Teknologji

Instagram ndryshon algoritmin pas paragjykimeve të censurimit

Published

4 years ago

June 2, 2021

Betim Gashi

Instagram po ndryshon mënyrën se si shfaq përmbajtjen në ‘feed’ pasi u akuzua për largimin e mesazheve pro-palestineze gjatë konfliktit të fundit në Gaza.

Aplikacioni kishte favorizuar përmbajtjen origjinale në “stories” mbi postimet ekzistuese, por tani do t’u japë atyre trajtim të barabartë, thanë zëdhënësit e Instagram.

Sistemi aktual kishte një “ndikim më të madh se sa pritej” në disa lloje postimesh. Por ky ishte më shumë një efekt i padëshiruar anësor sesa një përpjekje për të censuruar ndonjë pikëpamje të veçantë, tha Instagram.

Gjatë konfliktit të fundit në Gaza, platformat e mediave sociale u përdorën shumë për të përhapur mesazhe mbështetje në të dy palët. Shumë mesazhe pro-palestineze ishin midis atyre që u rishpërndanë gjerësisht – që do të thotë se ata do të kishin marrë më pak rëndësi sesa postimet origjinale në sistemin aktual.

Shqarimet e Instagram-it

Një zëdhënëse e kompanisë tha se logjika për t’i dhënë përparësi postimeve origjinale ishte se shumica e përdoruesve të Instagram kishin më shumë ‘story’ për të ndjekur sesa kohë për t’i kontrolluar ato – dhe kompania besonte se njerëzit ishin “më të interesuar për ‘story-t’ nga miqtë e tyre më të ngushtë”.

“Pra ka shkaktuar gjithashtu që njerëzit të besojnë se ne po largonim ‘story’ në lidhje me tema të veçanta ose pikëpamje. Ne duam të jemi vërtet të qartë – nuk është kështu,” tha ajo.

“Kjo vlen për çdo postim që ribotohet në ‘story’, pa marrë parasysh se për çfarë bëhet fjalë.”

Instagram ka parë një rritje të numrit të njerëzve që po shpërndajnë postimet në përgjithësi, tha platforma – dhe tani po pranon që postimet që “nuk arrijnë arritjen që njerëzit i presin” nuk është “një eksperiencë e mirë”.

Ajo gjithashtu tha se kompania e kishte parë këtë çështje për një periudhë të gjatë kohore dhe nuk ishte vetëm një reagim ndaj polemikave të fundit.

Ndryshimi pason disa javë në të cilat disa përdorues – dhe punonjës – vunë në dyshim se si Facebook trajtoi postimet në lidhje me konfliktin në Gaza në faqen e vet dhe në aplikacionet që zotëron siç është Instagram./UBTNews

Teknologji

27 vjet nga themelimi i Google, korporata më e suksesshme në internet

Published

5 hours ago

September 4, 2025

UBT News

27 vjet nga themelimi i Google, korporata më e suksesshme në internet.

Google Inc u themelua më 4 shtator në vitin 1998 nga Larry Page dhe Sergey Brin të cilët zhvilluan pjesën programore të motorit të tanishëm të kërkimit Google.

Pas suksesit të madh të arritur me motorin e kërkimit kjo korporatë bëri globalizimin gjuhësor të programit të vet si dhe filloi ofrimin e shumë shërbimeve të tjera brenda aktivitetit kryesor, do të thotë ofrimin e mundësisë për gjetjen e shpejtë të informacioneve.

Google Inc. (NASDAQ:GOOG) tani është korporata më e suksesshme në internet me $1.919 miliardë të paraqitura në çerekun fundit të vitit më 31 dhjetor 2005, me një rritje prej 86%, krahasuar me çerekun e njejtë të vitit 2004.

Kjo korporatë ka përdorur me shumë sukses elementet e marketing miksit duke u bërë kështu konkurente e Microsoft Inc. i cili për një kohë të gjatë konsiderohej i pathyeshëm.

Në tetor të vitit 2006 Google bleu video portalin YouTube për 1,6 milliardë dollarë amerikan.

Teknologji

Shërbimet e Google-it jashtë funksionit në një pjesë të Evropës, përfshirë Kosovën

Published

8 hours ago

September 4, 2025

UBT News

Disa shërbime të gjigantit Google, përfshirë platformën YouTube, nuk kanë qenë të qasshme në Kosovë dhe disa pjesë tjera të Evropës në paraditen e së enjtes.

Asociacioni për Liri të Shprehjes, që monitoron censurën lokale në internet në Turqi, ka thënë se shërbimet janë ndërprerë prej orës 10:00.

Autoritete turke kanë thënë se kanë kërkuar raport teknik nga kompania Google për të mësuar më shumë.

Teknologji

Më në fund! Instagram do të lansojë një aplikacion për iPad

Published

9 hours ago

September 4, 2025

UBT News

Instagram ka lansuar për herë të parë një aplikacion të dedikuar për iPad, pas kërkesave shumëvjeçare nga përdoruesit.

Deri tani, përdoruesit shfrytëzonin aplikacionin e iPhone-it ose versionin web, që nuk ishin të përshtatur për ekranet e mëdha.

Aplikacioni i ri hapet automatikisht te Reels, ndërsa Stories shfaqen në krye dhe opsionet kryesore gjenden në një shirit anësor.

“Feed-i” ofron tre kategori: “All” me postime të rekomanduara, “Friends” për miqtë dhe “Latest” për renditje kronologjike.

Përvoja është ridizenjuar posaçërisht për ekranin e madh, duke mundësuar p.sh. leximin e komenteve anash videove ose hapjen e bisedave duke parë njëkohësisht listën e mesazheve. Aplikacioni është i disponueshëm për të gjitha iPad-ët me iOS 15.1 ose më të ri.

Teknologji

Këto vende kryesojnë listën për shpejtësinë e internetit

Published

1 day ago

September 3, 2025

UBT News

Emiratet e Bashkuara Arabe kryesojnë listën për shpejtësinë e internetit, ndërsa për internetin fiks i prin Singapori.

Këto të dhëna dalin nga Indeksi Global i Speedtest, i cili përfshin renditjen e shpejtësisë së internetit për disa nga vendet në botë.

Sipas raportit, Emiratet e Bashkuara udhëheqin listën për internetin mobil me 584.97 Mbps, ndjekur nga Katari me 507.47 Mbps dhe Kuvajti me 413.57 Mbps. Për internetin fiks, Singapori kryeson me 386.96 Mbps, pastaj Kili me 332.41 Mbps, Hong Kongu me 324.97 Mbps.

Indeksi përfshin edhe të dhënat për internetin mobil më të shpejtë në vendet e Ballkanit Perëndimor. Qytetarët e Maqedonisë së Veriut kanë internet mobil me shpejtësi 161.53 Mbps, ndërsa Serbia prin për internetin fiks në rajon me 92.21 Mbps.

Bosnja e Hercegovina ka internetin më të ngadaltë, me 29.65 Mbps në celularë dhe 35.71 Mbps për internetin fiks. Sa i përket Kosovës, thuhet se interneti mobil ka shpejtësi 97.43 Mbps (renditet në vendin e 45-të), ndërsa interneti fiks 82.24 Mbps (renditet në vendin e 82-të).

Shqipëria ka internet mobil me shpejtësi 104.11 Mbps (renditet në vendin e 41-të) dhe internet fiks 84.64 Mbps (renditet në vendin e 76-të).