Teknologji

Instituti i Kërkimeve Hapësinore shënon 50-vjetorin qëkur Bullgaria u bë një shtet hapësinor

Radev tha se gjithsej 137 milionë levë do të ndahen për krijimin e Qendrës Kombëtare të Hapësirës për vëzhgim.

Published

3 years ago

on

Instituti i Kërkimeve dhe Teknologjisë Hapësinore (SRTI-BAS) pranë Akademisë Bullgare të Shkencave feston sot 50-vjetorin nën moton “Bullgaria – një shtet hapësinor”.

Duke folur në asamblenë solemne jubilare, presidenti i Bullgarisë, Rumen Radev tha se gjithsej 137 milionë levë do të ndahen për krijimin e Qendrës Kombëtare të Hapësirës për vëzhgim, koordinim dhe menaxhim në kuadër të Planit të Rimëkëmbjes dhe Qëndrueshmërisë.

Radev falënderoi për mundësinë për të marrë përsipër patronazhin e iniciativës. Sipas tij, eksplorimi i hapësirës është një zgjerim i aviacionit.

“Hapësira është shprehja e ambicieve të një kombi për t’u pozicionuar në lidhje me përparimin njerëzor dhe të ardhmen e njerëzimit. Rreth 50 vjet më parë, është merita e pionierëve që e vendosën Bullgarinë në ballë të përparimit njerëzor. Ne mund të jemi vetëm krenar për atë që bëri Bullgaria 50 vjet më parë dhe mënyrën se si është zhvilluar programi bullgar hapësinor”, tha Radev.

Më 1 dhjetor 1972, instrumenti i parë shkencor bullgar, me emrin modest Pribor-1 /P-1/, i krijuar nga shkencëtarë dhe specialistë bullgarë, fluturoi në Kozmosin e gjerë. Me të dhënat që dërgon në laboratorët e Tokës, Bullgaria njihet si një vend hapësinor.

Gjatë 50 vjetëve të fundit, Bullgaria është vendosur në familjen hapësinore si vendi i gjashtë që dërgon dy nga kozmonautët e saj (Georgi Ivanov dhe Alexander Alexandrov) në hapësirë; është bërë vendi i tretë në botë që prodhon ushqim hapësinor dhe e fundit, por jo më pak e rëndësishme – shkencëtarët bullgarë kanë shpikur serën e parë hapësinore në botë “SVET”, në të cilën gruri është rritur nga fara në farë për herë të parë, theksoi SRTI-BAS.

Më shumë se 150 instrumente dhe pajisje shkencore kanë siguruar vendin e Bullgarisë ndër të parat që zotërojnë vërtetë hapësirën në një shkallë të gjerë.

Sot, instrumente origjinale bullgare po punojnë në Stacionin Ndërkombëtar të Hapësirës (ISS).

Më 19 shkurt 2022, një tjetër instrument bullgar për kërkimin e rrezatimit hapësinor, Liulin-SET, u nis në ISS dhe Liulin-MO vazhdon të operojë sot në orbitë rreth Marsit të largët.

Së shpejti, instrumenti i ri i Bullgarisë pritet të transmetojë informacion specifik nga vetë sipërfaqja e Marsit.

Me këto arritje, shkencëtarët dhe specialistët bullgarë kanë dhënë një kontribut të pamohueshëm në fluturimin e ardhshëm të kozmonautëve dhe astronautëve në Hënë dhe Mars, theksoi Akademia./BTA

Related Topics:
Continue Reading

Teknologji

Starlink do të lansojë satelitët e gjeneratës së tretë në vitin 2026

Published

3 hours ago

on

July 21, 2025

By

Starlink thuhet se po përgatitet të lansojë gjeneratën e ardhshme të satelitëve vitin e ardhshëm.

Sipas kompanisë, e cila është në pronësi të Elon Musk, secili prej satelitëve të rinj është projektuar për të ofruar më shumë se një terabit kapacitet shkarkimi të të dhënave (> 1,000 Gbps), si dhe mbi 200 Gbps kapacitet ngarkimi të dhënash për përdoruesit në Tokë.

“Kjo është më shumë se 10 herë kapaciteti i shkarkimit dhe 24 herë kapaciteti i ngarkimit krahasuar me satelitët e gjeneratës së dytë”, thotë Starlink.

Starlink gjithashtu vëren se shpejtësia dhe vonesa e transferimit të të dhënave janë “përmirësuar rrënjësisht”. 

Continue Reading

Lajmet

Apple po përgatitet të prezantojë iPhone e parë të palosshëm

Published

3 days ago

on

July 18, 2025

By

Apple pritet të prezantojë modelin e parë të iPhonet me ekran të palosshëm në vitin 2026, sipas informacioneve të fundit që vijnë nga burime të besueshme në industrinë e teknologjisë.

Ky telefon i ri do të sjellë një ndryshim të rëndësishëm në dizajnin dhe funksionalitetin e smartphoneve të kompanisë amerikane.

Sipas të dhënave, iPhone i palosshëm do të ketë një ekran të jashtëm OLED prej 5.5 inçësh dhe një ekran të brendshëm më të madh, OLED 7.8 inç, me rezolucion të lartë, që do të përdorë teknologji të avancuar për të eliminuar pengesat gjatë palosjes. Mekanizmi i palosjes do të jetë në stilin e librit, i ngjashëm me atë të modeleve të njohura të Samsung.

Materialet e përdorura për kuadratin dhe mekanizmin do të jenë një kombinim titani dhe çeliku inox, duke siguruar qëndrueshmëri dhe rezistencë të lartë ndaj përdorimit të përditshëm. Një ndryshim i rëndësishëm në këtë model është përdorimi i sensorit Touch ID të integruar në butonin anësor, në vend të Face ID, që do të ndihmojë në ruajtjen e një dizajni më të hollë dhe të komod.

Çmimi i këtij modeli pritet të jetë mbi 2000 dollarë, duke e pozicionuar atë në segmentin premium të smartphoneve./Telegrafi

Continue Reading

Lajmet

OnePlus me një kabllo speciale për karikimin e telefonit

Published

3 days ago

on

July 18, 2025

By

OnePlus ka sjell në treg një kabllo të re për karikim me dy mundësi që të karikojë në të njëjtën kohë.

Ai mund të karikojë njëkohësisht smartphone dhe smartwatch. Karikimi bëhet përmes kabllos standard USB-C, por kjo kabllo ka në mes një shtesë me pin-a të posaçëm.

Kjo shtesë mund të karikojë orët inteligjente OnePlus Watch 2, Watch 2R dhe Watch 3. Nëse karikohet vetëm telefoni OnePlus, fuqia e karikimit arrin deri në 80W, ndërsa nëse karikohen të dy pajisjet njëkohësisht, telefoni do të karikohet me fuqi 67W, kurse ora me 10W.

Çmimi i kabllos është 27.99 euro dhe ajo nuk vjen me adapter./Telegrafi

Continue Reading

Teknologji

Vlerë rekorde e Bitcoinit

Published

1 week ago

on

July 11, 2025

By

Bitcoini ka shënuar rritje në një nivel të ri historik të enjten.

Kjo rritje u ndihmua nga kërkesa për rritje nga investitorët, si dhe nga politikat miqësore të administratës së Presidentit të Shteteve të Bashkuara të Amerikës, Donald Trump.

Kriptomonedha më e madhe në botë u rrit në një rekord të ri prej 112,743.49 dollarësh.

Ndër rritjet e fundit të fuqishme Bitcoini i shënoi më 22 maj të këtij viti, duke arritur në mbi 111 mijë dollarë.

Continue Reading

Të kërkuara