Sport

Hidhet shorti për Junior NBA Kosova

Me një ceremoni zyrtare është hedhur shorti për Junior NBA Kosova.

Published

5 years ago

on

Të martën (sot) ka filluar një projekt shumë i rëndësishëm për basketbollin e Kosovës, Junior NBA Kosova.

Me një ceremoni zyrtare është hedhur shorti për Junior NBA Kosova. 30 Shkolla Fillore të gjeneratës 11-14 vjeç janë ndarë në dy Konferenca, apo gjashtë Divizione. Tetë më të mirat e Konferencës kualifikohen në “Play-off” dhe më pas zhvillohet “Final Four”, ku shpallet skuadra kampione.

Hapjen e Draft Shortit, e ka bërë kryetari i Federatës së Basketbollit të Kosovës, Arben Fetahu, i cili ka theksuar se ky është një projekt shumë me rëndësi për gjeneratat e reja, por edhe basketbollin e Kosovës, ndërsa shtoi se është i lumtur që edhe Kosova është pjesë e Ligës Junior NBA.

Zëvendësministrja e Ministrisë së Kulturës, Rinisë dhe Sportit, Daulina Osmani, ka përshëndetur fillimin e këtij projekti, për të theksuar se janë të lumtur që e mbështesin, ashtu si shumë projekte të Federatës së Basketbollit të Kosovës (FBK).

Ish-basketbollisti i NBA-së, Jiri Welsch, ambasador i Junor NBA, ju ka drejtuar të pranishmëve me rëndësinë që ka Junior NBA dhe sa është e dobishme për basketbollin, ku shumë lojtarë mund të dalin dhe të jenë kyç për të ardhmen e basketbollit të Kosovës. Welsch nënvizoi se është shumë i kënaqur me mikpritjen që i është bërë dhe do të largohet me përshtypje shumë të mira për Kosovën.

Adrian Carrion përgjegjës i Junior NBA Kosova shtoi se për këtë projekt kanë biseduar para më shumë se dy viteve me drejtuesit e Federatës së Basketbollit të Kosovës dhe tashmë gjithçka po finalizohet, duke besuar se do të jetë një projekt shumë i rëndësishëm dhe i frytshëm për Kosovën.

Më pas është bërë hedhja e shortit, ku 30 Shkolla Fillore janë ndarë në Divizione e Konferenca, varësisht nga regjionet që janë.

Related Topics:
Continue Reading

Sport

Më 20 shtator mbahet Kampionati Shtetëror i Karatesë për Kadetë, Juniorë dhe U21

Published

12 hours ago

on

September 15, 2026

By

Federata e Karatesë e Kosovës ka njoftuar se këtë të diel, më 20 shtator 2026, do të organizohet Kampionati Shtetëror për kategoritë e kadetëve, juniorëve dhe moshat e reja U21.

Garat do të zhvillohen në Pallatin e Rinisë në Prishtinë, me fillim nga ora 11:00.

Marrë parasysh rëndësinë e këtij eventi për promovimin e talentit dhe përkushtimit të karatekave kosovarë, Federata u ka uruar sukses të gjithë pjesëmarrësve, ndërsa u ka bërë thirrje sportistëve, trajnerëve dhe dashamirësve të karatesë që të pranishëm për të mbështetur garuesit.

D.L

Continue Reading

Sport

UEFA cakton stadiumet e finaleve të Ligës së Kampionëve për vitet 2028 dhe 2029

Published

14 hours ago

on

September 15, 2026

By

Stadiumet ikonike “Allianz Arena” në Mynih  dhe “Camp Nou” në Barcelonë  do të jenë nikoqire të finaleve të mëdha të UEFA Champions League për vitet 2028 dhe 2029. Vendimi zyrtar u mor gjatë mbledhjes së Komitetit Ekzekutiv të UEFA-s.

Mynih 2028: Në shtëpinë e Bayern München, finalja do të zhvillohet për herë të tretë në histori (pas edicioneve të vitit 2012 dhe 2025).

Barcelonë 2029: “Camp Nou” do të presë gjithashtu finalen e tij të tretë historike, pikërisht një vit para se Spanja të bashkëorganizojë Kupën e Botës 2030 me Portugalinë dhe Marokun.

Sezonet e ardhshme: Finalja e edicionit të ardhshëm është caktuar të luhet në stadiumin “Estadio Metropolitano” në Madrid.

D.L

Continue Reading

Sport

Enzo Maresca po e fiton sfidën e madhe pas Guardiolas te Manchester City

Published

16 hours ago

on

September 15, 2026

By

Një analizë e BBC-së vë në pah se si Enzo Maresca po e menaxhon me sukses një nga detyrat më të vështira në futbollin modern: zëvendësimin e Pep Guardiolas te Manchester City. Pavarësisht presionit të madh, tekniku italian po e bën këtë tranzicion të duket i lehtë, duke udhëhequr Cityn drejt katër fitoreve në po aq ndeshje në Premier League, ku ndan kryesimin me Arsenalin.

Testi më i madh i Marescas erdhi në fundjavë me fitoren 1:0 ndaj Manchester Unitedit në “Old Trafford”, ku City luajti shumicën e kohës me një lojtar më pak pas përjashtimit të Phil Foden. Qetësia e skuadrës pasqyroi vetëpërmbajtjen e trajnerit në vijën anësore. Ndryshe nga sezoni i kaluar te Chelsea, ku një karton i kuq në të njëjtin stadium e bëri të reagonte me panik, këtë herë Maresca ruajti gjakftohtësinë, vlerësoi situatën dhe bëri lëvizje vendimtare taktike, si kalimi i Rayan Cherkit në të djathtë dhe inkuadrimi i Iliman Ndiayes.

BBC vëren një kontrast të madh mes Marescas dhe Guardiolas. Italiani shfaqet gjithmonë i buzëqeshur në konferenca për media dhe ka sjellë një frymë të re në stërvitje, përfshirë vendosjen e muzikës “house” për të rritur disponimin e lojtarëve. Kapiteni i ri, Ruben Dias, konfirmoi se parimet bazë të lojës mbeten të ngjashme me ato të Guardiolas, por me detaje të reja taktike që mbajnë vulën e trajnerit të ri.

Përderisa zëvendësimi i menaxherëve legjendarë si Ferguson apo Wenger solli kriza te klubet e tyre, Maresca po e përqafon këtë sfidë si një privilegj dhe nuk ndjen presion nga hija e paraardhësit të tij. Pavarësisht humbjes fillestare 3:0 ndaj Arsenalit në Superkupë, City është rikthyer fuqishëm me pesë fitore radhazi në të gjitha garat. Me ndeshjet e radhës ndaj Norwichit dhe Sunderlandit, Maresca është rrugës për të kompletuar një fillim pothuajse të përsosur në krye të gjigantit anglez.

D.L

Continue Reading

Sport

Dy golat ndaj Sassuolos e ndryshojnë situatën e Zhegrovës, por e ardhmja mbetet e paqartë

Published

18 hours ago

on

September 15, 2026

By

Dy golat e shënuar ndaj Sassuolos kanë përmirësuar ndjeshëm situatën e Edon Zhegrovës te Juventusi, por e ardhmja e sulmuesit kosovar në Torino ende nuk është e sigurt.

Sipas “Tuttomercatoweb”, emri i Zhegrovës vazhdon të përmendet në mesin e lojtarëve që mund të largohen nga Juventusi gjatë afatit kalimtar të janarit.

Në garë për shërbimet e tij është edhe Atalanta, e cila po e monitoron nga afër situatën e reprezentuesit të Kosovës.

Klubi nga Bergamo po shqyrton mundësinë e huazimit të Zhegrovës me opsion për blerjen e kartonit të tij në fund të sezonit. Megjithatë, deri më tani nuk ka pasur kontakte zyrtare mes dy klubeve dhe Atalanta nuk ka bërë ende ndonjë ofertë konkrete për Juventusin.

Sipas mediumit italian, gjithçka mund të varet nga situata e të dyja skuadrave në janar, si dhe nga roli që Zhegrova do të ketë te Juventusi deri në atë periudhë.

Dy golat ndaj Sassuolos padyshim që i kanë dhënë një shtysë të rëndësishme kosovarit, por mbetet për t’u parë nëse kjo paraqitje do të mjaftojë për ta bindur Juventusin që ta mbajë atë në skuadër.

D.L

Continue Reading

Të kërkuara