Lajmet

Hungaria kritikohet për ligjin kundër migrantëve

Qeveria e Hungarisë ka prezantuar më 2018 projektligjin që e bën vepër penale ndihmën për azil.

Published

on

Gjykata Evropiane e Drejtësisë, ka thënë se Hungaria ka shkelur rregullat e Bashkimit Evropian kur e ka bërë vepër penale ndihmën e individëve apo organizatave, për migrantët apo refugjatët që aplikojnë për azil.

Ky vendim i Gjykatës është i fundit kundër masave të Qeverisë së krahut të djathtë të kryeministrit, Viktor Orban, të cilat, sipas autoriteteve qeveritare, mbrojnë bllokun evropian kundër imigrimit ilegal.

Qeveria e Hungarisë ka prezantuar më 2018 projektligjin që e bën vepër penale ndihmën për azil.

Më 2015, autoritetet hungareze kanë ndërtuar ndalesë kufitare me Serbinë dhe Kroacinë dhe po atë vit rreth një milion persona janë nisur drejt BE-së, kryesisht pas ikjes nga konflikti në Siri.

Orban, i cili ka shënjestruar punën e filantropit amerikano-hungarez, George Soros, ka akuzuar Sorosin për inkurajim të migrantëve.

Gjykata Evropiane e Drejtësisë ka thënë se projektligji i vitit 2018, i njohur si ligji “Stop Sorosit”, ka shkelur “ligjet e BE-së”.

Orban, kundërshtar i zëshëm i imigrimit, ka akuzuar vazhdimisht Sorosin se ka ndërhyrë në politikën hungareze dhe udhëheqje të opozitës liberale.

Agjencia ndërkombëtare për të drejta të njeriut, Amnesty International, e ka mirëpritur vendimin, duke thënë se ai “dërgon mesazh të qartë se fushata e frikësimit e Qeverisë hungareze, duke synuar ata që mbrojnë të drejtat e refugjatëve dhe azilkërkuesve, nuk mund dhe nuk do të tolerohet”./REL

Lajmet

Vazhdojnë punimet për rinovimin e teatrit ODA në Prishtinë

Published

on

Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.

Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.

Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.

Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.

Ndërkaq, Teatri i Operës dhe Baletit në Prishtinë është në fazën e fundit të projektimit./A.K/

Continue Reading

Lajmet

“Palimpsest”, projekt artistik që rikthen në vëmendje trashëgiminë muzikore shqiptare

Published

on

Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.

Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.

Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.

Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.

Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/

Continue Reading

Sport

Shaqiri për festimin me shqiponjë: Ishte reagim emocional pas provokimeve

Published

on

By

Ish-reprezentuesi i Zvicrës, Xherdan Shaqiri, ka folur sërish për festimin e tij ikonike me shqiponjën dykrenare në ndeshjen e Kupës së Botës kundër Serbisë, duke e cilësuar atë si një reagim emocional të nxitur nga tensionet dhe provokimet para e gjatë takimit.

Duke reflektuar mbi atë episod, Shaqiri u shpreh se synimi i tij i vetëm ishte suksesi sportiv, por situata mori përmasa politike për shkak të rrethanave dhe trajtimit mediatik të asaj kohe. Ai pranoi se të gjitha palët e tepruan me reagimet, ndërsa shtoi se publiku në Zvicër nuk e njihte prapavijën historike që çoi te ai gjest, të cilin e bënë edhe Granit Xhaka dhe Stephan Lichtsteiner.

“Besoj se mediat kanë shkruar shumë. Ka pasur provokime para dhe gjatë ndeshjes. Në fund, për mua ishte e rëndësishme të fitoja në aspektin sportiv, jo politik, edhe pse më pas gjithçka mori një dimension politik. Po, ishte një reagim emocional. Pas gjithë asaj që ishte shkruar dhe provokimeve që kishin ndodhur, besoj se të gjithë e tepruam, përfshirë edhe mediat”, tha Shaqiri.

Sipas futbollistit me prejardhje nga Kosova, perceptimi rreth atij momenti do të ishte krejtësisht ndryshe nëse do të ndodhte sot.

“Shumë zviceranë nuk e kuptuan dhe nuk e njihnin historinë që qëndronte pas këtij veprimi, arsyen pse unë, Graniti dhe Stephani e bëmë atë gjest. Besoj se kishte shumë emocione të përfshira. Mendoj se sot ky veprim nuk do të konsiderohej aq i rëndë“, tha Shaqiri. /E.A/

 

Continue Reading

Lajmet

Kosova dhe Çekia diskutojnë bashkëpunimin në fushën e trashëgimisë kulturore

Published

on

By

Ambasadorja e Kosovës në Çeki, Albesjana Iberhysaj-Kapitaj, ka zhvilluar një takim me drejtoreshën e përgjithshme të Institutit Kombëtar për Mbrojtjen e Monumenteve të Republikës Çeke, Naděžda Goryczková, për të shqyrtuar mundësitë e bashkëpunimit dypalësh në fushën e trashëgimisë kulturore.

Gjatë takimit u diskutua për shkëmbimin e ekspertizës dhe praktikave profesionale ndërmjet institucioneve të të dyja vendeve, me fokus të veçantë në konservimin, restaurimin dhe mbrojtjen e monumenteve.

Përvoja e gjatë e Republikës Çeke në ruajtjen e trashëgimisë kulturore u vlerësua si mundësi e rëndësishme për forcimin e kapaciteteve dhe avancimin e standardeve të institucioneve të Kosovës në këtë sektor. /E.A/

 

Continue Reading

Të kërkuara