Lajmet

HRW: Refugjatët Rohingya po vuajnë nga abuzimi i gjerë i policisë

Policia kërkon ryshfet të lartë nën kërcënimin e arrestimit, thuhet në raportin e HRW.

Published

on

Një njësi elitare e policisë së Bangladeshit është e angazhuar në zhvatjen e shfrenuar, ngacmimin dhe arrestimet e paligjshme të refugjatëve Rohingya, të cilët e ka pasur për detyrë t’i mbrojë, tha të martën Human Rights Watch.

Batalioni i Policisë së Armatosur (APBn) operon në kampe që strehojnë gati një milion anëtarë të pakicës pa shtetësi, shumica e të cilëve u larguan nga Mianmari fqinj pas një goditjeje ushtarake që tani është objekt i një hetimi të OKB-së për gjenocid.

Refugjatët dhe punonjësit humanitarë i thanë mbikëqyrësit me bazë në Nju Jork se siguria ishte përkeqësuar pasi kjo njësi mori përgjegjësinë për sigurinë e kampeve në vitin 2020, me disa anëtarë të komunitetit që thanë se abuzimet e AFP ishin bërë “një dukuri e rregullt”.

“Abuzimet nga policia në kampet e Cox’s Bazar i kanë lënë refugjatët Rohingya të vuajnë nga vetë forcat që supozohej t’i mbrojnë ata”, tha studiuesja e HRW në Azi, Shayna Bauchner.

Grupi i të drejtave tha se kishte folur me dhjetëra refugjatë Rohingya, duke dokumentuar të paktën 16 raste të abuzimit serioz nga oficerët e APBn.

Policia u kërkoi ryshfet të lartë refugjatëve nën kërcënimin e arrestimit, thuhet në raportin e HRW, duke shtuar se familjet shpesh detyrohen të shesin bizhuteri ari ose të huazojnë para për të liruar të afërmit e ndaluar padrejtësisht.

Bauchner u bëri thirrje autoriteteve të hetojnë pretendimet dhe të mbajnë përgjegjësi oficerët përgjegjës.

Komandanti i batalionit Syed Harunor Rashid tha se raporti ishte “i dyshimtë”, përcjell UBT News.

“Kriminelët po u tregojnë atyre fakte të rreme dhe (Human Rights Watch) po i raporton ato. Kjo është si t’u japësh ngushëllim kriminelëve” i tha ai AFP, duke shtuar se njësia do të hetojë nëse “merr ankesa specifike”.

Policia pranon se dhuna është rritur në kampe, ku banojnë grupe të armatosura dhe përdoren si transit për rrjetet rajonale të trafikut të drogës.

Të paktën 20 refugjatë, përfshirë udhëheqës të lartë të komunitetit, u vranë nga grupe të armatosura vitin e kaluar si pjesë e një lufte në terren në vendbanime.

Disa refugjatë Rohingya i thanë AFP se abuzimet e policisë ishin “të shfrenuara”.

“Disa ditë më parë po kthehesha në kamp me raportin mjekësor të vëllait tim nga një spital. Oficerët e APBn-së më ndaluan në pikën e kontrollit, më morën në pyetje dhe më goditën me shuplakë”, tha Ali Jaker, 20 vjeç.

“Më pas më morën celularin. Ata më kërcënuan se do të merrnin masa kundër meje nëse do ta ndaja historinë me dikë”, shtoi ai.

Sitara Bibi, 45 vjeç, tha se zhvatja e policisë ishte “një dukuri e rregullt”.

“Më është dashur t’u paguaj 3000 taka (30 dollarë) për ta gjatë martesës së djalit tim. Nëse nuk do t’i paguanim, policia do të ngrinte një rast kontrabande droge kundër djalit tim” shtoi ajo./UBTNews/

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara