

Teknologji
Intel është rikthyer dhe AMD nuk ka një përgjigje
Edhe pse u rrit performanca, diferena me AMD Ryzen 9 5950X ishte e dukshme dhe jo vetëm por edhe konsum energjie.
Published
4 years agoon
By
Betim GashiVitet e fundit konkurrenca e egër nga AMD ka vendosur Intel në pozita të vështira. Procesorët AMD Ryzen Zen3 morën kurorën e performancës nga Intel në gaming vitin e kaluar dhe përgjigja e këtij të fundit me gjeneratën e 11-të Core i9-11900K nuk mjaftoi.
Edhe pse u rrit performanca, diferena me AMD Ryzen 9 5950X ishte e dukshme dhe jo vetëm por edhe konsum energjie.
Gjenerata e 12 e procesorëve Intel ka mbërritur dhe flasghipi Core i9-12900K sjell një epokë të re. E quajmë kështu sepse procesorët e rinj x86 të Intel kanë një dizajn të ngjashëm me ato ARM me bërthama performance dhe efikasiteti.
Kështu Windows mund të ngarkojë detyrat e lehta bërthamave të efikasiteti dhe detyrat e vështira bërthamave të performancës. Intel thotë se i9-12900K është procesori më i mirë gaming në botë me 19% rritje krahasuar me gjeneratën e kaluar.
Gjenerata Alder Lake mbështetet fuqishëm në Windows 11. Microsoft ka optimizuar procesorët për sistemin e ri operativ me teknologjinë Thread Director e cila menaxhon më mirë bërthama procesorike.
Intel premton performancë më të lartë me Windows 11, por çfarë do të thotë kjo në realitet? Jo shumë. Sipas testimeve paraprake diferenca në performancë mes Windows 10 dhe Windows 11 është e papërfillshme.
Core i9-12900K ka 16 bërthama por jo ato që jeni mësuar. Intel ka ndarë 8 bërthama performance P dhe tetë bërthama efikase E. Bërthamat e performancës janë të ngjashme me bërthamat e vjetra ndërsa ato efikase janë më shumë të ngjashme me Intel Atom. Frekuenca shkon deri në 5.2Ghz me Intel Turbo Max 3.0 dhe 24 threads vinë 2 për bërthamat P dhe 1 për bërthamat E.
Për herë të parë Intel ka sjellë mbështetje për memorien DDR5 dhe PCIe 5.0. Me pak fjalë duhet të blini një pllakë amë të re për procesorët e gjeneratës së 12 ndërsa kompania ka kaluar në foletë LGA 1700 dhe çipet Z690.
Madje mund tu duhet edhe një ftohës i ri me këmbë të përditësuara sepse 12900K ka përmasa më të mëdha se 11900K.
Memoria RAM DDR5 do të nisë një epokë të re performance. Procesorët Alder Lake përfshijnë teknologjinë Dynamic Memory Boost, ku një kompjuter desktop mund të kalojë në konfigurime më të shpejta për performancë dhe konfigurime më të ngadalta për efikasitet.
Është i aktivizuar në BIOS e megjithatë nuk është e thënë të keni DDR5 për këtë funksion, një lajm i mirë sepse memoria e re do të jetë e kushtueshme për ca kohë. Pllakat amë Z690 mbështetin DDR4.
Siç thamë diferencat në performancë mes Windows 10 dhe Windows 11 thuajse nuk bien në sy me përjashtim të disa aplikacioneve si Photoshop dhe Premiere Pro që favorizohen në Windows 11.
Në gaming, fps nuk kanë ndryshuar aspak. Por si krahasohet me AMD? Core i9-12900K sjell performancë të shtuar në testimet me shumë bërthama si GeekBench 5 apo Cinebench R23.
Në GeekBench 5 12900K ishte 12% më i shpejtë në testimin me një bërthamë dhe 137% më i shpejtë në testimet me shumë bërthama. Në Cinebench R23 12900K mposhtë Ryzen 9 5950X.
Në të gjitha testimet e Eurogamer, 12900K dominon Ryzen 5950X. Por në fuqinë maksimale, 12900K konsumon 240 vat energji krahasuar me 120-vat të 5950X.
Është dashur më shumë se një vit që Intel ti përgjigjet procesorit Ryzen 9 5950X prej 799 dollarësh me një procesor 589 dollarësh që jo vetëm e konkurron por edhe dominon.
Sesi Intel do të ruajë këtë ritëm performance mbeten për tu parë. AMD pritet të lançojë gjeneratën e re Ryzen 6000 në fillim të vitit të ardhshëm së bashku me arkitekturën Zen4.
Ajo që nuk e vëmë në dyshim është rikthimi i Intel. /PCWorld Albanian
You may like
-
Ndikimi i kulturës dhe edukimit në zhvillimin e teknologjisë dhe artit në Kosovë – fokusi kryesor i Konferencës Ndërkombëtare të Artit dhe Medias Digjitale në UBT
-
Pas 10 vjetësh procesori Intel thyen rekordin e frekuencës më të lartë
-
AMD paralajmëron ardhjen e procesorëve të performancës ekstreme për laptopët
Automobilizëm elektrikë
Lajm i mirë për pronarët e automjeteve elektrike
Published
21 hours agoon
May 30, 2025
Për herë të parë, ka më shumë se një milion karikues publik për vetura në Evropë.
Ky informacion u raportua së fundmi nga organizata e pavarur ICCT (Këshilli Ndërkombëtar për Transport të Pastër) në raportin e saj mbi lëvizshmërinë për tremujorin e parë të 2025.
Raporti i ICCT thekson se rritja e numrit të karikuesve të shpejtë DC është rritur veçanërisht në tremujorin e parë të 2025.
Krahasuar me të njëjtën periudhë të vitit të kaluar, rritja është 54%.
Tani ka më shumë se një milion stacione karikimi publik, të përbërë nga rreth 810,000 karikues AC (kryesisht 22 kW) dhe rreth 190,000 karikues të shpejtë DC.
Duke parë dendësinë e pikave të karikimit, të dhënat më të fundit tregojnë renditjen e mëposhtme: Norvegjia vazhdon të kryesojë me pothuajse 46 pikë karikimi për 1000 automjete elektrike. Kjo pasohet nga Islanda (35 pikë karikimi), Danimarka (30) dhe Suedia (22).
Është interesante se Gjermania është në fund të listës, me një mesatare prej vetëm 1.6 stacione karikimi publik për 1000 automjete elektrike. Italia dhe Spanja janë dukshëm prapa, me vetëm një stacion karikimi për 1000 automjete elektrike.

WhatsApp vazhdimisht punon në funksione të reja, të cilat shfaqen në versionet beta para se të bëhen të disponueshme për të gjithë përdoruesit. Një nga funksionet e reja është opsioni i ardhshëm Logout në cilësimet e llogarisë.
Logout ofron dy zgjedhje: njëra kryen daljen nga llogaria duke fshirë të dhënat e cilësimet, tjetra do të mbajë të dhënat dhe cilësimet. Opsioni i parë është i njëjti me çinstalimin e WhatsApp-it, do ta dalë përdoruesin dhe do të fshijë të gjitha të dhënat dhe cilësimet e aplikacionit, por përdoruesi nuk do të hiqet nga grupet.
Opsioni i dytë nuk fshin të dhënat, po e del përdoruesin pa ndikuar në bisedat, bisedat në grupe, të dhënat dhe cilësimet, kështu që gjithçka do ta presë përdoruesin kur ai të vendosë të kthehet në WhatsApp.
Prandaj është e mundur të rikthehen të gjitha shpejt, vetëm duke u kyçur përsëri me numrin e telefonit. Duket se kjo funksion është krijuar për ata që duan të marrin një pushim të shkurtër nga WhatsApp për arsye të ndryshme.
Opsioni Logout mban etiketën “internal”, që tregon se po testohet brenda ekipit të zhvillimit të WhatsApp-it. Hapi tjetër pritet të jetë një lëshim më i gjerë beta për të gjithë përdoruesit, dhe më pas një version stabil.
Automobilizëm elektrikë
Gjigandi japonez nis të shes përsëri makina në Rusi
Published
24 hours agoon
May 30, 2025
Mazda ka rifilluar zyrtarisht dërgesat e automjeteve të saj në Rusi. Kthimi vjen pas largimit të Mazdës nga tregu rus në vitin 2022 pas pushtimit rus të Ukrainës.
Kompania japoneze i dorëzoi modelet e saj CX-5 dhe CX-50 përmes partnerëve lokalë, me disa automjete që janë tashmë të disponueshme në sallone ekspozitash dhe të tjera të ruajtura në një depo qendrore.
Deri në vitin 2022, marka japoneze prodhonte makinat e saj (Mazda6, CX-5 dhe CX-9) në Vladivostok, dhe tani produktet e tyre të reja do të vijnë nga fabrikat në Kinë. Do të ketë një garanci prej tre vitesh ose 100,000 kilometrash.
E gjithë historia u konfirmua nga zyra ruse e Mazda-s (Mazda Motor Rus LLC):
“Shitësit në koncesione kanë dy modele, Mazda CX-5 e Mazda CX-50. Disa nga makinat janë në sallonet e ekspozitës së shitësve. Ato mund të blhiihen menjëherë. Një pjesë e tyre është në magazinën qendrore”, tha shërbimi për shtyp.

Ajo që përdoruesit e iPad kanë pritur prej kohësh më në fund është këtu. Është një aplikacion për WhatsApp, i cili më në fund është i disponueshëm për tabletin e Apple.
Profili zyrtar i WhatsApp në rrjetin social X aludoi për mbërritjen e një aplikacioni për iPad, ai u shfaq në App Store.
Aplikacioni lejon thirrje audio dhe video në grup me deri në 32 persona, ndarjen e ekranit dhe përdorimin e kamerave të përparme dhe të pasme.
Sistemi shumëdetyrësh iPadOS Stage Manager është gjithashtu i disponueshëm, si dhe funksionet Split View dhe Slide Over, kështu që përdoruesit mund të dërgojnë mesazhe ndërsa bëjnë gjëra të tjera në iPad.
Aplikacioni mbështet përdorimin e Magic Keyboard dhe Apple Pencil. WhatsApp thotë se gjithçka do sinkronizohet midis iPhone, iPad, Mac dhe pajisjeve tjera, ndërsa mesazhet, thirrjet e media mbrohen me enkriptim nga fillimi në fund.
Është e mundur të bllokohen bisedat, në mënyrë që bisedat të mbrohen dhe të mbeten private edhe kur përdoruesit e ndajnë iPad-in me njerëz të tjerë.

Lajm i mirë për pronarët e automjeteve elektrike

“Ëndrra pa kufi, Opera pa mure” – publikohen datat e Ramë Lahaj International Opera Festival

Këto zakone po ju pengojnë të jeni më inteligjent, ja cilat duhen shmangur

UBT International Smart Schools diplomon nxënësit e brezit të ri teknologjik – Ceremonia mbahet këtë të shtunë në Parkun Shkencor

Vitamina D mund të ngadalësojë plakjen

Von der Leyen: Evropa duhet të forcojë mbrojtjen, të pranojë Ukrainën në BE

Profesorët e UBT-së prezantuan projektin COWEB në takimin “Cluster” të organizuar nga Erasmus Plus Kosova

Studentët e programit Inxhinieri e Ndërtimit dhe Infrastrukturë në UBT realizojnë vizitë studimore në kuadër të moduleve “Mekanika e Dherave” dhe “Siguria në Punë”

Studentët e vitit të tretë në Menaxhment, Biznes dhe Ekonomi në UBT përfundojnë me sukses trajnimin praktik “Micro Business Game”
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur