Lajmet

​Haxhiu kritikon Gjykatën Kushtetuese: Po pengon reformat

Ajo tha se Gjykata Kushtetuese është duke vonuar shumë që të marrë vendime sa i përket ligjeve të dërguara në këtë Gjykatë.

Published

2 years ago

on

Ministrja e Drejtësisë, Albulena Haxhiu ka thënë se Gjykata Kushtetuese është duke e penguar reformën jo vetëm në drejtësi, por edhe në sektorë të tjerë. Ajo tha se Gjykata Kushtetuese është duke vonuar shumë që të marrë vendime sa i përket ligjeve të dërguara në këtë Gjykatë.

“Mendoj që është fakt. Fakti që ligji për Gjykata Kushtetuese thotë se duhet të kthej përgjigje brenda një muaji, ne presim një vit për një vendim, kjo bënë problem se ka pasoja afat gjatë. Nuk mendoj që duhet ta marrim dikë më të marr që të merr një vendim të mirë, nuk funksionon kështu shteti”, tha ajo.

Ministrja e Drejtësisë Albulena Haxhiu, në një konferencë për media pas mbledhjes së qeverisë ka thënë se Nezir Mehmetaj dhe Petrit Dula janë duke u mbajtur padrejtësisht në burgjet e Serbisë.

Ajo tha se së fundi është ndaluar edhe Hasan Dakaj, ku për këtë ajo u bëri thirrje partnerëve ndërkombëtarë që të reagojnë ashpër ndaj kësaj sjellje të Serbisë.

“Javën e kaluar dy qytetarë të Republikës së Kosovës, Hasan dhe Xhavit Dakaj u ndaluan dhe u arrestuan në kufi me Serbinë. Hasan Dakaj dhe sot vazhdon të mbahet atje padrejtësisht dhe në mënyrë arbitrare. Siç e kemi theksuar në vazhdimësi kjo nuk hera e parë që qytetarët tanë torturohen, arrestohen, mbahen për vite të tëra në burgjet e Serbisë. Edhe përkundër përpjekjes tonë që të vendosim bashkëpunim juridik ndërkombëtar në raport me çështje të tilla, në anën tjetër përballemi me një neglizhencë të Serbisë, e cila siç duket ende nuk është shkëputur nga e kaluara e saj kriminale. Në vazhdimësi dhe për çdo ditë po vepron njësoj. Sigurisht, si Ministri e Drejtësisë do të jemi në komunikim me Ministrinë e Punëve të Jashtme dhe Diasporës…Ne edhe për zotin Nezir Mehmetaj i kishim kërkuar Serbisë që ta transferojë në Republikën e Kosovës, por në anën tjetër asnjëherë nuk i kemi marrë përgjigjet për të njëjtën…Këtu thërrasë partnerët ndërkombëtarë duhet të bëjnë shumë më shumë presion ndaj Serbisë dhe të mos injorojnë veprimet e tilla që Serbia po i bënë në vazhdimësi”, deklaroi ajo.

Tutje ajo njoftoi se Qeveria sot ka ndarë afër 300 mijë euro për strehimore, duke shtuar se ky vendim është e rëndësishme edhe miratimi i vendimit për ndarjen e mjeteve buxhetore për strehimoret.

“Pas kërkesës së Ministrisë së Shëndetësisë dhe aprovimit nga Ministria e Financave sot qeveria e Republikës së Kosovës ka ndarë shumën prej 287 mijë euro për strehimore që strehojnë viktimat e dhunës në familje dhe për organizata që janë të licencuara për të ofruar shërbime sociale dhe familjare. Kjo është një fond emergjent në mënyrë që sapo Ministria e Drejtësisë të përfundoj thirrjen publike dhe të gjitha procedurat në raport me mbështetjen e strehimoreve dhe organizatave të shoqërisë civile që kryejnë shërbime sociale dhe familjare që këto organizata të arrijnë që t’i kryejnë përgjegjësitë sipas përcaktimeve që i kanë…Në vitin 2023 mbështetja për strehimoret ka qenë në vlerë prej 892 mijë euro. Poashtu, me vendim të qeverisë në vlerë prej 300 mijë euro dhe përmes thirrjeve publike ne kemi arritur që të ndajmë buxhetin më të madh që është ndarë ndonjëherë për strehimoret dhe për organizata që ofrojnë shërbime sociale dhe familjare”, tha ajo.

Related Topics:
Continue Reading

Lajmet

​Bellingham dhe Foden rikthehen në kombëtaren e Anglisë

Published

15 hours ago

on

November 7, 2025

By

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Continue Reading

Lajmet

Vdes në moshën 24 vjeçare lojtari i Cowboys, Marshawn Kneeland

Published

16 hours ago

on

November 7, 2025

By

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi ​​një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

 

Continue Reading

Lajmet

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

16 hours ago

on

November 7, 2025

By

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.

Continue Reading

Lajmet

Kosova e publikon listën e të ftuarve për ndeshjet vendimtare ndaj Sllovenisë dhe Zvicrës

Published

16 hours ago

on

November 7, 2025

By

Kombëtarja e Kosovës e ka publikuar listën për dy ndeshjet e muajit nëntor ndaj Sllovenisë dhe Zvicrës.

Kapiteni Amir Rrahmani është rikthyer pasi mungoi në muajin tetor, së bashku me Baton Zabergjën. Ndërkohë, në listën rezervë kanë rënë Florent Hadërgjonaj e Florian Haxha.

Lista e plotë e Kosovës:

Portierë: Arijanet Muric, Amir Saipi, Visar Bekaj, Faton Maloku

Mbrojtësit: Amir Rrahmani, Mërgim Vojvoda, Lumbardh Dellova, Fidan Aliti, Ilir Krasniqi, Albian Hajdari, Kreshnik Hajrizi, Dion Gallapeni, Leard Sadriu

Mesfushorët dhe sulmuesit: Valon Berisha, Elvis Rexhbecaj, Leon Abdullahu, Veldin Hoxha, Lindon Emërllahu, Meriton Korenica, Ermal Krasniqi, Baton Zabërgja, Edon Zhegrova, Milot Rashica, Florent Muslija, Fisnik Asllani, Vedat Muriqi./S.K/EO/

Continue Reading

Të kërkuara