Lajmet
‘Hani, pini dhe rrëmbeni’, milionat që paguajnë shqiptarët çdo muaj për shpenzimet e deputetëve
Mjaft të shikosh pagesat që bëhen për deputetët e pasur të vendit më të varfër në Europë.
“Hani, pini dhe rrëmbeni, mbushni xhepe, mbushni arka/të pabrek’ ju gjeti dreka, milionier’ ju gjeti darka!”-shkruante Ali Asllani një shekull më parë për qeverisësit e vendit. Nuk ka ndryshuar asgjë, mjaft të shikosh pagesat që bëhen për deputetët e pasur të vendit më të varfër në Europë.
Shqiptarët kanë paguar mbi 130 milionë lekë të vjetër vetëm për muajin qershor për 109 deputetët e Kuvendit të Shqipërisë për karburant, fatura telefoni apo për qiratë e shtëpisë. Në tabelën e shpenzimeve për muajin qershor, muaji i fundit i punës i plotë për këtë legjislaturë bie në sy shuma e madhe që paguajnë taksapaguesit shqiptarë për disa deputetë, të cilët nuk kanë shtëpi në kryeqytet, por qëndrojnë me qira. Janë 21 deputetë të cilët përfitojnë pagesë ekstra për qiranë e shtëpisë ku qëndrojnë në kryeqytet. Nga këta duket se 16 ligjvënës nga maxhoranca, por edhe nga opozita e re preferojnë të jetojnë në qendrën e kryeqytetit dhe në apartamente luksoze, pasi shuma që paguan Kuvendi për ta është 70 mijë lekë, sipas dokumenteve të publikuara nga Panorama.
Ndërsa shuma që paguan Kuvendi për 5 deputetët e tjerë që jetojnë me qira në Tiranë është sa gjysma e atyre më sipër, 35 mijë lekë. Po ashtu, në tabelë vërehen disa raste se ndonëse Kuvendi paguan qira për ta për të qenë në kryeqytet dhe për të marrë pjesë në komisionet parlamentare, disa prej tyre rezultojnë se nuk kanë marrë asnjë lekë për pjesëmarrjen në komisione të përhershme parlamentare që përkthehet se nuk kanë marrë pjesë në asnjë komision.
Po ashtu, një tjetër zë në tabelën e shpenzimeve për deputetët përveç qirasë është edhe fatura e telefonit. Nga ky zë i shpenzimeve rezulton se për muajin qershor asnjë deputet nuk ka përfituar më pak se 17 mijë lekë në muaj vetëm për të komunikuar në telefon apo për të shkëmbyer mesazhe e për të qëndruar në internet. Ndërsa vlera më e madhe për faturat e telefonit është 20 mijë lekë. Nga 109 deputetë që janë në tabelën e publikuar nga Kuvendi, 11 prej tyre kanë shpenzuar të paktën 20 mijë lekë në muaj. E ndërsa paga minimale në Shqipëri për punonjësit e thjeshtë është 26 mijë lekë në muaj, për muajin qershor fatura më e ulët që kanë paguar shqiptarët për deputetët e tyre është 30 mijë lekë në muaj. Ndërsa vlera më e madhe është 40 mijë lekë në muaj. Ajo që bie në kontrast është fakti se edhe deputetët, të cilët marrin pagesën për qiranë e shtëpisë, përfitojnë po ashtu vlerën maksimale të pagesës për karburantin e automjeteve të tyre.
Ekstradohen nga Gjermania dhe Franca dy persona të kërkuar nga Kosova
Punëtorët e KEK-ut në protestë, kërkojnë rritje pagash
Energjia gjatë sezonit të dimrit, KOSTT mban konferencë për media
Arb Manaj lojtari më i vlefshëm në Superligë, i afrohet vlerës së milionëshit
Zhegrova mungoi në stërvitjen e Juventusit
Adis Beçiragiq shpallet trajneri i vitit në Bosnje dhe Hercegovinë
Gjyqtarja shqiptare, Emanuela Rusta përzgjidhet nga FIFA për seminarin ndërkombëtar për Botërorin 2026
Napoli mbush arkën pasi fitoi Superkupën e Italisë
Distria Krasniqi në mesin e Top 10 në “Balkan Athlete of the Year 2025”
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni3 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Lajmet3 months agoNë UBT diplomon ushtaraku i FSK-së, Major Vilson Musaj
-
Rajoni2 months agoU mbajt Mbledhje Komemorative në nder të Prof. Dr. Faton Kabashit në UBT Prizren