Lajmet

Haxhiu për marrëveshjen me Danimarkën: E kemi të drejtën të refuzojmë ndonjë të burgosur

Ajo tha se të burgosurit që kanë vepër për pedofili ose ndonjë vepër sensitive, do të refuzohen.

Published

4 years ago

on

Ministrja e Drejtësisë, Albulena Haxhiu, ka thënë se Kosova e ka të drejtën të refuzojë ndonjë të burgosur nga Danimarka.

Duke raportuar për marrëveshjen për qelitë me Danimarkën, ajo tha se të burgosurit që kanë vepër për pedofili ose ndonjë vepër më sensitive, do të refuzohen.

“Kosova e ka të drejtën e refuzimit për ndonjë të burgosur, nëse shohim që ai ka ndonjë vepër për pedofili ose për ndonjë vepër tjetër më sensitive dhe Kosova parasheh dënim më të madh, ne mund ta refuzojmë të burgosurin të vijë ta vuajë dënimin. Personat janë me rrezikshmëri të mesme, dhe çështja e të paraburgosurve që nisen në qendra tjera besoj që do të mund ta bëjmë një zgjidhje që familjarët të mos kenë vështirësi për t’i vizituar ata”, tha Haxhiu.

Më tej, ministrja shtoi se pesë milionë euro është kostoja vjetore dhe drejtori i qendrës do të jetë danez.

“Diku 5 milionë euro është kostoja vjetore dhe drejtori i qendrës do të jetë danez, oficerët korrektues do të jenë nga Kosova. Kemi problem sa i përket gjuhës, jemi duke adresuar sepse secili prej tyre ka të drejtën ta ketë mundësinë në gjuhën që ai njeh, përmes përkthyesve ose ata që njohin gjuhën angleze, jemi duke punuar për detaje të cilat ende si kemi definuar”, tha ajo, njofton Klankosova.tv.

Related Topics:
Continue Reading

Lajmet

Arrestohen tre persona në Gjilan, dyshohen për përfshirje në një rast rrëmbimi

Published

14 minutes ago

on

October 24, 2025

By

Policia e Kosovës ka njoftuar se janë arrestuar tre persona në Gjilan, të dyshuar për përfshirje në veprën penale “Rrëmbimi”.

Në raportin 24-orësh të policisë bëhet e ditur se personat e arrestuar pas intervistimit janë dërguar në mbajtje.

“Lidhur me rastin, me 23.10.2025 janë arrestuar tre të dyshuar meshkuj kosovarë dhe të njëjtit pas intervistimit me vendim të prokurorit dërgohen në mbajtje”, thuhet në raportin 24-orësh të PK-së./S.K/PK/

Continue Reading

Lajmet

Arrestohet një person në Gjakovë, i sekuestrohen pistoletë dhe mbi 100 fishekë

Published

16 minutes ago

on

October 24, 2025

By

Në fshatin Jahoc të Gjakovës është arrestuar një person, pasi që të njëjtit iu kapën armë e fishekë.

Sipas raportit të policisë, pas intervistimit me vendim të prokurorit i dyshuari është liruar.

“Është arrestuar i dyshuari mashkull kosovar pasi që gjatë kontrollit të shtëpisë së tij i është gjetur dhe sekuestruar një pistoletë me dy karikatorë, 92 fishekë dhe 10 fishekë me gaz. Me vendim të prokurorit, pas intervistimit i dyshuari është liruar dhe rasti shkon në procedurë të rregullt”, thotë policia në raportin 24-orësh të saj./S.K/PK/

Continue Reading

Lajmet

Ligjëratë informuese në UBT për parandalimin e kancerit të gjirit

Published

18 minutes ago

on

October 24, 2025

By

Në kuadër të Tetorit Rozë, në Kampusin Inovativ të UBT-së në Lipjan u mbajt një ligjëratë informuese dhe sensibilizuese me temën “Parandalimi dhe zbulimi i hershëm i kancerit të gjirit”, ngjarje kjo e cila kishte për qëllim ngritjen e ndërgjegjësimit tek audienca.

Kjo ngjarje mblodhi së bashku studentë dhe nxënës, të cilët patën mundësinë të informohen më gjerësisht për rëndësinë e kontrollit shëndetësor, zbulimin e hershëm dhe masat parandaluese.

Në mesin e ligjëruesve të ngjarjes kishte edhe ekspertë të shëndetësisë nga UBT dhe “United Hospital”. Në diskutimit u theksua domosdoshmëria e edukimit shëndetësor dhe mbështetjes së vazhdueshme për personat e prekur, duke promovuar kështu mesazhin se parandalimi është çelësi për një jetë të shëndetshme.

Si shenjë solidariteti dhe mbështetje për të gjithë të prekurit që luftojnë këtë sëmundje, të pranishmit kishin të vendosur fjongo me ngjyrë rozë në veshjet e tyre.

UBT përmes ngjarjeve të tilla vazhdon të promovojë ndërgjegjësimin shoqëror për edukimin shëndetësor të komunitetit përmes bashkëpunimit ndërinstitucional rreth fuqizimit të grave.

Eliza Hoti/UBT

/S.K/UBTNews/

Continue Reading

Lajmet

Zyrtare: Messi vazhdon edhe për tri vjet me Inter Miamin

Published

1 hour ago

on

October 24, 2025

By

Argjentinasi Lionel Messi e ka vazhduar kontratën me Inter Miamin edhe për tri vite të tjera.

Tetë herë fituesi i Topit të Artë ka nënshkruar një kontratë të re me ekipin nga MLS, që zgjat deri në dhjetor të vitit 2028.

Messi është dukshëm futbollisti më i mirë në këtë ligë me statistika të jashtëzakonshme dhe tashmë është e konfirmuar zyrtarisht që të paktën tri vite të tjera do ta shohim Messin në fushat e blerta./S.K/EO/

Continue Reading

Të kërkuara