tregut të punës në Kosovë e më gjerë.

“Kemi studentë që janë punësuar nëpër klube sportive që kanë përfunduar praktikën e tyre profesionale, sepse puna që e realizojnë ata i’a mundëson që të jenë të kërkuar në treg e madje me disa jemi dhe kolegë në të njëjtin vend të punës”, përfundoi Milaim Berisha.

Pjesë nga biseda:

https://www.facebook.com/campusradio100.7/videos/1181351350400498

/UBT News/

Në UBT u mbajt promovimi për dy botime të rëndësishme shkencore në fushën e inxhinierisë së ndërtimit dhe infrastrukturës: “MEKANIKA – 1 (Statika)” dhe “MEKANIKA – 2 (Kinematika dhe Dinamika)”, autor i të cilave është Prof. Dr. Naser Morina, profesor i Fakultetit të Inxhinierisë së Ndërtimit dhe Infrastrukturës.

Këto dy vepra përfaqësojnë një kontribut të vyer akademik dhe praktik në fushën e mekanikës, të ndërtuara mbi një përvojë shumëvjeçare shkencore dhe pedagogjike, duke u shndërruar në literaturë të domosdoshme për studentët universitarë e pasuniversitarë, si dhe për profesionistët e fushës.

Në këtë aktivitet, morën pjesë personalitete të rëndësishme nga bota akademike dhe profesionale, ndër ta edhe Rektori i UBT-së, Prof. Dr. Edmond Hajrizi, i cili vlerësoi lart angazhimin e profesor Morinës, duke theksuar se ky promovim është një tjetër dëshmi e përkushtimit të stafit akademik të UBT-së për avancimin e shkencës dhe dijes në Kosovë dhe më gjerë.

“Ky është një moment i rëndësishëm për institucionin tonë, për studentët dhe për gjithë komunitetin akademik që kërkon dije cilësore. Vepra të tilla i japin hov zhvillimit profesional dhe krijojnë një bazë të fortë për ndërtimin e kompetencave të inxhinierëve të rinj”, u shpreh Rektori Hajrizi.

Në fjalën e tij, autori i librave, Prof. Dr. Naser Morina, ndau me të pranishmit rrugëtimin e tij akademik në ndërtimin e këtyre dy veprave, të cilat, sipas tij, kanë për qëllim të përmbushin boshllëkun që ekzistonte në literaturën teknike në gjuhën shqipe, duke ofruar një qasje të qartë dhe të strukturuar mbi temat më sfiduese të mekanikës.

Në diskutim mori pjesë edhe Prof. Dr. Visar Krelani, Dekan i Fakultetit të Inxhinierisë së Ndërtimit dhe Infrastrukturës, i cili theksoi rëndësinë e pasurimit të burimeve didaktike në gjuhën shqipe dhe rolin që ka kjo literaturë në përgatitjen e inxhinierëve të aftë për sfidat e tregut të punës.

Gjatë promovimit, studentë, profesorë dhe ekspertë të fushës diskutuan mbi përmbajtjen e librave, rëndësinë e tyre për kurset universitare dhe ndikimin që kanë në avancimin e metodologjisë së mësimdhënies në inxhinieri.

“MEKANIKA – 1 (Statika)” trajton parimet bazë të trupave në ekuilibër, analizën e forcave konkurrente, strukturat statikisht të përcaktuara dhe analiza të trarëve.

“MEKANIKA – 2 (Kinematika dhe Dinamika)” përfshin konceptet e lëvizjes së pikave materiale dhe trupave të ngurtë, duke ofruar analiza dinamike dhe zgjidhje përmes ekuacioneve diferenciale.

Me metodologji bashkëkohore dhe ilustrime të shumta praktike, këto tekste janë projektuar për të lehtësuar procesin mësimor dhe për të forcuar aftësitë analitike dhe teknike të studentëve.

Fakulteti i Inxhinierisë së Ndërtimit dhe Infrastrukturës në UBT organizoi një ngjarje të rëndësishme në kuadër të Ditës Botërore të Sigurisë dhe Shëndetit në Punë, duke sjellë në vëmendje çështjet thelbësore që lidhen me sigurinë, shëndetin dhe mirëqenien në vendin e punës.

Në këtë panel diskutimi morën pjesë personalitete të rëndësishme të institucionit: Rektori i UBT-së, Prof. Dr. Edmond Hajrizi, Dekani i Fakultetit të Inxhinierisë së Ndërtimit dhe Infrastrukturës, Prof. Visar Krelani, si dhe Dekani i Fakultetit të Inxhinierisë së Energjisë, Armend Ymeri.

Në fjalën e tij hyrëse, Rektori Hajrizi theksoi rëndësinë e menaxhimit të organizatës si bazë për ndërtimin e një kulture të qëndrueshme të sigurisë. Ai foli për tre standardet kryesore që, sipas tij, janë jetike për funksionimin e çdo organizate moderne.

“Do të doja të nisja duke thënë se është shumë e rëndësishme që organizatat të fokusohen në menaxhimin dhe organizimin e brendshëm. Standardi i parë është menaxhimi i organizatës, i cili ka ndikim në çdo gjë që bëjmë më mirë në jetë. I dyti është sistemi i menaxhimit të integruar, që përfshin sigurinë, shëndetin, mirëqenien. Dhe i treti lidhet me menaxhimin e përgjithshëm që ndikon në çdo proces pune. Sepse në fund të fundit, qëllimi është të kemi njerëz të shëndetshëm, të motivuar, pozitivë – pra një mirëqenie të plotë në vendin e punës”, tha ndër të tjera Rektori Hajrizi.

Gjatë panelit, Dekani Visar Krelani vuri theksin te rëndësia e zbatimit praktik të njohurive të sigurisë në fushën e inxhinierisë së ndërtimit, duke përmendur se studentët e këtij fakulteti përgatiten jo vetëm për të ndërtuar objekte, por edhe për të ndërtuar mjedise të sigurta pune, ku respektohen standardet ndërkombëtare dhe ruhet jeta e çdo punonjësi.

Ndërkaq, Dekani i Inxhinierisë së Energjisë, Armend Ymeri, theksoi sfidat dhe mundësitë që sjellin teknologjitë e reja në aspektin e sigurisë teknike dhe industriale, duke shtuar se një sistem energjetik i mirëmenaxhuar nuk ka vetëm qëllime funksionale, por edhe mbron jetën dhe shëndetin e njerëzve që punojnë me të.

Në këtë kuadër, prezantoi edhe profesori Hazir Cadraku, ekspert në fushën e sigurisë dhe menaxhimit të rrezikut në punë, i cili solli një perspektivë të gjerë dhe praktike mbi sfidat dhe zgjidhjet që lidhen me sigurinë në ambientet e punës. Ai theksoi se edukimi i brezave të rinj me qasje të reja dhe standarde ndërkombëtare është kyç për ndërtimin e një kulture të qëndrueshme të sigurisë.

Kjo ngjarje shërbeu jo vetëm si platformë për reflektim dhe ndarje përvojash ndërdisiplinore, por edhe si thirrje për angazhim më të madh të institucioneve, studentëve dhe profesionistëve për të forcuar kulturën e sigurisë në çdo hap të procesit të punës.

UBT konfirmon rolin e tij si promotor i arsimit cilësor, inovacionit dhe përgjegjësisë shoqërore, duke i paraprirë trendeve globale dhe duke vendosur në qendër të vëmendjes njeriun dhe mirëqenien e tij në çdo fushë të jetës profesionale.