

Lajmet
Hipertensioni dhe ndikimi i tij tek demenca
Demenca përshkruan kryesisht simptomën e humbjes graduale të kujtesës.
Published
3 years agoon
By
UBT newsSipas Institutit të Shëndetit Publik, demenca është një term që përshkruan një grup simptomash: si humbja graduale e kujtesës, rënia e aftësisë për të menduar dhe arsyetuar, si dhe problemet me komunikimin.
Prekja e funksioneve konjitive shoqërohet shpesh, dhe zakonisht paraprihet, nga përkeqësimi i kontrollit emocional, sjelljes shoqërore dhe motivimit.
Demencat si sëmundje, ndahen në dy grupe të mëdha: demenca degjenerative dhe jodegjenerative.
Rreziku i demencës përfshin:
- Moshën,
- Trashëgiminë genetike,
- Përdorimin e tepruar të alkoolit,
- Hipertensioni
- Duhanpirja
- Kolesteroli i lartë.
- Ngushtimin e enëve të gjakut
Sipas ISHP-së demenca konsiderohet ndër sëmundjet më të keqinterpretuara ditët e sotme për arsyen se disa mendojnë që ajo vjen me moshën dhe për pasojë nuk ka trajtim ose ngatërrohet me sëmundjen Alzheimer.
Sipas Organizatës Botërore të Shëndetësisë, aktualisht në botë jetojnë rreth 47.5 milionë njerëz me demencë, shifër që mund të arrijë në 75.6 milionë në vitin 2030 dhe të trefishohet në 2050-n. .
Hipertensioni dhe ndikimi i tij tek shëndeti mendor
Kur hipertensioni mbetet i patrajtuar, ai mund të jetë shumë i dëmshëm jo vetëm për zemrën por edhe për trurin.
Sipas studimeve të Harvardit të cilave u referohet AgroWeb.org, çdo rritje e tensionit të gjakut në moshë madhore, sado e vogël të jetë, rrit rrezikun e demencës me 30 përqind në 20 vitet e ardhshme.
Njerëzit mund ta luftojnë këtë rrezik, duke u kujdesur për tensionin e gjakut dhe duke ndjekur me përpikmëri këshillat e mjekut.
Ushqimet me antioksidantë kundër hipertensionit dhe demencias
Ekspertët thonë se njerëzit që hanë rregullisht ushqime të pasura me antioksidantë janë 40% më pak të prirur të vuanin nga kjo sëmundje.
Ekspertët sqarojnë se në botë gjenden shumë lloje antioksidantësh, por të duhurit kundër problemeve me trurin dhe enët e gjakut, vijnë nga çaji, molla, dardha, boronica dhe luleshtrydhet.
Një sasi e larmishme dhe e duhur me antioksidantë është 7 filxhanë çaji boronica ose 8 mollë ose dardhë dhe 19 filxhanë çaji në muaj.
Sasi e pakët antioksidantësh është të konsumosh më pak se dy mollë në muaj.
Studiuesit thanë se flavonoidët mbajnë larg inflamacionin nga truri dhe mbrojnë qelizat e tij në funksionet e tyre optimale duke penguar kështu sëmundje të rrezikshme. /AgroWeb.org
Lajmet
Dy kosovarë ekstradohen në SHBA, akuzohen për mashtrim dhe vjedhje identiteti të amerikanëve
Published
9 minutes agoon
April 1, 2025By
UBTNews
Ambasada e Shteteve të Bashkuara të Amerikës në Prishtinë ka bërë të ditur se dy shtetas të Kosovës janë ekstraduar në SHBA, ku do të përballen me një aktakuzë për dëmtim të qytetarëve amerikanë.
Bëhet fjalë për dy të rinj – Ardit Kutleshin, 26 vjeç, dhe Jetmir Kutleshin, 28 vjeç – të cilët ishin arrestuar më 12 dhjetor të vitit të kaluar, në bazë të kërkesës së SHBA-së për ekstradim.
Ata akuzohen se mbikëqyrnin faqen e internetit Rydox, ku bëhej shitja e të dhënave personale të vjedhura “për kryerjen e krimeve kibernetike dhe mashtrimeve”.
“Ne e vlerësojmë shumë bashkëpunimin e vazhdueshëm të autoriteteve kosovare në ndihmën ndaj qeverisë amerikane për këtë çështje, duke forcuar përpjekjet tona të përbashkëta për të mbajtur të sigurta si Kosovën ashtu edhe Shtetet e Bashkuara”, thuhet në njoftimin e Ambasadës së SHBA-së.
Sipas aktakuzës, Rydox kishte gjeneruar të paktën 230 mijë dollarë të ardhura që prej kur kishte filluar në shkurt të vitit 2016.
Ardit Kutleshi dhe Jetmir Kutleshi përballen me disa akuza për vjedhje identiteti dhe mashtrimi, të gjitha të lidhura me rolin e tyre si administratorë të faqes Rydox. Ata akuzohen se, ndër tjerash, kishin shitur të dhënat e kredit kartelave të mijëra “viktimave që jetojnë në SHBA”.
Sipas Departamentit të Drejtësisë, nëse shpallen fajtorë, ata mund të përballen me 20 vjet burg për akuzën e pastrimit të parave, dhjetë vjet burg për mashtrimin me kredit kartela, pesë vjet burg për secilën nga akuzat e vjedhjes së identitetit, si dhe një minimum të detyrueshëm prej 2 vjetësh burg për akuzën e vjedhjes së rëndë të identitetit, që duhet të ekzekutohet pas çdo dënimi tjetër.
Përveç mbylljes së faqes Rydox, SHBA-ja gjithashtu u autorizua për të konfiskuar rreth 225 mijë dollarë në kriptovaluta nga llogaritë e kontrolluara nga të pandehurit.
Në aktakuzën e ngritur nga Distrikti Perëndimor i Pensilvanisë, edhe një shtetas tjetër kosovar, Shpend Sokoli, ishte arrestuar në Shqipëri nga Struktura e Posaçme Kundër Korrupsionit dhe Krimit të Organizuar (SPAK) për të njëjtin rast.
“Sokoli pritet të akuzohet dhe të ndiqet penalisht në Shqipëri”, thuhet në njoftimin e publikuar më parë në uebfaqen e Departamentit amerikan të Drejtësisë./REL/
Lajmet
Konjufca takon delegacionin e Kursit të Lartë të Sigurisë dhe Mbrojtjes
Published
15 minutes agoon
April 1, 2025By
UBTNews
Kryetari i Kuvendit të Republikës së Kosovës, Glauk Konjufca ka pritur sot në takim delegacionin e pjesëmarrësve në Kursin e Lartë të Sigurisë dhe Mbrojtjes (KLSM), që udhëhiqej nga drejtori i Kolegjit të Mbrojtjes dhe Sigurisë, gjenerali Ylli Pulaj.
Duke i falënderuar për vizitën e tyre, kryetari Konjufca shprehu mirënjohjen e tij për mundësitë që jep zhvillimi i këtij kursi, që është më i larti në hierarkinë e arsimit të Forcave të Armatosura të Republikës së Shqipërisë, në edukimin dhe kualifikimin e personelit ushtarak dhe civil, si një kontribut në rritjen e kapaciteteve të brendshme, në mbrojtjen dhe sigurinë tonë të përbashkët.
Njëkohësisht, kryetari Konjufca e cilësoi këtë kurs përbrenda gamës së thellimit të mëtejshëm të bashkëpunimit mes Republikës së Kosovës dhe Republikës së Shqipërisë, por edhe në kuadër të ngritjes së kapaciteteve përgjatë rrugës së Kosovës për anëtarësim në NATO.
Kryetari Konjufca e përgëzoi gjeneralin Pulaj dhe të pranishmit e tjerë për punën e tyre të deritanishme në këtë angazhim të interesit të përbashkët, duke u shprehur se vazhdimi në këto hapa nxit profesionalizimin, bashkëpunimin dhe përafrimin gjithnjë e më të madh në fusha aq të rëndësishme si ajo e mbrojtjes dhe sigurisë, që merr vlerë edhe më të madhe duke konsideruar kërcënimet që i sjell rajonit dhe sigurisë evropiane në përgjithësi pushtimi i Rusisë në Ukrainë.
Ai theksoi edhe një herë rrezikun që Kosovës dhe rajonit i vjen nga Serbia, si i vetmi shtet që ka bashkëpunim intensiv politik dhe ushtarak me Rusinë dhe Kinën, gjë që bie ndesh me rrugën evropiane dhe demokratizuese të rajonit.
Lajmet
Sveçla për sulmin në Zveçan: Shteti do të vazhdojë të veprojë me vendosmëri
Published
20 minutes agoon
April 1, 2025By
UBTNews
Ministri i Punëve të Brendshme të Kosovës, Xhelal Sveçla, ka reaguar pas shpërthimit të një granate dore në një nga zyret e Postës së Kosovës në Zveçan.
Ai ka theksuar angazhimin e shtetit për të siguruar një mjedis të sigurt për të gjithë qytetarët, pa dallim.
Në një postim në rrjetet sociale, Sveçla ka deklaruar: “Shteti do të vazhdojë të veprojë me vendosmëri për të siguruar që të gjithë qytetarët, pa dallim, të jetojnë në një mjedis të sigurt dhe të lirë.”
Bota
Ndryshon vlera e ‘Kartonit Jeshil’ për të shkuar në Maqedoninë e Veriut
Published
23 minutes agoon
April 1, 2025By
UBT NEWS
Nga 1 prilli 2025, qytetarët shqiptarë do të kenë mundësinë të udhëtojnë drejt Maqedonisë së Veriut me një Karton Jeshil me afat 1-vjeçar, me çmim të reduktuar prej 50 Euro. Ky vendim është pjesë e një serie masash për lehtësimin e lëvizjes ndërkufitare të qytetarëve shqiptarë, pas zbatimit të një vendimi të ngjashëm për Malin e Zi që hyri në fuqi më 1 shkurt 2025.
Karton Jeshil, i cili është një dokument sigurimi ndërkombëtar që mbulon përgjegjësinë e drejtuesve të mjeteve shqiptare jashtë vendit, do të ofrohet me afat vlefshmërie 12-mujor dhe çmim më të ulët krahasuar me opsionin 15-ditor që është ofruar më parë. Çmimi i ri do të ndihmojë qytetarët, veçanërisht ata që kalojnë shpesh kufirin për punë, duke ulur kostot e sigurimit për udhëtimet jashtë vendit.
Autoriteti i Mbikëqyrjes Financiare, në bashkëpunim me Byrosë Shqiptare të Sigurimeve (BSHS), ka marrë këtë hap për të mbështetur shkëmbimet ekonomike dhe lëvizjen e lirë të autoveturave, duke ofruar më shumë mundësi për qytetarët dhe duke stimuluar zhvillimin ekonomik në zonat kufitare./UBTNews/

Dy kosovarë ekstradohen në SHBA, akuzohen për mashtrim dhe vjedhje identiteti të amerikanëve

Konjufca takon delegacionin e Kursit të Lartë të Sigurisë dhe Mbrojtjes

Sveçla për sulmin në Zveçan: Shteti do të vazhdojë të veprojë me vendosmëri

Ndryshon vlera e ‘Kartonit Jeshil’ për të shkuar në Maqedoninë e Veriut

Dëshmitari i 126-të nuk erdhi të dëshmonte, ZPS-ja kërkon që dëshmia e tij të pranohet me shkrim

152 vjet më parë lindi Sergei Rachmaninoff, kompozitori dhe pianisti më i madh i të gjitha kohërave

Haradinaj pas sulmit në Zveçan: Sulmi i mbrëmshëm është vazhdimësi e logjikës terroriste të lidershipit në Serbi

Inflacioni në Kroaci po ngadalësohet – tani është në 3.2 përqind

Sekretari i Përgjithshëm i OSBE-së me Konakoviq: Jemi të gatshëm të mbështesim BiH në tejkalimin e krizës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë