Teknologji

Insta360 ka një kamerë të re aksioni Go Ultra

Published

on

Kompania kineze, Insta360 ka prezantuar shtesën e re premium për linjën e kamerave kompakte, kamerën aksion Insta360 GO Ultra. Ajo është shpallur si linjë e re produktesh në seri GO, jo si zëvendësim për modelin GO 3S.

Gjenerata e ardhshme përfaqëson një përparim të rëndësishëm në performancë, e fuqizuar nga një çip i ri AI me teknologji 5nm, që është një hap i madh përpara krahasuar me çipin 14nm të modelit GO 3S.

Po ashtu, përdor një sensor më të madh 1/1.28 inç, gati dyfish më i madh se ai në modelin 3S. Këto përmirësime lejojnë cilësi më të mirë me mbështetje për HDR, regjistrim 4K me 60 fps dhe dyfish më shumë frame për sekondë krahasuar me 3S.

Ultra ofron PureVideo, përmirësim që përdor algoritme të bazuara në inteligjencën artificiale për të reduktuar zhurmën dhe rritur ndriçimin gjatë regjistrimeve në kushte me dritë të ulët. Forma e modelit Ultra është e njëjtë me atë 3S; trupi kompakt i kamerës vendoset në Action Pod, i cili ofron jetëgjatësi shtesë baterie dhe një ekran prekje 2.5 inç për shikim live.

Modeli Ultra peshon 53 gramë, 14 gramë më shumë se modeli 3S, dhe ka një trup katror, ndryshe nga modeli 3S që duket si një pilulë.

Trupi më i madh do të thotë autonomi prej 70 minutash me bateri, që është rreth 80 për qind më shumë se 38 minutat e modelit 3S. Action Pod zgjeron këtë kohë në 200 minuta. Ultra gjithashtu ofron memorje të zëvendësueshme, e cila mund të zgjerohet deri në 2TB.

Ashtu si shumica e kamerave Insta360, një pjesë e madhe e dizajnit është fokusuar te regjistrimet aksion për aventurierët. Certifikata IPX8 e modelit GO Ultra do të thotë se është i papërshkueshëm nga uji deri në 10 metra thellësi. Sistemi i kapëseve magnetike e bën të lehtë vendosjen e kamerës GO Ultra në një copë veshjeje ose pajisje për të kapur aventurat në rezolucion 4K.

Kamera Insta360 GO Ultra është në dispozicion në të gjithë botën me një çmim prej 450 dollarësh. /Telegrafi/

Teknologji

Samsung prezanton telefonin e parë me palosje të shumëfishtë

Published

on

Samsung Electronics ka zbuluar telefonin e saj të parë inteligjent me palosje të shumëfishtë, duke synuar të forcojë pozicionin në një sektor të tregut të telefonave ku konkurrenca pritet të shtohet.

Lansimi i Galaxy Z TriFold shënon përpjekjen e kompanisë për të konsoliduar prezencën në një segment ku rivalët fituan terren, megjithëse analistët paralajmërojnë se çmimi i lartë dhe sfidat e prodhimit mund të mbajnë pajisjet e palosshme si kategori të veçantë për momentin.

Modeli shpaloset në një ekran 253,1 mm (10 inç), duke përdorur tre panele, dhe është rreth 25% më i madh se Galaxy Z Fold 7, modeli i fundit i palosshëm i Samsung.

“Unë besoj se tregu i pajisjeve të palosshme do të vazhdojë të rritet, dhe TriFold mund të veprojë si një katalizator për rritje më të shpejtë në segmentin kryesor,” tha Alex Lim, Zëvendëspresident Ekzekutiv i Samsung Electronics dhe kreu i Zyrës së Shitjeve dhe Marketingut në Kore. Ai shtoi se pajisja është projektuar për klientët që kërkojnë një produkt të veçantë dhe inovativ.

TriFold, i prodhuar në Korenë e Jugut, do të dalë në shitje më 12 dhjetor, duke nisur më pas lansimet në Kinë, Singapor, Tajvan dhe Emiratet e Bashkuara Arabe brenda këtij viti.

Shtetet e Bashkuara pritet ta marrin pajisjen në tremujorin e parë të vitit të ardhshëm. /A.Z/UBT News/

Continue Reading

Teknologji

X prezanton funksionin “Rreth këtij profili” për të luftuar llogaritë false

Published

on

Platforma e njohur X (më parë Twitter) po ndërmerr hapa për të reduktuar numrin e llogarive jo-autentike dhe për të eliminuar botët.

Së fundmi, kompania ka njoftuar funksionin e ri “Rreth këtij profili” (About this account), i cili ofron informacione të detajuara për përdoruesit, duke përfshirë:

vendin nga i cili operon llogaria,

numrin e ndryshimeve të emrit të përdoruesit,

datën e regjistrimit të parë në platformë,

dhe mënyrën se si është instaluar aplikacioni.

Qëllimi i këtij funksioni është të ulet numri i llogarive false dhe botëve që pretendojnë se janë njerëz.

Për shembull, nëse një përdorues deklaron se është nga Shtetet e Bashkuara, por të dhënat tregojnë se llogaria sillet nga një vend tjetër, përdoruesit tjerë mund të kenë arsye të dyshojnë në qëllimet e tij.

Ky funksion synon të rrisë transparencën dhe sigurinë e përdoruesve në platformë. /A.Z/UBT News/

Continue Reading

Teknologji

Nvidia investon 2 miliardë te Synopsys

Published

on

Nvidia ka investuar 2 miliardë dollarë në kompaninë e softuerëve të dizajnimit të çipeve, Synopsys, si pjesë e një partneriteti të zgjeruar shumëvjeçar për zhvillimin e mjeteve të reja të projektimit me teknologji të avancuar të inteligjencës artificiale.

Qëllimi i marrëveshjes është zhvendosja e proceseve të simulimit inxhinierik nga CPU-të tradicionale drejt GPU-ve të Nvidia-s, duke reduktuar kohëzgjatjen e simulimeve nga javë të tëra në vetëm disa orë.

CEO i Nvidia-s, Jensen Huang, deklaroi se ky përshpejtim do të hapë mundësi të reja për industri të ndryshme që mbështeten në projektimin dhe simulimin e çipeve.

Synopsys theksoi se investimi nuk përfshin asnjë detyrim për blerjen e GPU-ve të Nvidia-s dhe se marrëveshja mbetet jo-ekskluzive, gjë që i lejon kompanisë të vazhdojë bashkëpunimet edhe me firma të tjera si AMD dhe Intel.

Pas lajmit, aksionet e Synopsys u rritën pothuajse 5%, ndërsa ato të Nvidia-s shënuan rritje prej 1.4%.

Kompania Nvidia ka bërë investime të mëdha këtë vit në biznese të lidhura me industrinë e AI, përfshirë OpenAI dhe Intel.

Synopsys konfirmoi se Nvidia i bleu aksionet e saj me çmimin 414.79 dollarë për aksion. /A.Z/UBT News/

 

 

 

 

 

Continue Reading

Teknologji

Apple lavdërohet për reklamën e Krishtlindjeve të xhiruar me iPhone 17 Pro

Published

on

Apple ka prezantuar një reklamë të re të Krishtlindjeve, të titulluar “A Critter Carol”, e cila është vlerësuar si “e ngrohtë”, “me shpirt festiv” dhe e realizuar pa përdorur inteligjencë artificiale.

Spot-i dy-minutësh tregon dy alpinistë në një pyll dimëror, ku një telefon i humbur gjendet nga krijesa kukullash që performojnë “Friends” nga Flight of the Conchords dhe më pas ia kthejnë pronarit.

Reklama u realizua me iPhone 17 Pro e kukulla dore, duke krijuar botë magjike dhe prekëse, në kontrast të qartë me reklamat e Coca-Cola-s për Krishtlindje, të krijuara plotësisht me AI dhe kritikuar si “të ftohta dhe pa shpirt”.

Apple publikoi edhe një video “behind the scenes”, ku tregohet se për realizimin e spotit u ndërtua një set gjigant pylli dhe u përdorën modele të mëdha kafshësh të manipuluara nga operatorë, ndërsa modelet e vogla ishin kukulla dore.

Regjisori Mark Molloy tha se qëllimi ishte të rikthehej magjia e artizanatit dhe natyrës së prekshme të kukullave.

Reklama u prit pozitivisht në rrjetet sociale, me fansat që e përshkruan si “absolutisht brilante” dhe “magji e pastër festive”. Ndërkohë, reklamat e Coca-Cola-s për vitin 2025 u kritikuan për përdorimin e AI dhe mungesën e ngrohtësisë emocionale që karakterizon festat.

CEO i Apple, Tim Cook, komentoi: “Gëzim festiv, pak magji, shumë zemër, të kapura me iPhone 17 Pro nga disa miq kukullash të punuar me dorë!”. /A.Z/UBT News/

Continue Reading

Të kërkuara