Shëndet

Hani luleshtrydhe, gjashtë përfitimet për shëndetin tuaj

Published

on

Nëse nuk jeni “tifoz” i luleshtrydheve, në fakt duhet të jeni!! Jo vetëm që kanë një shije të mirë, mund të konsumohen si frut apo lëng, por janë super të pasura me antioksidantë (si vitamina C). Këtu janë gjashtë përfitimet e jashtëzakonshme për shëndetin tuaj, nëse hani sa më shumë luleshtrydhe.

“Luleshtrydhet janë një burim i shkëlqyeshëm i vitaminës C”, thotë dietologia Madeleine Edvard. Shumica e gjitarëve, përveç njerëzve kanë aftësinë për të prodhuar vitaminë C në mënyrë të natyrshme, ndaj kjo është një nga arsyet pse ju këtë vitaminë duhet ta merrni përmes frutave. Vitamina C është një forcues i njohur i imunitetit, si dhe një antioksidant i fuqishëm dhe me veprim të shpejtë.

Forcojnë shikimin tuaj

Karakteristikat antioksiduese të luleshtrydheve mund të ndihmojnë për të parandaluar kataraktet, shtrëngimin e lenteve të syrit, të cilat mund të çojnë në verbëri në një moshë më të vjetër. Sytë tanë kërkojnë vitaminë C për t’i mbrojtur ato nga ekspozimi ndaj radikalëve të lirë nga rrezet UV  të diellit, të cilat mund të dëmtojnë proteinën në lente. Vitamina C gjithashtu luan një rol të rëndësishëm në forcimin e kornesë dhe retinës së syrit.

Luftojnë kancerin

Vitamina C është një nga antioksidantët që mund të ndihmojë në parandalimin e kancerit, pasi një sistem imunitar i shëndetshëm është mbrojtja më e mirë e trupit. Një fitokimik i quajtur acidi elagjik, i gjetur edhe tek luleshtrydhet është një tjetër faktor pse ju duhet t’i konsumoni. “Acidi elagjik jep veti anti-kancerogjene si shtypjen e qelizave kancerogjene. “Luleshtrydhet përmbajnë antioksidantë të tjerë si lutein dhe zeathancins. Antioksidantët janë pastrues të radikalëve të lirë dhe neutralizojnë efektin potencialisht negativ që mund të kenë ato në qelizat tona”, thotë dietologia.

Minimizojnë rrudhat

Fuqia e vitaminës C në luleshtrydhe vazhdon, pasi është jetike për prodhimin e kolagjenit, i cili ndihmon për të përmirësuar elasticitetin dhe rezistencën e lëkurës. Meqenëse ne humbasim kolagjenin ndërsa plakemi, ngrënia e ushqimeve të pasura me vitaminë C mund të rezultojë në një lëkurë më të shëndetshme, me pamje më të re.

Ulin nivelin e kolesterolit

Sipas Fondacionit Heart and Stroke, sëmundja e zemrës është një nga shkaqet kryesore të vdekjes tek gratë. Për fat të mirë, përfitimet e luleshtrydheve përfshijnë nxitës të fuqishëm të shëndetit të zemrës. “Acidi elagjik dhe flavonoidet mund të japin një efekt antioksidant dhe përfitues për shëndetin e zemrës në mënyra të ndryshme”, shpjegon Edvard. Një mënyrë përfshin kundërveprimin e efektit të lipoproteinës me densitet të ulët, ose kolesterolit të keq në gjak, i cili bën që pllakat në arterie të bllokohen. Një mënyrë e dytë është që ato të japin një efekt anti-inflamator, i cili është gjithashtu i mirë për zemrën.

Ulin inflamacionin

Antioksidantët dhe fitokimikatet që gjenden tek luleshtrydhet mund të ndihmojnë në zvogëlimin e inflamacionit të nyjeve, të cilat mund të shkaktojnë artrit dhe gjithashtu mund të çojnë në sëmundje të zemrës. Një studim i kryer nga Shkolla e Shëndetit Publik në Harvard tregon se gratë që hanë 16 ose më shumë luleshtrydhe në javë kanë 14 përqind më pak të ngjarë të kenë nivele të ngritura të proteinës C-reaktive (CRP) një tregues i inflamacionit në trup. Ndaj, konsumojini sa më shumë!

Shëndet

Vaksina kundër gripit sezonal, si të përgatiteni dhe kujdeseni pas saj?

Published

on

Ekspertët paralajmërojnë se koha më e mirë për të marrë vaksinën kundër gripit është në vjeshtë, para se të fillojë sezoni i viruseve, raporton EatingWell.

Mjeku Jonathan Yadlosky shpjegon se vaksina kundër gripit, me larjen e duarve, mbetet një nga mbrojtjet më të mira kundër sëmundjes.

Infermierja pediatrike Patricia Stinchfield rekomandon që të gjithë personat mbi 6 muaj të vaksinohen çdo vit, për të mbrojtur jo vetëm veten, por edhe familjen dhe komunitetin.

Përgatitja para vaksinës

Hidratohuni mirë: Pini më shumë ujë e ruani një dietë të balancuar. Hidratimi ndihmon trurin dhe trupin të reagojë më mirë ndaj vaksinës.

Ushqime anti-inflamatore: Frutat dhe perimet, peshku, arrat, drithërat e plota e fasulet ndihmojnë në forcimin e sistemit imunitar.

Vakte me ngjyra dhe të balancuara: Shtimi i frutave dhe perimeve sjell vitamina, minerale dhe antioksidantë që forcojnë imunitetin.

Ushqimi i lehtë dhe hidratimi: Mund të parandalojë rënien e fiktë që lidhet me ankthin para vaksinës.

Kujdesi pas vaksinës

Vazhdoni të pini ujë: Lëngjet ndihmojnë trupin të përpunojë vaksinën dhe mund të reduktojnë efektet si dhimbja e kokës.

Ushqime me probiotikë dhe prebiotikë: Kosi, kefiri dhe lakra turshi mbështesin shëndetin e zorrëve dhe efektin e vaksinës.

Ushqime të thjeshta në rast nauze: Oriz, makarona, banane ose avokado ndihmojnë në qetësimin e stomakut.

Ruani zakonet e shëndetshme: Ushqimi i pasur me lëndë ushqyese, gjumi dhe aktiviteti forcojnë imunitetin jo vetëm gjatë sezonit të gripit.

Vaksina e gripit është një mbrojtje e fortë, por jo një “armë magjike”. Manaker thekson se ushqimi i shëndetshëm, gjumi i mirë dhe aktiviteti fizik mbeten thelbësore për një imunitet të fortë, edhe pas vaksinës. /A.Z/UBT News/

Continue Reading

Shëndet

Kujdes! Këto janë ëmbëlsirat që dëmtojnë dhëmbët

Published

on

Për të kuptuar pse dëmtohen dhëmbët, duhet të dimë diçka më shumë mbi shëndetin oral.

Goja jonë është e mbushur me miliona baktere, disa prej të cilave ushqehen me sheqerna dhe karbohidrate të thjeshta, duke i shndërruar ato në acide që dobësojnë dhe dëmtojnë smaltin e dhëmbëve.

Dy lloje bakteresh janë kryesisht përgjegjëse për prishjen e dhëmbëve: Streptococcus mutans dhe Lactobacillus. Të dyja janë gjithashtu një pjesë e rëndësishme e pllakës dentare.

Si mund të mbrohemi nga prishja e dhëmbëve?

Edhe pse bakteret janë të pranishme në gojë, zakonet tona luajnë rol vendimtar. Studime të hershme në Suedi treguan se jo vetëm sasia e sheqerit, por sidomos frekuenca e konsumimit, ndikon në shfaqjen e kaviteteve.

Personat që konsumonin një sasi të madhe sheqeri një herë në ditë kishin më pak prishje sesa ata që hanin pak, por shpesh.

Fëmijët dhe të rriturit duhet të kufizojnë ëmbëlsirat në një rast në ditë pas një vakti, të lajnë dhëmbët për të hequr mbetjet e sheqerit.

Cilat ëmbëlsira dëmtojnë më shumë dhëmbët?

Lloji i ëmbëlsirës është po aq i rëndësishëm sa dhe sasia. Ëmbëlsirat ngjitëse – si karamelet, çamçakëzat me sheqer, biskotat, çokollatat apo akulloret janë më të dëmshme, sheqeri qëndron më gjatë në gojë. Kjo u jep baktereve kohë për të prodhuar acide që dëmtojnë smaltin.

Një përjashtim interesant është mjalti natyral pa sheqer të shtuar. Në të kaluarën ai konsiderohej i dëmshëm për dhëmbët, por sot dihet se, përveç vlerës ushqyese, mjalti ka edhe një efekt mbrojtës kundër kariesit. /A.Z/UBT News/

Continue Reading

Shëndet

Shtatori në tryezë, frutat dhe perimet që nuk duhen humbur

Published

on

Nuk është vetëm rrushi fruti karakteristik i këtij sezoni, edhe pse ai duket më i pranishmi në treg, falë prodhimit të bollshëm vendas.

Krahas tij, edhe frutat ekzotike – të cilat vijnë nga vende të tjera të afërta kanë pikërisht tani periudhën e tyre më të mirë.

Kivi, fiqtë e Indisë, kërpudhat, tartufi dhe shumë të tjera arrijnë cilësinë më të lartë në këtë muaj.

Nëse jeni lodhur nga shijet e verës, shtatori sjell freski të re për qiellzën. Ky është një nga muajt më të pasur të vitit në tryezë: nis me “fiqtë e dytë”, siç njihen ndryshe, dhe përfundon me frutat e pyllit, që janë vazhdim i prodhimeve të gushtit.

Mollët, hurmat dhe dardhat e varieteteve të ndryshme arrijnë pikën kulmore pikërisht në shtator, duke e bërë këtë periudhë kohën më të mirë për t’i shijuar.

Perimet

Për adhuruesit e tyre, rikthehen në sezon lulelakra dhe finoku – këtë herë në kohën e duhur të vitit. Në treg gjenden patatet, kungujt e mëdhenj të verdhë, brokoli dhe kërpudhat e freskëta, duke pasuruar më tej ofertën e stinës. /A.Z/UBT News/

Continue Reading

Shëndet

Sekreti i imunitetit të fortë në një gotë

Published

on

Kur afrohet stina e ftohtë, mënyrat natyrale për të forcuar imunitetin bëhen thelbësore. Kjo pije kombinon përbërës të pasur me vitamina, antioksidantë dhe veti natyrale antibakteriale.

Sipas hulumtimeve nga ekspertët, konsumi i rregullt i këtyre ushqimeve përmirëson rezistencën e trupit dhe rrit energjinë dhe vitalitetin.

Njerëzit që e përdorin çdo ditë vënë re një rrezik të reduktuar të sëmundjeve dhe një ndjenjë force dhe përqendrimi më të madh.

Pse këto përbërës forcojnë imunitetin?

Limoni është burim natyror i vitaminës C, e cila mbështet funksionin e qelizave të bardha të gjakut. Mjalti ka veti antibakteriale qetëson fytin, ndërsa xhenxhefili dhe shafrani i Indisë janë anti-inflamatorë dhe stimulojnë qarkullimin e gjakut.

Kombinimi i përbërësve krijon stimulues të fuqishëm natyror të sistemit imunitar. Përvoja tregon se njerëzit që e pinë këtë pije ndihen më pak të lodhur dhe janë më rezistentë ndaj viruseve sezonale.

Si ndikon pija në trup?

Kjo recetë natyrale e ndihmon trupin të luftojë viruset dhe infeksionet më shpejt. Pas disa ditësh përdorimi të rregullt, madje edhe pesë ditë, vihet re energji më e mirë, vitalitet më i qëndrueshëm dhe më pak ndjeshmëri ndaj të ftohtit.

Nutricionistët vërejnë se kjo është provuar të jetë efektive si masë parandaluese kundër sëmundjeve, pa përdorimin e preparateve sintetike.

Një recetë e thjeshtë për përgatitjen në shtëpi

Merrni lëngun e limonit, 1 lugë gjelle mjaltë, 1 cm xhenxhefil të freskët dhe një majë shafrani Indie. Përzieni në ujë të ngrohtë e pini një herë në ditë, në mëngjes me stomak bosh. Ky është ritual praktik, i shpejtë dhe efektiv që bën ndryshime në trup. /A.Z/UBT News/

Continue Reading

Të kërkuara