Greva e Metrosë në Londër ka pasur një ndikim të madh tek udhëtarët, ndërsa anëtarët e sindikatës së transportit luftojnë për paga dhe kushte më të mira. Euronews shqyrton më nga afër pagat në sektorin hekurudhor, duke i krahasuar ato me një sërë profesionesh të tjera.

Udhëtarët në kryeqytetin e Mbretërisë së Bashkuar kanë marrë masat për disa ditë kaotike këtë javë, ndërsa stafi i shërbimeve hekurudhore të Metrosë dhe DLR të Londrës bën grevë për pagat dhe kushtet.

Nga e diela deri të enjten, punonjësit e Metrosë po organizojnë një grevë, ndërsa DLR preket në ditë të caktuara si pjesë e një mosmarrëveshjeje të veçantë.

Greva e Metrosë vjen pasi anëtarët e Sindikatës së Hekurudhave, Detare dhe Transportit (RMT) thanë se menaxhmenti refuzoi të angazhohej seriozisht me kërkesat e sindikatës, veçanërisht në lidhje me “pagën, menaxhimin e lodhjes, modelet ekstreme të ndërrimit dhe një reduktim të javës së punës”, shkruan Euronews.

Transporti për Londrën (TfL) thotë se i ka ofruar stafit një rritje page prej 3.4%, por ka refuzuar t’u nënshtrohet kërkesave të RMT për të ulur orët e punës në 32 orë në javë. TfL e quajti propozimin si “jopraktik dhe absolutisht të papërballueshëm”./D.B/KP

Rrjeti kombëtar i energjisë elektrike i Kubës u shemb për herë të katërt në më pak se një vit, duke shkaktuar një ndërprerje të energjisë elektrike në të gjithë vendin komunist, thanë autoritetet.

“Ka pasur një ndërprerje të plotë të sistemit të energjisë elektrike,” thanë Ministria e Energjisë dhe Sindikata kombëtare e energjisë elektrike.

Operatori i rrjetit tha se ndërprerja ndodhi në orën 9:14 të mëngjesit, gjithashtu edhe ministria tha se shkaku po hetohej dhe se procesi i rivendosjes së rrjetit kishte filluar tashmë.

Edhe para dështimit të rrjetit të së mërkurës, i cili la 10 milionë banorë pa energji, shumë njerëz në të gjithë ishullin e Karaibeve tashmë po përjetonin ndërprerje të përditshme të energjisë elektrike që zgjasnin mbi 16 orë.

Dështimi i rrjetit vjen pas një serie ndërprerjesh në të gjithë vendin që nga fundi i vitit të kaluar, të cilat e kanë çuar sistemin e brishtë dhe të vjetruar të gjenerimit të energjisë elektrike të Kubës në një gjendje pothuajse të shkatërruar.

Vendi përballet gjithashtu me mungesa të karburantit dhe ushqimit, si dhe probleme të tjera në krizën e tij më të keqe ekonomike në dekada.

Termocentralet me naftë të Kubës, tashmë të vjetruara dhe mezi funksionale, u përkeqësuan vitin e kaluar kur importet e lëndës së parë nga Venezuela, Rusia dhe Meksika ranë ndjeshëm./S.K/KP/

Presidentja e Kosovës Vjosa Osmani ka paralajmëruar se do të ndërmarrë të gjitha masat ligjore ndaj të gjithë atyre që përndjekin fëmijët e saj, duke thënë se edhe ka pasur tentime për incizime të paautorizuara të tyre.

Në një reagim në Facebook, e para e vendit ka theksuar se incizimet e paautorizuara, shpesh deri në nivel të përndjekjes, për fëmijët krijojnë jo vetëm rrezik fizik, por edhe psikologjik, me pasoja afatgjata.

“E vetmja gjë që bënin disa nga këta të ashtuquajtur gazetarë, ishte rrezikimi i sigurisë së vajzave të mia, të cilat shkonin çdo ditë në shkollë publike, duke publikuar vendndodhjen e tyre, klasat e tyre, incizime të paautorizuara të fytyrës së tyre, pa asnjë leje paraprake, e përkundër moshës së tyre të mitur, dhe faktit se, ashtu siç e parasheh ligji dhe siç ka qenë rasti edhe me familjet e tjera të presidentëve, policia është prezentë”.

Reagimi i plotë:

REAGIM NDAJ PËRNDJEKJES SË VAZHDUESHME, TË KUNDËRLIGJSHME E TË RREZIKSHME QË MEDIA TË CAKTUARA I BËJNË VAJZAVE TË MIA TË MITURA

Për pesë vite me radhë, vajzat e mia kanë shkuar në shkollën publike “Ismail Qemali” në Prishtinë. Jam falënderuese përjetësisht ndaj mësueses së tyre të shkollës fillore, e cila, sikurse edhe për çdo nxënës tjetër, është siguruar që vajzat tona të mësojnë maksimalisht e të marrin hapat e parë e të sigurt drejt zhvillimit të tyre profesional. Falënderuese edhe ndaj pjesës tjetër të stafit të shkollës dhe udhëheqjes së shkollës për bashkëpunimin e tyre me prindërit.

Përgjatë këtyre pesë viteve, sikurse edhe nxënësit e tjerë në këtë shkollë, edhe vajzat e mia janë përballur me probleme me kanalizime, ndërprerje të ujit, rrymës e ngrohjes, bllokada totale të tualeteve, mungesë pastrimi për muaj të tërë, mungesë sigurie në shkollë (me rreth 4 mijë nxënës në shkollë, rreth 40 nxënës në një klasë), konfiskim të mjeteve të rrezikshme nga disa nxënës, e çka jo tjetër.

Por asnjëherë, disa të ashtuquajtur gazetarë (për ndonjë prej tyre do të shokoheshit se me çfarë veprimtarie të kundërligjshme merren, sipas institucioneve tona të sigurisë), asnjëherë nuk kanë shkruar se Presidentja e vendit i dërgon fëmijët në shkollë publike në Kosovë, përkundër sfidave të mëdha me të cilat përballej kjo shkollë. Asnjëherë nuk kanë shkruar për plot politikanë të tjerë, e në veçanti për gazetarët e shumtë që i dërgojnë fëmijët në shkolla private, brenda e jashtë vendit.

E vetmja gjë që bënin disa nga këta të ashtuquajtur gazetarë, ishte rrezikimi i sigurisë së vajzave të mia, të cilat shkonin çdo ditë në shkollë publike, duke publikuar vendndodhjen e tyre, klasat e tyre, incizime të paautorizuara të fytyrës së tyre, pa asnjë leje paraprake, e përkundër moshës së tyre të mitur, dhe faktit se, ashtu siç e parasheh ligji dhe siç ka qenë rasti edhe me familjet e tjera të presidentëve, policia është prezente. Njësoj, pra incizime të paautorizuara të fëmijëve të mitur, ata tentuan të bëjnë edhe sot.

Natyrisht që policia është prezente, sepse kjo u kërkohet me ligj dhe, sipas vlerësimit të vetë policisë, vajzat e mia hyjnë në kategorinë e rrezikshmërisë së lartë. Këto ligje nuk i kam hartuar unë dhe këtë vlerësim të rrezikshmërisë nuk e kam bërë unë. Kjo praktikë ekziston kudo në botë.

Por çka dihet qartë është se një pjesë e rëndësishme e këtij rreziku shkaktohet pikërisht nga disa prej këtyre të ashtuquajtur gazetarë. Në cilin vend demokratik ekspozimi dhe rrezikimi i jetës së fëmijëve bie brenda suazave të lirisë së shprehjes? Në asnjë.

Fëmijët e mitur, të kujtdo qofshin ata, nuk janë subjekt i interesit publik politik, por imazhet dhe incizimet e paautorizuara të tyre në rrethana private shkaktojnë rrezik për sulme, kanosje e kidnapime eventuale, duke i bërë publike rutina dhe lokacionet e tyre – përkundër vlerësimit të policisë se një gjë e tillë është në kundërshtim me rregullat e sigurisë.

Prandaj, do të ndërmarr çdo masë ligjore për të mbrojtur fëmijët e mi nga këta të ashtuquajtur gazetarë, të cilët nuk e kanë qëllimin të informojnë publikun, por të rrezikojnë jetën e fëmijëve që nuk u kanë asnjë faj. Këto incizime të paautorizuara, shpesh deri në nivel të përndjekjes, për fëmijët krijojnë jo vetëm rrezik fizik, por edhe psikologjik, me pasoja afatgjata.

Ndryshimi i lokacionit të shkollës është bërë për shkak të problemeve të shkaktuara nga niveli i rrezikshmërisë së lartë dhe për shkak të ndryshimit të lokacionit ku jetojmë, ndërkohë që shkolla “Ismail Qemali” tashmë është shumë larg nga vendbanimi ynë.

Për fund, si Presidente nuk kam asnjë kompetencë të vetme në çështje që lidhen me sistemin arsimor, përveç se të jap sugjerime – gjë që e kam bërë vazhdimisht. Ato bien ekskluzivisht në kompetencë të nivelit lokal (komunës) dhe atij qendror (qeverisë). Kjo nuk do të thotë që nuk janë bërë përpjekje e përmirësime, mirëpo sfidat janë ende tepër të mëdha e të vazhdueshme../S.K/KP/

Mëngjesi i kësaj së enjte nisi me reshje të shiut në vend, por që gjendja u kthye në kaos duke shkaktuar shumë aksidente. Vetëm këtë mëngjes, janë raportuar tri aksidente, një në rrugën Prishtinë-Fushë Kosovë, një në Vranidoll dhe një në hyrje të Lipjanit.

Në këto aksidente veturat janë rrokullisur e dëmtuar mirëpo ende nuk është raportuar për të lënduar, ndërkohë që presim edhe më tej të dhëna nga raportet policore edhe për aksidente të tjera.

E për të pasur ngasje sa më të sigurt në mot me shi, dhe për të shmangur aksidentet, policia ka dal me një apel për shoferët.

Apeli i plotë: