Kronikë e zezë

I vuri zjarrin hamullores në arën e tij, arrestohet pronari

Published

5 years ago

August 3, 2021

UBT news

Policia e Kosovës ka arrestuar një person i cili i kishte vurë zjarrin hamullores në arën e tij.

Në vendin e ngjarjes kanë dal njësia e hetimeve dhe zjarrfikësit të cilët kanë arritur ta lokalizojnë zjarrin.

“Pas lokalizimit të zjarrit dhe evitimit të rrezikut të përgjithshëm, nga policia është kontaktuar prokurori i cili ka urdhëruar që të intervistohet i dyshuari Z.D., 67 vjeçar shtetas Kosovar dhe ndaj tij të iniciohet rasti “Shkaktim i rrezikut të përgjithshëm””, thotë policia.

Policia në rajonin e Mitrovicës ka njoftuar se sot dhe ditëve të kaluara kanë ndërmarrë një fushatë të gjerë me qëllim të parandalimit të dukurisë së zjarrvënies që mund të jetë shumë e rrezikshme për shkak të temperaturave të larta.

Policët kanë shpërndarë broshura senbilizuese me moton “Kujdes, zjarret nuk ndodhin, ato shkaktohen” dhe “Zjarrvënia është vepër penale”.

“Po ashtu, gjatë kontaktit me qytetarët, policet kanë përcjellë mesazhe që në asnjë mënyrë mos të digjen hamulloret dhe për asnjë arsye tjetër mos të ndizen zjarre, pasi që ato nuk mund të kontrollohen dhe paraqesin rrezik si për jetën ashtu edhe për pronën”./klankosova

Lajmet

Gjendet e një personi pa shenja jete në Pejë

Published

32 minutes ago

August 7, 2026

UBTNews

Një person është gjetur pa shenja jete në Pejë, ka bërë të ditur Policia e Kosovës përmes raportit të saj.

Sipas raportit, në vendin e ngjarjes kanë dalë njësitet përkatëse policore, ndërsa ekipi mjekësor ka konstatuar vdekjen e viktimës burrë, shtetas i Kosovës.

Me vendim të prokurorit të shtetit, trupi i pa jetë është dërguar në Institutin e Mjekësisë Ligjore (IML) për obduksion, ndërsa rasti po hetohet si “Hetim i vdekjes”. /E.A/

Lajmet

Arrestohet një person për ngacmim seksual në Shtime

Published

42 minutes ago

August 7, 2026

UBTNews

Një person është arrestuar në lidhje me një rast të ngacmimit seksual, ka bërë të ditur Policia e Kosovës në raportin e saj 24-orësh.

Sipas raportit policor, i dyshuari burrë është arrestuar pasi ka kryer veprën penale të ngacmimit seksual ndaj viktimës grua, shtetase e Kosovës.

Pas intervistimit nga hetuesit, me vendim të prokurorit të shtetit, i dyshuari është dërguar në mbajtje. /E.A/

Lajmet

Ekstradohet nga Gjermania një i kërkuar për vjedhje të rëndë

Published

1 hour ago

August 7, 2026

UBTNews

Një shtetas i Kosovës i shpallur në kërkim ndërkombëtar është ekstraduar sot nga Gjermania për në Kosovë, pas bashkëpunimit mes autoriteteve të të dyja shteteve.

Sipas njoftimit nga Policia e Kosovës, i dyshuari u arrestua nga autoritetet gjermane pasi ndaj tij kishte një fletarrestim ndërkombëtar të lëshuar nga INTERPOL-i, me kërkesë të institucioneve të drejtësisë në Kosovë, nën dyshimin për veprën penale “Vjedhje e rëndë”.

Procedura e ekstradimit u realizua nga Drejtoria për Bashkëpunim Ndërkombëtar Policor në bashkëpunim me njësitet përkatëse policore. Pas mbërritjes në Kosovë, i dyshuari u është dorëzuar organeve kompetente për procedim të mëtejshëm ligjor. /E.A/

Lajmet

Katër të lënduar në një aksident trafiku në aksin Gjilan-Koretishtë

Published

2 hours ago

August 7, 2026

UBTNews

Katër persona kanë pësuar lëndime trupore si pasojë e një aksidenti trafiku të ndodhur mëngjesin e së premtes në aksin rrugor Gjilan-Koretishtë, ku janë përfshirë dy automjete.

Zëdhënësi i Policisë së Kosovës për rajonin e Gjilanit, Valon Osmani, bëri të ditur se ngjarja ka ndodhur rreth orës 05:00. Si pasojë e përplasjes, përveç dëmeve materiale, lëndime kanë pësuar dy drejtuesit e automjeteve dhe dy pasagjerë.

“Të njëjtit, pas pranimit të tretmanit mjekësor në Qendrën Emergjente të Spitalit të Përgjithshëm në Gjilan, janë liruar për në shtëpi”, deklaroi Osmani.

Hetuesit e Njësisë Rajonale të Trafikut Rrugor në Gjilan kanë nisur hetimet për zbardhjen e plotë të rrethanave dhe shkaqeve të këtij aksidenti. /Ekonomia online/