Lajmet

Hapi i fundit për të filluar studimet në programet Bachelor dhe Master në UBT

Publikuar

2 javë më parë

më

UBT njofton të gjithë të interesuarit për programet e Bachelor dhe Master se afati për aplikime po përfundon. Ky është momenti i fundit për të siguruar vendin tuaj në programet tona për vitin akademik 2024-2025. Është koha për të bërë një hap të rëndësishëm dhe për të investuar në të ardhmen tuaj akademike dhe profesionale.

Nëse dëshironi të ndjekni një karrierë të suksesshme në fusha si biznesi, teknologjia, shkencat sociale, inxhinieria dhe shumë të tjera, kjo është mundësia juaj për të kontribuar në një mjedis të avancuar dhe inovativ.

Programet e Bachelorit: UBT ofron një gamë të gjerë programesh në fusha të ndryshme si Ekonomi, Ndërtimtari, Juridik, Agrikulturë, Gjuhë Angleze, Muzikë, Art, Aktrim, Media dhe Komunikim, Shkenca Politike, Turizëm, Farmaci, Studime të Sigurisë, Shkenca të Ushqimit dhe shumë drejtime të tjera. Edukimi në UBT është i bazuar në një përzierje të përvojës praktike dhe teorisë së avancuar, duke përgatitur studentët për sfidat e tregut të punës.

Programet e Masterit: Shfrytëzoni mundësitë për të thelluar njohuritë dhe aftësitë tuaja në fusha të avancuara. Programet e Masterit ofrojnë një qasje të integruar dhe inovative për zhvillimin e ekspertizës në fushat përkatëse. UBT ofron programe të nivelit master me specializime unike, të dedikuara për studentët që kanë përfunduar studimet e tyre ose kanë nisur karrierën në profesionet përkatëse. Me një angazhim të gjatë në arsimin ndërkombëtar, UBT ka krijuar një reputacion të fuqishëm dhe është i lidhur me partnerë botërorë.

Të jesh pjesë e UBT-së do të thotë të përfitosh njohuri në disiplina të veçanta akademike, të aftësohesh në teknologjitë më të fundit dhe të përmirësosh perspektivat e karrierës. Programet tona të studimeve pasuniversitare ofrojnë mundësi për të nisur një karrierë të re në një fushë profesionale të zgjedhur, përgatitje për studimet e doktoratës, zgjerim të njohurive në fushat e lidhura me profesionin tuaj, përgatitje për projekte sipërmarrëse dhe ofrim ekspertizash profesionale.

UBT është institucioni i vetëm në vend që ofron për secilin student, Certifikime ndërkombëtare, Sisteme online, Trajnime dhe kurse përgatitore, Librari me numrin më të madh të titujve dhe qasje në libraritë më të mëdha elektronike, Laboratorë shkencorë.

Afati i aplikimeve është duke shkuar drejt fundit! Mos e humbni këtë mundësi për të bërë një hap të rëndësishëm drejt arritjes së qëllimeve tuaja profesionale. Nisni udhëtimin tuaj akademik dhe profesional me UBT-në dhe bëni ndryshimin që dëshironi të shihni në botë. Zgjedh liderin dhe udhëheq me të si ekspert i fushës./UBTNews/

Etiketa
Vazhdo të lexosh

Lajmet

Kompania “Lidl” regjistron një përfaqësi në Kosovë

Publikuar

11 orë më parë

më

18 Shtator, 2024

nga

Në ditët e fundit, Kosova është përfshirë nga një valë spekulimesh lidhur me praninë e rrjetit të marketeve “Lidl” në vend. Pas paralajmërimeve të bëra në prill të këtij viti për hapjen e dyqanit të parë në Kosovë, situata ka krijuar konfuzion, duke sjellë edhe raporte të pavërteta për tërheqjen e kompanisë nga plani i saj për të investuar në tregun kosovar.

Megjithatë, “Lidl” ka reaguar ndaj këtyre spekulimeve në një përgjigje për Zëri.info, duke konfirmuar se janë të vetëdijshëm për informatat që qarkullojnë rreth tyre dhe se po vazhdojnë të analizojnë kushtet e tregut. Ajo që është e rëndësishme është se kompania ka regjistruar një përfaqësi në Kosovë, e cila është një hap i rëndësishëm drejt hapjes së dyqaneve në të ardhmen.

“Është e saktë që aktualisht jemi duke analizuar tregun në Kosovë dhe se është regjistruar një përfaqësi. Ju lutemi kuptoni se ne nuk mund të bëjmë deklarata konkrete në lidhje me vendndodhjet e mundshme të dyqaneve ose datat e hapjes në këtë moment,” citohet nga përgjigja e “Lidl”.

Kujtojmë se gjatë vitit 2022, një delegacion i “Lidl” vizitoi Kosovën, ku ministrja e Tregtisë dhe Industrisë propozoi tri lokacione si të përshtatshme për investim. Megjithatë, deri tani nuk ka pasur asnjë hapje dyqani, duke sugjeruar se analiza e tregut vazhdon.

“Lidl” GmbH & Co KG është një zinxhir ndërkombëtar gjerman i shitjeve me pakicë që operon mbi 11,000 dyqane në të gjithë Evropën dhe Shtetet e Bashkuara. Prania e saj në Kosovë pritet të sjellë konkurrencë dhe mundësi të reja për konsumatorët, si dhe përmirësim në ofertën e produkteve dhe shërbimeve.

Tani më shumë se kurrë, të gjithë sytë janë kthyer nga “Lidl”, duke pritur me padurim zhvillimet e ardhshme që do të sjellin në tregun kosovar./UBTNews/

Vazhdo të lexosh

Lajmet

Dështon votimi i buxhetit të Komunës së Prishtinës për vitin 2025, Rama: PDK-ja e VV-ja e bojkotuan vullnetin e qytetarëve

Publikuar

11 orë më parë

më

18 Shtator, 2024

nga

Sot është mbajtur mbledhja e Kuvendi Komunal të Prishtinës ku nuk u miratua buxheti për vitin 2025, për shkak të mungesës së kuorumit.

Asamblistët e Lëvizjes Vetëvendosje dhe Partisë Demokratike të Kosovës janë larguar nga seanca, dhe për këtë ka reaguar kryetari i Komunës së Prishtinës, Përparim Rama, duke thënë se PDK-ja e VV-ja po bojkotojnë vullnetin e qytetarëve.

Përmes një reagimi në Facebook, Rama ka thënë se ky buxhetit është hartuar në bazë të nevojave e kërkesave të qytetarëve.

“Sot mbajtëm seancën për miratimin e buxhetit të Kryeqytetit për vitin 2025. Buxheti nuk u miratua në mungesë të kuorumit për shkak të lëshimit të sallës nga asamblistët e PDK-së dhe më pas atyre të Vetëvendosjes. Buxheti i vitit 2025 është i hartuar me profesionalizëm dhe në bazë të nevojave e kërkesave të qytetarëve tanë. Prandaj, lëshimi i sallës në seancën e buxhetit nga PDK dhe VV është bojkotim i vullnetit të qytetarëve. Përkundër përpjekjeve të njëpasnjëshme për bllokim të punëve të mira në Kryeqytet ne nuk do të ndalemi së punuari për të mirën e të gjithë qytetarëve pa dallim”, ka shkruar Rama në Facebook.

Vazhdo të lexosh

Lajmet

Gashi për takimin në Bruksel: U kuptua që Serbia kërkoi ndryshimin e kufijve në veri, kjo është e papranueshme

Publikuar

11 orë më parë

më

18 Shtator, 2024

nga

Deputeti i Lidhjes Demokratike të Kosovës, Arben Gashi, ka komentuar takimin e djeshëm në Bruksel të zëvendëskryeministrit Besnik Bislimi me emisarin e BE-së për dialog, Miroslav Lajçak, duke thënë se u bë e qartë që gjatë takimit Serbia ka kërkuar ndryshimin e kufijve të Mitrovicës.

Përmes një postimi në Facebook, Gashi ka thënë se e një gjë e tillë është e papranueshme.

“Nga takimi i zëvendëskryeministrit Besnik Bislimi me përfaqësuesin e Serbisë në Bruksel, u kuptua se Serbia, ndër të tjera, po kërkon ndryshimin e kufijve të Mitrovicës Veriore. Kjo kërkesë është e papranueshme, pasi kufijtë e komunave janë tashmë të vendosur dhe ndryshimi i tyre paraqet rrezik për sigurinë dhe stabilitetin”, ka shkruar Gashi.

Tutje, deputeti ka thënë se çdo ndryshim i kufijve komunal, do të shkelte propozimin gjithëpërfshirës të Pakos së Ahtisaarit.

Vazhdo të lexosh

Lajmet

Jep dorëheqje drejtori ekzekutiv i AKP-së

Publikuar

11 orë më parë

më

18 Shtator, 2024

nga

AKP njofton se në mbledhjen e Bordit të kësaj Agjencie, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare.

Në mbledhjen e sotme Bordi i Drejtorëve të Agjencisë Kosovare të Privatizimit diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit.

“Bordi i Drejtorëve të Agjencisë Kosovare të Privatizimit mbajti mbledhjen e rregullt me ç‘rast diskutoi dhe u informua për një sërë çështjesh të rëndësishme që prekin aktivitetet e Agjencisë dhe zhvillimet e fundit në procesin e privatizimit. Gjatë kësaj mbledhje, Bordi i Drejtorëve i shqyrtoi dhe i miratoi 31 rastet rekomanduese nga Divizioni i Shitjes Direkte (17 aprovime dhe 14 refuzime). Gjatë kësaj mbledhje, Arben Limani ka dhënë dorëheqje nga pozita e Drejtorit Ekzekutiv (DE) duke e njoftuar Bordin e Drejtorëve në mbledhje zyrtare”, thuhet në njoftim.

Në qershor të vitit 2022, Arben Limani ishte zgjedhur drejtor menaxhues i Agjencisë Kosovare të Privatizimit (AKP).

Vazhdo të lexosh

Të kërkuara