Magazinë

Hailey Bieber flet për martesën, mëmësinë dhe jetën në qendër të vëmendjes

Published

9 months ago

on

Modelja dhe themeluesja e markës Rhode, Hailey Bieber, ka folur hapur për përvojën e saj si nënë dhe bashkëshorte në botën e famës, në një intervistë të re për GQ.

Hailey, 28 vjeçe, dhe bashkëshorti i saj, Justin Bieber, 31 vjeç, janë përpjekur të ruajnë ekuilibrin mes jetës familjare dhe karrierave të tyre.

“Po i marrim gjërat me qetësi, pa u nxituar,” u shpreh ajo. “Të dy jemi shumë mbrojtës ndaj djalit tonë dhe kjo nuk do të ndryshojë kurrë. Jeta jonë është publike, ndaj do të përballemi me çdo gjë kur të vijë momenti.”

Çifti, që ka një djalë 15-muajsh e duket se ka gjetur mënyrën e duhur për të ndarë me publikun vetëm aq sa dëshirojnë nga jeta private.

“Jam shumë e qetë me mënyrën se si po e menaxhojmë këtë,” shtoi ajo, duke theksuar se Justin është mbështetësi më i madh, edhe në aspektin profesional:

“Burri im përdori produktet e Rhode që në fillim dhe i adhuron. Madje kam shumë miq meshkuj që janë po aq të fiksuar pas tyre.”

Hailey pranoi se ka ndihmë në kujdesin për djalin, diçka për të cilën nuk ndjen aspak ndrojtje: “Nuk do të mund të bëja gjithçka që bëj pa ndihmë, dhe jam shumë mirënjohëse për këtë.”

Sipas saj, sekreti i marrëdhënies është i thjeshtë: “Shumë dashuri, mbështetje dhe durim, pa presion e nxitim.” /A.Z/UBT News/

Related Topics:
Continue Reading

Lajmet

Influenceri meksikan vritet gjatë transmetimit live

Published

2 hours ago

on

August 5, 2026

By

Influenceri meksikan Cesar Gastelum, i ndjekur nga rreth 600 mijë persona në TikTok, është vrarë me armë zjarri teksa po transmetonte drejtpërdrejt pranë një restoranti në qytetin Culiacan, në veriperëndim të Meksikës.

Sipas mediave lokale, Gastelum ndodhej jashtë një lokali së bashku me disa miq, kur dy persona të maskuar, të cilët lëviznin me motoçikletë, iu afruan grupit. Në pamjet e transmetimit live shihet momenti kur njëri prej tyre nxjerr armën dhe qëllon disa herë ndaj influencerit nga një distancë shumë e afërt.

Gastelum humbi jetën në vendin e ngjarjes, ndërsa autorët u larguan menjëherë pas sulmit. Policia ka nisur hetimet për zbardhjen e rrethanave dhe identifikimin e tyre./A.K/

Continue Reading

Lajmet

Martin Garrix falënderon Kosovën pas performancës në kryeqytet

Published

2 hours ago

on

August 5, 2026

By

DJ-i i njohur ndërkombëtar Martin Garrix ka ndarë emocionet e tij pas një fundjave të ngarkuar me performanca në Ibiza, Finlandë dhe Kosovë.

Përmes një postimi në Instagram, Garrix falënderoi familjen Lipa për mikpritjen dhe kujdesin gjatë qëndrimit në Kosovë, ndërsa vlerësoi energjinë e publikut në të gjitha skenat ku performoi.

“Fundjavë e çmendur në Ibiza, Finlandë dhe Kosovë. Faleminderit familjes Lipa për kujdesin e jashtëzakonshëm dhe faleminderit për energjinë e çmendur në të gjitha koncertet”, shkroi ai, duke e shoqëruar postimin me flamujt e vendeve ku ishte i pranishëm.

Performanca e Garrix në Kosovë u bë pjesë e një fundjave të veçantë artistike, ku një prej emrave më të mëdhenj të muzikës elektronike botërore solli atmosferën e tij para publikut kosovar./A.K/

Continue Reading

Lajmet

Një pjesë e raketës “Falcon 9” e SpaceX përplaset në Hënë

Published

3 hours ago

on

August 5, 2026

By

Një pjesë rreth katër tonëshe e raketës “Falcon 9” të kompanisë SpaceX mendohet se është përplasur paqëllimshëm në sipërfaqen e Hënës.

Objekti, i cili ka qenë në hapësirë që nga viti i kaluar, u përplas me shpejtësi të madhe, por sipas NASA-s nuk paraqet asnjë rrezik për Tokën.

Bëhet fjalë për fazën e dytë të raketës “Falcon 9”, e cila u lansua në janar të vitit 2025 për një mision drejt Hënës. Ekspertët vlerësojnë se përplasja mund të ketë krijuar një krater rreth 18 metra të gjerë dhe katër metra të thellë.

NASA ka bërë të ditur se do të analizojë imazhet e sipërfaqes hënore para dhe pas goditjes, për të studiuar ndikimet e krijuara nga objektet artificiale në Hënë.

Zakonisht, pjesët e raketave pas përfundimit të misioneve kthehen në atmosferën e Tokës dhe digjen ose përfundojnë në oqeane. Megjithatë, në këtë rast, për shkak të energjisë më të madhe të nevojshme për misionin hënor, pjesa e raketës mbeti në hapësirë deri në përplasjen me Hënën./A.K/

Continue Reading

Lajmet

Street Party Prishtina rikthehet me edicionin e shtatë në zemër të kryeqytetit

Published

7 hours ago

on

August 5, 2026

By

Prishtina do të jetë sërish nikoqire e një prej ngjarjeve më të njohura verore urbane. Më 8 gusht rikthehet Street Party Prishtina, i cili këtë vit vjen me edicionin e shtatë dhe premton një ditë të mbushur me muzikë, argëtim dhe atmosferë festive.

Për plot 10 orë, nga ora 13:00 deri në 23:00, rruga “Fehmi Agani” – Kafet e Vogla do të shndërrohet në një hapësirë të hapur për performanca muzikore dhe aktivitete artistike, ku publiku do të ketë mundësi të shijojë interpretime nga artistë vendorë, rajonalë dhe ndërkombëtarë.

Në skenën e këtij edicioni do të performojnë Jetoni, Luk, Neritani, Adriani, Labaresha dhe Luna Skye, duke sjellë një program të larmishëm muzikor gjatë gjithë ditës.

Përveç muzikës, organizatorët kanë paralajmëruar edhe aktivitete kreative e artistike, me synimin që Street Party të mbetet një pikëtakim për të gjithë adhuruesit e kulturës urbane dhe jetës së natës në kryeqytet.

Hyrja në aktivitet është falas për të gjithë qytetarët.

Edicioni i sivjetmë organizohet nga NXT LVL Events & Entertainment, me mbështetjen e WinMusic Freedom dhe nën patronatin e Komunës së Prishtinës./A.K/

Continue Reading

Të kërkuara