Lajmet

​Haradinaj kritikon qeverinë për ndarjen e buxhetit 2024

Haradinaj tha se asnjë nga projektet e infrastrukturës në shëndetësi dhe arsim nuk do të përfundojnë në vitin që vjen.

Published

on

Kryetari i Aleancës për Ardhmërinë e Kosovës, Ramush Haradinaj, e quan zvogëlim real të pagave rritjen e koeficientit nga 105 në 110 euro. Ai e vlerëson si shqetësues, siç tha ai, nënçmimin që po u bëhet Policisë së Kosovës, shëndetësisë dhe drejtësisë me mohimin e pagesave shtesë për rrezikshmëri. Haradinaj kritikoi qeverinë edhe për mosinvestimin në Ministrinë e Mbrojtjes.

Në seancën e Kuvendit, Haradinaj potencoi se mbi 80 për qind e projekteve kapitale të listuara në buxhetin 2024 janë të parealizueshme në tri vitet e fundit, e të bartura për vitin 2024.

“Kjo është rritja më e vogël e një buxheti që nga çlirimi i vendit. Rritje e vlerës së koeficientit të pagave nga 105 më 110 euro nuk është rritje e as harmonizim, por është zvogëlim real i pagave. Indeksi i çmimeve të konsumit është 5.1 për qind ketë vit, dhe 2.7 për qind është i paraparë për vitin 2024. Pra, e argumenton këtë. Shqetësuese në veçanti është nënçmimi që iu bëhet disa kategorive si Policia e Kosovës, shëndetësia, drejtësia e të tjerë të dëmtuar nga qeveria, nga mohimi i pagesës së shtesave për rrezikshmëri dhe punë shtesë të garantuara me ligjin në fuqi. Investimet kapitale të shtuara vetëm për 48 milionë nuk mundësojnë ndonjë zhvillim ekonomik, praktikisht janë stagnim kur marrim parasysh se 90 për qind e projekteve të parapara për realizim për vitin 2023 nuk janë realizuar, por mbahen në vitin buxhetor 2024. Ndërsa, mbi 80 për qind e projekteve kapitale të listuara në buxhetin që e shqyrtojmë sot janë projekte të parealizuara në tri vitet e fundit, e të bartura për vitin 2024”, tha Haradinaj.

Ndërkaq Haradinaj tha se asnjë nga projektet e infrastrukturës në shëndetësi dhe arsim nuk do të përfundojnë në vitin që vjen. Haradinaj derisa bëri krahasimin se sa investojnë vendet e tjera në institucionet e mbrojtjes, tha se qeveria aktuale nuk ka implementuar 58 milionët e parapara për mbrotje, por i bartë në vitin tjetër. Shqetësuese Haradinaj e sheh edhe mosndarjen e ‘asnjë centi shtesë për Ministrinë e Punëve të Brendshme’.

“Tek infrastruktura rrugore për rehabilitimin e rrugëve vetëm 3 milionë euro për rrugën, ndërsa 59 milionë eurot e reja, qe janë bartë, janë kryesisht të bartura ndër vite dhe ato ju dedikohen projekteve, qe po ashtu nuk garanton përfundimin në vitin që vjen… Në shëndetësi janë vetëm 2 milionë të reja… ndërsa në arsim vetëm 4.5 milionë. Asnjë nga projektet e infrastrukturës në shëndetësi dhe arsim nuk do të kryhen në vitin që vjen, janë bart ndër vite dhe nuk do të përfundojnë as në vitin që vjen. Për Ministrinë e Punëve të Brendshme, nuk është paraparë asnjë cent shtesë… Qeveria e Kosovës në kohën e zhvillimeve të sigurisë të rendit dhe të ligjit bart 52 milionë eurot e këtij viti në vitin tjetër. Në Ministrinë e Mbrojtjes… Qeveria jonë nuk ka implementuar 58 milionët e parapara por i bartë në vitin tjetër. Fondi i subvencioneve dhe transfereve është zvogëluar për 35.6 milionë”, potencoi Haradinaj.

Si problem më vete, kryetari i AAK-së e konsideron ndarjen e padrejtë të investimeve kapitale për komunat e partisë, derisa e quan “të pafytyrë”, veprimin e qeverisë në këtë rast.

Lidhur me këtë tha se “kemi të bëjmë me një qeveri e cila nuk investon buxhetin qëllimshëm ndër vite”.

Lajmet

Kushtetuesja publikon aktgjykimin e plotë

Published

on

By

Gjykata Kushtetuese e Kosovës ka publikuar aktgjykimin e plotë për konstituimin e Kuvendit të Kosovës.

Ajo ka konstatuar se seanca konstituive e Kuvendit, e filluar me 15 prill 2025 nuk ka përfunduar si rezultat i mos zgjedhjes së nënkryetarit të Kuvendit nga radhët e deputetëve të komunitetit serb, dhe Kuvendi nuk është konstituuar në pajtim me përcaktimet e paragrafit 1 të nenit 66 (Zgjedhja dhe mandati) dhe paragrafët 1 dhe 4 të nenit 67 (Zgjedhja e kryetarit dhe nënkryetarëve) të Kushtetutës së Republikës së Kosovës.

Gjykata ka urdhëruar që seanca konstituive e Kuvendit të përfundojë brenda afatit të mbetur prej 12 ditëve nga hyrja në fuqi e këtij Aktgjykimi.

Kushtetuesja ka urdhëruar të gjithë deputetët e zgjedhur të Kuvendit që gjatë procedurës së zgjedhjes së nënkryetarit të Kuvendit nga radhët e deputetëve të komunitetit serb, të ushtrojnë funksionin e tyre kushtetues në interesin më të mirë të Kosovës dhe në pajtim me Kushtetutën dhe rregulloren e Kuvendit./D.B/KP

Continue Reading

Lajmet

Në pritje të aktgjykimit të plotë, Ambasada gjermane bën thirrje për zbatimin e vendimeve Kushtetueses

Published

on

By

I ngarkuari me Punë në Ambasadën e Gjermanisë në Kosovë, Christian Böttcher, është takuar të mërkurën me kryetarin e Gjykatës Kushtetuese, Nexhmi Rexhepi.

Ambasada bënë të ditur se Böttcher ka vlerësuar punën e gjykatës dhe rikonfirmuar mbështetjen e plotë të Gjermanisë për punën e gjykatës, teksa ka bërë thirrje për zbatimin e vendimeve të Gjykatës Kushtetueses.

Ambasada Gjermane kërkon nga të gjithë aktorët politikë të zbatojnë vendimet e Gjykatës, pasi siç thuhet ky është një detyrim kushtetues për deputetët, për konstituimin e Kuvendit.

Të gjithë aktorët politikë duhet të zbatojnë vendimet e Gjykatës – ky është një detyrim kushtetues për deputetët. Mosveprimi jo vetëm që zgjat, por edhe thellon krizën politike, duke dëmtuar vendin. Siç u tha më parë: Është koha e duhur për ta vënë vendin në vend të parë, jo politikën partiake”, thuhet në njoftim.

Deputetët e Kuvendit të Kosovës janë në pritje të publikimit të aktgjykimit të plotë të Gjykatës Kushtetuese në lidhje me seancën konstituive.

Kushtetuesja më 30 shtator ka dalë me një njoftim ku ka thënë se seanca konstituive e Kuvendit të Kosovës, që ka nisur më 15 prill, nuk ka përfunduar, pasi që nuk është zgjedhur nënkryetari nga komuniteti serb.

Vendimi i Kushtetueses ka ardhur pas ankesës së Listës Serbe, partisë më të madhe të serbëve në Kosovë, lidhur me votimin ndaras të kandidatëve për nënkryetarë të Kuvendit nga radhët e komuniteteve jo shumicë.

Kushtetuesja ka urdhëruar deputetët e Kuvendit të konstituojnë legjislaturën e nëntë brenda afatit 12-ditor prej publikimit të aktgjykimit të plotë, por pa specifikuar pasojat juridike në rast se nuk kompletohen trupat e legjislativit./D.B/KP

Continue Reading

Lajmet

​Gërvalla merr pjesë në Takimin e Ministrave të Jashtëm në kuadër të Procesit të Berlinit

Published

on

By

Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, po merr pjesë në Takimin e Ministrave të Jashtëm të Procesit të Berlinit, që zhvillohet më 8 dhe 9 tetor në Belfast të Irlandës së Veriut, me pjesëmarrjen edhe të sekretares së Shtetit për Punë të Jashtme të Britanisë së Madhe, Yvette Cooper.

Takimi bashkon ministrat e punëve të jashtme të vendeve të Ballkanit Perëndimor dhe të shteteve pjesëmarrëse në këtë proces.

Në fokus të diskutimeve të këtij viti janë temat e sigurisë dhe zhvillimit rajonal si dhe domosdoshmëria e bashkëpunimit përballë sfidave dhe kërcënimeve të përbashkëta në një botë gjithnjë e më të paqëndrueshme, raporton KosovaPress.

Gjatë punimeve të këtij procesi, Gërvalla do të zhvillojë një sërë takimesh bilaterale me homologë dhe përfaqësues të lartë të vendeve pjesëmarrëse.

Procesi i Berlinit, i nisur në vitin 2014, mbetet nisma qendrore për bashkëpunim politik, ekonomik dhe shoqëror mes vendeve të Ballkanit Perëndimor dhe partnerëve evropianë./D.B/KP

Continue Reading

Lajmet

Përurohet rruga që lidh zonën e dytë ekonomike të Gllavicës me magjistralen mes Shtimes dhe Ferizajt

Published

on

By

Në komunën e Shtimes sot është përuruar rruga që lidh Zonën e dytë Ekonomike të Gllavicës me rrugën magjistrale mes Shtimes dhe Ferizajt, investim ky që pritet të ndikojë drejtpërdrejt në zhvillimin ekonomik të komunës dhe më gjerë.

Kryetari i Komunës së Shtimes, Qemajl Aliu, tha se kjo rrugë është një hap i rëndësishëm drejt funksionalizimit të zonës ekonomike.

Jemi në përurimin e rrugës që të dërgon te zona e dytë ekonomike në Gllavicë, rrugë e cila këtë zonë ekonomike e lidh me rrugën magjistrale mes Shtimës dhe Ferizajt. Është investim mbi 600 mijë euro, rrugë me gjerësi shtatë metra, me kanale kulluese, kanalizim atmosferik për ujëra të zeza, trotuar, me ndriçim, me të gjitha normat e një rruge që i lidhë magjistralen mes dy qyteteve”, tha Aliu.

Ai shtoi se rruga është në shërbim të funksionalizimit të zonës ekonomike, ndërsa përveç saj, komuna ka bërë edhe investime të tjera në këtë zonë.

Kjo rrugë është në shërbim të funksionalizimit të zonës ekonomike dhe përveç kësaj rruge, ne kemi bërë afro gjysmë milioni euro investime në zonën ekonomike dhe presim që pranverën e ardhshme, siç edhe jemi zotuar me fillu funksionalizimin dhe vendosjen e bizneseve në këtë zonë, e cila do të ndihmojë dhe shërbejë në zhvillimin ekonomik të gjithëmbarshëm në Komunën e Shtimes, por edhe përreth. Kjo zonë ekonomike ka diku 37 hektarë dhe pritet me qenë një nga zonat më të mëdha me biznese”, tha Aliu.

Ky investim i ka kushtuar Komunës së Shtimës mbi 600 mijë euro./D.B/KP

Continue Reading

Të kërkuara