Aktualitet

Intensifikohen konfliktet prej shpërthimit të pandemisë

Themeluesi i Institutit Steve Killelea, ka thënë se pandemia e ka fajin për këtë situatë.

Published

on

Shkalla e konflikteve në botë është rritur prej kur ka shpërthyer pandemia, sipas Indeksit Global për Paqe, të publikuar të enjten nga Instituti për Ekonomi dhe Paqe.

Raporti, që vlerëson situatën më 2020, tregon se shkalla e konfliktit është rritur në botë për të nëntën herë në 12 vjet.

Themeluesi i Institutit Steve Killelea, ka thënë se pandemia e ka fajin për këtë situatë.

Ndonëse nivelet e përgjithshme të konfliktit dhe terrorizmit kanë rënë më 2020, jostabiliteti politik dhe protestat e dhunshme kanë shënuar rritje, ka thënë Killelea.

Ai ka thënë se ndikimi i pandemisë mund të krijojë edhe më shumë paqartësi, sidomos për shtetet që veçse janë përballur me tensione para pandemisë.

Rimëkëmbja ekonomike ka mundësi të ketë dallime të mëdha, çka mund të thellojë edhe më shumë përçarjet, ka thënë ai.

Në përgjithësi, Indeksi Global për Paqe ka regjistruar mbi 5,000 incidente të dhunshme të lidhura me pandeminë, në periudhën janar 2020 deri në prill të këtij viti.

25 shtete janë përballur me rritje të numrit të protestave të dhunshme, ndërsa vetëm në tetë shtete situata është përmirësuar.

Situata më e rëndë është shënuar në Bjellorusi, Mianmar dhe Rusi, ku autoritetet kanë shtypur dhunshëm protestat.

Pakënaqësitë janë rritur shpejt edhe në Shtetet Bashkuara të Amerikës, jo vetëm për shkak të pandemisë, por edhe për rritjen e Lëvizjes Jetët e njerëzve me ngjyrë kanë vlerë, si dhe nga sulmi ndaj ndërtesës së Kongresit në Uashington, në janar të këtij viti.

Në anën tjetër, shkalla e vrasjeve dhe vdekjeve të lidhura me terrorizëm dhe perceptim të krimit, ka rënë dukshëm në shumë vende, ndonëse situata dallon nga zona në zonë.

Në Afganistan, Brazil, Afrikë Jugore dhe Meksikë, më shumë se gjysma e popullsisë ka vazhduar të përmendë dhunën si rrezikun kryesor për sigurinë gjatë përditshmërisë.

Raporti ka gjetur se Afganistani është vendi më pak paqësor në botë, i përcjellë nga Jemeni, Siria, Sudani Jugor dhe Iraku.

Islanda, ndërkaq, ka qenë në krye të listës si vendi më paqësor dhe ka mbajtur këtë pozitë që nga viti 2008.

Në nivel rajoni, Evropa është po ashtu më paqësorja, sipas Indeksit, i cili ka treguar se jostabiliteti politik është rritur edhe aty.

Indeksi Global i Paqes mbulon 99.7 për qind të popullsisë së botës dhe analizon situata, duke përdorur 23 faktorë kualitativë dhe cilësorë, të kategorizuar në tri fusha: konfliktet e vazhdueshne, siguria dhe ushtria.


Burimi: Radio Evropa e Lirë

Bota

Ukraina dhe SHBA nënshkruajnë draft marrëveshjen për mineralet

Published

on

By

Qeveria e Ukrainës ka njoftuar nënshkrimin e planit të një marrëveshjeje mineralesh mes Ukrainës dhe SHBA-së.

Ministrja e ekonomisë Julia Svyrydenko tha se memorandumi i hap rrugën asaj që ajo e quajti një marrëveshje partneriteti ekonomik.

Ajo tha se një marrëveshje përfundimtare do të përfshinte gjithashtu një fond investimi për rindërtimin e Ukrainës. Zyrtarët amerikanë shprehën shpresën se një marrëveshje mund të përfundojë deri në fund të javës së ardhshme.

Incidenti publik i Donald Trump me presidentin ukrainas Volodymyr Zelensky në Shtëpinë e Bardhë në shkurt, i kishte çuar përkohësisht negociatat jashtë kursit.

Svyrydenko njoftoi nënshkrimin e memorandumit në X, por nuk dha detaje të mëtejshme.

Postimi i saj përfshinte foto të saj dhe Sekretarit të Thesarit të SHBA Scott Bessent duke nënshkruar veçmas draft marrëveshjen për mineralet.

“Ne jemi të lumtur të njoftojmë nënshkrimin, me partnerët tanë amerikanë, të një memorandumi i cili hap rrugën një Marrëveshje të Partneritetit Ekonomik dhe krijimin e Fondit të Investimeve për Rindërtimin e Ukrainës,” shkroi Svyrydenko.

Nënshkrimi u krye gjatë një telefonate në internet me Bessent, i cili tha se detajet e marrëveshjes ishin ende duke u përpunuar.

“Është në thelb ajo për të cilën kishim rënë dakord më parë. Kur presidenti Volodymyr Zelensky ishte këtu, ne patëm një memorandum mirëkuptimi. Ne shkuam direkt në marrëveshjen e madhe dhe mendoj se është një marrëveshje 80 faqesh dhe kjo është ajo që ne do të nënshkruajmë,” tha ai.

Donald Trump la të kuptohet gjithashtu për marrëveshjen gjatë një konference për shtyp me udhëheqësen italiane Giorgia Meloni.

“Ne kemi një marrëveshje për mineralet që mendoj se do të nënshkruhet të enjten… të enjten e ardhshme. Së shpejti. Dhe supozoj se ata do të përmbushin marrëveshjen. Kështu që do të shohim. Por ne kemi një marrëveshje për këtë,” tha ai.

Shtëpia e Bardhë nuk iu përgjigj një kërkese për detaje të mëtejshme mbi kohën dhe përmbajtjen e marrëveshjes, raporton agjencia e lajmeve Reuters.

Masa është një hap drejt një marrëveshjeje që do t’i lejonte SHBA-së akses në mineralet kritike të Ukrainës, si dhe në naftë dhe gaz.

Raportet e mëparshme treguan se një “fond investimi” do të krijohej për rindërtimin e Ukrainës dhe do të menaxhohej nga Kievi dhe Uashingtoni në “kushte të barabarta”.

Presidenti Volodymyr Zelensky kishte shpresuar të përdorte marrëveshjen për të siguruar një garanci sigurie të SHBA-së në vendin e tij në rast të një marrëveshjeje armëpushimi me Rusinë.

Megjithatë plani u rrëzua në shkurt nga përplasja e nxehtë e Zelensky dhe Trump në Shtëpinë e Bardhë.

Continue Reading

Bota

Putin: Rusia është e gatshme të marrë masa për të ruajtur sovranitetin e Sirisë

Published

on

By

Presidenti rus Vladimir Putin tha gjatë një bisede me emirin e Katarit, Tamim bin Hamad Al Thani, se Rusia është e gatshme të marrë të gjitha masat e nevojshme për të ruajtur sovranitetin e Sirisë.

“Ne do të donim të bëjmë gjithçka që Siria, mbi të gjitha, të mbetet një shtet sovran, i pavarur dhe territorialisht integral”, tha Putin.

Sipas tij, Rusia është gjithashtu e gatshme të ofrojë ndihmë për popullin sirian, duke përfshirë ndihmën humanitare.

Putin beson se ka shumë probleme në Siri – probleme politike, sigurie dhe ekonomike, raportoi Izvestia.

Emiri i Katarit Tamim bin Hamad Al Thani ndodhet për një vizitë zyrtare në Rusi.

Continue Reading

Bota

Netanyahu: Izraeli nuk do të lejojë që Irani të ketë armë bërthamore

Published

on

By

Kryeministri izraelit Benjamin Netanyahu riafirmoi sot se Izraeli nuk do të lejojë që Irani të ketë armë bërthamore.

“Kryeministri e ka bërë të qartë disa herë: Izraeli nuk do të lejojë që Irani të marrë armë bërthamore”, thuhet në deklaratën e kabinetit të Netanyahut, raportoi The Times of Israel.

Deklarata thoshte se Netanyahu, të cilin Irani e sheh si armikun më të madh të Izraelit, “krijoi operacione të panumërta të hapura dhe të fshehta kundër programit bërthamor të Iranit” dhe “udhëhoqi një fushatë globale kundër programit bërthamor të Iranit”.

Ministri i Jashtëm iranian Seyed Abbas Aragchi u takua të shtunën në kryeqytetin e Omanit, Muscat me të dërguarin special të presidentit amerikan, Steve Witkoff, lidhur me programin bërthamor të Teheranit, me të dyja palët që e përshkruan takimin si “konstruktiv”.

Bisedimet në Muscat pasuan deklaratën e presidentit amerikan Donald Trump në fillim të marsit se ai u dërgoi një letër udhëheqësve iranianë, përmes Emirateve të Bashkuara Arabe, në të cilën ai propozon negociatat për programin bërthamor të Iranit.

Irani më vonë ra dakord për bisedime indirekte.

Continue Reading

Bota

Trump: Të shtënat në Florida “turp”, por nuk do ta ndryshoj ligjin për armët

Published

on

By

Presidenti amerikan Donald Trump i përshkroi të shtënat në Universitetin Shtetëror të Floridës si një “turp”, në të cilën dy persona u vranë dhe të paktën pesë persona u plagosën, duke shtuar se nuk ka gjasa që ligjet federale të armëve të ndryshojnë.

“Unë jam një mbështetës i madh i Amendamentit të Dytë. Këto gjëra janë të tmerrshme, por armët nuk qëllojnë njerëz, janë njerëzit ata që qëllojnë”, u tha Trump gazetarëve në Zyrën Ovale të Shtëpisë së Bardhë, raportoi CNN.

Ai vuri në dukje se ka detyrimin të mbrojë Amendamentin e Dytë, sipas të cilit qytetarët amerikanë kanë të drejtë të mbajnë armë.

Gjatë fushatës presidenciale vitin e kaluar, Trump u tha mbështetësve se Amendamenti i Dytë ishte “nën rrethim”.

Continue Reading

Të kërkuara