Sport

Gundogan i interesuar për transferim te Barcelona

Publikuar

Mesfushori i Manchester City, Ilkay Gundogan mund të jetë duke pritur një lëvizje të madhe gjatë verës te gjiganti katalunas, Barcelona.

Klubi nga Camp Nou është i interesuar të përforcohet edhe më shumë këtë verë, pas një sezoni të dështuar.

Sergio Aguero, Eric Garcia dhe Emerson Royal janë emrat e transferuar deri më tani nga Barcelona, por këta nuk pritet të jenë të fundit.

Drejtuesit e klubit blaugrana tashmë kanë etiketuar edhe disa emra tjetër të njohur dhe njëri nga ta është edhe ylli i Cityt, Gundogan.

Gjermani shijoi një sezon fantastik për Cityn, shpesh duke luajtur si një nëntë i rremë dhe duke siguruar shumë gola dhe asistime për skuadrën.

Sipas mediumit The Sun, Gundogan do të presë për të parë nëse Barcelona forcon interesin për të para se ai të vendosë të ardhmen e tij.

30-vjeçari ka edhe dy vjet në kontratën e tij në City, por do të pëlqente një transferim te Barça.

Gundogan është shumë i lumtur në City, por ai është gjithashtu një tifoz i Barcelonës dhe do të dëshironte të luante me një yll si Lionel Messi.

Lajmet

UEFA u ka kërkuar lojtarëve të Euro 2020 të mos heqin pijet e sponzorëve

Publikuar

nga

Cristiano Ronaldo filloi trendin të hënën në një konferencë për shtyp para-lojës duke larguar dy shishe të Coca-Cola-s.

Cristiano Ronaldo duke larguar shishet sponzorizuese të Cola-Cola-s.

Duke reaguar ndaj kësaj, UEFA u ka kërkuar lojtarëve në 24 skuadrat të ndalojnë heqjen e pijeve sponsorizuese të vendosura strategjikisht nga platformat në konferencat për shtyp.

Ronaldo, Paul Pogba dhe Manuel Locatelli hoqën shishet e sponzorëve nga pamja e kamerave kur zënë vendet e tyre në konferencat për media këtë javë.

Drejtori i turneut të Euro 2020, Martin Kallen tha se UEFA ka “komunikuar me ekipet në lidhje me këtë çështje”.

Manuel Locatelli duke larguar shishet sponzorizuese të Coca-Cola-s.

“Sepse është e rëndësishme pasiqë të ardhurat e sponsorëve janë të rëndësishme për turneun dhe futbollin evropian”, tha ai.

Pogba, i cili është musliman dhe nuk pi alkool, kundërshtoi shishen e gjelbër të sponsorit zyrtar të birrës Euro 2020 Heineken.

Pogba ishte në dhomën e intervistës pasi u emërua lojtari më i mirë në fitoren 1-0 të Francës ndaj Gjermanisë të martën. Çmimet e lojtarëve sponsorizohen nga kompania e birrës.

Një rënie në çmimin e aksioneve të Coca-Cola këtë javë iu atribua veprimit të Ronaldos fillimisht, por ende nuk ka prova se ishte ndikimi i tij në pyetje.

Kjo e bëri UEFA-në të iu kujtojë lojëtarëve se duhet të respektojnë sponsorët dhe kontributet që ata japin në futbollin evropian.

Menaxherët e medias në secilin nga 11 stadiumet në të gjithë Evropën duhet të ndihmojnë gjithashtu në heqjen e shisheve të birrës përpara mbërritjes së ndonjë lojtari musliman.

Coca-Cola dhe Heineken janë ndër 12 sponsorët e nivelit më të lartë për Euro 2020 që kontribuojnë në të ardhurat totale të turneut të UEFA-s prej gati 2 miliardë eurosh (2.4 miliardë dollarë).

Lojtarët gjithashtu indirekt marrin para nga të ardhurat komerciale të Euro 2020 përmes federatave dhe klubeve të tyre kombëtare.
(Përktheu dhe përshtati UBTNews)

Vazhdo të lexosh

Sport

Nëna e Ronaldos flet për të ardhmen e yllit portugez

Publikuar

nga

Nëna e Cristiano Ronaldos, Maria Dolores beson se djali i saj mund të luajë në nivelin më të lartë të futbollit edhe për disa vite të tjera.

Ronaldo aktualisht është me kombëtaren portugeze në Euro 2020 dhe ka shënuar dy herë në fitoren e tyre në ndeshje e parë të grupeve ndaj Hungarisë.

Megjithatë, thashethemet kanë sugjeruar që Ronaldo mund të kërkojë të largohet nga Juventusi këtë verë pas përfundimit të Euro 2020.

Për të ardhmen e sulmuesit portugez është pyetur edhe nëna e Ronaldos, Mario Dolerers, e cila nuk ka hezituar t’i përgjigjet mediave italiane.

“Cristiano është në gjendje të mirë, ai do të luajë edhe tre vjet të tjera”, ka thënë Dolores për gazetën italiane Gazzetta dello Sport.

Ndryshe, Ronaldo është lidhur me një kthim të mundshëm në Manchester United ose Real Madrid, ndërsa Paris Saint-Germain është gjithashtu në garë për nënshkrimin e tij.

Vazhdo të lexosh

Sport

Koeman: Messi duhet ta përfundojë karrierën e tij te Barcelona

Publikuar

nga

Ronald Koeman ka thënë se Lionel Messi duhet ta përfundojë karrierën e tij te Barcelona dhe holandezi pret që së shpejti të konfirmohet zgjatja e kontratës për argjentinasin.

Gjashtë herë fituesi i Topit të Artë ende nuk ka marrë një vendim zyrtar për të ardhmen e tij, me 33-vjeçarin që po shkon drejt fundit të kontratës në Camp Nou.

Sidoqoftë, pritja është që ai të zgjasë karrierën edhe më tutje me klubin e madh nga La Liga, me kushtet e reja të kontratës që thuhet se janë në tavolinë dhe të gatshme për t’u nënshkruar.

Trajneri Koeman është i fundit që ka folur për sagën e rinovimit të kontratës së argjentinasit, ku ai pret që Messi shumë shpejtë të nënshkruaj rinovimin.

“Messi duhet ta përfundojë karrierën e tij te Barcelona, ​​kështu që unë shpresoj që ta bëjmë atë zyrtar së shpejti”, ka thënë Koeman për gazetën Sport.

Ndryshe, për rinovimin e Messit ka folur para disa ditësh edhe presidenti Joan Laporta, i cili fajin ia ka lënë Fair Play Financiarit për vonesën e rinovimit të kontratës.

Vazhdo të lexosh

Sport

Pensionohet basketbollisti Edmond Azemi

Publikuar

nga

Basketbollisti Edmon Azemi është pensionuar nga basketbolli. Pensionimi i tij u bë i ditur nëpërmjet një konferencë të përbashkët të Azemit dhe Klubit të Basketbollit, Sigal Prishtina.

Klubi nga kryeqyteti Sigal Prishtina në një konferencë për media ka njoftuar që ylli i Edmond Azemi nuk do të jetë më pjesë e klubit.

Azemi pas një karriere të bujshme tek “Sigal” Prishtina, respektivisht pas 36 trofeve të fituara, sot konfirmoi pensionimin e tij si basketbollist profesionist.

Të pranishëm në këtë konferencë janë legjenda e basketbollit, Ferid Zekolli, kryetari i klubit basketbollistik, Sigal Prishtina, Burim Maraj, nënkryetari i klubit, Shkumbin Jakupi dhe tifo-grupi “Plisat”.

Vazhdo të lexosh

Të kërkuara