Lajmet

Hoti me kritika ndaj Qeverisë: Çfarë menaxhimi katastrofal i parasë publike!

Hoti: Sikur të ulej TVSh-ja dhe të hiqej akciza përkohësisht, çmimet e prodhimit do të ishin më të ulëta.

Published

4 years ago

on

Anëtari i kryesisë së Lidhjes Demokratike të Kosovës, Avdullah Hoti, sot ka kritikuar Qeverinë për keqmenaxhim të parasë publike.

Hoti ka potencuar se sikur të ulej TVSh-ja dhe të hiqej akciza përkohësisht, sipas tij siç kanë propozuar në pranverë, sot çmimet e prodhimit për biznese do të ishin më të ulëta.

“Agjencia e Statistikave vlerëson se në tremujorin e tretë të vitit 2022, krahasuar me periudhën e njëjtë të vitit të kaluar, çmimet e prodhimit për biznese u rritën me 17.2% mesatarisht. Rritjen më të madhe e ka pasur energjia elektrike dhe gazi me 49.7%, duke i rritur kështu çmimet e produkteve të konsumit të përditshëm. Sikur të ulej TVSH-ja dhe të hiqej akciza përkohësisht, siç kemi propozuar në pranverë, sot çmimet prodhimit për biznese do të ishte më e ulëta. Rrjedhimisht, çmimet e produkteve të konsumit të përditshëm do të ishin më të ulëta dhe jeta e familjeve do të ishte më të lehtë. Sikur të ulej TVSH-ja dhe të hiqej akciza, sot nuk do të kishim 700 mil euro në llogari të Qeverisë, të cilat po i zhvlerëson inflacioni. Rreth 300 mil euro do të ishin në buxhetin e familjeve dhe bizneseve dhe do të qarkullonin në ekonomi. As nuk i shpenzojnë mjetet për projekte kapitale dhe për rritje të pagave, e as nuk iu lënë qytetarëve që t’i shpenzojnë. I mbledhin pa nevojë, i mbajnë në llogari dhe zhvlerësohen nga inflacioni. Çfarë menaxhimi katastrofal i parasë publike!”, ka shkruar Hoti në Facebook.

Agjencia e Statistikave të Kosovës sot ka informuar se është publikuar Indeksi i Çmimeve të Prodhimit (IÇP) për tremujorin e tretë (TM3) 2022, me ç’rast, indeksi i tërësishëm i çmimeve të prodhimit në Kosovë është ngritur për 11.3% ndërmjet TM3 2022 dhe TM2 2022. Ngritje më të mëdha sipas degëve të veprimtarive ekonomike sipas ASK-së, vërehen te: energjia elektrike, gazi, avulli dhe furnizimi me ajër të kondicionuar (46.9%); prodhimi i makinerisë dhe pajisjeve p.k.t (6.5%); prodhimi i pajisjeve elektrike (5.8%); prodhimi i letrës dhe produkteve prej letrës (5.4%); produkteve të fabrikuara metalike, përveç makinerisë dhe pajisjeve (1.6%); prodhimi i produkteve minerale jo metalike (0.5%); prodhimi i pijeve (0.2%); dhe prodhimi produkteve të gomës dhe të plastikës (0.1%).

Related Topics:
Continue Reading

Lajmet

Tentim vrasje në Klinë, arrestohet i dyshuari

Published

23 minutes ago

on

June 8, 2026

By

Në Klinë, më 07.06.2026 rreth orës 15:20, sipas raportit policor është raportuar një rast i tentim vrasjes.

Sipas raportit policor, i dyshuari mashkull kosovar me veturën e tij me targa lokale dyshohet se ka goditur një motoçikletë në të cilën ndodheshin dy persona meshkuj kosovarë.

Si pasojë e incidentit, të dy personat në motoçikletë kanë pësuar lëndime trupore dhe u është ofruar ndihma mjekësore.

I dyshuari është arrestuar nga Policia e Kosovës dhe pas intervistimit, me vendim të Prokurorit të Shtetit është ndaluar për 48 orë.

Rasti është iniciuar dhe hetimet janë duke vazhduar me urdhër të prokurorit kujdestar.

Continue Reading

Lajmet

Koncert Koral në Kuadër të Javës së Artit dhe Dizajnit dhe 25-Vjetorit të UBT-së

Published

24 minutes ago

on

June 8, 2026

By

Në kuadër të Javës së Artit dhe Dizajnit dhe shënimit të 25-vjetorit të themelimit të UBT-së, u mbajt një koncert koral i veçantë, i cili solli para publikut fuqinë e muzikës, artit dhe bashkëpunimit artistik.

Të pranishmit patën kënaqësinë të shijojnë performancën e Korit të Fakultetit të Muzikës së UBT-së, nën dirigjimin e profesoreshës dhe dirigjentes së nderuar, Lindita Isufi. Me përkushtimin dhe profesionalizmin e saj, kori prezantoi një program të pasur artistik, rezultat i punës së vazhdueshme, disiplinës dhe dashurisë së studentëve për muzikën.

Pjesa e parë e koncertit iu kushtua krijimtarisë shqiptare, duke sjellë interpretime të veprave:

  • Dashnor tu bana – Shime Deshpali
  • Ishin dy kunata – Rafet Rudi
  • Po vijnë krushqit – Tish Daija
  • Unë biri yt Kosovë – Feim Ibrahimi

Përmes këtyre veprave u pasqyruan tradita, kultura dhe identiteti ynë muzikor, duke përcjellë emocione të veçanta te publiku.

Në pjesën e dytë, kori solli disa nga këngët më të njohura të repertorit ndërkombëtar:

  • Creep – nga Radiohead
  • Mamma Mia – nga ABBA
  • Siyahamba
  • Shkon djali termale – Çesk Zadeja

Koncerti dëshmoi edhe një herë rëndësinë e artit dhe muzikës si ura komunikimi ndërmjet kulturave, duke bashkuar zërat, emocionet dhe shpirtin krijues në një harmoni të vetme.

Në përfundim, Kori i Fakultetit të Muzikës së UBT-së falënderoi publikun për praninë, mbështetjen dhe duartrokitjet e ngrohta, duke e bërë këtë mbrëmje artistike një përvojë të paharrueshme për të gjithë pjesëmarrësit.

 

Continue Reading

Lajmet

Aksident fatal në Vushtrri, humb jetën një person

Published

27 minutes ago

on

June 8, 2026

By

Sipas raportit policor, në Vushtrri më 07.06.2026 rreth orës 00:55 ka ndodhur një aksident trafiku ku është përfshirë një automjet me ngasës mashkull kosovar.

Si pasojë e aksidentit, drejtuesi i automjetit ka humbur jetën në vendin e ngjarjes, ndërsa dy persona të tjerë meshkuj kosovarë kanë pësuar lëndime trupore. Ata pas marrjes së tretmanit mjekësor janë liruar në shtëpi.

Me vendim të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore (IML) për obduksion.

Hetimet lidhur me shkaqet e aksidentit janë duke vazhduar.

Continue Reading

Lajmet

Të shtëna me armë pas një mosmarrëveshjeje në Pejë, një person ndalohet për 48 orë

Published

30 minutes ago

on

June 8, 2026

By

Një person është ndaluar për 48 orë nën dyshimin për veprën penale “Shkaktim i rrezikut të përgjithshëm”, pas një incidenti me armë zjarri që ka ndodhur në Pejë.

Sipas raportit 24-orësh të Policisë së Kosovës, i dyshuari fillimisht kishte pasur mosmarrëveshje me dy persona dhe më pas kishte shtënë me armë zjarri, duke u larguar nga vendi i ngjarjes me veturën e tij.

Policia njofton se në vendngjarje është gjetur një veturë e goditur disa herë nga plumbat, ndërsa gëzhojat nuk janë gjetur, pasi dyshohet se janë larguar nga vetë i dyshuari.

Më vonë, i dyshuari është paraqitur vetë në stacionin policor dhe ka pranuar se kishte shtënë me armë. Pas kësaj, njësitet hetimore kanë kryer kontroll në shtëpinë e tij, ku kanë sekuestruar një armë të shkurtër, 14 fishekë dhe një gëzhojë.

Sipas Policisë, arma ishte në pronësi të prindit të të dyshuarit dhe posedonte leje të vlefshme.

Me vendim të prokurorit, të dyshuarit i është caktuar masa e ndalimit policor për 48 orë, ndërsa rasti po hetohet nga njësitet përkatëse.

Continue Reading

Të kërkuara