Sport

Ikona e tenisit, Roger Federer, njofton pensionimin

Ai tha se Laver Cup në Londër javën e ardhshme do të jetë eventi i tij i fundit ATP

Published

on

Legjenda e tenisit, zvicerani Roger Federer njoftoi tërheqjen e tij nga sporti të enjten pas një karriere 24-vjeçare, njoftoi ai personalisht në një deklaratë të postuar në Twitter.

Federer tha se Laver Cup në Londër javën e ardhshme do të jetë eventi i tij i fundit ATP. Ai është përballur me lëndime dhe operacione të shumta dhe thotë se i njeh “kapacitetet dhe kufijtë e trupit të tij”. Ai postoi një regjistrim të vetes duke lexuar letrën.

“Tenisi më ka trajtuar më bujarisht sesa do të kisha ëndërruar ndonjëherë, dhe tani duhet të kuptoj se kur është koha për t’i dhënë fund karrierës sime konkurruese”, tha Federer. “Unë do të luaj më shumë tenis, sigurisht, por jo në Grand Slams ose në turne”.

“Ky është një vendim i hidhur, sepse do të humbas gjithçka që më ka dhënë turneu”, shkroi Federer. “Por në të njëjtën kohë, ka shumë për të festuar. Unë e konsideroj veten një nga njerëzit më me fat në Tokë”.

Ai u bë profesionist si adoleshent dhe krijoi rivalitet kundër të mëdhenjve të tjerë si Rafael Nadal dhe Novak Gjokovic.

Ai falënderoi gruan e tij Mirka, prindërit, motrën dhe ekipin e tij të biznesit në letrën emocionuese. Federer krenohet me mbi 130 milionë dollarë fitime në karrierë. Sponsorët e tij përfshijnë Wilson, Rolex, Mercedes-Benz, Uniqlo, Moet Hennessey dhe Credit Suisse.

Federer nuk deklaroi planet e tij pas daljes në pension, por ai e përfundoi letrën duke shkruar: “Më në fund, për lojën e tenisit: Unë të dua dhe nuk do të të lë kurrë”./UBTNews/

Sport

Nga sfidat e një atleti e deri tek problemi shëndetësor që pati, intervistë ekskluzive me Tirron Mamusha

Published

on

n’Ritëm ka zhvilluar intervistë me atletin nga Gjakova, Tirron Mamusha me të cilin diskutuam për garat e fundit, sfidat por dhe sukseset e profesionit të tij.

Ai më tutje ndau me dëgjuesit e Campus Radio momente nga jeta private duke zbuluar se pati një lëndim dhe kaloi rreth 6 muaj të vështirë e madje nuk pati shpresë se do i’a arrijë që të vrapojë përsëri.

Duke qenë një ndër atletët që premton shumë, Tirroni pohon faktin se motivohet nga njerëzit që e rrethojnë dhe se kur ndodhet në garë ajo që e mendon është vetëm të jetë në Top 3.

Campus Radio-n mund ta dëgjoni në 100.7FM dhe në platformë online:

TUNE IN: https://www.ubt-uni.net/sq/media-dhe-evente/ubt-radio-kampusi/

/UBT News/

Continue Reading

Sport

​Prishtina 01 fituese e Kupës së Kosovës në futsall

Published

on

By

Finalja e Kupës së Kosovës në futsall dhuroi spektakël të vërtetë në Pallatin e Rinisë dhe Sporteve në kryeqytet, ku FC Prishtina 01 doli fituese ndaj FC Vjosa me rezultat 5:4, pas vazhdimeve. Në një atmosferë elektrizuese në një palestër po thuajse të stërmbushur me tifozë, të dyja skuadrat ofruan një prej ndeshjeve më emocionuese të këtij edicioni.

Pjesa e parë përfundoi në barazim, 2:2. Për Prishtinën 01 dy herë realizoi Drilon Maxharraj, ndërsa për Vjosën shënuan Jetmir Gashi dhe Jesus Rivas.

Në pjesën e dytë, Halim Selmanaj dhe Ramadan Alaj i dhanë epërsinë Prishtinës me rezultat 4:2, por Vjosa reagoi fuqishëm. Fillimisht, Jesus Vidal ngushtoi rezultatin në 4:3, ndërsa në sekondat e fundit një autogol i Melos Kelmendit barazoi gjithçka në 4:4, duke çuar ndeshjen në vazhdime.

Në vazhdimet dy herë nga 5 minuta, Fitim Krasniqi shënoi golin vendimtar për 5:4, duke i siguruar FC Prishtina 01 trofeun e çmuar të Kupës së Kosovës në futsall. Ky është trofeu i katërt për këtë skuadër në këtë garë dhe i treti radhazi.

Spektakli i mbrëmjes u zbeh kur kishin mbetur 25 sekonda deri në fund të vazhdimeve, kur skuadra e Vjosës refuzoi ta vazhdojë lojën në shenjë pakënaqësie ndaj një vendimi të gjyqtarëve. Kjo shkaktoi reagime edhe nga tifozët e shumtë të Vjosës, të cilët hodhën gjësende në parket. Gjyqtarët pritën për pesë minuta rikthimin e ekipit në fushë, por kjo nuk ndodhi, dhe më pas dhanë shenjë për përfundimin e ndeshjes.

 

Continue Reading

Sport

Akil Gjakova mbetet pa medalje në Evropianin e xhudos

Published

on

Akil Gjakova ka mbetur pa medalje në Kampionatin Evropian të xhudos, i cili po mbahet në Podgoricë të Malit të Zi.

Pasi u eliminua në çerekfinale, garuesi kosovar u mposht edhe në meçin e parë të repesazhit, përmes së cilit po e kërkonte medaljen e bronztë.

Akili humbi me Ippon nga hungarezi Daniel Szegedi në kategorinë deri në 73 kilogramë. Në çerekfinale Gjakova u mposht në çerekfinale nga gjeorgjiani Lasha Shavdatuashvili në një meç maratonik. Gjakova e kishte kaluar rrethin e parë pa luftë, ndërsa në atë të dytë e mposhti francezin Maxime Gobert.

Në xhiron e tretë, ai fitoi kundër moldavit Victor Sterpu, për t’u ndalur më pas në çerekfinale dhe në repesazh, dje garoi edhe xhudisti tjetër kosovar, Dardan Cena, i cili u ndal në të tetën e finales. Kosova e mbylli eksperiencën në Evropianin e xhudos me një medalje, atë të artë të fituar dje nga Distria Krasniqi.

Më herët dje, në rrethin e parë u eliminua garuesja tjetër kosovare, Laurine Gashi.

Continue Reading

Sport

Xherdan Shaqiri për mentalitetin e tij: Në fushë jam shqiptar, në jetën e përditshme zviceran!

Published

on

Futbollisti i Baselit, Xherdan Shaqiri së fundmi ishte në një intervistë në emisionin “Blu Sport” në Zvicër.

Shaqiri bëri një deklaratë të fuqishme që ka nxitur shumë reagime në rrjetet sociale.

Ish-lojtari i Liverpoolit tha se në fushë është një shqiptar i vërtetë, kurse në jetën e përditshme një zviceran.

“Unë jam shqiptar në fushën e futbollit, zviceran në jetën e përditshme”, u shpreh Shaqiri.

33-vjeçari nga Zhegra e Gjilanit gjatë këtij sezoni ka zhvilluar 32 ndeshje me Baselin, ka shënuar 16 gola dhe ka bërë 18 asiste.

Continue Reading

Të kërkuara