Lajmet

India dëbon diplomatin kanadez pas mosmarrëveshjeve për vrasjen e liderit Sikh

Kjo vjen pasi Trudeau tha se kishte “akuza të besueshme” se qeveria indiane qëndronte pas vrasjes së Nijjar.

Published

on

India ka dëbuar një diplomat kanadez në mes të një mosmarrëveshjeje në rritje për vrasjen e liderit sikh Hardeep Singh Nijjar.

Qeveria indiane kritikoi gjithashtu Otavën për dëbimin e një diplomati të saj dhe hodhi poshtë pretendimet se ajo ishte e lidhur me vrasjen e aktivistit në Kanada në fillim të këtij viti si “absurde”.

“Vendimi pasqyron shqetësimin në rritje të qeverisë së Indisë për ndërhyrjen e diplomatëve kanadezë në çështjet tona të brendshme dhe përfshirjen e tyre në aktivitetet kundër Indisë”, tha në një deklaratë Ministria e Punëve të Jashtme të Indisë.

“Diplomatit në fjalë i është kërkuar të largohet nga India brenda pesë ditëve të ardhshme”.

Kjo vjen pasi kryeministri Justin Trudeau tha se kishte “akuza të besueshme” se qeveria indiane qëndronte pas vrasjes së z. Nijjar në fillim të këtij viti.

Shtetasi kanadez u qëllua për vdekje jashtë një tempulli Sikh në Surrey, British Columbia, më 18 qershor.

Ai kishte qenë një mbështetës i shquar i lëvizjes separatiste Khalistani, e cila dëshiron të krijojë një atdhe të pavarur për Sikhët në Indi, ku ata janë pakicë./UBTNews/

Vendi

Gjashtë raste të dhunës në familje brenda 24 orëve

Published

on

By

Në raportin e fundit të Policisë së Kosovës janë regjistruar gjashtë raste të dhunës në familje në disa komuna të ndryshme. Në të gjitha rastet, pas intervistimit, të dyshuarit janë liruar në procedurë të rregullt me vendim të prokurorëve përkatës.

Në Graçanicë janë raportuar dy raste të ndara të dhunës psikike. Në rastin e parë, një grua ka njoftuar se ish-bashkëshorti i saj ka ushtruar dhunë psikike të vazhdueshme ndaj saj. Në rastin e dytë, një burrë ka ushtruar dhunë psikike ndaj motrës së tij.

Në Lipjan është arrestuar një person i cili dyshohet se ka ushtruar dhunë fizike dhe psikike ndaj bashkëshortes dhe vajzës së tij. Dy viktimat kanë pranuar trajtim mjekësor.

Në Istog dhe në Rahovec janë regjistruar dy raste të ngjashme ku bashkëshortet kanë qenë viktima të dhunës fizike nga burrat e tyre. Viktimës në Istog i është ofruar edhe ndihma mjekësore, ndërsa rasti ka kaluar nën hetime.

Një grua në Pejë ka pranuar trajtim mjekësor pasi është sulmuar fizikisht nga ish-bashkëshorti i saj. I dyshuari është arrestuar nga policia dhe më pas është liruar.

Në Mitrovicën e Veriut është iniciuar rast ndaj një personi, i cili dyshohet se ka kanosur përmes telefonit ish-bashkëshorten e tij.

Continue Reading

Lajmet nga UBT

Profesoresha e UBT-së, Marigona Bekteshi-Ferati, ftohet si studiuese kërkimore në një nga bibliotekat më prestigjioze në botë

Published

on

By

Profesoresha e UBT-së, Marigona Bekteshi-Ferati, është ftuar zyrtarisht si Guest Researcher në Herzog August Bibliothek në Wolfenbüttel të Gjermanisë, një prej bibliotekave kërkimore më prestigjioze në botë dhe ndër institucionet më të rëndësishme për studimet humanistike.

Ky angazhim përbën një vlerësim të rëndësishëm ndërkombëtar për punën e saj shkencore, duke e pozicionuar atë në një prej qendrave më elitare të kërkimit në Evropë, ku studiues nga e gjithë bota zhvillojnë projekte mbi historinë, kulturën dhe trashëgiminë intelektuale evropiane.

E themeluar në vitin 1572, Herzog August Bibliothek ka një histori mbi 450-vjeçare dhe në shekullin XVII njihej si “Mrekullia e Tetë e Botës”, falë koleksionit më të madh të librave në Evropë. Biblioteka ruan mijëra dorëshkrime mesjetare, inkunabula, harta historike, dokumente arkivore dhe koleksione unike me rëndësi botërore. Ndër pasuritë e saj më të çmuara është edhe Evangeliari i Henrikut të Luanit, një nga dorëshkrimet më të rëndësishme të Mesjetës evropiane. Institucioni është udhëhequr ndër shekuj edhe nga personalitete të shquara të mendimit evropian, si Gottfried Wilhelm Leibniz dhe Gotthold Ephraim Lessing.

Gjatë qëndrimit në këtë institucion, Prof. Bekteshi-Ferati do të zhvillojë projektin e saj kërkimor me titull “Cultural Encounters and Theatrical Representation: The Balkans between the Ottoman and Habsburg Worlds (16th–18th Century)” (“Takimet kulturore dhe përfaqësimi teatror: Ballkani ndërmjet botës Osmane dhe asaj Habsburge (shekujt XVI–XVIII)”), duke hulumtuar në një nga fondet më të pasura arkivore në Evropë.

Ky projekt synon të analizojë ndërveprimet kulturore dhe mënyrën e përfaqësimit të Ballkanit në teatër gjatë periudhës ndërmjet shekujve XVI dhe XVIII, duke u mbështetur në burime të rralla historike dhe materiale arkivore me vlerë të jashtëzakonshme shkencore.

Continue Reading

Vendi

Vdes një grua në Fushë Kosovë si pasojë e një aksidenti të ndodhur në qershor

Published

on

By

Një grua ka vdekur dje në Prishtinë, si pasojë e lëndimeve të marra nga një aksident trafiku që kishte ndodhur më 5 qershor 2026 në rrugën “Nënë Terezë” në Fushë Kosovë.

Sipas raportit 24-orësh të Policisë së Kosovës, asaj i është keqësuar gjendja shëndetësore të hënën, me ç’rast është dërguar me autoambulancë në Emergjencën e QKUK-së në Prishtinë, ku mjeku kujdestar ka konstatuar vdekjen e saj.

Me vendim të prokurorit, trupi i pajetë i viktimës është dërguar për obduksion në Institutin e Mjekësisë Ligjore (IML) në Prishtinë. /E.A/

Continue Reading

Lajmet

Sulmohet seksualisht një grua ne Prishtinë

Published

on

By

Një grua në Prishtinë ka raportuar dje në Policinë e Kosovës së është sulmuar seksualisht nga një burrë.

Sipas raportit 24 orësh të, pasi është raportuar rasti, Policia ka arrestuar të dyshuarin.

I njëjti është dërguar në mbajtje me vendim te prokurorit.

“Viktima femër kosovare ka deklaruar se ka qenë e sulmua seksualisht nga i dyshuari mashkull kosovar. I dyshuari është arrestuar dhe i njëjti pas intervistimit në prezencë të avokatit, me vendim të prokurorit është dërguar në mbajtje”, thuhet në raport.

Continue Reading

Të kërkuara