Në episodin e radhës të podcastit studentor “Inside Politics with Aja”, i realizuar nga studentët e Shkencave Politike në UBT, i ftuar ishte profesori Veton Zejnullahu, i cili trajtoi zhvillimet aktuale politike në Kosovë dhe sfidat e konsolidimit demokratik.

Në analizën e tij, profesori Zejnullahu e përkufizoi situatën politike në vend si një fazë hibride, mes stabilitetit institucional dhe tranzicionit të vazhdueshëm.

“Ne nuk jemi më në fazën emergjente të tranzicionit, sepse kemi kaluar një fillim të rëndësishëm institucional. Por, në të njëjtën kohë, nuk mund të themi se kemi arritur një demokraci të konsoliduar. Jemi në një fazë hibride, dinamike, ku disa mekanizma funksionojnë, ndërsa të tjerët mbeten të brishtë dhe të papërfunduar”.

Ky vlerësim nënvizon një realitet kompleks politik, ku përparimet institucionale bashkëjetojnë me dobësi strukturore. Sipas tij, ndërtimi i një demokracie funksionale nuk matet vetëm me ekzistencën e institucioneve, por me mënyrën se si ato funksionojnë në praktikë dhe sa janë të qëndrueshme ndaj krizave politike.

Në vijim, ai theksoi se një nga problemet më të mëdha të sistemit politik në Kosovë është personalizimi i skajshëm i partive politike.

“Partitë politike në Kosovë funksionojnë më shumë si mekanizma elektoralë sesa si struktura ideologjike. Votuesit shpesh nuk votojnë për programe apo ide, por për liderë të caktuar. Kjo e dobëson zhvillimin e demokracisë së brendshme partiake dhe e zhvendos fokusin nga politikat tek individët”.

Diskutimi në këtë episod ofroi një pasqyrë kritike dhe analitike mbi realitetin politik në Kosovë, duke i ndihmuar studentët të kuptojnë më thellë sfidat e demokracisë dhe rolin e tyre në këtë proces.

Ju ftojmë të ndiqni episodin e plotë: Inside Politics with Aja

Në kuadër të angazhimit për të ofruar një edukim të avancuar dhe të orientuar drejt praktikës, Fakulteti i Psikologjisë në UBT organizoi një ligjëratë të ftuar me Fatime Sahiti Bekteshi, specialiste klinike për fëmijë dhe adoleshentë në Klinikën EMOS.

Aktiviteti u realizua nën organizimin e Asst. Prof. Elona Krasniqi dhe u fokusua në trajtimin e çrregullimeve neurozhvillimore, duke përfshirë shenjat klinike, procesin diagnostikues, si dhe opsionet bashkëkohore të trajtimit dhe ndërhyrjes. Një vëmendje e veçantë iu kushtua çrregullimit të spektrit të autizmit, në kuadër të muajit të ndërgjegjësimit për autizmin.

Ligjërata u zhvillua me pjesëmarrjen aktive të studentëve të programit master në Psikologji, si pjesë e lëndës së Psikopatologjisë, duke u karakterizuar nga diskutime ndërvepruese, analiza të rasteve klinike dhe reflektime mbi qasjet moderne në vlerësim dhe ndërhyrje.

Gjatë aktivitetit u theksua rëndësia e identifikimit të hershëm, përdorimi i metodave të bazuara në evidencë dhe roli i bashkëpunimit multidisiplinar në mbështetjen e fëmijëve me nevoja neurozhvillimore, si në kontekstin klinik, ashtu edhe në atë edukativ.

Organizimi i ligjëratave të tilla me profesionistë të fushës është pjesë e qasjes së Fakultetit të Psikologjisë në UBT për të ndërlidhur teorinë me praktikën, duke u ofruar studentëve përvoja të drejtpërdrejta dhe njohuri të aplikueshme në tregun e punës.

Përmes këtyre aktiviteteve, UBT vazhdon të forcojë kapacitetet profesionale të studentëve dhe të krijojë ura bashkëpunimi me ekspertë dhe institucione relevante, duke kontribuar në formimin e psikologëve të rinj të përgatitur për sfidat reale të profesionit.

Prof. Dr. Edon Maliqi nga Agjencia Kadastrale e Kosovës (MMPH) është emëruar anëtar i Komisionit për Dhënien e Lejes Kompanive Gjeodezike dhe Licencimin e Gjeodetëve në Kosovë. Në këtë komision, Prof. Maliqi përfaqëson Shoqatën e Gjeodetëve të Kosovës.

Ky emërim përfaqëson një vlerësim të lartë për profesionalizmin, përkushtimin dhe kontributin e tij në fushën e gjeodezisë, kadastrit dhe hartografisë, si dhe një dëshmi e cilësisë akademike dhe profesionale që përfaqëson UBT.

UBT vazhdon të jetë një institucion që kontribuon aktivisht në zhvillimin e sektorëve kyç në vend, përmes stafit të tij të kualifikuar dhe angazhimit në institucionet relevante.

Fakulteti i Inxhinierisë Ndërtimore dhe Infrastrukturës në UBT përfaqëson sot arsimin më të lartë dhe më të rëndësishme për ndërtimtari në Kosovë, duke shërbyer si një urë lidhëse mes pasionit për projektim dhe kërkesave dinamike të tregut të punës.

Programi studimor Bachelor i Shkencës në Ndërtim dhe Infrastrukturë është i ndërtuar mbi një vizion të qartë: formësimin e inxhinierëve që posedojnë jo vetëm njohuri teorike, por edhe shkathtësi praktike për të lënë gjurmë në zhvillimin urban dhe infrastrukturor.

Studentët që diplomohen nga ky fakultet njihen si profesionistë tejet të kërkuar, të cilët falë kompetencave të fituara, integrohen me sukses të plotë brenda dhe jashtë kufijve të vendit, duke konkurruar me dinjitet në tregun evropian dhe atë botëror.

Qëllimi kryesor i këtij programi është edukimi i ekspertëve që zotërojnë një bazë shkencore efikase në të gjitha punimet ndërtimore, përfshirë ato rrugore dhe hidroteknike.

Gjatë rrugëtimit të tyre akademik, studentët pajisen me aftësi krijuese për zgjidhjen e problemeve komplekse, duke zhvilluar një mendim kritik që është i domosdoshëm për menaxhimin e sfidave të profesionit.

Programi vë një theks të veçantë në punën në grup dhe ndërgjegjësimin për edukim të përhershëm, pasi inxhinieria është një fushë që evoluon vazhdimisht bashkë me teknologjinë.

Studentët trajnohen për të aplikuar njohuritë e tyre në situata reale të praktikës ndërtimore, duke u bërë kompetentë në projektimin, organizimin dhe mbikëqyrjen e të gjitha llojeve të objekteve.

Përveç përgatitjes teknike, një rëndësi jetike i kushtohet etikës profesionale dhe përgjegjësisë shoqërore. Inxhinieri i diplomuar në UBT kupton ndikimin e thellë që infrastruktura ka në mjedis dhe në jetën e qytetarëve, duke zbatuar gjithmonë ligjet, standardet dhe normat më të larta të sigurisë.

Pas përfundimit të studimeve, i diplomuari është i aftë të njohë ndërveprimin midis projektimit, ndërtimit dhe kërkesave të klientëve, duke përdorur teknologji të avancuara si dizajni me ndihmën e kompjuterit (CAD) dhe metodologjitë moderne të hulumtimit.

Për të mbështetur zhvillimin e gjeneratave të reja, UBT ofron mundësi të shkëlqyera financiare, duke përfshirë një bursë prej 20% për tre vitet e studimit për studentët e rinj që regjistrohen në këtë fakultet.

Me një përgatitje të tillë multidisiplinare, studentët e UBT-së nuk janë thjesht punëtorë të kualifikuar, por vizionarë të aftë për të marrë pjesë në planifikimin dhe zbatimin e projekteve në shkallë të gjerë, duke kontribuar në mënyrë aktive në zhvillimin e qëndrueshëm të shoqërisë dhe duke mbetur gjithmonë të përkushtuar ndaj përsosmërisë profesionale gjatë gjithë jetës.

Aplikimet e hershme kanë filluar, këtu gjeni linkun për me shumë informata.