

Lajmet
Humanizmi i zemrës
Published
4 years agoon
By
Betim Gashi“Gift of Life” shpresë për shërimin e 30 fëmijëve që kanë probeme me zemër.
Për 30 fëmijët kosovarë, të cilët kanë probleme me zemër, do të kujdesen një ekip mjekësh amerikanë, italianë dhe kosovarë.
Stafi i “Gift of Life” do mbështesin financiarisht shërimin e fëmijëve që kanë probleme me zemër, duke ju ofruar atyre jo vetëm trajtim por edhe shërbim me zemër.
Në pritjen e mjekëve ka marrë pjesë edhe Presidentja Vjosa Osmani-Sadriu e cila e ka vlerësuar lartë humanizmin e kësaj organziate.
“Kur mbrohet e shëndoshet zemra e një personi, mbrohet jeta. Mbrohen frymëmarrjet, lëvizjet, mendja, idetë e aftësia për të punuar, vepruar, e kontribuar”.
“Bashkë me ministrin e shëndetësisë, z. Arben Vitia, i uruam sot mirëseardhje mjekëve dhe stafit të organizatës amerikane “Gift of Life”, me mbështetjen financiare të të cilëve 30 fëmijë kosovarë, të cilët kanë probleme me zemër, do të trajtohen nga një ekip mjekësh amerikanë, italianë dhe kosovarë”, shkruan Presidentje në Facebook.
“Me stafin e “Gift of Life” ishte edhe Bleona që ndihmonte me përkthim. Plot jetë e shumë dinamike, ajo është njëra nga fëmijët të cilës kohë më parë vet mjekët e “Gift of Life” i kishin dhuruar jetëgjatësinë përmes këtij programi”.
“Humanizmi i kësaj organizate dhe i mjekëve është dhuratë jo vetëm për fëmijët tanë, por edhe për familjet e tyre, si dhe për shtetin e Kosovës”.
“Ky është misioni i parë i kësaj organizate që nga fillimi i pandemisë, por “Gift of Life” ka kryer tashmë pesë misione të tilla në Kosovë, në të cilat janë trajtuar qindra fëmijë kosovarë”.
“Falenderime të pafund për dr. Francesko Santoro, dr. Herbet Stern, dr. Ribera Santoro, z. Rob Raylman, drejtor i organizatës GOL, dr. Mazllum Belegu, udhëheqës administrativ i GOL për Kosovë, si dhe për stafin mjekësor vendor të udhëhequr nga dr. Bejiqi”.
“Përvojën nga miqtë tanë, shpresojmë ta bartim në Shërbimin Kardopediatrik në kuadër të ShSKUK-së, të cilin duhet ta kemi funksional brenda Kosovës. Gjersa, fëmijëvë tanë, i uroj nga zemra shëndet e jëtë të gjatë!””
Ekipi mjekësor, i cili do të qëndrojë në Kosovë deri në fundjavë, përbëhet nga kardiokirurgët dr. Françesko Santoro dhe dr. Ribiera Santoro, nga kardiologët dr. Herbert Stern dhe dr. Roberto Tumbarello, me kolegë të tyre./UBTNEWS



Aktualitet
Sot pritet të shpallet aktgjykimi ndaj Ivica Rajkoviq e Dragan Deniq për dhunim gjatë luftës
Published
26 minutes agoon
July 28, 2025By
UBT News
Në Gjykatën Themelore në Prishtinë, sot do të shpallet aktgjykimi i parë për dhunim seksual gjatë luftës. Të akuzuar janë Ivica Rajkoviq dhe Dragan Deniq, të dy këta ishin policë në Prishtinë.
Përveç për dhunim seksual, në bazë të dëshmive të dëshmitarëve, të njëjtit kanë kryer edhe krime të tjera te luftës, si maltretime, plaçkitje, tortura, por që nuk jnë përfshirë në këtë aktakuzë
Rasti i dhunimit seksual ka ndodhur në Kolovicë. E mbijetuara e këtij krimi u dhunua para syve të burrit të saj, i cili ka qenë dëshmitari kryesor i rastit, dhe dëshmia e tij ka qenë kryesore në gjykatë.
Po ashtu, viktimën e kanë dhunuar gjashtë persona, por vetëm këta dy janë identifikuar nga viktima.Ky është rasti i katërt që ka përfunduar gjykimi, i raportuar dhe përfaqësuar nga Qendra Kosovare e Rehabilitimin të të Mbijetuarve të Torturës (QKRMT).
Gjykimi është zhvilluar në mungesë, në pamundësi që të njëjtit të arrestohen.
Deri më tani janë shpallur tri aktgjykime për dhunim seksual. Zoran Vukotiq është dënuar me 13 vjet burg, në rastin tjetër Vukotiq është liruar, dhe rasti Zhivojin Nesiq “Zhika” u dënua me 15 vjet. Ndërkaq, ky është rasti i parë për gjykim në mungesë për këtë krim lufte.
Aktualitet
Vuçiq: Nuk vendosim sanksione ndaj Rusisë, ministri Staroviq foli pa kujdes
Published
1 hour agoon
July 28, 2025By
UBT News
Presidenti Aleksandar Vuçiq deklaroi se Serbia nuk do të vendosë sanksione ndaj Rusisë, pasi nuk do ta ndryshojnë politikën shtetërore, e cila sipas tij bazohet në parime.
“E shqyrtuam këtë tri vjet e gjysmë më parë kur po merrnim një vendim në Këshillin e Sigurisë Kombëtare, unë personalisht shkrova tekstin e tij. Ne do të vazhdojmë me politikën tonë parimore të një shteti të pavarur dhe sovran”, tha Vuçiq në Batajnicë.
Ai tha se ministri për Integrimin Evropian Nemanja Staroviq “sigurisht foli pa kujdes” kur dha një intervistë për agjencinë austriake APA ku përmendi Kosovën dhe mundësinë e vendosjes së sanksioneve ndaj Rusisë.
Vuçiq u shpreh se i vinte keq që në skenën e brendshme ka shumë që hidhen më shpejt në mbrojtje të Rusisë sesa do të hidheshin ndonjëherë në mbrojtje të Serbisë.
Sipas raporteve të medias, Staroviq tha se Serbia është gati për kompromise shumë të mëdha në lidhje me Kosovën dhe se do të merr pjesë plotësisht në sanksionet kundër Rusisë kur anëtarësimi në Bashkimin Evropian të jetë në horizont.
Ai u sulmua shpejt nga Lëvizja Socialiste, e udhëhequr nga Aleksandar Vulin, i cili tha se Staroviq “duhej të udhëhiqte politika shtetërore.”
Lajmet
Një nga pionierët e bitcoin shiti 80 000 BTC për 9 miliardë dollarë
Published
1 hour agoon
July 28, 2025By
UBT News
Një investitor i hershëm i Bitcoin shiti 80 mijë BTC përmes Galaxy Digital, në atë që kompania e aseteve digjitale e përshkroi si një nga transaksionet më të mëdha nominale në historinë e kriptomonedhave, megjithëse detajet e datës dhe çmimit të ekzekutimit nuk u zbuluan.
Njoftimi i shitjes nga Galaxy Digital u shfaq për herë të parë në PR Newswire të premten vonë, i ndjekur nga një njoftim në blogun zyrtar të kompanisë.
Galaxy Digital konfirmuan vërtetësinë e njoftimit për shtyp, por nuk e zbuloi identitetin e klientit, duke thënë se “transaksioni ishte pjesë e strategjisë më të gjerë të planifikimit të pasurisë së investitorit”. Njoftimi erdhi në një ditë me paqëndrueshmëri të shtuar për Bitcoin, me çmimin që ra për pak kohë nën 115 mijë dollarë të premten, sipas Cointelegraph.
Të dhënat e Lookonchain tregojnë disa transaksione të mëdha nga Galaxy Digital gjatë ditës, duke arritur në total gati 30 mijë BTC, me shumicën e fondeve të dërguara direkt në bursa.
Këto transaksione ishin të lidhura me një investitor në Bitcoin i cili zhvendosi 80.009 BTC nga një portofol joaktiv në fillim të këtij muaji – monedha që më vonë u transferuan në Galaxy, sipas të dhënave të Lookonchain nga 16-17 korriku.
Jason Williams, një analist dhe autor i Bitcoin Hard Money, vuri në dukje se e gjithë shitja tashmë është “absorbuar plotësisht nga tregu”, duke sugjeruar se çmimet janë gati të rriten ndjeshëm.
“80.000 BTC, me vlerë mbi 9 miliardë dollarë, janë shitur në librat e porosive në tregun e hapur, dhe bitcoin mezi ka lëvizur,” shkroi Joe Consorti, kreu i rritjes në Theya, një kompani infrastrukture kujdestarie për Bitcoin.
Bitcoin është rritur këtë vit, duke arritur së fundmi një rekord të ri historik mbi 123.000 dollarë.
Aktualitet
Punonjësi 55-vjeç gjendet pa shenja jete në Parkun Inovativ në Prizren
Published
1 hour agoon
July 28, 2025By
UBT News
Një 55-vjeçar me inicialet B.B. është gjetur pa shenja jete në hapësirat e Parkut Inovativ në Prizren ka konfirmuar zëdhënësi i Policisë rajonale të Prizrenit Shaqir Bytyqi.
“Rreth orës 13:35, Policia e Kosovës ka pranuar informatën se në hapësirat e “Parkut Inovativ”, që ndodhet në ish-kazermën ushtarake në Prizren, është gjetur pa shenja jete një person B.B., i gjinisë mashkullore, rreth 55-vjeç. Sipas informatave fillestare, i ndjeri kishte qenë punonjës në atë park. Njësitet përkatëse policore kanë dalë menjëherë në vendin e ngjarjes, ku kanë kryer ekzaminimin e vendit, mbledhjen e provave materiale dhe marrjen e deklaratave nga dëshmitarët”, tha Bytyqi.
Me urdhër të prokurorit të shtetit, trupi i pajetë u dërgua për obduksion në Institutin e Mjekësisë Ligjore në Prishtinë, ndërsa Policia e Kosovës ka iniciuar rastin si hetim i vdekjes dhe po ndërmerr veprimet hetimore për zbardhjen e plotë të rastit.

Fuqitë shëruese të mjaltit dhe aloe verës

Sot pritet të shpallet aktgjykimi ndaj Ivica Rajkoviq e Dragan Deniq për dhunim gjatë luftës

Vuçiq: Nuk vendosim sanksione ndaj Rusisë, ministri Staroviq foli pa kujdes

Një nga pionierët e bitcoin shiti 80 000 BTC për 9 miliardë dollarë

Punonjësi 55-vjeç gjendet pa shenja jete në Parkun Inovativ në Prizren

Arrestohen dy persona për sulm në Ferizaj, dy të tjerë vihen në kërkim

Gjobiten dy shoferë në Ferizaj

Sarandë: Kanosi me thikë një shtetas dhe e ndoqi me veturë

Ministrja austriake: Putinit po i mbaron koha, arkivolet në Rusi do të grumbullohen
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit