Lajmet

Hoti: Do të themelohet një fond emergjent për t’u dalë në ndihmë të prekurve nga vërshimet

Published

6 years ago

on

Si pasojë e reshjeve të mëdha të shiut të cilat shkaktuan vërshime, rreth 50 persona janë evakuar nga shtëpitë tyre në komunën e Drenasit.

Fshati Dobroshevc është bllokuar, intensiteti i lartë i shiut ka shkatërruar edhe urën e fshatit duke e lënë këtë zonë pa qasje në infrastrukturë. Aty ishte sot edhe kryeministri në detyrë, Avdullah Hoti i cili tha se do t’iu dalin në ndihmë të gjithë qytetarëve të prekur nga situata e krijuar nga vërshimet.

Hoti tha se të gjitha kapacitetet funksionale janë vendosur në menaxhim të situatës, ku shtoi se fillimisht kanë prioritet jetën e qytetarëve dhe pastaj do të kujdesen që financiarisht t’u dalin në ndihmë atyre që vërshimet ua dëmtuan pronat.

“Po kujdesemi që të intervenojmë aty ku gjendja është më emergjente, ka edhe plot komuna, në rrafshin e Dukagjinit në veçanti që janë në gjendje bukur të vështirë në disa fshatra, por ky fshati që e kemi prapa, Dobroshevci është një pjesë e bllokuar pa mundësi të qasjes në infrastrukturë, besoj që do të bëjmë një zgjidhje shpejtë, të kujdesemi fillimisht për jetën e qytetarëve dhe mandej maksimalisht t’u dalim në ndihmë qytetarëve për të evituar dëmet nga kjo fatkeqësi natyrore që ka ndodhë”, tha Hoti.

Ai përsëriti se do të themelohet një fond emergjent për t’u dalë në ndihmë familjeve që janë dëmtuar dhe të cilat janë në kushte të vështira ekonomiko-sociale.

Kryetari i Drenasit, Ramiz Lladrovci bëri të ditur se si pasojë e vërshimeve 14 familje janë evakuar nga pronat e tyre, ndërkohë fshati Dobroshevc mbetët i paqasshëm.

“Deri më tani kemi pasur vërshime në disa fshatra në Shtubullovë, Çikatove të re, Poklek ku i kemi evakuuar rreth 14 familje me 47 familjarë. Sot jemi pranë urës në Dobroshevc ku e kemi të bllokuar gjithë fshatin për shkak se ura ka ra si rezultat i prurjes së mëdha të ujit, për shkak të reshjeve, nga ora 11 dhe 12 e natës, sidomos rreth orës 3 dhe 4 reshjeve të mëdha, ka ardhur deri të kjo fatkeqësi natyrore”, tha ai.

Aty Forca e Sigurisë së Kosovës ka dërguar ekipet për t’u dalë në qytetarëve.

Ministri në detyrë i Mbrojtjes, Anton Quni tha se e kanë ngritur gatishmërinë e njësive të specializuaa të FSK-së, që prej datës 6 janar ku është paralajmëruar për vërshime.

Angazhimi i parë i tyre ka qenë në Gjakovë ku kanë evakuar banorët e rrezikuar për në Aeroportin e Gjakovës.

“Kemi pasur shumë angazhime të tjera në regjionin e fushë Kosovës për shpëtimin dhe evakuimin e disa qytetarëve, guri i zi komuna e Klinës, kemi ndihmuar QKUK-në repartin e Pumologjisë që mos të vërshohet nga ujërat, po ashtu edhe Qendrën e Forenizikës dhe për momentin një ekip është në vlerësim të situatës në regjionin e Vushtrrisë. Në çdo komunë janë dërguar njësitë nga kompania për operacione me civil, janë duke vlerësuar situatën dhe të gatshme që t’u asistojnë institucioneve ku ka nevojë.

Vërshimet në Kosovë kanë filluar javën e kaluar, si pasojë e tyre disa familje janë ngujuar në shtëpitë e tyre ndërkohë janë dëmtuar prona e rrugë në shumë komuna të Kosovës.

Related Topics:
Continue Reading

Lajmet

Justina Shiroka-Pula merr zyrtarisht detyrën e presidentes

Published

8 hours ago

on

October 7, 2026

By

Justina Shiroka-Pula ka marrë zyrtarisht detyrën e presidentes së Republikës së Kosovës.

Në ceremoninë e inaugurimit, ushtruesja e detyrës së presidentes, Albulena Haxhiu, ia ka dorëzuar Kushtetutën presidentes së re.

Justina Shiroka-Pula mori 81 vota në Kuvend, në votimin që u zhvillua në mesnatën mes të martës dhe të mërkurës, në fund të afatit kushtetues që e caktoi 6 tetorin si datë të fundit për zgjedhjen e presidentit. Detyrën e siguroi pas dakordimit të Vetëvendosjes dhe Partisë Demokratike të Kosovës./A.K/

Continue Reading

Lajmet

BE-ja shqetësohet për ndryshimet në Ligjin për Dhomat e Specializuara

Published

8 hours ago

on

October 7, 2026

By

Bashkimi Evropian ka shprehur shqetësim të thellë për miratimin nga Kuvendi i Kosovës të Projektligjit për ndryshimin dhe plotësimin e Ligjit për Dhomat e Specializuara të Kosovës.

Në një përgjigje për KOHËN, një zëdhënës i BE-së ka thënë se ndryshimet e miratuara janë në kundërshtim me obligimet ndërkombëtare të Kosovës ndaj Bashkimit Evropian.

“Partneriteti ynë nënkupton jo vetëm interesa të përbashkëta, por edhe përgjegjësi të përbashkëta”, thuhet në përgjigje.

BE-ja ka theksuar se vazhdimisht ka mbështetur punën e Dhomave të Specializuara të Kosovës si institucion të pavarur gjyqësor, të themeluar përmes vendimeve të Kuvendit në vitet 2014–2015 dhe të përcaktuar në Kushtetutën e Kosovës.

Sipas BE-së, mandati dhe pavarësia e Dhomave të Specializuara duhet të respektohen plotësisht, ndërsa drejtësia duhet të vazhdojë të bazohet në parimin e përgjegjësisë penale individuale.

BE-ja i ka bërë thirrje Kosovës që t’u përmbahet obligimeve të saj ndërkombëtare dhe të garantojë pavarësinë gjyqësore të Dhomave të Specializuara, si dhe llogaridhënien dhe drejtësinë për viktimat dhe familjet e tyre nga të gjitha komunitetet në Kosovë.

Projektligji u miratua në Kuvend të martën, pak para përfundimit të afatit për zgjedhjen e Presidentit, pas një marrëveshjeje mes Lëvizjes Vetëvendosje dhe Partisë Demokratike të Kosovës.

Miratimi i tij u shoqërua me protesta në Kosovë, ndërsa kundërshtimi ndaj Dhomave të Specializuara është rritur pas aktgjykimit të 16 shtatorit ndaj Hashim Thaçit, Kadri Veselit, Jakup Krasniqit dhe Rexhep Selimit./A.K/

Continue Reading

Lajmet

Schuebel uron presidenten e re, mbështetja e BE-së do të mbetet e palëkundur

Published

10 hours ago

on

October 7, 2026

By

Ambasadori i Bashkimit Evropian në Kosovë, Dirk Schuebel, ka uruar Justina Shiroka-Pulën për zgjedhjen e saj në postin e Presidentes së Republikës së Kosovës.

Schuebel ka shprehur shpresën për rikthimin e stabilitetit politik dhe institucional në vend, duke theksuar gatishmërinë për të bashkëpunuar me presidenten e re, institucionet e Kosovës dhe spektrin politik.

“Me shpresën për ripërtëritjen e stabilitetit politik dhe institucional, pres me kënaqësi të punoj me Presidenten Shiroka-Pula, institucionet e Kosovës dhe spektrin e gjerë politik për ta afruar vendin më pranë Bashkimit Evropian”, ka deklaruar Schuebel.

Ai ka theksuar gjithashtu se mbështetja e Bashkimit Evropian për Kosovën do të vazhdojë të jetë e palëkundur.

Justina Shiroka-Pula u zgjodh Presidente e Kosovës në raundin e parë të votimit, duke marrë 81 vota në seancën e Kuvendit që kishte nisur më 6 tetor. Votimi përfundoi pak pas mesnate, ndërsa numërimi i votave përfundoi rreth 15 minuta më vonë.

Me zgjedhjen e Shiroka-Pulës, Kosova tashmë ka presidenten e re, ndërsa mesazhi i BE-së vjen me theks të veçantë te stabiliteti institucional dhe vazhdimi i rrugëtimit të vendit drejt Bashkimit Evropian.

D.L

Continue Reading

Lajmet

15 milionë euro për subvencionimin e faturave të energjisë për familjet në nevojë

Published

11 hours ago

on

October 7, 2026

By

Ministri për Punë, Familje dhe Vlerat e Luftës Çlirimtare, Andin Hoti, ka bërë të ditur se janë ndarë 15 milionë euro për mbështetjen e familjeve për faturat e energjisë elektrike, përmes Programit për Mbrojtjen e Konsumatorëve të Cenueshëm të Energjisë Elektrike 2026–2027.

Hoti ka njoftuar se programi është miratuar në mbledhjen e pestë të Qeverisë dhe synon subvencionimin e faturave për familjet që plotësojnë kriteret për përfitim.

Ai ka thënë se në ditët në vijim do të nënshkruajë vendimin që përcakton kushtet dhe kriteret për përfituesit, pas së cilës pritet të hapet thirrja për aplikim.

Sipas Hotit, programi lidhet edhe me obligimet e Kosovës në kuadër të procesit të integrimit evropian dhe zbatimit të Planit të Rritjes për Ballkanin Perëndimor, veçanërisht për identifikimin dhe mbështetjen e konsumatorëve të cenueshëm.

“15 milionë euro mbështetje. Drejtpërdrejt në faturat e familjeve”, ka shkruar Hoti./A.K/

Continue Reading

Të kërkuara