Lajmet

Historia frymëzuese e Urës së famshme të Bruklinit në Nju Jork

Ideja e urës ishte nga John Roebling.

Published

3 years ago

on

Në vitin 1883, inxhinieri Xhon Roibling pati një ide krijuese për të ndërtuar një urë spektakolare që do të lidhte Nju Jorkun me Long Aljand. Ai ia prezantoi idenë e tij ekspertëve të bashkisë, por ata menduan se ishte e pamundur, dhe i kërkuan që ta harronte atë.

Për ta ishte një ide jopraktike, pasi diçka e tillë nuk ishte realizuar më parë. Por Xhon nuk mund të hiqte dorë nga vizioni, dhe në mendjen e tij e dinte se ai mund të realizohej. Ai duhej thjesht që ta ndante këtë ide me dikë tjetër. Pas disa kohësh ishte në gjendje të bindte djalin e tij (një inxhinier i ardhshëm) se kjo urë mund të ndërtohej.

Për herë të parë duke punuar së bashku, Xhoni dhe Uashingtoni (djali i tij) zhvilluan konceptin se si do të ndërtohet hap pas hapi duke kapërcyer pengesat. Plot entuziazëm dhe frymëzim, ata u përballën me sfidën e tyre, duke punësuar edhe stafin që duhej për ndërtimin e urës

Gjithçka po shkonte mirë, derisa ndodhi një aksident tragjik vetëm pak muaj pas fillimit të punimeve. Aksidenti i rëndë i mori jetën të atit Xhon, ndërsa i biri Uashingtoni u paralizua. Pas incidentit, ekspertët filluan t’i kritikojnë babë e bir duke thënë: ”Ne i paralajmëruam, është marrëzi të ndjekësh këtë vizion!”

Të gjithë bënë komente negative dhe mendonin se projekti duhet të anulohej sepse vetëm Xhon dinte sesi ta ndërtonte këtë urë. Por edhe pas kaq shumë komenteve negative, Uashingtoni, tani me aftësi të kufizuara fizike, nuk u dekurajua dhe kishte ende dëshirë që të përfundonte urën.

Ai u përpoq të frymëzonte miqtë dhe ekuipazhin e tij, por pas incidentit të gjithë ishin të frikësuar. Një ditë, teksa ishte shtrirë në shtratin e tij, ai ndjeu sikur drita që po vinte nga dritarja ishte si një mesazh për të: ”Mos u dorëzo!”. Kjo i dha atij një ide. Duke qenë se mund të lëvizte vetëm gishtin, ai vendosi ta përdorte atë për të kumtuar atë çfarë mendonte.

Me kalimin e kohës, ai zhvilloi ngadalë një kod komunikimi me gruan e tij duke lëvizur vetëm gishtat. Një ditë përmes lëvizjes së gishtave ai i kërkoi gruas së tij të thërriste inxhinierët. Duke përdorur të njëjtën metodë, ai i tha gruas se çfarë duhet t’u thoshte inxhinierëve që të bënin me urën. 

Në fillim u duk si një budallallëk, por projekti nisi sërish të zbatohej. Për 13 vjet, Uashingtoni vuri në zbatim udhëzimet të tij nëkëtë mënyrë, derisa Ura e Bruklinit përfundoi së ndërtuari./bota.al

Related Topics:
Continue Reading

Lajmet

KURIOZITETET E DITËS

Published

1 minute ago

on

July 20, 2026

By

Lexoni pesë kuriozitete. Mund të mos i keni ditur:

 

  1. Sistemi ynë diellor ka një mur. Heliopauza – rajoni i hapësirës në të cilin era diellore nuk është mjaftueshëm e nxehtë për të shtyrë mbrapsht erën e grimcave që vijnë nga yjet e largët – shpesh konsiderohet “muri kufitar” i Sistemit Diellor dhe hapësirës ndëryjore.

 

  1. Oktapodët në të vërtetë nuk kanë tentakula. Ata kanë tetë gjymtyrë, por janë krahë (për shumicën e specieve). Teknikisht, kur flasim për cefalopodët (oktapodët, kallamarët etj.), shkencëtarët i përcaktojnë tentakulat si gjymtyrë me thithëse në skajet e tyre. Krahët e oktapodit kanë thithëse përgjatë pjesës më të madhe të gjatësisë së tyre.

 

  1. Shumica e hartave të botës janë të gabuara. Në shumicën e hartave, projeksioni Mercator – i zhvilluar për herë të parë në vitin 1569 – përdoret ende. Kjo metodë është jashtëzakonisht e pasaktë dhe e bën Alaskën të duket aq e madhe sa Brazili dhe Grenlanda, 14 herë më e madhe sesa është në të vërtetë. Që një hartë të jetë plotësisht e saktë, do të duhej të ishte në madhësi reale dhe e rrumbullakët, jo e sheshtë.

 

  1. NASA vërtet falsifikoi një pjesë të uljes në Hënë. Ndërsa hapat e parë të Nil Armstrong në sipërfaqen hënore nuk ishin kategorikisht të falsifikuar, protokolli i karantinës së astronautëve kur astronautët mbërritën përsëri në Tokë ishte kryesisht vetëm një shfaqje e madhe.

 

  1. Kometat mbajnë erë vezësh të prishura. Një kometë mban erë vezësh të prishura, urine, shkrepësesh të djegura dhe… bajamesh. Gjurmë sulfuri hidrogjeni, amoniaku, dioksidi i squfurit dhe cianidi hidrogjeni u gjetën të gjitha në përbërjen e kometës 67P.

Continue Reading

Lajmet

Ekipi i FSK-së gjen trupin e pajetë të një shtetasi të huaj në Batllavë

Published

9 minutes ago

on

July 20, 2026

By

Forca e Sigurisë së Kosovës (FSK) ka gjetur trupin e pajetë të një shtetasi të huaj me inicialet A.A., pas një operacioni kërkim-shpëtimi në Liqenin e Batllavës.

Operacioni ka nisur menjëherë pas pranimit të informatës nga Qendra e Situatave të Republikës së Kosovës.

FSK ka angazhuar me urgjencë Ekipin e Kërkim-Shpëtimit në ujëra, i cili ka ndërhyrë në orët e vona dhe ka arritur të lokalizojë dhe të nxjerrë trupin e pajetë nga liqeni.

Pas përfundimit të operacionit, trupi i viktimës u është dorëzuar autoriteteve përkatëse për procedurat e mëtejshme ligjore dhe hetimore. /E.A/

Continue Reading

Lajmet

Shakira mahnit në finalen e Botërorit 2026, fansat befasohen me moshën e saj

Published

10 minutes ago

on

July 20, 2026

By

Shakira ishte një nga yjet që elektrizoi skenën gjatë spektaklit të pjesës së parë në finalen e Kupës së Botës 2026, të zhvilluar në stadiumin “MetLife” në New Jersey.

Këngëtarja kolumbiane tërhoqi vëmendjen me performancën e saj energjike dhe paraqitjen skenike, duke interpretuar hitin “Dai Dai” e shoqëruar nga një grup valltarësh.

Artistja 49-vjeçare u shfaq me një kostum në ngjyrë të verdhë dhe rozë, ndërsa energjia dhe forma e saj fizike nxiten reagime të shumta në rrjetet sociale.

Në platformën X, shumë fansa u shprehën të habitur nga mosha e këngëtares. “Refuzoj ta besoj që Shakira është 49 vjeçe”, shkroi një përdorues, ndërsa një tjetër komentoi: “Duket sikur është 30 vjeçe. Është e pabesueshme, nuk plaket”.

Përveç Shakirës, në spektaklin e finales performuan edhe emra të njohur si Justin Bieber, Madonna dhe BTS, ndërsa ceremonia e mbylljes solli në skenë Robbie Williams, Laura Pausini, Post Malone, Jennifer Hudson dhe Nicole Scherzinger.

Finalja mblodhi në tribunat VIP edhe figura të njohura si Tom Cruise, Kylie Jenner, Timothée Chalamet dhe Matt Damon./A.K/

Continue Reading

Lajmet

Korça mirëpret “Air Beat Festival – LuluFest” me mbi 200 artistë

Published

13 minutes ago

on

July 20, 2026

By

Korça ka mirëpritur për dy net me radhë “Air Beat Festival – LuluFest”, aktivitet që e shndërroi qytetin në një skenë të hapur me parada artistike dhe koncerte, duke sjellë atmosferë festive për banorët dhe vizitorët.

Në festival morën pjesë mbi 200 artistë nga Shqipëria, Italia, Mali i Zi, Kosova dhe Maqedonia e Veriut, të cilët interpretuan repertore të ndryshme dhe prezantuan traditat muzikore të vendeve të tyre.

Paradat dhe koncertet e organizuara në hapësirat publike të qytetit tërhoqën një numër të madh spektatorësh, duke e kthyer Korçën në një qendër të rëndësishme të aktiviteteve kulturore gjatë sezonit veror.

“Air Beat Festival – LuluFest” i shtohet kalendarit kulturor të Korçës, duke promovuar qytetin si një destinacion tërheqës turistik dhe kulturor për vizitorët vendas dhe të huaj./atsh//A.K/

Continue Reading

Të kërkuara