Teknologji

“Inteligjenca artificiale nuk do të zëvendësojë krijimtarinë njerëzore”

Anadol thotë se AI mund të jetë ‘mundësi për të gjetur mënyra të reja për të bashkëpunuar me makinat’.

Published

2 years ago

May 14, 2023

Betim Gashi

Derisa shqetësimet mbi rreziqet e mundshme që mund të vijnë nga inteligjenca artificiale (AI) po vazhdojnë të rriten, një artist i shquar ka ofruar një perspektivë të re duke thënë se makinat “nuk do të zëvendësojnë krijimtarinë njerëzore”.

“Si koncept, na lë shumë për të menduar për sa i përket mënyrës se si e përkufizojmë kreativitetin dhe matim kohën ose përpjekjen krijuese në epokën e AI”, tha Refik Anadol, një artist i mediave digjitale me origjinë turke, për Anadolu.

“Si mjet, edhe pse mund të ketë aplikime të dobishme profesionale, Inteligjenca Artificiale nuk do të zëvendësojë krijimtarinë njerëzore sepse, për mendimin tim, krijimtaria njerëzore ka një lidhje të fuqishme midis kujtesës dhe emocionit – diçka që AI-së do t’i mungojë gjithmonë”, shpjegoi ai.

“Unë mendoj se përparimet e fundit në teknologjitë e Inteligjencës Artificiale fillimisht mund të shihen si kërcënime serioze në botën e artit, por nuk mendoj se AI paraqet në mënyrë specifike rreziqe për të ardhmen e krijimtarisë”, shtoi ai.

Anadol përdor teknologjitë e fundit për të prodhuar instalime dhe skulptura. Këto teknologji përfshijnë inteligjencën artificiale, mësimin e makinerive dhe llogaritjen kuantike.

Më 5 maj, Anadol rikrijoi performancën e tij audio/vizuale “Living Architecture: Casa Batllo” në Barcelonë të Spanjës për të nderuar Antoni Gaudi, arkitektin katalanas që vdiq në vitin 1926.

Më shumë se 65 mijë njerëz përjetuan performancën në Barcelonë, ku ndodhet Caso Batllo.

AI ‘mundësi për të gjetur mënyra të reja për të bashkëpunuar me makinat’

Kur u pyet lidhur me letrën e hapur që u nënshkrua nga emra të njohur të teknologjisë, të cilët bënë thirrje për një pauzë gjashtëmujore të AI-së, duke përmendur “rreziqet e thella të teknologjisë së re për shoqërinë dhe njerëzimin”, Anadol pranoi se ekzistojnë rreziqe.

“Jam dakord me mendimin e shprehur në letër se ritmi i politikëbërjes në lidhje me AI duhet të përputhet me shpejtësinë e inovacionit në këtë fushë, por jam i mendimit se në vend që të ndalojmë Inteligjencës Artificiale, ndoshta mund të punojmë në forcimin e politikave, rregulloreve, dhe etikës rreth saj njëkohësisht”, tha ai./UBTNews/

Up Next

Pse vetmia po bëhet kaq kërcënuese?

Don't Miss

Ushqimet që nxisin djegien e kalorive

Teknologji

Elon Musk prezanton Grokipedia-n, platformën e re që sfidon Wikipedia-n

Published

10 hours ago

October 28, 2025

UBT News

Kompania e Inteligjencës Artificiale e Elon Musk, xAI, lansoi versionin e saj të hershëm të Grokipedia të hënën.

Bëhet fjalë për një platformë, e cila thuhet se është një enciklopedi e gjeneruar nga Inteligjenca Artificiale për të konkurruar me Wikipedia-n.

Themeluesi miliarder i Tesla-s, i cili e ka kritikuar prej kohësh Wikipedia-n për atë që ai e quan “paragjykim editorial”, më parë e përshkroi Grokipedia-n si një “alternativë më të vërtetë dhe të pavarur”.

E mundësuar nga Grok, chatbot-i i xAI-së i trajnuar në të dhëna në kohë reale, platforma synon të riformësojë mënyrën se si krijohet dhe ndahet njohuria online. Grokipedia zyrtarisht u lansua në grokipedia.com, megjithëse debutimi nuk ishte pa probleme.

Faqja u lansua të hënën pasdite, por “u rrëzua” brenda disa orësh, përpara se të kthehej online më vonë atë mbrëmje.

Vizitorët e hershëm raportuan se kishin parë një faqe kryesore minimaliste të titulluar “Grokipedia v0.1” me një shirit të thjeshtë kërkimi.

Në lansim, platforma “strehoi” 885,279 artikuj, megjithëse shumë përdorues thanë se pjesë të mëdha dukeshin të ishin përshtatur ose kopjuar nga Wikipedia.

Lëshimi shënon një hap në përpjekjet e Musk për të ndërtuar sisteme të IA-së “që sfidojnë narrativat kryesore”. /A.Z/UBT News/

Teknologji

Netflix mbyll studion pas “Squid Game: Unleashed” për ndryshim strategjie

Published

11 hours ago

October 28, 2025

UBT News

Netflix ka vendosur të mbyllë studion Boss Fight Entertainment, e njohur për lojën e saj “Squid Game: Unleashed”, si pjesë e një ndryshimi në strategjinë për njësinë e videolojërave.

Lajmin e konfirmoi bashkëthemeluesi dhe ish-drejtori ekzekutiv i studios, David Rippy: “Lajm i keq, sigurisht, por jam shumë mirënjohës për kohën që patëm në Netflix,” tha ai.

Netflix bleu Boss Fight Entertainment në vitin 2022 për të zgjeruar ofertën e saj të lojërave dhe për të diversifikuar rrjedhat e të ardhurave. David Luehmann, drejtor i zhvillimit të lojërave në studio, shtoi:

“Pas më shumë se 10 vitesh të shkëlqyera pune në Boss Fight, ka ardhur koha që studioja të mbyllet.”

Lojërat e studios, “Netflix Stories” dhe “Squid Game: Unleashed”, do të vazhdojnë të jenë të disponueshme në platformë.

Netflix ka një strategji të re për lojërat, duke u fokusuar tek lojërat për festa, narrative, për fëmijë dhe lojërat e zakonshme, nën drejtimin e Alain Tascan, të emëruar president i njësisë së lojërave vitin e kaluar. /A.Z/UBT News/

Automobilizëm elektrikë

Skoda rikthen legjendën 1000 MBX me një pamje moderne dhe futuriste

Published

14 hours ago

October 28, 2025

UBT News

Ekipi i dizajnit të Skodës ka sjellë një frymë nostalgjie duke rishikuar modelet klasike të markës dhe duke imagjinuar se si do të dukeshin ato me stilin modern të sotëm.

Dizajnerët kanë zbatuar gjuhën e re të dizajnit “Modern Solid” në një nga modelet më të rralla që ka prodhuar ndonjëherë kompania çeke, Skoda 1000 MBX.

Kjo veturë debutoi në vitin 1966, me vetëm 1,403 njësi të prodhuara deri në përfundimin e prodhimit në vitin 1969.

Më vonë u krijua edhe një version më i fuqishëm, 1100 MBX, i cili është edhe më i rrallë, me vetëm 1,114 ekzemplarë të montuar.

Në konceptin e ri digjital, Skoda e ka imagjinuar 1000 MBX me karakteristika të nivelit të lartë dhe një pamje tërësisht bashkëkohore — elemente që nuk gjenden në asnjë nga modelet aktuale të markës. /A.Z/UBT News/

Teknologji

Statistika shqetësuese, miliona përdorues flasin me ChatGPT për plane vetëvrasjeje

Published

17 hours ago

October 28, 2025

UBT News

Rreth 1.2 milion njerëz çdo javë zhvillojnë biseda me ChatGPT që tregojnë se po planifikojnë të vetëvriten, sipas të dhënave të publikuara nga kompania mëmë, OpenAI.

Sipas raportimit të Sky News, OpenAI ka bërë të ditur se 0.15% e përdoruesve dërgojnë mesazhe që përfshijnë “tregues të qartë të planifikimit ose qëllimit të mundshëm për vetëvrasje”. Në fillim të këtij muaji, drejtori ekzekutiv, Sam Altman, zbuloi se ChatGPT ka mbi 800 milionë përdorues aktivë në javë.

Teknologjia theksoi se synon t’i drejtojë personat në rrezik drejt linjave të ndihmës për kriza, megjithatë pranoi se “në raste të rralla modeli mund të mos sillet siç pritet në situata kaq të ndjeshme”.

Në një vlerësim të kryer mbi 1,000 biseda sfiduese që përfshinin tema të vetëdëmtimit dhe vetëvrasjes me modelin GPT-5, OpenAI zbuloi se sistemi reagoi sipas “sjelljeve të dëshiruara” në 91% të rasteve.

Megjithatë, kjo do të thotë se dhjetëra mijëra njerëz mund të ekspozohen ndaj përmbajtjeve që potencialisht mund të përkeqësojnë gjendjen e tyre mendore.

OpenAI paralajmëroi se masat mbrojtëse të modelit mund të dobësohen gjatë bisedave të gjata, duke shtuar se po punon për të përmirësuar këtë aspekt.

“ChatGPT mund të ofrojë kontaktet e linjave të ndihmës kur përmendet për herë të parë qëllimi për vetëvrasje, por pas shumë mesazheve në një periudhë të gjatë, mund të japë përgjigje që nuk janë në përputhje me masat tona mbrojtëse,” – shpjegoi OpenAI.

Mediat kujtojnë se një familje amerikane është në proces paditjeje ndaj OpenAI, duke pretenduar se ChatGPT ka qenë “bashkëfajtor” në vetëvrasjen e djalit të tyre 16-vjeçar, Adam Raine.

Sipas prindërve të tij, mjeti “e ndihmoi aktivisht të eksploronte metodat e vetëvrasjes” dhe madje “i ofroi ta shkruante një shënim lamtumire për familjarët”. /A.Z/UBT News/