Sport

Interesim i madh për kampin stërvitor të Real Madridit

Published

5 years ago

August 25, 2021

Betim Gashi

Nga data 30 gusht deri më 30 shtator klubi i basketbollit Prishtina do të zhvillojë një kamp stërvitor me grupmoshat e reja në bashkëpunim me klubin nga Spanja, Real Madridin.

Kryetari i KB Prishtinës, Burim Maraj e ka cilësuar këtë iniciativë si një mundësi të madhe dhe shumë interesante për basketbollistët e rinj. Ai për KosovaPress ka thënë së ky është një hap i ri dhe shumë interesant dhe ka një rëndësi të madhe si për klubin ashe edhe për qytetin dhe gjeneratat e reja.

“Kampi i Real Madridit është diçka shumë e re në Kosovë. Po besoj që kemi sjellë një risi të re. Për ne si klub, si udhëheqësi e re është vërtetë një gjë shumë e rëndësishme edhe për klubin edhe për qytetin edhe për gjeneratat e reja. Fillimi i bisedimeve me kampin kemi filluar të bisedojmë më Robin Krasniqin i cili është një menaxher i sportit nga Austria me të cilin kemi biseduar dhe e kemi bërë realitet këtë kamp. Kampi fillon më 30 gusht dhe mbaron më 10 shtator. Është një mundësi e jashtëzakonshme për gjeneratat e reja”, tha Maraj.

Më tutje Maraj bëri të ditur se interesimi për t’u regjistruar në këtë kamp është shumë i madh ku përfshihen gjeneratat nga 6 deri në 18 vjeç.

“Ka interesim shumë, jemi shumë të kënaqur me pjesëmarrje, besoj që ne këto mundësi nuk duhet t’i lëshojmë. Është mundësi e jashtëzakonshme për të punuar me ekspertët e kampit të Real Madridit edhe është shumë e rëndësishme që një eksperiencë të cilën ata mund ta bartin të fëmijët tonë, të gjenerata e reja mos të lihet anash…Grupmosha më e re është 6-vjeç, është për meshkuj dhe femra dhe vazhdon deri me grupmoshën 18-vjeçare, për femra dhe meshkuj”, vijoi ai.

Kryetari i KB Prishtinës gjithashtu duke folur për KosovaPress bëri të ditur se pjesëmarrësit në këtë kamp stërvitor do ta kenë mundësinë edhe për një muaj shtesë pa pagesë më klubin nga kryeqyteti.

“Kampi mbahet në shkollën ‘Don Bosko’. E kemi siguruar objektin, është një sallë shumë e mirë, me fasilitet shumë të mirë për të pasur aktivitetin e kampit aty kështu që çdo gjë nga ana jonë është e siguruar. Shumë shpejtë po presim të na vijnë trajnerët edhe të përgatitemi me pjesën e fanellave e kështu me radhë. Do të jetë një gjë shumë interesantë për fëmijët…. Është po ashtu e rëndësishme të ceket se gjithë kampi do të përcillet edhe nga trajneri Ante Nazori dhe po ashtu është mirë të ceket që gjithë pjesëmarrësit do të kenë mundësi ta vazhdojnë stërvitjen në shkollën e Prishtinës edhe për një muaj pa pagesë shtesë. Këta pjesëmarrës që marrin pjesë në kamp mund të vazhdojnë me stërvitje edhe për një muaj”, tha në fund Maraj.

Up Next

Moment pikëllues në Lojërat Paraolimpike: Flamuri afgan parakalon, asnjë atlet nuk është mbrapa tij

Don't Miss

Goditi topat e basketbollit 729 herë për një minutë, hyn në librin e Guinness-it

Sport

Italia i kthen shpinën Infantinos, tërheq mbështetjen për zgjedhjet në FIFA

Published

59 minutes ago

August 26, 2026

UBTNews

Federata Italiane e Futbollit (FIGC) ka vendosur të tërheqë mbështetjen për Gianni Infantinon në zgjedhjet presidenciale të FIFA-s, të cilat do të mbahen në mars të vitit 2027.

Vendimi i federatës italiane lidhet me disa prej nismave të fundit të presidentit të FIFA-s, veçanërisht me planin për shitjen e të ardhurave të ardhshme nga Kupat e Botës te investitorët privatë.

Kjo ide është kundërshtuar më herët edhe nga UEFA, AFC dhe CONCACAF. Përveç Italisë, mbështetjen për Infantinon e kanë tërhequr edhe gjashtë federata nordike – Suedia, Norvegjia, Finlanda, Danimarka, Islanda dhe Ishujt Faroe – si dhe Federata Shqiptare e Futbollit.

Në një deklaratë zyrtare, FIGC ka bërë të ditur se vendimi për tërheqjen e mbështetjes është në përputhje me qëndrimin e UEFA-s dhe presidentit të saj, Aleksander Çeferin.

“FIGC ka vendosur të tërheqë mbështetjen për kandidaturën e Gianni Infantinos në zgjedhjet presidenciale të FIFA-s në mars 2027”, thuhet në deklaratën e federatës italiane.

FIGC theksoi se përmes këtij vendimi dëshiron të shprehë qartë qëndrimin e saj mbi mënyrën se si FIFA po planifikon menaxhimin dhe zhvillimin e garave ndërkombëtare.

Presidenti i FIGC-së, Giovanni Malagò, deklaroi se Italia do të vazhdojë bashkëpunimin me UEFA-n dhe federatat e tjera evropiane për të mbrojtur një model futbolli të bazuar në meritën sportive, solidaritetin, qëndrueshmërinë dhe rolin e tifozëve.

“Ne përfaqësojmë një model dialogu, respekti për mendimet e të tjerëve dhe përgjegjësie të përbashkët”, deklaroi Malagò.

Tërheqja e mbështetjes nga Italia përbën një goditje të rëndësishme për Infantinon, i cili synon të sigurojë një tjetër mandat në krye të FIFA-s në zgjedhjet presidenciale të vitit të ardhshëm.

D.L

Sport

Dardanet luftuan deri në fund, Taranton e mbyllin me kokën lart

Published

2 hours ago

August 26, 2026

UBTNews

Përfaqësuesja e Kosovës në volejboll për femra e ka përmbyllur pjesëmarrjen historike në Lojërat Mesdhetare “Taranto 2026” me humbje ndaj Turqisë.

Turqia triumfoi 3:0 ndaj Kosovës, me sete 25:17, 25:17 dhe 25:18, duke i dhënë fund rrugëtimit të vajzave kosovare në këtë garë.

Megjithatë, rezultati i ndeshjes së fundit nuk e zbeh aspak paraqitjen e Kosovës në debutimin historik në Lojërat Mesdhetare. Përmes një postimi, Federata e Volejbollit të Kosovës ka vlerësuar lart paraqitjen e përfaqësueses, duke theksuar dy fitoret historike ndaj Algjerisë dhe Maqedonisë së Veriut.

“Dardanet e mbyllin kampanjën faqebardhë dhe me kokën lart!”, thuhet në reagimin e Federatës.

Në Taranto, volejbollistet kosovare treguan karakter, luftë dhe dinjitet, duke regjistruar dy fitore në paraqitjen e tyre të parë në këtë nivel të garave.

Federata ka falënderuar lojtaret për paraqitjen e tyre, ndërsa mirënjohje të veçantë ka shprehur edhe për shtabin teknik të udhëhequr nga përzgjedhësi Lorik Ilazi, ndihmësit Vlora Berisha dhe Ylli Kadriu, team liderin Agron Istogu, si dhe të gjithë personat që kontribuuan në këtë kampanjë.

Falënderime janë adresuar edhe për Komitetin Olimpik të Kosovës për mbështetjen dhe mundësinë që volejbolli kosovar të paraqitej për herë të parë në histori në Lojërat Mesdhetare.

“Volejbolli e arsyetoi prezencën e parë ndonjëherë në Lojërat Mesdhetare me dy fitore dhe një përfaqësim dinjitoz”, thuhet më tej në reagimin e Federatës.

Kosova kështu e mbyll aventurën në Taranto me dy fitore dhe me një paraqitje që lë shpresë për të ardhmen e volejbollit të femrave në vend.

D.L

Sport

UEFA e dënon klubin serb pas thirrjeve kundër Kosovës në stadium

Published

3 hours ago

August 26, 2026

UBTNews

UEFA ka marrë masa disiplinore ndaj Crvena Zvezdës pas ndeshjes së Ligës së Evropës kundër Viktoria Plzenit, të zhvilluar më 20 gusht, të cilën skuadra serbe e fitoi me rezultat 3-0.

Në total, Crvena Zvezda është dënuar me 99,500 euro gjobë, ndërsa pjesa më e madhe e ndëshkimit lidhet me sjelljen dhe mesazhet e tifozëve në tribuna.

Gjoba më e lartë, prej 50 mijë eurosh, është vendosur për shfaqjen dhe transmetimin e mesazheve të papërshtatshme për një ngjarje sportive. Në mesin e parullave të shfaqura nga tifozët ishte edhe mesazhi “Kosova është Serbi”, i cili u përfshi në masat disiplinore të UEFA-s.

Klubi serb është dënuar gjithashtu me 20 mijë euro për bllokimin e shkallëve të stadiumit, ndërsa për përdorimin e mjeteve piroteknike është vendosur një gjobë prej 9,500 eurosh.

Një tjetër ndëshkim prej 20 mijë eurosh lidhet me sjellje raciste dhe/ose diskriminuese të tifozëve. Për këtë shkelje, UEFA ka urdhëruar edhe mbylljen e pjesshme të stadiumit, konkretisht sektorin 3 të tribunës veriore, në ndeshjen e ardhshme evropiane si vendas.

Megjithatë, kjo masë është pezulluar për një periudhë prove prej dy vitesh. Në rast se Crvena Zvezda kryen një shkelje tjetër gjatë kësaj periudhe, mbyllja e sektorit mund të aktivizohet.

Me këtë vendim, UEFA ka vendosur një ndëshkim të konsiderueshëm ndaj klubit serb, duke theksuar masat ndaj mesazheve të papërshtatshme, sjelljeve diskriminuese, bllokimit të shkallëve dhe përdorimit të mjeteve piroteknike në stadium.

D.L