Lajmet

Haxhiu: Komisioni i Venecias nuk e përkrah rritjen e përkohshme të numrit të anëtarëve të KPK-së

Published

on

Ministrja e Drejtësisë, Abulena Haxhiu ka njoftuar se Komisioni i Venecias ka përkrahur ndryshimet ligjore për Këshillin Prokurorial të Kosovës. Megjithatë, ajo bëri të ditur se nuk është përkrahur edhe rritjen e përkohshme të anëtarëve të KPK-së. Në konferencë për media, ajo foli për rëndësinë e këtij ligji, ku theksoi se ka nevojë për reformë dhe balancim të përbërjes së anëtarëve prokurorë. Pazaret e Këshillit Prokurorial të Kosovës, siç i quajti ajo, janë të fundit, meqë Haxhiu theksoi se po punojnë për reformën në drejtësi.

Ministrja e Drejtësisë, Albulena Haxhiu tha javën e kaluar në seancën plenare të Komisionit të Venecias, është miratuar opinioni në lidhje me Ligjin për KPK-në. Ajo tha se përbërja aktuale e KPK-së, është në kundërshtim me standardet ndërkombëtare dhe se shkakton korporatizëm. Ajo para mediave, theksoi dy ndryshimet ligjore që janë bërë në kuadër të këtij ligji.

“Në linjë me rekomandimet paraprake të Komisionit të Venecias po ashtu edhe me ato që parashihen në aktgjykimin e Gjykatës Kushtetuese për eliminimin e korporatizmit dhe arritjen e balancit me anëtarë prokuror dhe jo prokuror në Këshillin Prokurorial të Kosovës, ne kemi bërë dy ndryshime në ligjin të cilin e kemi proceduar në Kuvendin e Kosovës, së pari përbërjen permanente prej shtatë anëtarëshe, tre prokurorë dhe Prokurori i Shtetit dhe tre anëtarë jo prokurorë, gjithsej shtatë. E cila do të fillonte së funksionuari prej muajit janar 2026 dhe gjithashtu kemi propozuar përbërjen apo rritjen e përkohshme të anëtarëve të këshillit nga 13 anëtarë sa i sheh ligji aktualisht në 19 anëtarë”, deklaroi Haxhiu.

Pas këtyre ndryshimeve ligjore, Haxhiu shtoi se është kërkuar opinion nga Komisioni i Venecias në gusht të këtij viti. Ajo tha se javën e kaluar në seancën e mbajtur dhe diskutimin me raportuesit e komisionit është miratuar opinioni.

“Pas shumë diskutimeve substanciale me raportuesit e Komisionit të Venecias gjatë gjithë këtyre muajve, ju njoftoj që ky opinion është miratuar në seancën në të cilën mora pjesë javën e kaluar, përkatësisht në datat 15, 16 dhjetor 2023. Në opinionin i cili do të publikohet gjatë kësaj jave nga Komisioni i Venecias, më vjen keq që unë sot nuk mundem të ndajë me juve për faktin se meqë është dokument i prodhuar nga vet Komisioni i Venecias, ata e kanë të drejtën që të publikojnë të njëjtin në uebfaqen e tyre zyrtare. Por, aty theksohet edhe një herë fuqimisht nevoja për reformë në Këshillin Prokurorial të Kosovës dhe veçanërisht balancim të përbërjes mes anëtarëve prokurorë dhe jo prokurorë që ishte qëllimi ynë kryesor, ashtu që të sigurohet efikasitet, integritet dhe transparencë në punën e Këshillit Prokurorial të Kosovës”, deklaroi Haxhiu.

Haxhiu tha se bazuar në opinionin e Komisionit të Venecias, përbërja prej shtatë anëtarëve në KPK, është vlerësuar të jetë në përputhje me standardet ndërkombëtare. Ministrja e Drejtësisë deklaroi se nuk është përkrahur edhe rritja e përkohshme e anëtarëve të Këshillit Prokurorial të Kosovës.

“Mirëpo, Komisioni i Venecias nuk e përkrah rritjen e përkohshme të anëtarëve të KPK-së dhe atë për disa arsye: vështirësitë që kuvendi mund t’i ketë t’i zgjedh një numër aq të madh të anëtarëve të Këshillit Prokurorial të Kosovës. Po ashtu mundësitë tona kushtetuese, faktin që gjithë këta anëtarë zgjedhën me shumicë të thjesht në kuvend, ashtu siç parasheh kushtetuta jonë….Po ashtu, argumentojnë që Kosova ka pak më shumë se 200 prokurorë dhe një numër prej 19 prokurorëve mund të konsiderohet numër shumë i lartë në raport me përbërjen”, theksoi Haxhiu para mediave.

Haxhiu para mediave tha se vettingu në sistemin e drejtësisë është prej reformave më të mëdha. Sipas saj, veprimet e fundit të KPK-së, tregojnë për domosdoshmërinë e vettingut.

“Për herë të parë në Republikën e Kosovës ka pasur kaq shumë deklarata, madje shumë të ashpra me të drejta për bindjen time në raport me proceset në KPK. Madje ju e dini që disa prej partnerëve tanë kanë thënë që ky është sistem i prishur dhe natyrisht që Kosova në vazhdimësi ka pasur kritika edhe në raporte vendore dhe ndërkombëtare në raport me si funksionin KPK. Dhe unë mendoj që vendimet e fundit të KPK-së, ajo çfarë ka ngjarë së fundmi tregojnë hapur që reforma në Këshillin Prokurorial është shumë e rëndësishme. Për faktin se ende pa nisur procesi dihen emrat se kush do të jetë ku, kjo nuk është demokratike. Kjo është e hapur, veprim i grupeve të interesit, pazareve brenda këshillit për të marrë pozita njerëz të cilët për momentin janë në nivele të larta. Unë konsideroj që këto janë veprimet e fundit të KPK-së”, përfundoi ajo.

Tutje, ministrja Albulena Haxhiu tha se në konkursin e kryeprokurorit në Prishtinë ka qenë vetëm një kandidat, ndërkohë që 52 kanë pasur të drejtën për kandidim në këtë pozitë.

Lajmet

KESCO: Mungesë e theksuar e prodhimit të energjisë, në rastin më ekstrem e gjithë sasia importohet

Published

on

By

Kompania “KESCO” ka njoftuar se, duke filluar nga nesër dhe në ditët në vijim, pritet një mungesë e theksuar të prodhimit vendor të energjisë elektrike dhe kjo në rastin më ekstrem nënkupton që e gjithë sasia e energjisë elektrike për konsumatorët do të duhet të mbulohet përmes importit.

Pavarësisht sfidave të mëdha logjistike dhe kostos së lartë të energjisë në tregjet ndërkombëtare, KESCO është duke ndërmarrë të gjitha përpjekjet për të siguruar furnizimin e nevojshëm dhe për të garantuar qëndrueshmëri në sistem”, thuhet në komunikatën për media të KESCO-s.

Megjithatë, importimi i një sasie kaq të madhe paraqet vështirësi të konsiderueshme si nga aspekti teknik, ashtu edhe ai financiar. Për të minimizuar ndikimin e kësaj situate, KESCO u bën thirrje të gjithë konsumatorëve që të aplikojnë masa të menjëhershme të kursimit të energjisë elektrike. Çdo kilovat-orë e kursyer ndihmon në ruajtjen e stabilitetit të furnizimit dhe në zvogëlimin e kostos së përgjithshme, që përndryshe do të rëndonte mbi të gjithë ne”, thuhte në këtë njoftim.

Continue Reading

Lajmet

Kryeministri Kurti u takua me ambasadorin Malaj, u diskutua edhe për konstituimin e Kuvendit

Published

on

By

Kryeministri në detyrë i Republikës së Kosovës, Albin Kurti, priti sot në takim Ambasadorin e Shqipërisë në Kosovë, Petrit Malaj.

Gjatë takimit, u diskutua mbi thellimin e bashkëpunimit ndërmjet dy vendeve në fusha të ndryshme, përfshirë ekonominë, infrastrukturën, sigurinë dhe fusha të tjera në kuadër të të cilave tashmë po zbatohen marrëveshjet e nënshkruara ndërmjet Qeverisë së Republikës së Kosovës dhe Qeverisë së Republikës së Shqipërisë.

Të dy palët shprehën përkushtimin për të avancuar marrëdhëniet dypalëshe, duke punuar ngushtë për projekte të përbashkëta që do të sjellin përfitime të drejtpërdrejta për qytetarët e të dy vendeve.

Gjatë këtij takimi u diskutua edhe për zhvillimet e fundit në vend, përfshirë procesin e konstituimit të Kuvendit dhe formimin e institucioneve të legjislaturës së nëntë.

Kryeministri Kurti falënderoi ambasadorin Malaj për angazhimin e tij të vazhdueshëm për shtimin e lidhjeve dhe rritjen e bashkëpunimit ndërmjet Kosovës dhe Shqipërisë’, njoftoi Zyra e kryeministrit.

Continue Reading

Lajmet

​Mbi një mijë fëmijë vrapuan në Prishtinë për Ditën Olimpike

Published

on

By

Mbi një mije fëmije te shkollave fillore të Prishtinës kanë realizuar sot vrapimin olimpik dhe kanë praktikuar disiplina te ndryshme sportive në kuadër të Ditës Olimpike.

Ky aktivitet i organizuar nga Komiteti Olimpik i Kosovës në kuadër të Javës Olimpik, vjen në moton “Le të lëvizim” që ka për qëllim ta tregojë rëndësinë e aktivitetit sportiv në shëndetin e fëmijëve.

Në hapje të DItës Olimpike, Presidenti i Komitetit Olimpik të Kosovës, Ismet Krasniqi, theksoi se lëvizja është shumë e rëndësishme për fëmijët pasi i bënë ata më të shëndetshëm.

“Është dita kur festojmë sportin, dita kur festojmë shëndetin dhe lumturinë tuaj…Ky vit ka qenë mjaftë masovik dhe kemi pasur përkrahje të jashtëzakonshme nga të gjitha komunat e Kosovës, pra nga 26 komuna…Dita olimpike dhe motoja e kësaj dite ‘Let’s move’, apo ‘Të lëvizim’ është shumë e rëndësishme për ju fëmijë të dashur sepse të lëvizim, na bënë të shëndetshëm, të merremi me sport. Besoj që shumica prej jush merreni me sport e disa të tjerë kanë synime që të merren me sport…Komiteti Olimpik do të jetë gjithmonë krahë jush, gjithmonë do ta keni përkrahjen tonë sepse ju jeni e ardhmja e Kosovës”, tha Krasniqi.

Ndërsa, kryetari i Federatës së Atletikës së Kosovës, Halil Sylejmani, deklaroi se përmes këtyre aktiviteteve, Kosova po i tregon botës që e ka prioritet marrjen em sport.

“Falemnderit të gjithë juve që keni ardhur sot bashkarisht që të vrapojmë, të bashkohemi, të tregojmë që jemi të shëndosh, të merremi me sport, e kryesisht me atletikë, sepse atletika është mbretëresha e sporteve…Kemi punuar për një muaj e gjysmë për këtë ditë që ta shënojmë dhe t’i tregojmë Federatës Botërore të Atletikës dhe Komitetit Olimpik Ndërkombëtar që ne kemi fëmijë, vajza dhe djem të cilët sot këtë ditë do ta shënojnë në paqe dhe në liri të gjithë së bashku”, tha Sylejmani.

Përveç Prishtinës, aktivitet të ngjashme janë shënuar gjatë kësaj jave edhe në 26 komuna të Kosovës.

Continue Reading

Lajmet

​Dita e Çlirimit në Istog, “triumf për liri dhe drejtësi”

Published

on

By

Kuvendi Komunal i Istogut me rastin e 26-vjetorit të çlirimit të kësaj komune nga okupatori serb ka mbajt seancë solemne dhe gjatë ditës janë paraparë aktivitete të shumta në këtë qytet. Në këtë seancë u tha se çlirimi i kësaj komune ishte triumf i popullit për liri dhe dinjitet.

Seanca solemne nisi me një minutë heshtje në nderim të të gjithë të rënëve për liri.

Kryetari i Komunës së Istogut, Ilir Ferati teksa uroi të gjithë qytetarët e kësaj komune për këtë ditë, tha se 20 qershor 1999 mbetet pikë me peshë shekullore për lirinë e vendit.

Ferati tha se tashmë për këtë komunë kanë vizion për zhvillim.

“Mbetet pikë referimi e lirisë dhe pikë me peshë shekullore e sakrificës. Ne tashmë kemi vizion të qartë se kemi motiv në piedestalin më të lartë të krenarisë qëndrojnë dëshmorët e rënë për liri…Kuptuan se atë ditë fitoi shpresa mbi frikën, e qëndresa e popullit vlejti, dhe Istogu i lirë kishte nevojën për angazhim e zhvillim e për ta sjell në ditën ku jemi sot. Liria nuk është mungesë e luftës, liria është drejtësi, liria është barazi, liria është arsim, është mundësi dhe thirrje për të dhënë më shumë të mos e privojmë vetën nga ajo që e fituam me plotë mund, sepse sot prej atyre që luftuan me dhe pa uniformë, prej atyre që ranë në derë të shtëpisë e në frontin ushtarak prej të gjallëve që nuk u dorëzuan kurrë ju uroj ditën e çlirimit të Istogut”, tha ai.

Kryesuesi i Kuvendit Komunal të Istogut, Enver Rugova tha se 20 qershori i vitit 1999 shënon fundin e një periudhe të errët dhe të dhimbshme për popullin tonë.

Rugova theksoi se çlirimi i Istogut ishte triumf i vullnetit të popullit për liri e drejtësi.

“Ky është një moment reflektimi, mirënjohje, angazhimi për të ruajtur dhe zhvilluar trashëgiminë e lavdishme që na është lënë nga ata që sakrifikuan gjithçka për lirinë tonë. 20 qershori i vitit 1999 shënon fundin e një periudhe të errët dhe të dhimbshme për popullin tonë, pas shumë vitesh vuajtje dhe persekutimesh Istogu u çliruara, ky çlirim nuk ishte vetëm një ngjarje ushtarake, por një triumf i vullnetit të popullit për liri, dinjitet dhe drejtësi”, tha ai.

Fjalë rasti në këtë seancë solemne për 26-vjetorin e çlirimit të Istogut mbajtën edhe përfaqësuesi i Partisë Demokratike të Kosovës, Lëvizjes Vetëvendosje dhe Aleancës për Ardhmërinë e Kosovës.

Në 26-vjetorin e çlirimit të komunës së Istogut do të bëhen homazhe tek shtatorja e presidentit, Ibrahim Rugova, bëhet përurimi i shtatores së heroit, Selman Kadria, si dhe përurimi i memorialit të dëshmorëve në Vrellë. Më 20 qershor 1999 Istogu u çlirua nga okupatori serb

Continue Reading

Të kërkuara