

Kuriozitete
Historia që fshihet pas makinës së preferuar të Hitlerit
Mercedes -Benz 770K Grosser Offener Tourenwagen ishte makina e Adolf Hitlerit.
Published
2 years agoon
By
UBT newsNjë mollë sherri për koleksionistët kudo në këtë planet, makina e preferuar e Adolf Hitlerit ka fituar një vend të veçantë në historinë e automjeteve.
Mercedes -Benz 770K Grosser Offener Tourenwagen ishte makina e Adolf Hitlerit, i cili shoqërohej ndonjëherë nga Benito Moussolini ose ndonjë i çmendur tjetër i ngjashëm me të.
Ajo u ndërtua në vitin 1939 dhe në atë kohë konsiderohej makina më e mirë luksoze në Gjermani. Diktatori gjerman e përdori këtë Mercedes-Benz 770K Grosser Offener Tourenwagen për rreth tre vite gjatë paraqitjeve të tij zyrtare.
Makina kishte një kapacitet prej 230 kuaj fuqi. Megjithatë, nuk ishte një makinë që mund ta ndihmonte kasapin e Europës të shpëtonte nga një rrezik i mundshëm, pasi shpejtësia maksimale e të ashtuquajturit “Super Mercedes” ishte 190 km/h.
Kjo makinë e veçantë është karakterizuar, për shkak të rëndësisë së saj historike, si një nga automjetet më të rëndësishme historike në planet dhe kjo reflektohet në çmimin e saj, që vlerësohet se kushton mbi 6 milionë euro.
Makina, e cila prej vitesh ishte në pronësinë e një rusi misterioz, tashmë është pjesë e koleksionit special të një manjati australian.
Miliarderi australian së fundmi bleu edhe Rolls-Royce të Mbretit Eduard VIII të Mbretërisë së Bashkuar duke paguar 200 mijë dollarë në një ankand që u zhvillua në Londër.
Qëllimi i Palmer është që koleksioni të arrijë në 600 makina, të cilat më pas do të ekspozohen në një muze.
Thuhet se manjati australian zotëron një pasuri prej 2.1 miliardë dollarësh, falë bizneseve të tij të minierave të hekurit, qymyrit dhe nikelit.
Krahas koleksionit të makinave, së fundmi ai ka ëndërron të ndërtojë një “Titanik” të ri sipas specifikave të sakta të origjinalit, si dhe ka shprehur ambicie për t’u bërë pjesë e politikës.

Kuriozitete
Koleksioni 100 milionë dollarësh i monedhave del në ankand
Published
4 days agoon
March 28, 2025
Një grumbull monedhash, shumica e të cilave ishin groposur nëntokë për më shumë se 50 vjet, pritet të arrijnë shumën prej 100 milionë dollarësh në ankand, sipas ekspertëve.
Koleksioni “The Traveller”, që mendohet se është koleksioni më i shtrenjtë i monedhave ndonjëherë, do të shitet përgjatë tri vjetëve të ardhshme – me shitjen e parë që bëhet më 20 maj.
Cilido qoftë rezultati, është historia e origjinës së monedhave që vlerësohet e mahnitshme.
Janë monedha nga mbi 100 territore përreth globit, duke nisur nga kohët e lashta te epoka moderne. Por, gjëja më e jashtëzakonshme është se shumica e monedhave ishin të groposura për gjysmë shekulli, shkroi CNN.
Koleksionuesi ka filluar t’i blejë monedhat që në vitin 1929. Ai kishte interes për monedhat, historinë prapa tyre dhe sa të rralla ishin. Përgjatë kohës ai kishte në pronësi të veten rreth 15,000 monedha.
Ai udhëtoi nga Amerika në Evropë dhe monedhat i mori me vete kudo. Gjatë regjimit nazist të Hitlerit në Gjermani, koleksionisti duket se e ndjeu kërcënimin dhe monedhat e paketuara me kujdes i groposi në tokë – ku mbetën për pesë dekada.
Kur më në fund ato u morën nga pasardhësit e tij, monedhat u prezantuan te një shtëpi ankandesh.

Frigoriferi, ashtu si shumë pajisje tjera shtëpiake, luan rol të rëndësishëm në ruajtjen e ushqimeve dhe organizimin e hapësirës në kuzhinë.
Megjithatë, ndonjëherë përballemi me një problem të zakonshëm, por të bezdisshëm: aromat e pakëndshme.
Një eksperte ka ndarë një truk, të cilin mund të mos e dini, që ju ndihmon të largoni çdo aromë të padëshiruar në frigorifer.
Për të luftuar aromat e padëshiruara, influencerja e njohur si Georgia ndau një truk të thjeshtë që përdor vetëm një përbërës natyral.
Ajo pohon se soda e bukës është zgjidhja juaj më e mirë. Thjesht shtoni një sasi të madhe sode buke në një tas dhe vendoseni në frigorifer.
Soda e bukës është konsiderohet si një nga mjetet më të mira natyrore për pastrimin e sendeve të ndryshme në shtëpinë tuaj, por gjithashtu funksionon si deodorant i fuqishëm.
Si një substancë alkaline, soda e bukës ndihmon në eliminimin e çdo ere të keqe ose të padëshiruara duke neutralizuar aromat acidike.
Kjo bëhet përmes një reaksioni kimik, duke ndryshuar nivelin e pH të erës dhe duke lëshuar komponime më me pak aromë.
Me fjalë të tjera, soda e bukës funksionon njësoj si shumë freskues të ajrit.
Kuriozitete
Fenomen i pazakontë në brigjet e Floridas, pse uji i detit kthehet në ngjyrë të kuqe?!
Published
1 week agoon
March 24, 2025
Një studim i ri ka hedhur dritë mbi shkakun e baticave të kuqe që për vite kanë prekur bregdetin e Floridës, duke shkaktuar dëme mjedisore dhe kosto të mëdha për autoritetet lokale.
Për herë të parë, shkencëtarët kanë identifikuar me dhjetëra viruse të lidhur me këto fenomene e kanë zbuluar se shkaktohen nga rritja masive e algave.
Ngjyra e kuqe e ujit vjen si rezultat i kombinimit të rrymave të detit, lëndëve ushqyese dhe temperaturave të larta, të cilat stimulojnë shumimin e algave.
Baticat e kuqe janë shqetësim i madh për Floridën, pasi shkaktojnë probleme shëndetësore tek peshqit, shpendët dhe njerëzit. Për pasojë, shumë plazhe janë detyruar të mbyllen në vitet e fundit.
Jean Lim, studiuese në Kolegjin e Shkencave Detare në Universitetin e Floridës Jugore, e cilësoi këtë zbulim si një përparim të madh, që mund të ndihmojë shkencëtarët të parashikojnë kur do të ndodhin këto fenomene.
“Ne e dimë se viruset luajnë një rol kyç në dinamikën e lulëzimit të algave të dëmshme, por nuk kishim informacion mbi viruset e lidhura me Karenia brevis,” tha ajo për The Independent. “Tani që kemi identifikuar disa viruse në baticat e kuqe, mund të studiojmë ndikimin e tyre në këto fenomene.”
Florida përjeton baticat e kuqe pothuajse çdo vit, në fund të verës dhe në fillim të vjeshtës. Sipas Komisionit të Peshkimit dhe Kafshëve të Egra në Florida, këto fenomene zgjasin nga tre deri në pesë muaj dhe mund të shtrihen në qindra kilometra katrorë.
Studimi, përdori teknikën e metagjenomikës virale për të analizuar ADN-në e mostrave të mbledhura nga baticat e kaluara.
Shkencëtarët shpresojnë që ky zbulim të ndihmojë në parashikimin dhe kontrollin e këtij fenomeni në të ardhmen.
Kuriozitete
Sot është dita e parë e pranverës: A e dini pse ka vite që vjen më herët?
Published
2 weeks agoon
March 21, 2025
Sot është ekuinoksi pranveror, kur sipas astronomisë shënohet dita e parë e pranverës.
Në kohën e ekuinoksit, dy hemisferat e Tokës marrin rrezet e diellit në mënyrë të barabartë. Shpesh thuhet se nata dhe dita janë të barabarta në gjatësi. Në fakt, fjala ekuinoks vjen nga latinishtja aequus (e barabartë) dhe nox (natë).
Edhe pse shumë njerëz mësuan në shkollë se pranvera fillon më 21 mars, në dy dekadat e fundit pranvera na vjen më 20 mars.
Ekspertët kanë zbuluar se pranvera ka ardhur një ditë më herët për njëzet vjet, për shkak të dy metodave të ndryshme për përcaktimin e fillimit dhe fundit të stinëve: meteorologjike dhe astronomike.
Meteorologët vëzhgojnë uljen dhe ngritjen e temperaturës dhe gjendjen e atmosferës dhe stina meteorologjike është e koordinuar sipas kalendarit dhe çdo stinë zgjat tre muaj. Me këtë metodë pranvera zgjat nga 1 marsi deri më 31 maj.
Metoda e dytë bazohet në stinët astronomike dhe i referohet pozicionit të orbitës së Tokës në raport me Diellin.
Kalendari astronomik përcakton stinët sipas asaj se kur boshti i rrotullimit të Tokës është në 23,5 gradë në raport me orbitën rreth Diellit, kështu që vitet e fundit pranvera erdhi më 20 mars, e simbolizon rilindjen e Hemisferës Veriore të Tokës kur gjithçka në natyrë po zgjohet.
Shumë kultura kanë festivale pranverore, por Japonia, India dhe Nepali dallohen. Ardhja e pranverës festohet me valle e këngë dhe pjesëmarrësit e festivalit i hedhin ngjyra të ndryshme njëri-tjetrit. Festat shënojnë gjithashtu fitoren e së mirës mbi të keqen.

Ronaldo zbulon emrat që mund të marrin drejtimin e Brazilit

Kushtetuesja do të japë vendimin për shkarkimin e presidentit Yoon të premten

Kina, Japonia dhe Koreja e Jugut: Fuqitë aziatike, ‘në bllok’ për t’iu përgjigjur tarifave amerikane

Vodhën 10 mijë euro dhe derivate nafte – policia arreston në flagrancë tre persona në Ferizaj

Zbulohet depozita më e madhe e arit në Kinë

Kundër shëndoshjes së fytyrës! Çfarë duhet të bëni?

‘Muri i verdhë’ gati para Championsit, Barçën e pret ‘ferri’ në Dortmund

Von der Leyen: Bashkimi Evropian i gatshëm të hakmerret ndaj tarifave të SHBA

Cili është aplikacioni më i sigurt i mesazheve?
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë