Lajmet

Ibrahimi: Komunat s’kanë faj për rritjen e tatimit në pronë, MF është dashur të jetë më korrekte

Sipas AKK-së, ajo se çka varet nga komunat nuk ka ndryshime.

Published

2 years ago

on

Kryetari i Asociacionit të Komunave të Kosovës (AKK), Sazan Ibrahimi ka thënë se komunat nuk e kanë rritur çmimin e tatimit në pronë dhe se këtë kompetencë e ka Ministria e Financave.

Në një intervistë, Ibrahimi ka thënë se AKK-ja s’ka pasur të bëjë me këtë vendim, por që sipas tij është bërë rivlerësimi i pronave nga Ministria e Financave dhe me këtë rast është rritur vlera e pronave bazuar në çmimet e tregut.

“Është shumë e vërtet që niveli qendror ka dashur që fajin për rritjen e faturave për tatim në pronë t’i a vë komunave. Mirëpo ligjërisht komunat nuk kanë kompetenca për ngritjen e faturave për tatim në pronë ndaj qytetarëve. Kompetenca e komunave është që përcaktohet norma tatimore dhe ajo shkon prej 0.15 për qind deri në 1 për qind të vlerës së pronës”, ka thënë Ibrahimi.

Sipas AKK-së, ajo se çka varet nga komunat nuk ka ndryshime, ndërsa kanë kërkuar që të procedohet sa më shpejtë në Kuvend, Ligji i ri i tatimit në pronë.

“Kurse niveli qendror në bazë të ligjit për tatimin në pronë e ka kompetencën dhe përgjegjësinë për vlerësimin e pronave. Ministria e Financave, Departamenti për Vlerësimin e Pronave e ka bërë një rivlerësim të pronave rezidenciale dhe ka dalur me njoftim tek komunat se vlera e pronave në territorin e komunave do të jetë kaq. Nëse vitin e kaluar niveli qendrorë ka vendosur që një pronë, vlera e asaj prone të jetë 100 mijë euro, atëherë fatura që ka shkuar tek qytetari ka qenë 150 euro, kurse e njëjta pronë këtë vit apo vitin e e kaluar është rivlerësuar nga niveli qendror ku kane thonë që vlera e asaj prone është 200 mijë euro dhe me automatizëm fatura qytetarit do t’i shkojë njëqind për qind më rritje, ajo do të jetë 300 euro”, u shpreh Ibrarimi.

Kreu i AKK-së ka ripërsëritur se komunat nuk e kanë marrë këtë vendim, teksa ka kërkuar nga niveli qendror që të ishte më korrekt dhe të tregojë për se rritja e tatimit në pronë është bërë nga Ministria e Financave.

“Komunat nuk e kanë ndryshuar normën tatimore fare, nuk e kanë prekur, por ka ndryshuar rivlerësimi i Ministrisë së Financave ndaj pronave. Dhe këtu është problemi ku besojmë që niveli qendror është dashtë të jetë korrekt ndaj qytetarit dhe të tregoj që ministria e Financave e ka bërë një rivlerësim të ri dhe në bazë të atij rivlerësimi faturat janë rritur për tatimin në pronë”, u shpreh Ibrahimi.

Banorët e qyteteve të Kosovës kanë shprehur pakënaqësi qe sa ditë që tatimi në pronë për vitin 2023 u ka ardhur dyfish më shtrenjtë në krahasim me vitin 2022. Komunat e Kosovës kanë bërë përgjegjës për rritjen Ministrinë e Financave për vlerësimin e ri të pronave, ndërsa ministri i Financave, Punës dhe Transfereve, Hekuran Murati, në Komisionin për Mbikëqyrjen e Financave Publike të Kuvendit të Kosovës ka thënë se me këtë vlerësim “komunat kanë qenë të pajtuara”.

Related Topics:
Continue Reading

Aktualitet

Bëhet publike letra me të cilën Albin Kurti e paralajmëroi dorëheqjen

Published

12 hours ago

on

April 15, 2025

By

Kreu i Lëvizjes Vetëvendosje, Albin Kurti, ka dhënë dorëheqje nga posti i kryeministrit, në mënyrë që të mund të bëjë betimin si deputet i legjislaturës së nëntë.

Dorëheqje kanë dhënë edhe anëtarët e tjerë të Qeverisë në detyrë të Kosovës, që janë zgjedhur deputetë në zgjedhjet e 9 shkurtit.

Ndërkohë nuk është miratuar raporti i komisionit të përkohshëm për verifikimin e mandateve të deputetëve në Kosovë.

Kjo është hera e parë që ndodhë një gjë e tillë, e çon në ndërprerjen e seancës konstituive.

Një pjesë e deputetëve janë larguar nga salla e seancave plenare. Ndërkohë që anëtarët e komisionit janë duke diskutuar me kryesuesin e seancës për të vendosur si do të vazhdohet më tej.

 

Continue Reading

Aktualitet

Kusari Lila: PDK, LDK, AAK dhe Lista Serbe votuan së bashku kundër mandateve të tyre

Published

12 hours ago

on

April 15, 2025

By

Deputetja e Kuvendit të Kosovës, Mimoza Kusari-Lila ka reaguar pas mos konsituimit të kuvendit. Ajo tha se kjo po ndodh për herë të parë duke i fajësuar deputet nga opozita dhe Lista Serbe.

“Për herë të parë në Kosovë, opozita aktuale dhe ajo e ardhshme nuk e voton raportin për certifikimin e rezultateve dhe konfirmimin e mandateve.

“PDK, LDK, AAK dhe Lista Serbe votuan së bashku kundër konstituimit të Kuvendit – pra edhe kundër mandateve të tyre. Me këtë veprim, sot, përmes një tjetër shfaqjeje të paaftësisë së tyre të vazhdueshme, treguan se nuk e pranojnë më rezultatin e zgjedhjeve që vetë e kishin pranuar dhe votuar në KQZ”, ka shkruar Kusari Lila.

 

Continue Reading

Aktualitet

Krasniqi: Nuk do të lejojmë që të fillojë legjislatura e re me shkelje të Kushtetutës

Published

12 hours ago

on

April 15, 2025

By

Kryetari i Partisë Demokratike të Kosovës, Memli Krasniqi, është deklaruar pasi ka dështuar të bëhet konstituimi i Kuvendit.

Krasniqi para mediave deklaroi se është e paprecedentë situate që ka krijuar Lëvizja Vetëvendosje, transmeton Telegrafi.

“Vetë e kanë miratuar ligjin pa votat tona, edhe në atë ligj e kanë shkruar vetë se nuk mundet kryeministri dhe ministrat e ekzekutivit me u betu si deputet, është çështje shumë e thjeshtë. Logjika e tyre me shkel Kushtetutën me çdo kusht është logjikë që nuk mundet me kalu në Kuvendin e Kosovës”, ka thënë Krasniqi.

Ai ka deklaruar tutje se LVV që katër vjet ka shkelur Kushtetutën.

“Nuk do të lejojmë të fillojë legjislatura e re me shkelje të Kushtetutës”, u shpreh ai.

Kryesuesi i seancës së Kuvendit, Avni Dehari ka ndërprerë seancën konstituive të Kuvendit. Dehari tha se pas situatës së krijuar me mosvotimin e raportit për konfirmimin e mandatave, seanca ndërpritet.

“Për shkak të rrethanave të krijuara meqë raporti i komisionit nuk mori votat e mjaftueshme në këto rrethana duhet ta ndërpresim seancën dhe me një letër ta njoftojmë presidenten sesi do të vijohet tutje”, tha Dehari.

Raporti i Komisionit të përkohshëm për verifikimin e mandateve nuk kaloi. 52 deputetë ishin pro, 46 kundër e 11 abstenuan.

Continue Reading

Aktualitet

Ndërpritet seanca konstituive

Published

13 hours ago

on

April 15, 2025

By

Seanca konstituive e Kuvendit të Kosovës edhe pse ishte paraparë të fillonte në ora 10:00, ende nuk ka filluar pas një ore vonesë.

Kryesuesi i seancës Avni Dehari tha se ndërpritet senaca konstituive pas mosmiratimit të raportit të Komisionit të përkohshëm për verifikimin e mandateve.

UBT News do të ju mbajë të informuar në kohë reale. /UBT News/

 

Continue Reading

Të kërkuara