Lajmet

Guximi për të mbetur vetvetja

Sepse në kaosin dhe çrregullimin e përditshmërisë, të mbetesh me integritet do të thotë të bësh një betejë për t’u zhvilluar vetëm. Por ja vlen

Published

5 years ago

on

Duhet guxim të kesh besim te vetja, veçanërisht në një kohë ku paraqitja ka më shumë rëndësi sesa të qenit, veçanërisht në një botë ku vuajtjet enden dhe urrejtja ngatërron mendjet e të gjithëve. Të dorëzohesh është e lehtë. Shumë e lehtë. Sepse në kaosin dhe çrregullimin e ditëve, qëndrimi me integritet, duket se është një betejë që duhet zhvilluar vetëm, e cila çon në mënyrë të pashmangshme në humbje. Dhe disa mendojnë, nëse ia vlen.

Përkundrazi, në vend të kësaj, do të ishte e thjeshtë të bëhesh e ngjashme me të gjithë të tjerët, t’i nënshtrohesh presionit, të ndjekësh turmën. Nuk do të kishte gjykime apo kritika kundër nesh sepse ai profil i ulët do të ishte garancia jonë për mbijetesë. Por a është kjo vërtet ajo që duam? Të jesh vetëm një nga shumë modelet e para-paketuara të ofruara nga shoqëria, nga kushtëzimi dhe pritshmëritë e të tjerëve?

Jo, ne nuk e duam atë. Por të ndjekësh një rrugë vetëm dhe me kokën lart është e vështirë. Eshtë për ndërhyrjet e vazhdueshme, është për shikimin e atyre që na gjykojnë dhe atyre që nuk besojnë tek ne, është për gjithçka që na rrethon, për urrejtjen, zemërimin dhe vuajtjet e të tjerëve që nuk mund t’i injorojmë. E njëjta gjë që rezulton nga zgjedhja për të mos jetuar në mënyrën që vërtet do të dëshironin.

Dhe mbase është pikërisht për të gjitha këto që ne duhet të kemi guximin dhe forcën për të mbetur vetvetja. Edhe nëse kjo do të thotë të bëhesh ndryshe, e margjinalizuar, e kritikuar. Sepse vetëm në këtë mënyrë mund të ruajmë individualitetin tonë të papërsosur, unik.

Le ta ndjekim atë rrugë, edhe nëse na largon nga turma. Nga gjithçka, nga të gjithë. Le të mos manipulohemi nga ata që besojnë se mund ta bëjnë, le të mos mposhtemi nga dyshimet që përpiqen të na zvarriten në kokë. Le të mos dorëzohemi përballë dhimbjes, vuajtjes ose zemërimit të të tjerëve që shpërthejnë, kur e kuptojnë se u ka ikur koha dhe se të gjithë kohën që ka kaluar, nuk do ta kthejnë kurrë.

Le të vazhdojmë udhëtimin tonë me vendosmëri, forcë dhe këmbëngulje pavarësisht pengesave. Të vazhdojmë me guxim, që të mos ndikohemi nga ajo që na rrethon dhe të ecim përpara. Sot, nesër dhe gjithmonë.

Related Topics:
Continue Reading

Lajmet

Prizren: Humb jetën një punëtor pasi u zu nga vinçi i rrëzuar në vendin e punës

Published

3 minutes ago

on

June 22, 2026

By

Një punëtor ka humbur jetën paraditen e së hënës në Prizren, pasi është zënë nga një vinç që u rrëzua në një punishte.

Ngjarja ka ndodhur në lagjen Arbana, ku sipas informacioneve fillestare, vinçi është rrëzuar gjatë punës, duke lënë të bllokuar një punëtor.

Pas incidentit, kolegët e viktimës kanë tentuar ta nxjerrin atë nga vendi ku ishte zënë, por fatkeqësisht ai nuk ka arritur t’u mbijetojë plagëve të marra.

Indeksonline ka siguruar pamje nga vendi i ngjarjes, ku shihen momentet pas rrëzimit të vinçit dhe përpjekjet e punëtorëve për të shpëtuar kolegun e tyre.

Autoritetet kanë dalë në vendin e ngjarjes dhe pritet të sqarojnë rrethanat e plota të aksidentit./Indeks online/ /E.A/

Continue Reading

Lajmet

Prishtinë: Policia realizon 134 urdhëresa gjykate dhe sekuestron armë gjatë javës së kaluar

Published

2 hours ago

on

June 22, 2026

By

Zyrtarët policorë të rajonit të Prishtinës kanë vazhduar aktivitetet e tyre gjatë javës së kaluar në lokacione të ndryshme dhe aksione të ndara operative.

Sipas të dhënave zyrtare, janë realizuar gjithsej 134 urdhëresa të gjykatës, prej të cilave 35 kanë të bëjnë me vepra penale, ndërsa pjesa tjetër me kundërvajtje, seanca gjyqësore dhe verifikime të ndryshme.

Pas përfundimit të procedurave policore, personat e dënuar me burgim janë dërguar për vuajtje të dënimit, ndërsa ata të dënuar me gjobë janë liruar pas përmbushjes së obligimeve të përcaktuara në urdhëresa.

Në kuadër të aktiviteteve të tjera të sigurisë, policia ka sekuestruar 10 armë zjarri të llojeve dhe kalibrave të ndryshëm, si dhe sasi të municionit.

Ndërkohë, në fushën e sigurisë në trafikun rrugor, janë shqiptuar gjithsej 3,814 masa administrative me gjobë për shkelje të ndryshme të kodit rrugor, prej të cilave 567 janë evidentuar nga vetura inteligjente dhe radarët mobilë.

/A.K/

Continue Reading

Lajmet

Apel për qytetarët në Pejë: Kujdes i shtuar ndaj zjarreve gjatë temperaturave të larta

Published

2 hours ago

on

June 22, 2026

By

Policia e Kosovës u bën apel qytetarëve në rajonin e Pejës që të tregojnë kujdes të shtuar gjatë ditëve me temperatura të larta, për shkak të rrezikut të shtuar nga zjarret.

Duke u bazuar në përvojat e viteve të kaluara, Policia thekson se zjarret paraqesin rrezik serioz për jetën e qytetarëve dhe shkaktojnë dëme të mëdha materiale kudo që shfaqen.

Qytetarët kërkohet të shmangin ndezjen e zjarreve në ambiente të hapura dhe të raportojnë menjëherë tek autoritetet çdo person të dyshuar për zjarrvënie apo veprime të pakujdesshme që mund të shkaktojnë zjarr.

Po ashtu, Policia e Kosovës paralajmëron se do të ndërmarrë masa ligjore ndaj çdo individi që rrezikon jetën apo pronën e qytetarëve, qoftë me dashje apo nga pakujdesia.

Apeli u drejtohet të gjithë qytetarëve që të jenë maksimalisht të kujdesshëm gjatë përdorimit të mjeteve që mund të shkaktojnë zjarr, si shkrepëset, cigaret, grillat dhe zjarret në natyrë.

/A.K/

Continue Reading

Lajmet

PDK dorëzon dy ankesa në PZAP, KQZ në pritje të vendimit për rezultatet përfundimtare

Published

3 hours ago

on

June 22, 2026

By

Komisioni Qendror i Zgjedhjeve është në pritje të përfundimit të shqyrtimit të ankesave lidhur me procesin zgjedhor, para se të shpallë rezultatet përfundimtare të zgjedhjeve të parakohshme për Kuvendin e Kosovës.

Zëdhënësi i KQZ-së, Valmir Elezi, ka deklaruar se shpallja e rezultateve varet nga përmbyllja e procedurave ankimore dhe vendimet që do të merren nga institucionet përkatëse.

Ai theksoi se pas këtyre vendimeve do të vlerësohet nëse ato përmbajnë obligime konkrete për KQZ-në.

Dy ankesa lidhur me procesin e rinumërimit janë dorëzuar në Panelin Zgjedhor për Ankesa dhe Parashtresa (PZAP), pas përfundimit të afatit 48-orësh të ankimimit të dielën në mesditë.

PZAP ka afat prej tre ditësh për të vendosur lidhur me këto ankesa, të cilat janë paraqitur nga Partia Demokratike e Kosovës (PDK), njëra të premten dhe tjetra të shtunën.

/A.K/

Continue Reading

Të kërkuara