Lajmet

Hoxhaj: Kurti nuk ka treguar prioritet për njohjet e reja, s’ka vullnet dhe ambicie për politikën e jashtme

Sipas tij, Qeveria ka dështuar edhe t’i ruajë njohjet që janë siguruar ndër vite.

Published

3 years ago

on

Ish-ministri i Punëve të Jashtme, Enver Hoxhaj ka thënë se Qeveria e udhëhequr nga Albin Kurti, nuk ka treguar prioritet për të siguruar njohje të reja. Sipas tij, Qeveria ka dështuar edhe t’i ruajë njohjet që janë siguruar ndër vite.

Ish-kryediplomati ka thënë se me refuzimin e gazsjellësit amerikan, Kosova e ka humbur edhe njohjen nga Greqia.

Në një intervistë, Hoxhaj ka thënë se institucionet tona kanë dështuar edhe përballë fushatës së Serbisë për çnjohje. Ai thotë se në këtë hap, do duhej të ndërtohej një plan afatgjatë, e duke i vizituar vendet që kanë qëndrime pak më të butë karshi Pavarësisë së Kosovës.

“Qeveria Kurti prej ditës kur është votuar, ka treguar që nuk ka plan, nuk ka vullnet dhe ambicie për të bërë ndonjë punë në politikën e jashtme, dhe njohjet nuk kanë qenë prioritet, se unë jam i sigurt që edhe në kontekstin e ndryshuar ndërkombëtar, nuk do të ishte e mundur të sigurohen 10 deri 15 njohje në vit, sesa kam siguruar unë kur kam qenë ministër i Jashtëm falë punës së kolegëve në Qeveri, por jam i sigurt se vendi do të mund të merrte pesë deri në shtatë njohje çdo vit. Për të ndodhur një gjë e tillë, Ministria e Punëve të Jashtme duhet të hartojë një strategji sikurse e kam bërë unë në vitin 2011, e cila do të duhej të përfshijë vendet të cilat janë afër njohjes së Kosovës, vendet të cilat kanë qëndrim neutral në raport me Pavarësinë e Kosovës, dhe vendet të cilat janë kundërshtare, dhe për secilin rast të bëhet një analizë e plotë se çfarë qëndrime kanë ata në janar të këtij viti e çfarë kanë pasur në të kaluarën”, ka thënë Hoxhaj.

Ndërsa për veprimet e Serbisë, Hoxhaj rekomandon që të vizitohen vendet që rrezikojnë ta largojnë njohjen e Kosovës.

“Duhet ta bëjmë një dokument, i cili do duhej të përfshijë veprimet që i ka marrë Serbia gjatë këtyre viteve të fundit, cilat vende i kanë vizituar serbët, me cilët njerëz kanë biseduar, e kështu më radhë, dhe mandej të dilet me një analizë të plotë të të gjitha shteteve të cilat e kanë njohur Kosovën, të shihet se cilat kanë qenë vizitat e fundit”, thotë Hoxhaj për krerët e shtetit, duke i kritikuar edhe për mungesë të vizitave të mirëfillta.

“Por këta rrinë në Prishtinë, zonja Osmani, kryeministri Kurti e zonja Gërvalla rrinë në Prishtinë, shkojnë herë pas here në ndonjë konferencë ndërkombëtare, flasin më shumë gjeopolitikë evropiane dhe për atë se çfarë po ndodh në Ukrainë dhe agresionin rus, sesa të marrin veprime konkrete që ta mbrojnë interesin vital të Kosovës në raport me fushatën e egër të cilën po e bën Serbia”, u shpreh Hoxhaj.

E me refuzimin e projektit të gazsjellësit amerikan, Hoxhaj thotë se Kosova humbi edhe disa përfitime të rëndësishme, të cilat do të forconin subjektivitetin e saj ndërkombëtar.

Thotë se ky gabim, Kosovës i kushtoi me humbjen e njohjes nga Greqia.

“Unë jam marrë gjatë me politikë të jashtme, meqë së pari kam qenë pjesë e delegacionit të Kosovës, i cili në kuadër të procesit të Ahtisarit e ka negociuar Pavarësinë e Kosovës, dhe unë e di se çfarë qëndrime kanë pasur këto vende në raport me Kosovën para se të shpallej si shtet. E di edhe çfarë ka menduar Greqia, dhe sot kam komunikim me kryeministrin grek dhe me motrën e kryeministrit grek. Është mirë që Greqia i ka shpeshtuar vizitat në Kosovë, është mirë që bën përpjekje që t’i ndërlidh interesat e saj politik e ekonomik, por unë nuk mendoj Qeveria e Kosovës ka mundur të krijojë një momentum që vërtetë të merrej njohja greke, qoftë përmes gazsjellësit. A ka mundur projekti i gazsjellësit amerikan që ta rreshtojë Greqinë të jetë më e hapur ndaj njohjes së Kosovës, padyshim”, u shpreh Hoxhaj.

Related Topics:
Continue Reading

Lajmet

​117 vjet nga Kongresi i Alfabetit

Published

1 hour ago

on

November 14, 2025

By

Më 14 nëntor 1908 në Manastir filloi punimet Kongresi i Manastirit ose Kongresi i Alfabetit, me qëllim krijimin e një alfabeti të njehsuar që do të ishte edhe fillimi i letërsisë mbarë shqiptare.

Në këtë kongres ishin të pranishëm 150 delegatë, të ardhur nga të gjitha anët e Shqipërisë, si dhe nga komunitetet shqiptare në Rumani, Itali, Greqi, Turqi, Egjipt, Amerikë etj.

Kryetar i Kongresit u zgjodh Mit’hat Frashëri, i biri i Abdyl Frashërit. Mit’hat Frashëri ishte në atë kohë redaktor i dy revistave që botoheshin në Selanik “Liria” dhe “Dituria”. Sekretare e komisionit u zgjodh Parashqevi Qiriazi, mësuese e shkollës së Vashave në Korçë.

Nënkryetar u zgjodh Grigori Cilka, nga Korça si dhe 11 anëtarë të tjerë. Në këtë Kongres merrnin pjesë shqiptarë të të gjitha komuniteteve fetare si, myslimanë, katolike, ortodoksë, protestantë, njerëz të ditur, të bashkuar për një qëllim të madh kombëtar.

Kumtesa e mbajtur nga prifti katolik Gjergj Fishta, preku të gjithë pjesëmarrësit sa një hoxhë rendi ta përqafonte para të gjithëve. Kërkesa ishte që gjuha shqipe të mos shkruhej as me shkronja arabe, as me shkronja greke, por me alfabetin latin.

Kongresi vendosi me votë unanime për të lenë mënjanë alfabetin e Stambollit, dhe të shkruanin gjuhën shqipe vetëm me alfabetin latin me 36 shkronja, alfabet që përdoret në ditët tona.

Gjithashtu, u vendos që pas dy vjetësh të mbahej një Kongres i dytë, në Janinë, për të shqyrtuar problemet drejtshkrimore e letrare, si dhe për të bërë përpjekje për shkrirjen e dialekteve gegë dhe toskë në një gjuhë të njehsuar shqipe.

Kongresi vendosi ngritjen e Shtypshkronjës Shqipe në Manastir nën drejtimin e Gjergj Qiriazit, e cila u bë shpejt e njohur anembanë vendit si shpërndarëse e librave dhe gazetave shqipe.

Një pjesëmarrës i shquar në Kongresin e Alfabetit ishte studiuesi, poeti dhe atdhetari nga Shkodra, Ndre Mjeda. Tetë nga trembëdhjetë propozimet e tij u miratuan nga Kongresi i Manastirit. Ndonëse jetoi në disa vende të huaja dhe fliste 13 gjuhë, mbi gjuhën shqipe ai nuk vinte gjë tjetër. /S.K/KP/

Continue Reading

Lajmet

Anglia mposht Serbinë në Wembley

Published

1 hour ago

on

November 14, 2025

By

Anglia është tani zyrtarisht pjesëmarrëse e botërorit në futboll, duke ruajtur rekordin e saj në kualifikueset e Kupës së Botës 2026 me një fitore 2-0 kundër Serbisë në stadiumin Wembley.

Bukayo Saka e çoi Anglinë në avantazh në minutën 28 me një gjuajtje të qetë me volej me këmbë anësore përpara se Nico O’Reilly të shihte një goditje të devijuar të godiste shtyllën.

Në pjesën e dytë, zëvendësuesi Eberechi Eze në minutën e 90-të goditi traversën përpara se të shënonte golin e dytë për Anglinë me një goditje të mrekullueshme.

Mesfushorët sulmues Eze, Jude Bellingham dhe Phil Foden të gjithë impresionuan me performancat e tyre të forta nga stoli./S.K/KP/

Continue Reading

Lajmet

​Qeveria në detyrë me tri vendime të reja

Published

1 hour ago

on

November 14, 2025

By

Qeveria në detyrë ka mbajtur mbledhje elektronike në të cilën kanë marr tri vendime të reja, dy në lidhje me Ministrinë e Financave kurse edhe një emërtim të ri në pozitën e drejtorit Ekzekutiv të Agjencisë për Regjistrim Civil.

Qeveria ka miratuar kërkesën e Ministrisë së Financave për kursime dhe ndarje, sipas tabelave të bashkangjitura në aneksin A (Kursimet) dhe në aneksin B (Ndarjet).

Po ashtu, ka miratuar kërkesën tjetër të Ministrisë së Financave për riformulimin e pikës 2 të Vendimit të Qeverisë numër 09/273 të datës 31 tetor 2025, thuhet në njoftim.

Kabineti qeveritar në detyrë gjithashtu ka emëruar Jetmir Hazirin në pozitën e drejtorit Ekzekutiv të Agjencisë për Regjistrim Civil./S.K/KP/

Continue Reading

Lajmet

​Tragjedi në Bruklin, 41-vjeçari nga Kosova vritet teksa përpiqej të ndalonte një vjedhje

Published

1 hour ago

on

November 14, 2025

By

Një 41-vjeçar nga Kosova ka humbur jetën në mënyrë tragjike pasi u sulmua nga një person që po tentonte të vidhte pako në hollin e një ndërtese në Bruklin.

Bëhet e ditur se sipas Policisë, viktima e identifikuar nga familjarët si 41-vjeçari B.H, u gjet i plagosur rëndë në kokë.

Ai u dërgua me urgjencë në Spitalin e Qarkut Kings, ku ndodhej në gjendje kritike dhe më pas ndërroi jetë si pasojë e lëndimeve.

B.H punonte si mbikëqyrës i një pallati apartamentesh në Bruklin. Familja u trondit që ai i cili ishte i respektuar në ndërtesë dhe në lagje, u vra ndërsa bënte punën e tij.

Ngjarja ka ndodhur të mërkurën në mëngjes, pak pas orës 08:00, në një ndërtesë në Ocean Avenue, zona e Flatbush.

Policia njoftoi se një person është marrë në pyetje, por deri tani nuk janë ngritur akuza. Hetimet për zbardhjen e plotë të rrethanave të ngjarjes vazhdojnë./S.K/KP/NBC News NY/

 

Continue Reading

Të kërkuara