Lajmet

Hafiz Ali Korça, kleriku dhe patrioti i madh shqiptar

Published

on

Në historinë e shqiptarëve, figura e Hafiz Ali Korçës përfaqëson një simbol të rrallë të dijes, përkushtimit dhe patriotizmit të pakompromis. Në çdo hap të jetës së tij, ai ndërthurte thellësinë shpirtërore me dashurinë për atdheun, duke e vendosur atë mbi çdo ndasi fetare apo ideologjike.

I lindur në vitin 1866 në qytetin e Korçës, Hafiz Ali Korça ishte biri i Iljas Efendiut, një familje që i dhuroi kombit një personalitet të ndritur. Studimet fillestare i kreu në vendlindje, ndërsa rrugëtimi i tij intelektual e çoi drejt Stambollit, ku përfundoi studimet e larta. Kthimi i tij në Korçë shënoi fillimin e një kontributi të vyer në arsimin shqip, duke u bërë pjesë e shkollës së parë shqipe, ku jepte gjuhën osmane, matematikën, shkrimin dhe drejtshkrimin turk.

Hafiz Ali Korça zotëronte një arsenal të pasur gjuhësor: arabisht, persisht, osmanisht dhe frëngjisht. Në vitin 1890, ai u emërua mësues në shkollën rushdije të Korçës dhe më pas kaloi në shkollën idadije, ku dha lëndë si gjeografia dhe matematika. Në vitin 1903, detyra e çoi në Anadoll, ku dha mësim në shkollën idadije të Spartës, duke shpalosur gjithnjë dije të pashtershme.

Në vitin 1908, Hafiz Ali Korça ishte pjesëmarrës i denjë i Kongresit të Manastirit, ku mbështeti mendimin e françeskanit Gjergj Fishta për alfabetin shqip. Po ashtu, në Kongresin e Dibrës më 1909, ai kontribuoi për çështjen kombëtare, duke dëshmuar përkushtimin e tij ndaj idealit të një Shqipërie të lirë dhe të bashkuar.

Përkrah personaliteteve më të shquara të kohës, Hafiz Ali Korça mbajti një fjalim në gjuhën frënge në nderim të ardhjes së Princ Vidit në Shqipëri më 1914. Në vitin 1916, ai drejtoi zyrën e arsimit për Tiranën, Durrësin dhe Shqipërinë e Mesme, duke u përpjekur të forcojë bazat e arsimit kombëtar.

Pas vitit 1924, Hafiz Ali Korça u emërua anëtar i Këshillit të Lartë të Sheriatit, ku vazhdoi të mbrojë interesat e kombit dhe të mbjellë frymën e harmonisë. Por, me ardhjen e regjimit komunist dhe vendosjen e diktaturës, qëndrimet e tij e bënë shënjestër të përndjekjes. Ai u burgos dhe u internua, duke kaluar vitet e fundit të jetës në vetmi, në qytetin e Kavajës.

Hafiz Ali Korça ndërroi jetë më 7 janar 1957, duke lënë pas një trashëgimi të pasur shpirtërore dhe patriotike që frymëzon brez pas brezi. Figura e Hafiz Ali Korçës mbetet një testament i gjallë i asaj se si dija, besimi dhe atdhedashuria mund të shërbejnë si ura për të ndërtuar një komb të fuqishëm dhe të bashkuar. Ai do të mbetet një shembull i rrallë i përkushtimit ndaj idealeve më të larta njerëzore dhe kombëtare./UBTNews/

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara