Sport

Interi publikon raportin financiar me 245 milionë euro humbje

Njoftimi është lëshuar në faqen zyrtare të kamponit italian dhe ka të bëjë me periudhën 2020/21.

Published

on

Aksionarët e Interit kanë miratuar raportin për vitin financiar që përfundon më 30 qershor 2021 me një humbje prej 245.6 milionë euro, me pothuajse gjysmën e saj për shkak të pandemisë Covid-19.

Njoftimi është lëshuar në faqen zyrtare të kamponit italian dhe ka të bëjë me periudhën 2020/21, ku gjithashtu bëhet e ditur se të ardhura të konsoliduara prej mbi 364 milionë eurove.

“F.C. Internazionale Milano S.p.A., në Mbledhjen e Aksionarëve, e mbajtur përmes video-konferencës, ka miratuar rezultatet financiare për periudhën 2020/21, të cilat u ndikuan ndjeshëm gjatë gjithë sezonit nga efektet e pandemisë Covid-19”, thuhet në deklaratën zyrtare të klubit.

“Gjastë këtij viti ka pasur të ardhura të konsoliduara prej 364.7 milionë euro dhe humbje prej 245.6 milionë euro. Ndikimi i Covid-19 ishte afërsisht 110 milionë euro: rreth 70 milionë euro për shkak të mungesës së plotë të të ardhurave në ditët e ndeshjeve pas mbylljes së stadiumeve dhe rreth 40 milionë euro për shkak të reduktimit të kontratave të sponsorizimit dhe 30 milionë euro të tjera ishin për shkak të ndërprerjes së kontratave sportive”.

Ndërsa, presidenti i klubit Steven Zhang potencoi se titulli i fituar sezonin e kaluar ishte një shpërblim shumë i madh për klubin dhe të gjithë tifozët që treguan një pasion të jashtëzakonshëm.

“Fitimi i Scudetto-s së 19-të është një arritje dhe shpërblim i paharrueshëm për punën e mahnitshme të bërë nga ekipi dhe të gjithë në klub, si dhe pasionin e jashtëzakonshëm të treguar nga tifozët, të cilët kishin pritur 11 vjet për këtë moment”, tha Zhang.

“Ne kemi bërë një rrugë të gjatë që kur morëm drejtimin e klubit në vitin 2016: Interi është bërë një klub global, i suksesshëm, inovativ i lidhur me gjeneratat e reja anembanë botës. Puna dhe përkushtimi ynë tregohet në rezultat, Klubi është kthyer për të fituar me një vizion të përcaktuar qartë. Brenda kontekstit të jashtëzakonshëm ekonomik dhe social të krijuar nga pandemia, qëndrueshmëria financiare e klubit dhe mbajtja e ekipit sfidues në nivelin më të lartë janë pikat kryesore të strategjisë sonë”, theksoi Zhang në fund të fjalimit të tij.

Sport

Besnik Krasniqi pas kualifikimit historik: “Suksesi më i madh në karrierën time”

Published

on

By

Besnik Krasniqi, autori i golit vendimtar në fitoren e Dritës kundër Differdanget, ka shprehur entuziazëm të madh pas kualifikimit historik të skuadrës nga Gjilani në fazën e grupeve të Ligës së Konferencës së UEFA-s.

Drita fitoi të dyja ndeshjet e fazës play-off – 2-1 në Prishtinë dhe 1-0 në Luksemburg – me Krasniqin që shënoi nga pika e bardhë në sfidën e kthimit, duke vulosur rezultatin e përgjithshëm 3-1.

“Jam shumë i lumtur për fitoren dhe që goli im ishte vendimtar. Ishim pak në presion, pasi e kemi ditur se është natë historike. Dhe ia arritëm. Jam shumë i lumtur për tifozët e Dritës, po ashtu për presidentët që kanë bërë punë të jashtëzakonshme dhe e kanë merituar këtë,” tha Krasniqi pas ndeshjes.

Mesfushori e cilësoi këtë si suksesin më të madh në karrierën e tij deri më tani, por theksoi se skuadra nuk do të ndalet këtu: “Ky nuk është fundi. Kemi ende punë. Në grupe do të jemi më të qetë dhe do të bëjmë lojëra shumë më të mira.”

Ai gjithashtu u ndal te presioni që kishte ndjerë skuadra si favorite, por theksoi se menaxhimi i situatës ishte çelësi i suksesit: “Si favoritë kishim një lloj presioni, por e menaxhuam mirë dhe në fund u shpërblyem. Falënderoj tifozët dhe familjen time për mbështetjen.”

Continue Reading

Sport

Kualifikim historik dhe përfitime rekord për Shkëndijën

Published

on

By

Shkëndija e Tetovës është kualifikuar për herë të parë në fazën e grupeve të Ligës së Konferencës së UEFA-s, duke shënuar arritjen më të madhe në historinë e klubit, si në aspektin sportiv ashtu edhe atë financiar.

Skuadra e drejtuar nga Jeton Beqiri tashmë ka garantuar mbi 3 milionë euro përmes kësaj pjesëmarrjeje — një shumë rekord për futbollin në Maqedoninë e Veriut.

Sipas strukturës së shpërblimeve të UEFA-s, çdo ekip që arrin në fazën e grupeve përfiton 3.2 milionë euro si shpërblim bazë. Kjo shumë mund të rritet më tej, pasi çdo fitore në grup sjell 400 mijë euro shtesë, ndërsa një barazim vlerësohet me 133 mijë euro.

Kualifikimi për në grupe përfaqëson një hap të madh për Shkëndijën, duke i siguruar klubit stabilitet të rëndësishëm financiar dhe një bazë për zhvillim të mëtejshëm afatgjatë. Për më tepër, kjo pjesëmarrje e vendos klubin tetovar në një pozicion të ri në skenën evropiane, si përfaqësues i denjë i futbollit nga Maqedonia e Veriut.

Continue Reading

Sport

Drita shkruan histori: Në grupet e Ligës së Konferencës

Published

on

By

Kampioni i Kosovës, Drita, ka siguruar një arritje historike duke u kualifikuar për herë të parë në fazën e grupeve të Ligës së Konferencës së UEFA-s. Klubi nga Gjilani mposhti Differdange edhe në ndeshjen e kthimit të fazës play-off, me rezultat 1-0 në Luksemburg, pas fitores 2-1 në sfidën e parë në Prishtinë.

Goli i vetëm i takimit u realizua nga Besnik Krasniqi nga pika e bardhë, duke vulosur kualifikimin me rezultat të përgjithshëm 3-1.

Kjo është një nga arritjet më të mëdha të një klubi kosovar në arenën ndërkombëtare dhe sjell përfitime të mëdha jo vetëm në aspektin sportiv, por edhe financiar.

Vetëm pjesëmarrja në fazën e grupeve garanton për Dritën një shpërblim prej 3.170.000 eurosh nga UEFA. Për më tepër, çdo fitore në grup sjell 400.000 euro shtesë, ndërsa çdo barazim 133.000 euro.

Me këtë sukses, skuadra e drejtuar nga trajneri Zekirija Ramadani jo vetëm që përfaqëson denjësisht Gjilanin dhe Kosovën, por bëhet edhe një ambasadore e rëndësishme e futbollit kosovar në garat evropiane.

Continue Reading

Sport

Manchester City planifikon ofertë prej 150 milionë eurosh për Vinicius Junior

Published

on

By

Manchester City po përgatit një ofertë të rëndësishme për të siguruar shërbimet e sulmuesit brazilian Vinicius Junior në afatin kalimtar të verës 2026, raportojnë burime pranë klubit për Fichajes.

Sipas raportimeve, klubi nga Etihad Stadium është i gatshëm të ofrojë 150 milionë euro për kartonin e lojtarit të Real Madridit, duke synuar të përfitojë nga pasiguria që ka lindur rreth rinovimit të kontratës së tij, e cila skadon në vitin 2027.

Trajneri Pep Guardiola e sheh Vinicius Jr si një element ideal për sistemin e tij, për shkak të shpejtësisë, driblimit dhe aftësisë për të krijuar situata një-me-një. Nëse transferimi realizohet, ai do të formonte një dyshe sulmuese me Erling Haaland – një kombinim që City e konsideron si bazë për të dominuar futbollin evropian në vitet e ardhshme.

Në Madrid, ndërkohë, bisedimet për rinovimin e kontratës së Vinicius Jr nuk kanë përparuar me ritmin e pritur. Ndonëse lojtari mbetet një figurë kyçe në sukseset e fundit të klubit, kërkesat për përmirësim të kushteve financiare kanë krijuar një ngërç në negociata.

Presidenti i Real Madridit, Florentino Perez, mban një qëndrim të qëndrueshëm: rinovimi është i mundur, por vetëm brenda kornizës financiare të klubit. Përvoja me largimet e mëparshme të emrave si Sergio Ramos dhe Cristiano Ronaldo ka forcuar politikën e klubit për të mos vepruar nën presion.

Nga ana tjetër, Manchester City thuhet se ka ndërtuar një strategji specifike financiare, duke shmangur investimet e mëdha në sulm deri në verën e 2026-ës, pikërisht për të pasur hapësirë buxhetore për një lëvizje të madhe në drejtim të Viniciusit.

Continue Reading

Të kërkuara