Lajmet
Hapet “UBT Junior Hub” – qendra më e re për fëmijë dhe të rinj që i bashkohet ekosistemit më të madh të dijes në UBT
Në kuadër të shënimit të 20-vjetorit të UBT-së, për nder të 1 qershorit, Ditës Ndërkombëtare të Fëmijëve, UBT për gjeneratën e së ardhmes ka hapur qendrën më të re dhe të parën të këtij lloji për fëmijë, “UBT Junior Hub”.
Në prani të nxënësve të shkollës “Ismail Qemali”, në Parkun Shkencor Inovativ të UBT-së në Lipjan, rektori i UBT-së, prof.dr. Edmond Hajrizi ka bërë hapjen e kësaj qendre, e cila do të jetë pikëtakimi i fëmijëve dhe të rinjve, ku do të njihen mes vete dhe do të ndajnë të njëjtin vend për mësim dhe argëtim si asnjëherë më parë, e ku do krijojnë përvoja të të mësuarit që do t’i ndihmojnë ata të zhvillohen personalisht dhe profesionalisht, duke pasuruar mundësitë e tyre për të ardhmen.
Rektori Hajrizi njoftoi për së afërmi fëmijët e shkollës “Ismail Qemali” në Prishtinë me Parkun Shkencor Inovativ të UBT-së, robotin NAO, pjesën e sportit dhe pishinën, stomatologjinë, si dhe laboratorët e tjerë, përfshirë laboratorin e Fakultetit Shkencat e Ushqimit dhe Bioteknologji, teksa fëmijët patën edhe mundësi që të bëjnë vizatime në laboratorin e Fakultetit Art dhe Media Digjitale.
Rektori i UBT-së, prof.dr. Edmond Hajrizi të gjithë fëmijëve u ka uruar 1 qershorin, Ditën Ndërkombëtare të Fëmijëve, duke thënë se ata janë e ardhmja e vendit, dhe se UBT është duke punuar vazhdimisht për të krijuar mundësi që ata të zhvillojnë aktivitetet e tyre.
AVR, programim, robotikë, web design, gjuhë angleze, gjuhë gjermane, powerpoint dhe animacione, pikturë dhe vizatim, muzikë, si dhe të menduarit në mënyrë kritike, janë disa prej fushave të cilat fëmijët dhe të rinjtë do të kenë mundësi t’i përvetësojnë në mënyrë unike në një ekosistem të mahnitshëm të dijes që vetëm UBT di të ofrojë.
Kjo qendër është njëra prej 20 inovacioneve që UBT po sjellë në 20-vjetorin e themelimit të saj e cila synon që të gjithë fëmijëve të moshës 6-11 vjeç dhe të rinjve të moshës 12-18 vjeç, t’u ofrojë programe dhe trajnime që përfshijnë aktivitete argëtuese, emocionuese dhe edukative, me të gjitha kushtet e nevojshme për të mësuar dhe zhvilluar vetën në bazë të moshës, në fusha të ndryshme të jetës, bazuar në programe moderne të mësimdhënies.
Edukimi, njohuritë e lindura, argëtimi dhe informimi do të jenë gërshetim i shkëlqyer i qendrës më të re për fëmijë, “UBT Junior Hub”, që do të jetë vendi i talentëve e miqve të rinj, që do të thurin kujtime të paharrueshme në parkun e shkencës, teknologjisë dhe inovacioneve të UBT-së.
Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.
Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.
Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.
Rajoni
Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë
Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.
Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.
Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.
Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.
Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.
Dilema e perdeve: cilat i përshtaten më mirë ambientit tuaj?
Publikohet traileri i filmit biografik për Michael Jackson
5 gabime që bëjmë pas ngrënies së drekës
Hilary Duff rrëfen pse nuk u bë mentore për Selena Gomez dhe Demi Lovato
Plaçkitet shtëpia e yllit të Interit
5 ushqime që njerëzit konsumojnë që nga kohët e lashta
Mos e merrni stresin në shtëpi: Si të mos mendoni për punën në fundjavë?
Rektori Hajrizi viziton UniMarconi në Romë
Gaz Ejupi: “Reporting House, një pikë reference për historinë e Kosovës
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën