Sport

Habit Robertson, ëndërron të luajë për Celticun

Robertson ishte lojtar i akademisë së të rinjve të Celtic përpara se të largohej për në QPR në moshën 15-vjeçare

Published

3 years ago

on

Ylli i Liverpoolit, Andy Robertson ka pranuar se ka ëndërruar të luajë për Celtic që nga vitet e para të karrierës së tij si futbollist.

Robertson ishte lojtar i akademisë së të rinjve të Celtic përpara se të largohej për në QPR në moshën 15-vjeçare dhe është një tifoz i flaktë i gjigantit skocez.

Kur ishte i ri, ai ëndërronte të luante për Celtic gjatë viteve më të mira të karrierës së tij dhe pranon se ende mendon për atë ëndërr kur e shikon atë duke luajtur.

“Sa herë që shikoj Celtic, e konsideroj atë. Kur i shikon dhe sheh një ‘Celtic Park’ të mbushur plot… si tifoz e ke gjithmonë atë ëndërr. Natyrisht, unë dua ta përfundoj karrierën time këtu në Liverpool. Nëse mund të vazhdoj me paraqitje të mira, në maje gjatë gjithë karrierës sime, kjo është rruga që dua ta ndjek”, tha Robertson.

“Por gjithashtu, kur shikoja Celticun dhe kur u rrita, mendoja se doja t’i jepja atyre vitet e mia më të mira. Kur isha në Queen’s Park, kisha një ëndërr që të luaja ende me Celtic dhe gjithmonë ëndërroja t’i jepja vitet e mia më të mira për Celtic. Dhe tani nuk dua të shkoj si një lojtar 34 apo 35-vjeçar që dajat e mi fillojnë ta urrejnë sepse nuk mund të lëviz më! Koha do të tregojë. Unë jam një person që jetoj në këtë moment“, shtoi më tej ylli i Liverpoolit.

Robertson nuk u largua nga Celtic me zgjedhje, por u lirua për shkak të dobësive fizike që klubi ndjeu se kishte në atë kohë.

Related Topics:
Continue Reading

Sport

Nis gara për organizimin e Botërorit të Klubeve, FIFA shqyrton mundësinë për ta luajtur në dimër

Published

3 hours ago

on

July 1, 2025

By

FIFA po shqyrton mundësinë që edicioni i ardhshëm i FIFA Club World Cup të zhvillohet gjatë dimrit, një ndryshim që shkakton trazira në kalendarin e kampionateve europiane.

Katari, vendi që organizoi Kupën e Botës në 2022, ka shprehur interesin për të qenë nikoqiri i radhës së këtij turneu të zgjeruar, pas edicionit të parë këtë verë në SHBA. Për shkak të temperaturave gjatë verës në Katar, turneu duhet të mbahet në dhjetor, siç ndodhi edhe me Kupën e Botës në 2022.

Sipas raportimeve të The Guardian, përfaqësues të Katarit kanë zhvilluar bisedime me zyrtarët më të lartë të FIFA-s në SHBA për një mundësi ndryshimi të vendit të organizimit. Katar synon të organizojë këtë turne në dhjetor 2029.

Ky plan po ndeshet me kundërshtime të forta nga ligat evropiane, përfshirë Premier League, që paralajmërojnë ndërprerje të rëndësishme në sezon. Në 2022, zhvendosja e Kupës së Botës në dimër kishte detyruar ndalimin e kampionateve për më shumë se një muaj, një përvojë që ligat dëshirojnë ta shmangin.

Katar ofron ofertë të fortë duke pretenduar se mund të organizojë një Club World Cup me zero emetime karboni. Stadiumet e ndërtuara për Kupën e Botës janë ende të gatshme, gjë që do të ulë kostot dhe do të minimizojë udhëtimet për tifozët. Lojtarët janë ankuar për kushtet e motit gjatë turneut të fundit, me disa ndeshje të pezulluara për shkak të bubullimave e stuhive të verës në SHBA, përfshirë edhe ndeshjen Chelsea-Benfica që u ndërpre për dy orë.

Sindikatat e lojtarëve, si FifPro, kanë shprehur shqetësime për sigurinë e mirëqenien e sportistëve, ekspertët paralajmërojnë se situata e motit pritet të jetë sfiduese edhe në Kupën e Botës 2026 që zhvillohet në SHBA, Meksikë e Kanada.

Edhe Kupa e Botës 2034 në Arabinë Saudite të zhvendoset në dimër për shkak të kushteve klimatike.

Continue Reading

Sport

Messi drejt rikthimit në Barcelonë?

Published

4 hours ago

on

July 1, 2025

By

Kanë kaluar katër vite që kur Lionel Messi u largua nga Barcelona, por fansat ende ëndërrojnë rikthimin e legjendës argjentinase te klubi i zemrës së tij.

Në moshën 38-vjeçe, Messi luan në MLS me Inter Miami, ku kontrata e tij zgjat deri më 31 dhjetor 2025, spekulimet për një rikthim të mundshëm te Barcelona janë rikthyer fuqishëm në media.

Sipas gazetarit Esteban Edul nga ESPN Argentina, Messi po konsideron të lërë MLS-në rreth gjashtë muaj përpara FIFA Botërorit 2026, me synimin për të luajtur në një ligë më konkurruese dhe për t’u përgatitur më mirë për turneun.

Bisedimet për rinovimin e kontratës me Inter Miami janë pezulluar, duke lënë të hapur mundësinë e largimit në dritaren e transferimeve dimërore. Messi u shpall kampion bote me Argjentinën në Botërorin 2022 në Katar dhe do të hyjë në Botërorin 2026 si kampion në fuqi, me shpresën për të mbrojtur titullin.

Nëse vendos të largohet nga MLS, lidhjet për rikthimin në Barcelonë do të rifillojnë, siç ndodhi edhe kur u largua nga PSG në 2023.

Raportime të fundit sugjerojnë se marrëdhënia e prishur me bordin drejtues të Barcelonës, nën presidencën e Joan Laportas, e bën një rikthim të vështirë.

Gazetari Guillem Balague, i afërt me kampin e Messit, deklaroi në shkurt se ish-kapiteni i Barcelonës nuk do ta konsideronte kthimin te klubi për aq kohë sa Laporta do të jetë president. Me gjashtë muaj të mbetur deri në fund të kontratës me Inter Miami, mbetet për t’u parë nëse Barcelona do të përpiqet të zbusë marrëdhëniet dhe t’i japë mundësinë yllit të tyre të madh të bëjë një rikthim madhështor.

 

 

Continue Reading

Sport

Jashari e do vetëm Milanin, ky i fundit e ka “fatin” e tij në dorë

Published

6 hours ago

on

July 1, 2025

By

Milani e ka vënë në shënjestër Ardon Jasharin për repartin e mesfushës: lojtari i lindur në vitin 2002 shihet si përforcimi ideal për mesfushën e re që do t’i vihet në dispozicion trajnerit Allegri.

Negociatat me Club Brugge – siç ka treguar edhe rasti i Charles De Kaetelare – nuk janë të lehta: ende nuk ka një marrëveshje mes dy klubeve.

Megjithëse ka interes nga klube të tjera evropiane, qëndrimi i lojtarit është i qartë: ai dëshiron Milanin.

Gazetari dhe eksperti i transferimeve, Fabrizio Romano komentoi këtë çështje në platformën “X”:

“Sipas informacioneve, Ardon Jashari nuk po negocion me klube të tjera në këtë fazë: ai dëshiron t’i bashkohet Milanit. Ka marrë vendimin dhe është i bindur se Milani është destinacioni ideal për të ardhmen. Oferta aktuale është rreth 30 milionë euro plus bonuse, por nuk mjafton pasi Club Brugge kërkon më shumë. Tani është në dorë të klubit.”

Ardon Jashari u transferua te Club Brugge verën e kaluar për shumën e gjashtë milionë eurove nga Luzerni.

Vetëm në vitin e tij të parë në Belgjikë, Jashari fitoi dy çmime: “Lojtari i Ri më i Mirë i Sezonit” dhe “Lojtari më i Mirë i Sezonit”.

 

Continue Reading

Sport

Donis Avdijaj bëhet me ekip të ri

Published

21 hours ago

on

June 30, 2025

By

Donis Avdijaj është bërë me ekip të ri.

Futbollisti kosovar është transferuar tek ekipi Wolfsberger AC.

Klubi austriak e ka bërë publik lajmin përmes faqes së vetë zyrtare në rrjetet sociale, përcjell “Gazeta Express”.

“RZ Pellets WAC e ka transferuar ish-lojtarin e Hartberg, Donis Avdijaj, si transferim i lirë. Avdijaj, i cili do ta veshë fanellën me numër 10 në Lavanttal, tani do të jetë në kërkim të golave për ekipin tonë. Mirë se vjen në Wolfpack, Donis”, shkroi klubi austriak.

Continue Reading

Të kërkuara