Sport

Hendboll/ Kosova zhvillon sot ndeshjen vendimtare ndaj Greqisë

Ndeshja fillon nga ora 19:15 dhe zhvillohet në Pallatin e Rinisë dhe të Sporteve në Prishtinë.

Published

5 years ago

January 5, 2022

Betim Gashi

Me synimin për të arritur në raundin e dytë të kualifikimeve për në Kampionatin Botëror 2023, Përfaqësuesja e Kosovës në hendboll e zhvillon ndeshjen vendimtare kundër Greqisë.

Një fitore eventuale ndaj grekëve në Prishtinë do ta bënte shumë më të lehtë rrugën e “Dardanëve” për ra arritur këtë objektiv të madh. Momentalisht, Kosova renditet e fundit në grup me vetëm një pikë nga dy ndeshjet e zhvilluara, aq sa ka edhe Belgjika. Rivali i sotëm, Greqia e kryeson grupin më katër pikë, kurse Turqia është e dyta me dy pikë. Ndeshja fillon nga ora 19:15 dhe zhvillohet në Pallatin e Rinisë dhe të Sporteve në Prishtinë

Pak ditë para kësaj ndeshje, trajneri Bujar Qerimi tha për KosovaPress se ndihet shumë optimistë për rezultat pozitivë ndaj Greqisë sepse lojtarët janë përgatitur shumë mirë për këtë ballafaqim si dhe shtoi se ata synojnë që të kualifikohen tutje në këtë garë nga vendi i parë apo i dytë.

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

3 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

1 day ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

1 day ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L