Lajmet

Haiti: Misionarët amerikanë rrëmbehen nga banda më e fuqishme e vendit

Kidnapimet janë rritur në Haiti këtë vit me një rritje gati 300% që nga korriku.

Published

4 years ago

October 18, 2021

UBT news

Një nga bandat më të fuqishme të Haitit besohet se qëndron pas rrëmbimit të 17 misionarëve amerikanë dhe kanadezë, kështu tha një burim në forcat e sigurisë të vendit të Karaibeve për CNN të dielën, transmeton UBT News.

Autoritetet besojnë se banda “400 Mawozo” rrëmbeu grupin, i cili përfshinte 16 amerikanë dhe 1 kanadez, pasi ata vizituan një jetimore në Croix des Bouquets, në Port-au-Prince.

Teksa po ktheheshin nga jetimorja, në veri të Port-au-Prince, anëtarët e bandës ndaluan automjetin nën kërcënimin e armëve.

Banda 400 Mawozo është rritur dhe është bërë më e fuqishme gjatë tre viteve të fundit, duke numëruar deri në 150 anëtarë dhe tani ka marrur kontrollin e Croix des Bouquets, tha burimi në forcat e sigurisë të Haitit.

Rrëmbimi për shpërblim është një veprimtari dalluese e bandës. Ata kanë rrëmbyer dhjetëra njerëz vetëm këtë vit, përfshirë shtetas të huaj.

Dikur famëkeq për vjedhjen e makinave, banda ka qenë e njohur për rrëmbime “kolektive” të grupeve të mëdha nga autobusët apo makinat, sipas Qendrës për Analizën dhe Kërkimin për të Drejtat e Njeriut (CARDH).

Anëtarët e bandës përfshihen në konfrontime të përditshme me policinë e vendit dhe madje taksojnë bizneset lokale.

Sipas CARDH, shumica e viktimave të bandës janë shtetas dhe kidnapimet janë rritur në vend këtë vit me një rritje gati 300% që nga korriku, përcjell UBT News.

Të paktën 628 rrëmbime janë kryer që nga janari, përfshirë 29 të huaj, sipas të dhënave të publikuara nga qendra. 400 Mawozo zakonisht ka kërkuar shpërblim prej rreth 20,000 dollarë, tha ai.

Ministritë e Ndihmës me bazë në Ohajo lëshoi një deklaratë të dielën duke konfirmuar rrëmbimin e misionarëve dhe thanë se grupi i rrëmbyer përbëhej nga pesë burra, shtatë gra dhe pesë fëmijë.

Zyrtarët Haitian janë në kontakt me Departamentin Amerikan për rrëmbimin, tha ministri i jashtëm i vendit, Claude Joseph.

Një zëdhënës i Departamentit Amerikan të Shtetit tha se ishte në dijeni të raporteve dhe se “mirëqenia dhe siguria e qytetarëve amerikanë jashtë vendit është një nga përparësitë më të larta të Departamentit të Shtetit”.

Sipas një zyrtari të lartë amerikan të njohur me situatën, FBI dhe zyrtarët e Departamentit të Shtetit nuk e dinë vendndodhjen aktuale të misionarëve të rrëmbyer.

“Zyrtarët kanadezë po punojnë gjithashtu me autoritetet lokale dhe “OJQ -të e implikuara” për të mbledhur informacion”, tha një zëdhënëse e Global Affairs Canada për CNN./UBTNews/

Lajmet

Ekstradohen nga Gjermania dhe Franca dy persona të kërkuar nga Kosova

Published

58 minutes ago

December 24, 2025

UBTnews

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Lajmet

Punëtorët e KEK-ut në protestë, kërkojnë rritje pagash

Published

1 hour ago

December 24, 2025

UBTnews

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Lajmet

Energjia gjatë sezonit të dimrit, KOSTT mban konferencë për media

Published

2 hours ago

December 24, 2025

UBTnews

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

2 hours ago

December 24, 2025

UBT News

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/