Sport

Humbja nga Interi mund ta çojë Barçën në krizë financiare

Robert Leëandoëski siguroi që pikët të ndahen në “Camp Nou” në një barazim emocionues 3-3 midis Barcelonës dhe Interit.

Published

on

Barcelona luajti me të ardhmen e saj duke shpenzuar shumë ppara gjatë verës, por katalanasit duken të detyruar për të luajtur në Europa League pas barazimit 3-3 me Interin.

Robert Leëandoëski siguroi që pikët të ndahen në “Camp Nou” në një barazim emocionues 3-3 midis Barcelonës dhe Interit, por shanset e nikoqirëve për të arritur në fazën eliminatore të Ligës së Kampionëve janë jashtëzakonsiht të vogla.

Të gjitha paratë që kishin në dispozicion ata i shpenzuan në merkaton e verës. Të gjitha levat ekonomike që ata mund të aktivizonin janë aktivizuar dhe në fund, duket se Liga e Evropës do të jetë gara ku do të vazhdohet të luhet.

As shkëlqimi i Leëandoëskit në fund të fundit nuk mund të kompensonte kaosin në mbrojtje që i kushtoi nikoqirëve tre pikë të mëdha.

Sigurisht, Barcelona po fluturon lart në La Liga, por paratë fitohen në Ligën e Kampionëve dhe katalanasit do të kenë humbje të mëdha.

Dështimi për të arritur në fazën eliminatore pa mbulimin e shpenzimeve të kësaj vere do të ishte fatkeqësi sportive dhe financiare për Barçën.

Lajmet

​Manaj gati të blejë klubin shqiptar të futbollit

Published

on

Rey Manaj, futbollist i Kombëtares Shqiptare është pranë një marrëveshjeje për të blerë klubin e Lushnjës në Shqipëri. Ai ka nisur përpjekjet për të marrë në pronësi skuadrën nga qyteti i tij i origjinës.

“Moda e futbollistëve të suksesshëm që blejnë klube ka mbërritur edhe në Shqipëri. Rey Manaj po bën një hap të madh duke investuar te Lushnja. Ky është një model që na duhet për të ecur përpara”, u tha gjatë emisionit “Procesi Sportiv” në Top Channel.

Të ftuarit në studio pranuan se sulmuesi i Kombëtares është kandidati më i mundshëm për këtë blerje, duke marrë parasysh lidhjet e tij me Lushnjën.

Ky hap e vendos Manajn në të njëjtën linjë me emra të njohur të futbollit botëror që kanë zgjedhur të investojnë në klube.

Shembujt më të spikatur janë David Beckham, i cili zotëron Inter Miamin në SHBA, dhe Ronaldo “Fenomeni”, që prej disa vitesh është pronar i Real Valladolid në Spanjë./S.K/KP/TCh/

Continue Reading

Lajmet

Ylli i Barcelonës do t’i nënshtrohet operacionit

Published

on

Mesfushori i Barcelonës, Pablo Martín Páez Gavi, do t’i nënshtrohet një operacioni në gju për të trajtuar një dëmtim të meniskut, njoftuan kampionët e LaLigës.

21-vjeçari spanjoll, i cili këputi ligamentin e kryqëzuar anterior (ACL) në nëntor 2023, dëmtoi gjurin e djathtë në stërvitje në gusht, pasi luajti në dy ndeshjet e para të Barçës këtë sezon.

Ndërsa Barca nuk dha një afat kohor për rikuperimin e Gavit, mediat spanjolle raportuan se ai mund të mungojë për pesë deri në gjashtë javë.

“Gavi iu nënshtrua testeve intensive të stresit sportiv pasi përfundoi kursin e tij të trajtimit konservator për dëmtimin radial të meniskut të brendshëm në gjurin e djathtë “, tha Barca në një deklaratë të hënën.

Gavi u bashkua me La Masia-n, akademinë e famshme të të rinjve të FC Barcelona-s, në vitin 2015 nga Real Betis në moshën 11 vjeç. Ai u ngjit shpejt në radhët e ekipit falë vizionit të tij të jashtëzakonshëm, aftësisë teknike dhe agresivitetit në mesfushë.

Klubi katalanas ka humbur gjithashtu shërbimet e mesfushorit Fermin Lopez, i cili është përjashtuar për tre javë pasi pësoi një dëmtim të muskujve të këmbës në fitoren 3-0 ndaj Getafes të dielën.

Barca, e cila është dy pikë prapa liderëve të LaLiga-s, Real Madrid, do të udhëtojë drejt Real Oviedos në ligë të enjten./S.K/KP/

Continue Reading

Lajmet

Reagimi i parë i Dembélé pasi fitoi Topin e Artë

Published

on

Ousmane Dembélé ka shprehur emocionet e tij të para pas triumfit historik në ceremoninë e Topit të Artë 2025, ku u shpall lojtari më i mirë në botë.

Ka shumë gëzim, krenari dhe emocione. Ëndrra ime u bë realitet,” u shpreh ylli francez menjëherë pas marrjes së çmimit prestigjioz.

Ai nuk harroi të falënderonte ata që kanë qenë pranë tij gjatë gjithë rrugëtimit.

Ky është Topi i Artë i parë në karrierën e Dembélés, një arritje që vulosi një sezon spektakolar për sulmuesin e Francës dhe PSG-së./S.K/KP/

Continue Reading

Lajmet

KB ​Trepça pëson nga Heroes Den Bosch

Published

on

KB Trepça pësoi humbje nga kampionia e Holandës, Heroes Den Bosch me shifrat 80:68 në çerekfinale të kualifikimeve për Ligën e Kampionëve.

Në përballjen që u zhvillua në Samokov të Bullgarisë, ‘Xehetarët’ dhanë maksimumin, e ishin të përkrahur nga një numër i madh i tifozëve mitrovicas që kishin udhëtuar për këtë sfidë.

Mitrovicasit e nisën ndeshjen më mirë, duke fituar çerekun e parë 19:27, por periudha e dytë ishte fatale 21:9, ku skuadra shkuan në pushim me rezultat 40:36.

Në pjesën e dytë, holandezët për një nuancë ishin më të mirë dhe fituan 80:68, për tu kualifikuar në gjysmëfinale të kualifikimeve për Ligën e Kampionëve.

Tashmë, Trepça do të jetë pjesë e grupeve në FIBA Europe Cup, për edicionin e dytë radhazi./S.K/KP/

Continue Reading

Të kërkuara