Kronikë e zezë

Holandë: Një ngarkesë prej më shumë se 4 ton kokainë u kap në Roterdam

Kokaina u zbulua më 30 dhjetor.

Published

on

Një ngarkesë prej 4180 kilogramësh kokainë u gjet në portin e Roterdamit të enjten e kaluar, 30 dhjetor. Kështu ka bërë të ditur Prokuroria Publike sot. Gjetja, në ditën e parafundit të vitit, ishte ngarkesa më e madhe e kokainës e kapur në vitin 2021.Vlera e saj llogaritet 300 milionë euro. Shtatë persona janë arrestuar në Belgjikë në lidhje me këtë rast. 

Shtatë persona janë arrestuar në Belgjikë të hënën, 3 janar 2022, pas kapjes së 4.18 tonëve kokainë javën e kaluar në Roterdam, sasia më e madhe e gjetur në vitin 2021 në këtë port në jug të Holandës, njoftoi sot prokuroria holandeze.

Droga, e vlerësuar në 300 milionë euro, ishte fshehur në një kontenier me banane, i cili kishte ardhur nga Ekuadori dhe kishte si destinacion portin e Antwerpen në Belgjikë.

“4060 kilogramë u gjetën në një ngarkesë me banane, pas një hetimi të plotë. Gjithashtu, në çatinë e kontejnerit u gjetën edhe 120 kilogramë”, sqaruan organet e prokurorisë.

“Ky është sekuestrimi më i rëndësishëm i vitit 2021”, shtuan ata. 

Kokaina u zbulua më 30 dhjetor.

Droga u asgjësua në Holandë para se të arrinte në Belgjikë. Autoritetet belge dhe një ekip holandez më pas ndoqën kontejnerin në një magazinë në Essen (Belgjikë), në anën tjetër të kufirit.

Policia belge bastisi të hënën dhe arrestoi gjithsej shtatë persona, pesë belgë dhe dy britanikë. 

Që nga viti 2017, çdo vit në portet holandeze është kapur dukshëm më shumë kokainë. Atë vit u kapën 10,000 kilogramë kokainë, vitin e kaluar më shumë se 68,000 kilogramë. 

Sipas ekspertëve, këto sasi janë vetëm maja e ajsbergut të asaj që transportohet në total.

Continue Reading

Lajmet

Tri raste të dhunës në familje, të dyshuarit lirohen me vendim të prokurorit

Published

on

Sipas raportit të fundit të Policisë së Kosovës, gjatë ditës së djeshme janë regjistruar tri raste të dhunës në familje në Prishtinë dhe Klinë, ku të dyshuarit janë arrestuar dhe më pas liruar në procedurë të rregullt me vendim të prokurorit.

Në Prishtinë, rreth orës 01:10, janë arrestuar dy të dyshuar meshkuj kosovarë, pasi dyshohet se kishin sulmuar fizikisht njëri-tjetrin. Pas intervistimit, me vendim të prokurorit, të dy janë liruar në procedurë të rregullt.

Në rastin e dytë, në Prishtinë, rreth orës 23:30, është arrestuar një i dyshuar mashkull kosovar, i cili dyshohet se ka kryer veprën e dhunës në familje ndaj viktimës femër kosovare. Pas intervistimit, me vendim të prokurorit, i dyshuari është liruar në procedurë të rregullt.

Ndërsa në Klinë, rreth orës 15:30, është arrestuar një i dyshuar mashkull kosovar nën dyshimin për dhunë në familje ndaj viktimës femër kosovare. Me urdhër të prokurorit, pas inicimit të rastit, i dyshuari është liruar në procedurë të rregullt.

Policia e Kosovës apelon për parandalimin e rasteve të dhunës në familje dhe inkurajon qytetarët që të raportojnë çdo rast të tillë në institucionet kompetente.

Continue Reading

Kronikë e zezë

Arrestohen dy persona në Gllogoc, sekuestrohen drogë dhe para me vlerë rreth 3.550 euro

Published

on

By

Dy persona janë arrestuar në Gllogoc nën dyshimin për blerje, posedim, shpërndarje dhe shitje të paautorizuar të narkotikëve, substancave psikotrope dhe analoge.

Sipas njoftimit të Policisë, rasti ka ndodhur mbrëmjen e së mërkurës, rreth orës 21:30. Gjatë kontrollit të të dyshuarve, si dhe gjatë bastisjes së veturës dhe shtëpisë së njërit prej tyre, janë gjetur dhe sekuestruar 15.2 gramë substancë e dyshuar narkotike e llojit marihuanë.

Po ashtu, autoritetet kanë konfiskuar para në vlerë rreth 3.550 euro, të cilat dyshohet se lidhen me aktivitetin e kundërligjshëm.

Me vendim të prokurorit, njëri nga të dyshuarit është ndaluar për 48 orë dhe është dërguar në mbajtje, ndërsa i dyshuari tjetër është liruar në procedurë të rregullt.

Hetimet lidhur me rastin janë duke vazhduar.

Continue Reading

Lajmet

25 aksidente me të lënduar dhe mbi 2 mijë gjoba trafiku brenda 24 orëve në Kosovë

Published

on

By

Policia e Kosovës ka bërë të ditur statistikat e përgjithshme për 24 orët e fundit, sipas të cilave nuk është regjistruar asnjë aksident trafiku me fatalitet.

Gjatë kësaj periudhe janë evidentuar 25 aksidente trafiku me persona të lënduar, ndërsa 39 aksidente të tjera kanë shkaktuar vetëm dëme materiale.

Po ashtu, Policia ka shqiptuar 2,225 tiketa trafiku për shkelje të rregullave në komunikacion.

Në kuadër të aktiviteteve policore, gjatë 24 orëve të fundit janë arrestuar 17 persona për vepra dhe raste të ndryshme.

Continue Reading

Lajmet

Katër raste të dhunës në familje brenda një dite në Kosovë

Published

on

By

Në 24 orët e fundit në Kosovë janë regjistruar katër raste të dhunës në familje, sipas raportit të Policisë.

Rasti i parë është shënuar në Podujevë, ku është intervistuar një grua nën dyshimin se, pas një mosmarrëveshjeje me bashkëshortin e saj, ata janë përleshur mes vete.

Sipas raportit, lidhur me këtë rast, me urdhër të prokurorit të rastit kanë nisur hetimet.

Ndërkaq, në Pejë raportohet se një grua është sulmuar nga një e dyshuar, po ashtu grua.

Edhe për këtë rast, Policia ka nisur hetimet.

Në rastin e tretë, në Gjakovë, është arrestuar një burrë nën dyshimin se ka sulmuar fizikisht një grua.

Viktima ka pranuar trajtim mjekësor, ndërsa i dyshuari, me vendim të prokurorit, është dërguar në mbajtje.

Në Rahovec, një grua ka pranuar trajtim mjekësor pasi dyshohet se është sulmuar nga një burrë.

Palët janë intervistuar dhe, me vendim të prokurorit, janë liruar në procedurë të rregullt.

Continue Reading

Të kërkuara